ءتىلشىمىز يان ۋىنحۋا،ەرىكتى ءتىلشى جاڭ حۋا حابارلايدى. 6-ايدىڭ 12-كۇنى قىستاق تۇرعىنى ما جىپيڭ جەم باسقان جۇك اۆتوكولىگىن ايداپ،كوپىردەن الاڭسىز ءوتتى.
ءۇش ايدان بەرى ما جىپيڭ وسى كوپىردەن وتەردە قاتتى الاڭدايتىن ەدى. ويتكەنى كوپىر بەتى ءتۇسىپ،ويلى-شۇڭقىر بولىپ قالعاندىقتان، ءار جولى جەم تيەپ وتەردە ايرىقشا ابايلايتىن،اۋەلى كوپىردىڭ ءتۇسىپ كەتۋىنەن الاڭداپ،تولتىرىپ جەم تيەۋگە دە باتىلدىق ەتپەيتىن.
«كوپىر جوندەلدى،قىستاقتاعىلار كوپىردەن الاڭسىز وتەتىن بولدى» دەدى ما جىپيڭ.
بۇل كوپىر ساۋان اۋدانى داچۋان اۋىلى جۇڭچۋان قىستاعىنىڭ بىردەن-ءبىر وتكەلى بولىپ،2003 –جىلى قايتادان سالىنعان بەتون سۋاعارلى كوپىر ەدى. كوپىردىڭ ۇزىندىعى 8 مەتر،ەنى 2.5 مەتر كەلەتىن. كوپىر ەگىس اتىزى مەن ورماندى سۋاراتىن بەل توعانعا سالىنعاندىقتان،ءار جىلى كوكتەمدە تاسقىن سۋ كوپىردىڭ ەكى جاعىنداعى توعاننىڭ شەتىن ورىپ كەتەتىن.
بيىل كوكتەمدە قار ەرىگەننەن كەيىن كوپىردىڭ بەلى مايىسىپ،بەتى ويلى-شۇڭقىر بولىپ كەتكەندىكتەن، اۆتوكولىكتەر ارلى-بەرلى وتكەندە تەربەلىپ،قاتەرلى كوپىرگە اينالعان.
«قىستاعىمىزدا باعىمشىلىقپەن شۇعىلداناتىن وتباسىلارى كوپ بولعاندىقتان، ۇنەمى مال،جەم جانە ءسۇت تاسيدى. ءسوزسىز، تەز ارادا جوندەۋ كەرەك» دەدى قىستاقتىڭ ءبىرىنشى شۋجيى،ساۋان اۋداندىق تۇرعىن ءۇي جانە قالا–اۋىل قۇرىلىسى مەكەمەسىنىڭ قىستاقتا تۇراتىن قىزمەت اترەتىنىڭ باستىعى تاڭ جيڭني.
5-ايدىڭ سوڭىندا قىزمەت اترەتى قاتىناس-تاسىمال مەكەمەسىمەن،قۇرىلىس اترەتىمەن بايلانىس جاساپ،7 كۇن ىشىندە كوپىردى جوندەپ بولادى.
«قىزمەت اترەتى قىستاق تۇرعىندارىنىڭ ناقتى ىسىنە استە ءارى - ءسارى بولمايدى،بۇقارا ءۇشىن قىزمەت وتەۋدەن استە باس تارتپايمىز» دەدى جۇڭچۋان اۋىلى پارتيا ياچەيكاسىنىڭ شۋجيى،قىستاق تۇرعىندار كوميتەتىنىڭ مەڭگەرۋشىسى تان گوحۋا.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى