ەەڭ جاڭا مازمۇندار
2020-جىلى 7-ايدىڭ 3-كۇنى 137-سان
جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ، تياناقتاندىرىپ، پارتيانى ۇزدىكسىز اناعۇرلىم بەرىك، پارمەندى ەتىپ قۇرىپ شىعايىق
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا سويلەنگەن ءسوز
حالىقتى ماڭگى ەڭ جوعارى ورىنعا قويايىق
گۇلدەنۋ مۇراتىن شىڭداپ، قالتقىسىز ادالدىقتى ماڭگى ساقتايىق
2019-جىلعى جۇڭگو كوممۋنيستىك پارتياسىنىڭ پارتيا ىشىندەگى ساناق مازمۇنداماسى
جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ،تياناقتاندىرىپ، پارتيانى شىن مانىندە اناعۇرلىم بەرىك،پارمەندى ەتىپ قۇرىپ شىعۋ كەرەك
ايماقتىق پارتكوم كەڭسەسى پارتيا باس ياچەيكاسى،اكىمشىلىك مەكەمەسى كەڭسەسى پارتيا باس ياچەيكاسى «1-شىلدە» بايلانىسىمەن مەملەكەت تۋىن شىعارۋ سالتىن وتكىزدى
پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسەمىز
پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسەمىز
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
اۋلا شارۋاشىلىعىن دامىتۋ،كەشكى بازار ەكونوميكاسىنىڭ ومىرشەڭدىك كۇشىن قاۋلاتۋ،نان كاسىبىنىڭ اناعۇرلىم جاقسى،اناعۇرلىم تەز دامۋىن كۇش سالا ىلگەرىلەتۋ كەرەك
2020-جىلى 7-ايدىڭ 2-كۇنى 136-سان
كاسىپ قۇرىلىمىن رەتتەپ،كىرىستىڭ ارتۋىن جەبەدى
تارباعاتاي كاسىپتىك تەحنيكا شۋەيۋانى ۆيۋەسكا ءىلدى
شينجياڭ جۇڭتاي توبى ۋاكىلدەر ۇيىرمەسى ايماعىمىزدا تەكسەرۋ جۇرگىزدى
ايماق ورگاندار پارتيا قۇرىلىسى قىزمەتى ءماجىلىسىن اشتى
ءدوربىلجىن اۋدانىنداعى قىستاق تۇرعىندارى شارۋاشىلىق قۇرۋ،جۇمىستانۋ جاعىندا كوپ تيىمدىلىككە كەنەلدى
جۇمىستانۋعا تاربيەلەۋ تەحنيكالىق شەبەرلىكتى جوعارىلاتتى
جەردى قورعاۋ ورتاق جاۋاپكەرشىلىگىمىز
شاعانتوعاي 3900 اۋىل-قىستاق تازالىق دارەتحاناسىن سالىپ،قونىس ورتاسىن جاقسارتپاقشى
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
2020-جىلى 7-ايدىڭ 1-كۇنى 135-سان
پارتيانىڭ مەيىرىن جىرلاپ،اۋەلگى ماقساتتان اينىمادى
شي جينپيڭ تاسقىننان ساقتانۋ،اپاتتان قۇتقارۋ قىزمەتى جونىندە ماڭىزدى نۇسقاۋ بەردى
قول ۇستاسا وتىرىپ ۇكىمەت،بانكە،كاسىپورىن سەلبەستىگىنىڭ ۇلگىسىن قالىپتاستىرىپ،سەلبەستىك ورناتىپ،ءوزارا پايدا جەتكىزىپ،تەڭ يگىلىككە كەنەلۋدىڭ جاڭا پاراعىن بىرگە جازۋعا كىرىستى
پارتيالى كادرلار قىستاق تۇرعىندارىنىڭ ماقسارى گۇلىن تەرۋىنە كومەكتەستى
بوس تۇرعان اۋلا كىرىس باقشاسىنا اينالدى
پارتيا مۇشەلەرى مەن كادرلار ۇزدىكتەردەن ۇيرەنىپ، ىشكى قوزعاۋشى كۇشتى تاسقىنداتتى
پانجياجۋاڭ قىستاعى ۇشقىشسىز ۇشاقپەن ءدارى شاشىپ،ەڭبەككۇش پەن ۋاقىتتى ۇنەمدەدى

اۋقاتتانۋ جولىنا باستاعان ازامات

جولدانعان ۋاقىتى : 2020/6/5 13:37:18

___ شاۋەشەك قالاسى قاراقاباق اۋىلى باس ەگىمشىلىك-باعىمشىلىق كاسىپتىك سەلبەستىك كووپەراتيۆىنىڭ القا باستىعى نۇرلان نىعىمەت جايلى
   ءتىلشىمىز داي جياۋمەي

  جۋىقتا شاۋەشەك قالاسى قاراقاباق اۋىلى باس ەگىمشىلىك-باعىمشىلىق كاسىپتىك سەلبەستىك كووپەراتيۆىنىڭ القا باستىعى نۇرلان نىعىمەتپەن حابارلاسقاندا قىستاق تۇرعىندارىنىڭ    كىرىستەرىن ارتتىرۋىنا جول اشۋ  ءۇشىن،التاي ايماعىندا تەكسەرۋدە ءجۇر ەكەن. نۇرلان باسبوزداق قىستاعىندا تۋىپ وسكەن،بيىل 53 جاستا. ول قىستاق تۇرعىندارىنىڭ نازارىندا   اقكوڭىل ازامات ءارى اۋقاتتانۋ جولىنا باستاۋدىڭ «سەركەسى» ەكەن.

  بار ىنتا-پەيىلىن حالىققا ارنادى

   2004-جىلدان 2014-جىلعا دەيىن نۇرلان ىلگەرىندى-كەيىندى باسبوزداق قىستاعى كوميتەتىنىڭ  مەڭگەرۋشىسى،پارتيا ياچەيكاسىنىڭ شۋجيى،قاراقاباق اۋىلدىق اۋىل شارۋاشىلىق ەكونوميكاسىن باسقارۋ پۋنكتىنىڭ باستىعى سىندى مىندەتتەردى وتەدى. 2018-جىلى 1-ايدا باس ەگىمشىلىك-باعىمشىلىق كاسىپتىك سەلبەستىك كووپەراتيۆىنىڭ القا   باستىعىندىق مىندەتىن ۇستىنە الادى.

  نۇرلاننىڭ سەلبەستىك كووپەراتيۆىنىڭ القا باستىعىندىق مىندەتىن وتەگەن وسى جىلدارداعى ەڭبەگى جونىندە قىستاق پارتيا ياچەيكاسىنىڭ شۋجيى رۇڭ شين بىلايشا ءسوز تيەگىن اعىتتى.

  رۇڭ شين: «باسبوزداق قىستاعى كەدەي قىستاق،قىستاق تۇرعىندارىن ەرتەرەك كەدەيلىكتەن ارىلتۋ ءۇشىن، قىستاق ‹ەكى كوميتەتى› مەن قىستاقتا تۇراتىن قىزمەت اترەتى ايماقتىق پارتكوم مەن اكىمشىلىك مەكەمەسىنىڭ ‹ءبىر قىستاقتا ءبىر كووپەراتيۆ بولۋ› تالابى بويىنشا باس ەگىمشىلىك-  باعىمشىلىق كاسىپتىك سەلبەستىك  كووپەراتيۆىن قۇردى» دەدى.

  سەلبەستىك كووپەراتيۆى قۇرىلعاننان كەيىن باسقاراتىن القا باستىعىنا قوياتىن ادامنىڭ ىڭعايى بولمايدى،قىستاق كادرلارى،قىزمەت اترەتىنىڭ باستىعى، قىستاق تۇرعىندارى بۇل جاعىندا   تاجىريبەسىز بولعاندىقتان،ءتۇرلى ىستەردە تىعىرىققا تىرەلەدى دە كوپشىلىك وي ەلەگىنەن وتكىزىپ بۇل مىندەتكە نۇرلاندى لايىق كورەدى. دەموكراتيالىق سايلام ارقىلى نۇرلان مىندەتكە تاعايىندالادى.

  رۇڭ شين: «نۇرلان تالاي جىل قىستاق كادرى بولعان. قىستاق   تۇرعىندارىمەن ەتەنە بولىپ،كەزىندە  ولارعا كومەكتەسىپ،كوپتەگەن     قيىنشىلىقتارىن شەشىم ەتىپ بەرگەن،  كوپشىلىك ونىڭ ەڭبەگىن شىنايى  مويىندايدى» دەدى.

 نۇرلان: «القا باستىعى بولىپ تاعايىندالعاننان كەيىن قىسىم وڭاي بولمادى،سەلبەستىك كووپەراتيۆىن  قالىپتى جۇرگىزە الامىن با،جوق پا؟ قىستاق تۇرعىندارى سەلبەستىك كووپەراتيۆكە جەرىن جارنا رەتىندە قوسۋعا ماقۇل بولا ما، جوق پا؟دەگەن سياقتى سۇراقتار ءجيى مازالادى» دەدى. قات-قابات قيىنشىلىقتار كوز الدىندا تۇرسادا ول بۇل مىندەتتى اقىرى ۇستىنە   الادى.

  نۇرلاننىڭ كوكەيىندەگى سۇراقتارعا قىستاق تۇرعىندارى دا الاڭداۋلى ەدى.

  جەرلەرىن سەلبەستىك كووپەراتيۆكە وتكىزىپ بەرگەننەن كەيىن جىل  سوڭىندا تابىس بولىسىنە يە بولا الامىز با،جوق پا؟دەگەن ماسەلەگە قاراتا قىستاق تۇرعىندارىن الاڭسىز ەتۋ  ءۇشىن،نۇرلان وتباسىلارىن ارالاپ، يدەيالىق قىزمەت ىستەپ،قىستاق تۇرعىندارىنا ۋادە بەرەدى.

  ءۇمىتقان ساعاتبەك قىستاقتاعى ارحيۆ تۇرعىزىلىپ،كارتچكالاندىرىلعان كەدەي تۇرعىن،ول جەرىن الدەقاشان    كوتەرمەگە بەرىپ جىبەرگەن ەدى.

  ءۇمىتقان: «جەردى كوتەرمەگە بەرۋ اقىسى الدىن الا بەرىلەدى،مەنى    الاڭسىز ەتۋ ءۇشىن،نۇرلان ۇيگە كەلىپ،يدەيالىق قىزمەت ىستەپ،  اراداعى مۇددە قاتىناسىن ءتۇسىندىردى،اۋەلى جىل سوڭىندا كىرىس  بولماسادا،اقشامدى تولىقتاپ      بەرەتىندىگىن ايتتى» دەدى.

  نۇرلاننىڭ شىن نيەتى قىستاق  تۇرعىندارىن اسەرلەندىردى،قىستاقتاعى 45 كەدەي وتباسىن قامتىعان 73 وتباسى جەرىن سەلبەستىك      كووپەراتيۆكە جارنا رەتىندە قوسىپ،مەجەمەن جۇيەلى اينالىمعا بەرىلگەن جەر كولەمى 7555 مۋعا جەتكەن. 

   توككەن تەرىنىڭ بوداۋىن كورە باستادى

   نۇرلان سەلبەستىك كووپەراتيۆىنىڭ جۇمىسىنا العاش كىرىسكەن كەزدە  تاجىريبەسىز ەدى. قىستاق تۇرعىندارى بار ءۇمىتتى نۇرلانعا ارتقاننان كەيىن سالماق نۇرلانعا ءتۇستى.

  الاڭداعان ءىسى الدىنان شىقتى، ويلاماعان جەردەن العاشقى جىلدىڭ كوكتەمىندە ول قيىنشىلىققا تاپ بولدى. سەلبەستىك كووپەراتيۆتە تۇقىم     ءسىڭىرۋ ماشيناسى جوق بولاتىن،قىستاقتاعى اۋىل شارۋاشىلىق ماشيناسىن جۇرگىزەتىن وتباسىلار سەلبەستىك كووپەراتيۆتىڭ تۇقىم ءسىڭىرۋ قاراجاتىن تولەي الماۋىنان الاڭداپ،   سەلبەستىك كووپەراتيۆىنىڭ جۇگەرى  تۇقىمىن سىڭىرۋدەن باس تارتتى.  ءتىپتى،نۇرلانمەن جايشىلىقتا جاقىن وتەتىن دوستارى دا ات تونىن الا قاشتى.

  اۋىل شارۋاشىلىق ماشيناسىن  جۇرگىزەتىن وتباسىلاردىڭ بارلىعى     «كومەكتەسپەيىك دەمەيمىز،ءبىراق سەلبەستىك كووپەراتيۆ جالعىز سەنىكى ەمەس،جۇمىس اياقتالعان كەزدە تۇقىم ءسىڭىرۋ اقىسىن كىمنەن الامىز،ءبىر سەنىڭ ايتقانىڭ ەسەپ بولا ما» دەپ الاڭدادى.

  نۇرلان ادال نيەتىمەن قانشا اقىل ايتسادا،اۋىل شارۋاشىلىق ماشيناسىن جۇرگىزەتىن وتباسىلاردا الاڭداۋشىلىق بولدى. تۇقىم ءسىڭىرۋ ماشيناسى  تابىلمادى. قاتتى ساسقالاقتاعان ول تۇندە ۇيقى،كۇندىز كۇلكىدەن    ايىرىلدى،ەرىندەرى ءتىلىم-ءتىلىم بولىپ جارىلىپ تا كەتتى.

  قايىرىلارعا ەش مۇمكىندىك جوق،بۇل كەزدە جەردىڭ بارلىعى سەلبەستىك كووپەراتيۆكە قارالىپ كەتكەن  ەدى. نۇرلان ەندى بۇل جاعدايدىڭ تۇقىم سىڭىرۋگە ىقپال جەتكىزبەۋى ءۇشىن ۋاقىتتى مىقتى ۇستاپ،كورشى قىستاق،اۋىل-قالاشىقتارمەن ءجيى بايلانىس جاساپ،تۇقىم ءسىڭىرۋ ماشيناسىن ىزدەستىردى.

  سوڭىندا،نۇرلان ءبىر مۋ جەردىڭ تۇقىم ءسىڭىرۋ اقىسىن 10 يۋان  جوعارىلاتۋ ارقىلى تۇقىم ءسىڭىرۋ ماشيناسىن تابادى.

  ءار رەت وسى جاعدايدى سوزگە تيەك ەتسە بولدى،نۇرلاننىڭ كوڭىلى ناۋمەز تارتا بەرەتىن،ول ءاسىلى سەلبەستىك كووپەراتيۆتەن قاراجات از شىعىپ،سەلبەستىك كووپەراتيۆ مۇشەلەرىنە كوبىرەك كىرىس كىرگىزۋدى ويلاعان بولاتىن،ءبىراق ادەتتەگى شىعىستان ارتىق شىعىم شىعارىن ويلاپ تا كورمەگەن ەدى.

  ويلاماعان قيىنشىلىقتار مۇنىمەن توقتاپ قالمادى. جۇمىستى قالاي   اينالىمعا ءتۇسىرىپ،قالاي باسقارۋ  نۇرلان مەن سەلبەستىك كووپەراتيۆىندەگى القالاردىڭ ۇزدىكسىز تالقىلايتىن تۇيىنىنە اينالدى. ول سەلبەستىك كووپەراتيۆىن دامىتۋ ءۇشىن،ءسوزسىز، الدىمەن سەلبەستىك كووپەراتيۆىنىڭ اينالىم مەحانيزمىن ءتۇسىنۋ كەرەكتىگىن تانىپ جەتتى ءارى كوپ رەت    تاجىريبەسى مول كورشى اۋدان،قالارعا بارىپ،ولاردىڭ ۇزدىك باسقارۋ    ءتارتىبى مەن دامۋ ءتاسىلىن ۇيرەندى. جولىققان ساتسىزدىكتەر مەن قيىنشىلىقتار ونىڭ سوزىمەن ايتقاندا: «كەزىككەن قيىنشىلىقتاردى ءوزىم عانا بىلەمىن،ويلاساڭ كوڭىلىڭ بۇزىلادى» .

  ەڭبەگىڭ قاتتى بولسا، تاتقانىڭ ءتاتتى بولادى

  نۇرلان مەن كووپەراتيۆ مۇشەلەرىنىڭ ەكى جىلدان استام ۋاقىت دامۋ جولىن قۇلشىنا بىرگە قاراستىرۋىندا، ءار دارەجەلى ۇكىمەتتىڭ كوڭىل   ءبولۋى مەن قىزمەت اترەتىنىڭ   قامقورلىعىندا كووپەراتيۆ بىرتىندەپ   قالىپقا ءتۇستى.

  2018-جىلدىڭ سوڭىندا كووپەراتيۆ مۇشەلەرىنىڭ جەر مايلاۋ اقىسى مەن  پايدا ءبولىسىن قوسقانداعى جان   باسىندىق كىرىسى 12668 يۋان  بولسا؛2019-جىلى 13876 يۋان بولىپ،قىستاق تۇرعىندارىنىڭ كوڭىلى بىرتىندەپ ورنىقتى. 

  ارحيۆ تۇرعىزىلىپ،كارتچكالاندىرىلعان كەدەي وتباسى ەرجان جۇمان دا 25 مۋ نورمالىق جەرىنەن مول ءونىم الدى. ول: «بۇرىندارى 25 مۋ نورمالىق جەردىڭ كوتەرمەگە بەرگەن اقىسى ارەڭ 2000 يۋان عانا بولاتىن،نۇرلاننىڭ ۇسىنىسىن قابىلداپ،كووپەراتيۆكە مۇشە بولدىم. 2018-جىلى جالپى 13918 يۋان كىرىس    كىرگىزدىم» دەدى.

  «جەرلەرىن كوتەرتىپ جىبەرگەننەن كەيىن،قىستاق تۇرعىندارى نورمالىق جەرلەرىنەن كوپ جىلدار بويى پايدا كورمەي كەلگەن ەدى» دەدى    رۇڭ شين.

  كەدەي وتباسىلارىنىڭ جۇزدەرىنەن قۋانىش لەبى ەسكەنىن كورگەندە،نۇرلاننىڭ كوڭىلى جاي تاپقانداي بولدى. ىشتەي بۇل تەك باستاما، قازىرگى بارعا  قاناعات دەپ وتىرا بەرمەۋىم كەرەك دەپ ويلاپ،  كوكتەمگى ەگىس جۇمىسى سايابىرلاسىمەن،تەكسەرىپ-زەرتتەۋ جۇمىسىنا كىرىسىپ كەتكەن ەكەن.

  ەكى جىلدان استام شەككەن جاپانىڭ جەمىسى كورىنە باستادى. نۇرلان قىستاق تۇرعىندارىنىڭ سەنىمى مەن جوعارى ورىننىڭ رازىلىعىنا يە  بولدى. بيىل نۇرلان اۆتونوميالى رايوننىڭ 2019-جىلعى كەدەيلىكتەن ارىلتۋدان قامال الۋدا ۇلەس قوسۋشى سيلىعىنىڭ يەگەرى بولىپ سيلاندى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn