ءتىلشىمىز ۋاڭ چۇنلين حابارلايدى. 6-ايدىڭ 5-كۇنى ساعات 11دە شاۋەشەك قالاسىنىڭ مۋزيكا الاڭى ەرەكشە دۋمانعا بولەنىپ،10 كاسىپورىننىڭ شەكىلدەۋىكتى قاربىز ءدانى،ءسۇت ونىمدەرى،ماقسارى مايى سياقتى ەرەكشە ونىمدەرى كوپتەگەن قالا تۇرعىندارىن باۋرادى.
سول كۇنى ايماقتىق كەدەيلەردى سۇيەمەلدەۋ، وركەندەتۋ باسشىلىق گرۋپپاسى مەن لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى ۇيىمداستىرعان، ايماقتىق كەدەيلەردى سۇيەمەلدەۋ كەڭسەسى جاۋاپتى بولىپ وتكىزگەن شاۋەشەك قالاسى،بيڭتۋان اۋىل شارۋاشىلىق 8-شى، بيڭتۋان اۋىل شارۋاشىلىق 9-شى سەلبەسىپ وتكىزگەن لياۋنيڭ.تارباعاتاي «قول ۇستاسا وتىرىپ كەدەيلىكتەن ارىلتۋدان قامال الىپ، بىرلىكتە كوركەم بولاشاق جاراتايىق» تاقىرىبىنداعى لياۋنيڭ ولكەسىنىڭ كەدەيلەردى سۇيەمەلدەۋگە كومەكتەسىپ، تۇتىنۋ ارقىلى كەدەيلەردى سۇيەمەلدەۋگە دەم بەرۋدى ناق مايداندا ايگىلەۋ جانە 1-توپتاعى كەدەيلەردى سۇيەمەلدەۋ ونىمدەرىن جونەلتۋ سالتى وسى ارادا وتكىزىلدى.
بيىل 5-ايدا لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى ايماقتىق كەدەيلەردى سۇيەمەلدەۋ كەڭسەسىمەن بىرلەسىپ، قاتىستى كاسىپورىندار سەلبەسىپ، قياق كۇرىش مەرەكەسى الدىنداعى ساتىپ الۋ ورايىن مىقتى ۇستاپ، «ءبىر ايماق،ەكى شىداعى» 41 كاسىپورىننىڭ 120 ءتۇرلى كەدەيلەردى سۇيەمەلدەۋ ونىمدەرىن لياۋنيڭ ولكەسىندەگى ءارقايسى ورگان، كاسىپورىن، ءىسورىندارىنا ۇگىتتەپ-تانىستىرسا،وسى رەت ونىمدەردىڭ ءتۇرىن مولايتىپ، تۇتىنۋدى ۇزدىكسىز جەبەپ، «ءبىر ايماق، ەكى شىداعى» كەدەيلەردى سۇيەمەلدەيتىن كاسىپورىندار مەن كەدەيلەردى سۇيەمەلدەۋ كاسىپتەرىنىڭ ءتىپتى دە جاقسى دامۋىن ىلگەرىلەتىپ، ءتىپتى دە كوپ كەدەي بۇقارانى ورنىقتى اۋقاتتانىپ، كەدەيلىكتەن ارىلۋعا جەتەكتەگەن.
سالت باستالعاننان كەيىن شاۋەشەك قالالىق جاڭ شينشىڭ شەكىلدەۋىكتى قاربىز ءدانىن مانەرلەۋ كاسىپتىك سەلبەستىك كووپەراتيۆى، بيڭتۋان اۋىل شارۋاشىلىق 9-شىنىڭ شينجياڭ جاڭ جينداۋ داينسۋ شەكتى سەرىكتەستىگى، شاعانتوعاي اۋداندىق تيانديڭ ماقسارى مايى شەكتى سەرىكتەستىگى سياقتى كەدەيلەردى سۇيەمەلدەيتىن كاسىپورىندار مەن سەلبەستىك كووپەراتيۆتەرى وزدەرىنىڭ ەرەكشە ونىمدەرىن كورمەگە قويىپ، شاۋەشەك قالاسىنداعى تۇرعىنداردىڭ ەكسكۋرسيالاۋىن،ءدام تاتۋىن قارسى الدى.
قالا تۇرعىنى زىڭ يۇيحۋا: «الگىندە قۇرتتان ءدام تاتتىم، ءسۇتتىڭ ءدامى شىعادى،جەرگىلىكتى كاسىپورىنىمىزدىڭ ءسۇت ونىمدەرى شىنىندا ءدامدى» دەدى.
شاۋەشەك قالالىق جاڭ شينشىڭ شەكىلدەۋىكتى قاربىز ءدانىن مانەرلەۋ كاسىپتىك سەلبەستىك كووپەراتيۆىنىڭ جاۋاپتىسى جاڭ شينشىڭ: « وسى رەتكى تۇتىنۋ ارقىلى كەدەيلەردى سۇيەمەلدەۋدە قۇنى 110 مىڭ يۋاننان ارتىق شەكىلدەۋىكتى قاربىز ونىمدەرى ساتىلدى،الداعى جەردە سەلبەستىك كووپەراتيۆىمىزدىڭ ىشكى قوزعاۋشى كۇشىن جالعاستى ساۋلەلەندىرىپ، كەدەيلىكتەن ارىلتۋدان قامال الۋعا ۇزدىكسىز كۇش ۇستەپ، قيىنشىلىعى بار ءتىپتى كوپ بۇقارانى كىرىستەرىن ارتتىرىپ،اۋقاتتانۋعا باستايمىز» دەدى.
ۇعىسۋعا قاراعاندا،1-توپتاعى كەدەيلەردى سۇيەمەلدەۋ ونىمدەرىنىڭ ۇلگى قورابىنا 10 كاسىپورىننىڭ 11 ءتۇرلى ءونىمى تاڭدالعان، ءاربىر ۇلگى قوراپتىڭ باعاسى 500 يۋانعا جۋىق بولىپ، جالپى قۇنى ءبىر ميلليون يۋان كەلەتىن 2000 نان استام ۇلگى قوراپ لياۋنيڭداعى مىڭعا جۋىق ورگان،كاسىپورىن،ءىسورىندارىنا جونەلتىلەدى ەكەن.
لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى نىسان باسقارۋ ورتالىعىنىڭ ورىنباسار مەڭگەرۋشىسى فىڭ چۇنحاۋ: « الداعى جەردە لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى مەن ايماقتاعى ءار دارەجەلى كەدەيلەردى سۇيەمەلدەۋ جۇيەسى ساۋدا ىستەرى، قامداۋ-ساتۋ،ەلەكتروندى ساۋدا كاسىپورىندارى سياقتى تاراۋلارمەن جانە قوعامنىڭ ءار سالاسىنداعى كۇشتەرمەن بىرلىكتە ‹ءبىر ايماق،ەكى شىنىڭ› كەدەيلەردى سۇيەمەلدەۋ ونىمدەرىن جەلىدە، جەلى سىرتىندا ۇزدىكسىز ۇگىتتەۋدى، تانىستىرۋدى،ساتۋدى اناعۇرلىم كۇشەيتپەكشى» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى