ەەڭ جاڭا مازمۇندار
ايماقتىڭ شارلاپ تەكسەرۋ قىزمەتى ءماجىلىسى جانە ايماقتىق پارتكومنىڭ 2022 ـ جىلدان 2026 ـ جىلعا دەيىنگى 2 ـ رەتكى شارلاپ تەكسەرۋگە اتتانىسقا كەلتىرۋ، ورنالاستىرۋ ءماجىلىسى اشىلدى
2022-جىلى 5-ايدىڭ 20 -كۇنى 111 ـ سان
ۇلتتار ىنتىماعى سۇيىسپەنشىلىگىن اسقاقتاتىپ، پارتيا 20 -قۇرىلتايىن ءبىر نيەتپەن قۋانا قارسى الدى
جاڭا داۋىردەگى پارتيانىڭ شينجياڭدى جونگە سالۋ جالپى جوباسىمەن قىزمەتتەردى ولشەۋ كەرەك
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتى ءۇشىنشى جالپى ءماجىلىسىنىڭ شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالم
شي جينپيڭ جۇڭگو حالىقارالىق ساۋدانى جەبەۋ كوميتەتى قۇرىلعاندىعىنىڭ 70 جىلدىعىن قۇتتىقتاۋ جينالىسىندا جانە الەمدىك ساۋدانى، قارجى قوسۋدى جەبەۋ جونىندەگى باسشىلار ماجىلىسىندە بەينە ەكراندا ارناۋ ءسوز سويلەدى
بالشىقشىنىڭ ءتۇر -تۇرىمەن تارباعاتايدا ”ديدارلاسا“ الاسىز
شيحۋ قالاسىنىڭ تۇراقتى مۇلىككە قارجى قوسۋ نىساندارى قۇرىلىسى ءساتتى جۇرگىزىلۋدە
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
2022-جىلى 5-ايدىڭ 19-سان 110-سان
شينجياڭنىڭ 2022 - جىلعى مىندەتتى وقۋ - اعارتۋ ساتىسىنداعى مەكتەپتەرگە وقۋشى قابىلداۋ، وقۋعا ءتۇسۋ قىزمەتىنىڭ تالابى جاريالاندى
شينجياڭ قىزمەتتەرىنىڭ زاڭمەن باسقارۋ ارناسىندا جۇرگىزىلۋىنە شىنايى كەپىلدىك ەتەيىك
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، دايەكتىلەندىردى شينجياڭنىڭ ەكونوميكالىق جاعدايى مەن ەكونوميكالىق قىزمەتىنە تالداۋ جاسادى جانە ونى اقىلداستى
شي جينپيڭ اراب بىرىككەن امىرلىگىنىڭ جاڭادان تاعايىندالعان زۇڭتۇڭى مۇحاممەدكە قۇتتىقتاۋ تەلەگرامماسىن جولدادى
”دارەتحانا توڭكەرىسى“ شارۋالاردىڭ تۇرمىس ساپاسىن جوعارىلاتتى
الۋان گۇلدىڭ ءيىسى تاراپ الاپقا، جاسىل جايلاۋ قۇشاق جايدى تاراپقا
شيحۋ قالاسى: كاسىپورىنداردى جۇمىسشىمەن قامداۋ ارقىلى قيىنشىلىعىن شەشىمدەپ، دالمە -ءدال قىزمەت وتەدى
46 مىڭ 500 مۋلىق ”جاسىل قالتقى“ بۇقارانىڭ حاۋىپسىز جولاۋشىلاۋىن قامتاماسىزداندىردى
شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا ىلگەرىلەتۋدە، اناعۇرلىم نىق قادام تاستايىق
اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى اشىلدى
2022-جىلى 5-ايدىڭ 18-سان 109-سان
ۇگىت لەكسيا ساناعا ءسىڭىپ، جۇرەككە ۇيالادى
كورىكتى اۋلا قۇردى
جاستىق كوكتەمنىڭ اقىل - پاراساتىمەن جانە ماڭداي تەرىمەن اناعۇرلىم كوركەم جۇڭگو قۇرۋعا ۇمتىلۋ كەرەك
حالىقتىق اۋە قورعانىسى بىلىمدەرى جۇرت كوڭىلىنە ۇيالادى
16-كەزەكتى شينجياڭ تارباعاتاي شاعانتوعاي تاۋ گۇلى مەرەكەسى باستالدى
اپاتتان ساقتانۋ، اپات زيانىن ازايتۋ، اپاتتان قۇتقارۋ تانىمىن جوعارىلاتىپ، شۇعىل جاعدايعا توتەپ بەرۋ، قۇتقارۋ ورەسىن ءوسىردى
ءدوربىلجىن: نىسان قۇرىلىستارى قاۋىرت جۇرىلۋدە
جاڭ يۇيلۇڭ: باقىت گۇلىن قۇلپىرتا ءتۇستى
شيحۋ: ءتۇرلى فورمالارمەن اپاتتان ساقتانۋ، اپات زيانىن ازايتۋ بىلىمدەرىن ۇگىتتەدى

تال بەسىك تاتۋلىقتان سىر شەرتەدى

جولدانعان ۋاقىتى : 2020/6/11 18:20:58

ءتىلشىمىز ياۋ ميڭ 

 شيحۋ قالاسى جيۋجياندىر اۋىلىنداعى جاڭا ءداۋىر وركەنيەت امالياتى بازاسىنىڭ ەگىنشىلىك مادەنيەتى باقشاسىنىڭ ۇلتتىق سالت-سانا  سارايىندا ءبىر بەسىك تۇر. بەسىكتىڭ قىزىل،كوك رەڭ ارالاسقان سىرى ءالى كوشە قويماپتى. توسەنىشى عانا ۇيكەلىستەن جىلتىراپ،اعاشتىڭ بەدەرى شىعىپ قالعان. بەسىكتى تەربەتىپ كورسەڭىز،بوساعان جەرى جوق،ءالى دە مىقتى ەكەنىن بايقايسىز. 

2018-جىلدىڭ سوڭىندا جيۋجياندىر اۋىلى ەگىنشىلىك مادەنيەتى باقشاسىن قۇرىپ،ءتۇرلى كونە بۇيىمداردى جيناي باستايدى. بەسىكتىڭ يەسى شيحۋ قالالىق جاراتىلىستىق بايلىق  مەكەمەسى جيۋجياندىر جاراتىلىستىق بايلىق بولىمشەسىنىڭ باستىعى جۇرات تويبەك قانشا قيماي تۇرسا دا،استارىنداعى اڭگىمەنى ءتىپتى دە كوپ ادامعا ۇعىندىرۋ ءۇشىن،وسى    بەسىكتى ەگىنشىلىك مادەنيەتى باقشاسىنا تارتۋ ەتكەن ەكەن. 

27 بالاپان تۇلەگەن «التىن ۇيا»

48 جاستاعى جۇرات تەبىرەنىستى سەزىممەن: «مەن وسى بەسىكتە ەس بىلگەنمىن، كەيىن كەنجە ءىنىم تۋىلعاندا وسى بەسىكتى تالاي تەربەتكەن ەدىم» دەدى.

وتكەن عاسىردىڭ 80-جىلدارىندا تۋىلعان بالالاردىڭ باسىم كوبى بەسىككە جاتقان،ول كەزدە ۇلكەندەر ەگىن ەگىپ،مالىن باعۋدان سىرت،كىر جۋۋ،تاماق ىستەۋ سياقتى   كوپتەگەن ءۇي جۇمىستارىن ىستەيتىندىكتەن، بالالارىنا دەن قويا قارايلاسۋعا مۇرساسى دا كەلمەيتىن،مۇنداي كەزدە بەسىك اسا ماڭىزدى رول اتقارعان. 

جۇرات: «ءبىز ءبىر ۇيدە التى بالامىز،مەن ءتورتىنشىسىمىن،ۇلكەن ءىنىم ەكەۋىمىزدىڭ بەسىكتە جاتقان كەزىمىز ەسىمدە قالماپتى، كەنجە ءىنىم قايرات تۋىلعاندا 6 جاستا     ەدىم،سول كەزدە بەسىك تەربەتىپ ىنىمە   قاراعانىم ءالى ەسىمدە» دەدى. 

قايرات بەسىكتە ءبىر جىل جاتپاي كورشىسى ۋاڭ جۇيجىننىڭ ۇلى جوۋ حايياڭ تۋىلىپتى. جۇرات: «ولار اكەمنەن بەسىك سۇراي كەلىپتى،ول كەزدە بەرۋگە ىشتەي قيماعان ەدىم» دەدى. 

سودان باستاپ وسى بەسىك جيۋجياندىر  اۋىلىنىڭ جانجياسۇن قىستاعى مەن شيڭجياسۇن قىستاعىندا قولدان-قولعا ءوتىپ،بالا تۋىلعان ءۇيدىڭ بارلىعى جۇراتتىڭ ۇيىنەن بەسىك سۇرايتىن بولىپتى. 

جيۋجياندىر اۋىلى جانجياسۇن قىستاعىنىڭ  تۇرعىنى جاڭ يشيۋ: «ۇل-قىزىمدى وسى  بەسىككە بولەگەن ەدىم. بەسىككە جاتقىزساڭ، بالا قاراۋدان مويىنىڭ بوساپ قالادى سوندىقتان،بۇل بەسىكتى كىم السا دا كۇتىپ    ىستەتەتىن» دەدى. 

2017-جىلى 4-ايدىڭ 6-كۇنى قايراتتىڭ قىزى ارۋنا تۋىلادى. بالا كەزىندە ءوزى جاتقان بەسىك ەسىنە تۇسكەن قايرات قىزىن  بولەۋ ءۇشىن،بەسىكتى جان-جاقتان سۇراستىرۋ ارقىلى جانجياسۇن قىستاعىنىڭ تۇرعىنى شياۋ زىتاڭنىڭ ۇيىنەن تاۋىپ الادى. 

«بۇل بەسىك ءالى دە بالا كەزىمىزدە  جاتقانىمىزداي ەكەن ،ەشقانداي جەرى كەتپەپتى» دەدى قايرات. وسىلايشا،بەسىك ەكى قىستاقتىڭ اراسىندا 30 نەشە جىل قىدىرىپ،  ەڭ سوڭىندا يەسى قايراتتىڭ ۇيىنە قايتا   ورالادى. 

ەندەشە،بۇل بەسىككە ءسىرا قانشا بالا جاتقان؟ ەگىنشىلىك مادەنيەتى باقشاسىندا    كونە بۇيىمداردى قابىلداۋ-تىزىمدەۋ     قىزمەتىن ىستەيتىن جيا رۇڭشياعا وسىنداي وي تۇسەدى. 

جيا رۇڭشيا ۇعىسۋ ارقىلى بۇل بەسىكتىڭ جيۋجياندىر اۋىلىنىڭ جانجياسۇن قىستاعى مەن شيڭجياسۇن قىستاعىندا قولدان-قولعا وتكەنىن  بىلەدى دە ءار رەت قىستاق كادرلارىمەن بىرگە وتباسىن ارالاپ جاعداي ۇعىسۋ بارىسىندا قىستاق تۇرعىندارىنان بەسىكتى ىستەتكەن-ىستەتپەگەنىن ادەيى سۇراي جۇرەدى. 

«قيىن ءىس جوق جاھاندا،ىقىلاس     قويعان ادامعا» دەگەندەي، جۇراتتان باستاپ ەسەپتەگەندە،ارۋناعا دەيىن،وسى بەسىكتە 6 حانزۋ،12 قازاق،4 ۇيعۇر،5 حۇيزۋ بالا، بولىپ،جيىنى 27 بالا بولەنگەن ەكەن. قازىر ۇلكەنى 48 جاسقا كەلسە،ەڭ كىشىسى      3 جاسقا كەلگەن،جۇراتتان بۇرىن كىمدەر بولەنگەنىن انىقتاۋعا مۇمكىندىك بولماعان.

 وسى ساندى مالىمەتتەردىڭ بارلىعى   بەسىكتىڭ تۇسىندىرمەسىنە جازىلعان. 

كونە بەسىك جاڭا سالتقا باستادى

«بۇل بەسىكتى اتام جاس كەزىندە جاساتقان  ەكەن،قازىرگە دەيىن 70 جىل بولىپتى» دەدى جۇرات.

جۇراتتىڭ اتاسى مال سوڭىندا  كوشىپ-قونىپ جۇرەتىندىكتەن،الىپ جۇرۋگە جەڭىل، قولايلى بولسىن دەپ،ارنايى جاساتقان ەكەن. ونان جۇراتتىڭ اكەسى تويبەكتىڭ داۋىرىنە  جەتىپتى. 1976-جىلى تويبەك جۋجياندىر  اۋىلىنا كەلىپ قىزمەت ىستەپ،وسى اۋىلعا وتىراقتانىپ،ۇلتتار ىنتىماعىنىڭ وسى ءبىر تاماشا پاراعىن اشادى.

  كورشىسى چىن جيڭيۇي جۇراتتان ءبىر جاس ۇلكەن،ۇيلەرىنىڭ    ارالىعى 200 مەترگە جەتپەيتىن جاقىن كورشى بولعاندىقتان،ەكەۋى كىشكەنە كەزىنەن بىرگە ويناپ،مەكتەپكە بىرگە بارىپ،بىرگە قايتادى ەكەن.    جۇرات: «كىشكەنە كەزىمىزدە ءبىر-بىرىمىزدەن بولىنبەيتىنبىز،بىرگە   تاماقتانىپ،بىرگە ۇيىقتايتىن ەدىك» دەدى.

1988-جىلى 16 جاستاعى جۇرات چىن جيڭيۇيدىڭ اكەسى چىن     حۋايچياڭدى وكىل اكە دەپ تانيدى. سودان باستاپ ەكى وتباسىنداعىلار ءبىر ءۇيلى جاندارداي تاتۋ-     ءتاتتى وتەدى. 2014-جىلى چىن حۋايچياڭ ىشكى ولكەگە كوشىپ   كەتەدى،الايدا جۇرات چىن      حۋايچياڭدى ەسىنەن شىعارمايدى.    «مەن وكىل اكەمە ۇنەمى تەلەفون بەرىپ،دەنساۋلىق جاعدايىن سۇراپ تۇرامىن» دەدى ول.

بيىل 68 جاستاعى جاڭ ي-شيۋدىڭ ۇلى مەن قىزى وسى بەسىكتە جاتىپ ەسەيىپتى،قازىر بالالارى ەرجەتىپ سىرتتا جۇمىس ىستەيدى. جاڭ ي-شيۋ قاريانىڭ جاسى ەگدەلەپ    قالعانىن،قارايلاساتىن ادام جوق ەكەنىن بىلەتىن كورشىسى جۇرات قاريانىڭ  ۇيىنە ۇنەمى بارىپ جۇمىستارىنا    كومەكتەسىپ تۇرادى.

6-ايدىڭ 7-كۇنى تۇستەن بۇرىن جۇرات جاڭ ي-شيۋدىڭ ۇيىنە   بارىپ،اۋلاعا كىرە سالا كوكونىس باقشاسىنىڭ ارام شوپتەرىن وتاۋعا   كىرىستى. «كۇن وتە ىستىق،ۇيگە   كىرىپ دەمىڭدى الشى» دەدى جاڭ ي-شيۋ وعان،جۇرات جۇمىسن ىستەي ءجۇرىپ: «بۇدان بىلاي كوكونىس باقشاسىندا،ۇيىڭىزدە نەندەي جۇمىس بولسا ماعان تاپسىرىڭىز،مەن    كومەكتەسەمىن» دەدى.

اعاسىنىڭ ىقپالىندا ءىنىسى قايرات جانجياسۇن قىستاعىنىڭ تۇرعىنى ۋاڭ جۇيجىندى وكىل شەشە دەپ تانيدى.  

جوۋ حايياڭ مەن قايراتتىڭ    ورتاسىندا ءبىر جاس پارىق بار،جاستارى قارايلاس،ونىڭ ۇستىنە،  ەكەۋى دە وسى بەسىككە جاتقاندىقتان،بولىنبەستەي اعا-ىنىگە اينالعان. ۋاڭ جۇيجىن ۇلىنا شۇپەرەك شاقاي   تىككەندە قايراتقا دا ءبىر پار تىگىپ بەرەدى ەكەن. قايرات: «تولىق ورتا   بىتىرگەنشە وكىل شەشەم تىگىپ   بەرگەن شۇپەرەك شاقايدى كيدىم» دەدى. 

جۇرات پەن ءىنىسى سياقتى جيۋجياندىر اۋىلىندا ۇلتتار ىنتىماعىنىڭ ارالاسۋ،ىشتەسۋ،توعىسۋ قيمىلىن   ورىستەتكەن ادامدار مەن ىستەر وتە كوپ،ولار وزدەرىنىڭ قاراپايىم    ءىس ارەكەتتەرى ارقىلى ۇلتتار     ىنتىماعىنىڭ جاراسىمدى،بەرەكەلى جاڭا سالتىن جالعاستىرۋدا.

جيۋجياندىر اۋىلدىق پارتكومنىڭ شۋجيى حاۋ شۋاي بىلاي دەدى:     «جاقىنعى جىلداردان بەرى جيۋجياندىر اۋىلى ۇلتتار ىنتىماعىندا وزات ورىن قۇرۋ قىزمەتىن ورىستەتۋ بارىسىندا،ۇلتتار ىنتىماعى تاربيەسىن ورگاندارعا،قىستاق-اترەتتەرگە،مەكتەپكە جەتكىزۋ قيمىلىن ۇدايىلاندىرا ورىستەتىپ،اي سايىن ۇلتتار ىنتىماعى نەگىزگى    تاقىرىبىنداعى بۇقارالىق مادەنيەت  قيمىلىن ۇيىمداستىرىپ كەلەدى. قازىرگە دەيىن 5 قىستاق-اترەت ۇلتتار   ىنتىماعىنان ۇلگى كورسەتەتىن قىستاق بولىپ قۇرىلدى».

كىشكەنتاي بەسىك كەلەلى ىسكە تيەك بولدى

جيۋجياندىر اۋىلىنىڭ ەگىنشىلىك   مادەنيەت باقشاسى 2019-جىلى  8-ايدا قۇرىلعان. سول كەزدە وسى بەسىكپەن بىرگە جيۋجاندىر اۋىلىنىڭ ەگىنشىلىك مادەنيەت باقشاسىنا تاعى دا 400 دەن استام بۇيىم اكەلىنگەن.

 جيۋجياندىر اۋىلىنىڭ ەگىنشىلىك  مادەنيەت باقشاسى 4 بولىككە بولىنەدى. ول ەگىنشىلىك ماتەريالدارى زالىن، ۇلتتىق سالت-سانا زالىن،بۇقارانىڭ اقىل-پاراساتى زالىن،ناقتى پايدالانىپ كورۋ زالىن قامتىپ،بۇلىق،  كەتپەن،تيىرمەن،پانارشام،ءيىن   اعاش،ارا،جەلدەتكىش،750 تۇرپاتتى توپىراق كۇرەۋىش تراكتور،ءتورت دوڭگەلەكتى تراكتور،ءدان ايىرۋ ماشيناسى سياقتىلار كورمەگە   قويىلعان.

ەگىنشىلىك مادەنيەت باقشاسى   قۇرىلعاننان بەرى،ەرەكشە ەگىنشىلىك مادەنيەت فاكتورىن ءتۇيىن ەتىپ، كوپتەگەن ادامدى كوزدەن كەشىرۋگە، ۇيرەنۋگە باۋراپ،باي مازمۇندى جاڭا ءداۋىر وركەنيەت امالياتى قيمىلىن    ورىستەتۋگە «كۇشتى راي» قالىپتاستىرىپ،جاڭا ءداۋىر وركەنيەت امالياتى مەن جۇڭحۋا مادەنيەتىنە مۇراگەرلىك ەتۋدى بىردەي جۇرگىزۋگە جاعداي جاراتىپ،بايىرعى ەگىنشىلىك    وركەنيەتى،قونىس ورتاسىن رەتتەۋ-وڭاۋ،كەدەيلىكتەن ارىلتۋدان قامال الۋ قىزمەتى،قىزىل ءتۇستى تاربيە، ۇلتتار ىنتىماعى،پارتيا ستيلى، پاكتىك قۇرىلىسى سياقتى جاقتارداعى جەتىستىكتەردى ايگىلەپ،جاڭا    داۋىردەگى وركەنيەت امالياتى     ەرىكتىلەرىن تاربيەلەۋ بازاسىنا    اينالدى.

«اۋىل شارۋاشىلىعىن،اۋىل-قىستاقتى وسىزامانداندىرۋ اياق الىسىنىڭ    ۇزدىكسىز ىلگەرىلەۋىنە بايلانىستى، شارۋالار وتباسىنداعى تەمىر قۇرال، اعاش قۇرالدارىنىڭ ساتىلعانى ساتىلىپ،توزعانى توزدى،بۇل بۇيىمداردى قايتا قالپىنا كەلتىرۋدىڭ مۇمكىندىگى جوق» دەدى ەگىنشىلىك مادەنيەت باقشاسىن قۇرۋ ماقساتىنا توقتالعان حاۋ شۋاي. ول تاعى دا: «ءبىزدىڭ ۇرپاقتارىمىزدىڭ كوبى بۇل    بۇيىمداردى كورمەگەن،ءتىپتى،     اتىن دا بىلمەيدى. ءبىز وسى كونە بۇيىمداردى جالعاستى قورعاپ،  جالعاستىرىپ،ۇرپاقتارىمىزعا اۋىل شارۋاشىلعىنىڭ دامۋ تاريحىن    ۇعىندىرىپ،بۇگىنگى باقىتتى تۇرمىستىڭ قايدان كەلگەنىن سەزىندىرۋگە    مىندەتتىمىز» دەدى. 

ۇعىسۋعا قاراعاندا،وسى كونە  بۇيىمداردىڭ بارلىعىن جيۋجياندىر   اۋىلىنداعى قىستاق تۇرعىندارى   ىرىقتى اتاعان ەكەن،ءاربىر كونە بۇيىم نە كۇرەستىڭ،نە قۇلشىنىستىڭ، نە ىنتىماقتىڭ،نە ۇنەمشىلدىكتىڭ، نە كوركەمدىكتىڭ،نە رومانتيكانىڭ كۋاسى ەكەن. 

«الداعى جەردە تاريحتىڭ كۋاسى بولعان وسى باعالى ەستەلىكتەر    جيۋجياندىر اۋىلىنىڭ ەگىنشىلىك    مادەنيەت باقشاسىنا كورمەگە قويىلىپ،جاڭا جوڭگو قۇرىلعان 70 جىلدان بەرگى تۇتاس اۋىلداعى ءار ۇلت   ەگىنشى-مالشى بۇقاراسىنىڭ   تۇرمىسىندا تۋىلعان وراسان زور وزگەرىستەردى ايعاقتايتىن بولادى» دەدى حاۋ شۋاي.




رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn