ەەڭ جاڭا مازمۇندار
2020-جىلى 7-ايدىڭ 3-كۇنى 137-سان
جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ، تياناقتاندىرىپ، پارتيانى ۇزدىكسىز اناعۇرلىم بەرىك، پارمەندى ەتىپ قۇرىپ شىعايىق
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا سويلەنگەن ءسوز
حالىقتى ماڭگى ەڭ جوعارى ورىنعا قويايىق
گۇلدەنۋ مۇراتىن شىڭداپ، قالتقىسىز ادالدىقتى ماڭگى ساقتايىق
2019-جىلعى جۇڭگو كوممۋنيستىك پارتياسىنىڭ پارتيا ىشىندەگى ساناق مازمۇنداماسى
جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ،تياناقتاندىرىپ، پارتيانى شىن مانىندە اناعۇرلىم بەرىك،پارمەندى ەتىپ قۇرىپ شىعۋ كەرەك
ايماقتىق پارتكوم كەڭسەسى پارتيا باس ياچەيكاسى،اكىمشىلىك مەكەمەسى كەڭسەسى پارتيا باس ياچەيكاسى «1-شىلدە» بايلانىسىمەن مەملەكەت تۋىن شىعارۋ سالتىن وتكىزدى
پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسەمىز
پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسەمىز
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
اۋلا شارۋاشىلىعىن دامىتۋ،كەشكى بازار ەكونوميكاسىنىڭ ومىرشەڭدىك كۇشىن قاۋلاتۋ،نان كاسىبىنىڭ اناعۇرلىم جاقسى،اناعۇرلىم تەز دامۋىن كۇش سالا ىلگەرىلەتۋ كەرەك
2020-جىلى 7-ايدىڭ 2-كۇنى 136-سان
كاسىپ قۇرىلىمىن رەتتەپ،كىرىستىڭ ارتۋىن جەبەدى
تارباعاتاي كاسىپتىك تەحنيكا شۋەيۋانى ۆيۋەسكا ءىلدى
شينجياڭ جۇڭتاي توبى ۋاكىلدەر ۇيىرمەسى ايماعىمىزدا تەكسەرۋ جۇرگىزدى
ايماق ورگاندار پارتيا قۇرىلىسى قىزمەتى ءماجىلىسىن اشتى
ءدوربىلجىن اۋدانىنداعى قىستاق تۇرعىندارى شارۋاشىلىق قۇرۋ،جۇمىستانۋ جاعىندا كوپ تيىمدىلىككە كەنەلدى
جۇمىستانۋعا تاربيەلەۋ تەحنيكالىق شەبەرلىكتى جوعارىلاتتى
جەردى قورعاۋ ورتاق جاۋاپكەرشىلىگىمىز
شاعانتوعاي 3900 اۋىل-قىستاق تازالىق دارەتحاناسىن سالىپ،قونىس ورتاسىن جاقسارتپاقشى
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
2020-جىلى 7-ايدىڭ 1-كۇنى 135-سان
پارتيانىڭ مەيىرىن جىرلاپ،اۋەلگى ماقساتتان اينىمادى
شي جينپيڭ تاسقىننان ساقتانۋ،اپاتتان قۇتقارۋ قىزمەتى جونىندە ماڭىزدى نۇسقاۋ بەردى
قول ۇستاسا وتىرىپ ۇكىمەت،بانكە،كاسىپورىن سەلبەستىگىنىڭ ۇلگىسىن قالىپتاستىرىپ،سەلبەستىك ورناتىپ،ءوزارا پايدا جەتكىزىپ،تەڭ يگىلىككە كەنەلۋدىڭ جاڭا پاراعىن بىرگە جازۋعا كىرىستى
پارتيالى كادرلار قىستاق تۇرعىندارىنىڭ ماقسارى گۇلىن تەرۋىنە كومەكتەستى
بوس تۇرعان اۋلا كىرىس باقشاسىنا اينالدى
پارتيا مۇشەلەرى مەن كادرلار ۇزدىكتەردەن ۇيرەنىپ، ىشكى قوزعاۋشى كۇشتى تاسقىنداتتى
پانجياجۋاڭ قىستاعى ۇشقىشسىز ۇشاقپەن ءدارى شاشىپ،ەڭبەككۇش پەن ۋاقىتتى ۇنەمدەدى

«تۋىلعان كۇنىڭىزدى تولىقتاپ وتكىزىپ بەرەمىن»

جولدانعان ۋاقىتى : 2020/6/18 17:12:52

ءتىلشىمىز ياۋ ميڭ،سارا شايسۇلتان 

6-ايدىڭ 10-كۇنى شيحۋ قالاسى جيۋجياندىر اۋىلى جانجياسۇن قىستاعىنداعى جاڭ يشيۋدىڭ تۋىلعان  كۇنى ەدى. 1953-جىلى 6-ايدىڭ 10-كۇنى دۇنيەگە كەلگەن ول،اتا مەكەنى جياڭسۋ ولكەسىنىڭ پەيشيان اۋدانىنداعىلاردىڭ ءبىر جاس قوسىپ ەسەپتەيتىن داعدىسى بويىنشا «بۇگىن 68جاسقا شىقتىم» دەيدى ەكەن.

بۇل كۇن شيحۋ قالالىق جاراتىلىستىق بايلىق مەكەمەسى جيۋجياندىر جاراتىلىستىق بايلىق بولىمشەسىنىڭ باستىعى جۇرات تويبەك ءۇشىن دە ۇمىتىلماس كۇن ەسەپتى. 6-ايدىڭ 10-كۇنى كۇنى بويى جيىنعا قاتىناسقان جۇرات كەشكى ساعات 9 دا قولى بوساي سالا جاڭ يشيۋگە تەلەفون جالعاپ: «اپاي،تۋىلعان كۇنىڭىز قۇتتى بولسىن! بۇگىن وتە قاربالاس بولدىم،ارتىنان ارناۋلى ۋاقىت شىعارىپ تۋىلعان كۇنىڭىزدى،ءسوز جوق،   تولىقتاپ وتكىزىپ بەرەمىن» دەدى.

«قارتايىپ قالدىم،تۋىلعان كۇن تويلاۋ قاي تەڭىم،ءوزىڭ ۋاقىتىڭ جار بەرگەندە كەلىپ ۇيدەن تاماق ءىشىپ كەتسەڭشى» دەدى جاڭ يشيۋ قۇراق ۇشىپ.

جۇرات پەن جاڭ يشيۋ ەكى وتباسىنىڭ قاتىناسىن وتكەن عاسىردىڭ 70-جىلدارىنان باستاۋعا تۋرا كەلەدى. 
 
بال جالاسقان كورشى بولدى

1976-جىلى جۇراتتىڭ اكەسى تويبەك جيۋجياندىر اۋىلىنا الماسىپ كەلىپ ورىنباسار اۋىل باستىعى بولىپ ىستەيدى.

1978-جىلى جاڭ يشيۋ جيۋجياندىر اۋىلدىق اۋىل شارۋاشىلىق تەحنيكاسىن جالپىلاستىرۋ پۋنكتىنىڭ تەحنيگى جاۋ سايفۋمەن توي جاسادى. ول كەزدە اۋىلدىق ۇكىمەتتىڭ بەلگىلەمەسى بويىنشا، وتاۋ كوتەرگەن اۋىل كادرلارىنا ءۇي بەرىلەتىن. وسىلايشا، تويبەك پەن جاۋ سايفۋ كورشى بولادى. ونىڭ ۇستىنە تويبەك پەن    جاۋ سايفۋ قىزمەتتەس بولعاندىقتان،ەكى وتباسىنىڭ ارالاسى دا جيىلەي باستايدى.

بارىس-كەلىستەرى جيىلەي    ءتۇستى

1980-جىلى 7-ايدا جاڭ يشيۋدىڭ قىزى جاۋ يىڭ دۇنيەگە كەلەدى،جاڭ يشيۋ كۇيەۋىن تويبەكتىڭ ۇيىنەن بەسىك سۇراپ كەلۋگە جىبەرەدى. سالدەن سوڭ بەسىكتى ازەر كوتەرىپ جەتكەن 8 جاسار جۇرات تابالدىرىقتان اتتاي بەرە: «اپاي،  بەسىكتى الىپ كەلدىم» دەيدى ەنتىگىن باسا الماي.

«كەلەعوي،بالانى قاراي تۇرشى، مەن ساعان ءدامدى تاماق ىستەپ بەرەيىن» دەيدى جاڭ يشيۋ جۇراتقا. جۇرات بەسىكتى جايلاپ تەربەتىپ،كىشكەنتاي جاۋ يىڭدى ۋاتادى... سودان باستاپ جۇرات تاماق ۋاقىتى تاياعان ساتتە جەتىپ كەلىپ        بەسىك تەربەتە قالاتىن دا جاڭ يشيۋ  جۇراتتى جاقسىلاپ تاماقتاندىرىپ   ۇيىنە قايتاراتىن.

1982-جىلى 1-ايدا جاڭ يشيۋدىڭ ۇلى جاۋ جياڭ ءومىر ەسىگىن اشادى،بەسىك قۇر تۇرمايتىن بولدى،يەسىنە قايتارىلماي جاتىپ جانە كادەگە   جارادى،جۇرات تا باياعىسىنشا كەلىپ  جاڭ يشيۋدىڭ بالاسىن قاراسىپ،  ءداندى قۇجىرعا تويىپ الىپ ۇيىنە قايتىپ ءجۇردى.

«اپاي جاساعان تاماقتىڭ ءدامى ءتىل ۇيىرەدى» دەيدى جۇرات اعىنان اقتارىلا.

ۋاقىت وزا كەلە ەكى وتباسى ءبىر ءۇيلى جانداي بولىپ كەتتى،ارەدىكتە تويبەكتىڭ ءۇيى دە بىلقىتىپ ەتىن  اسىپ،قايماقتاپ شاي قايناتىپ،    جاڭ يشيۋدىڭ وتباسىن قوناققا   شاقىراتىن.

توننىڭ ىشكى باۋىنداي بولدى

1984-جىلى تويبەك وتىرعان ءۇيىن قايتا جاڭالايمىن دەپ ءجۇرىپ، زورىعىپ شيپاحاناعا جاتىپ قالادى. شيپاحانادا جاتقان كەزىندە بىتپەي  قالعان ءۇيدىڭ جۇمىستارىن ۋايىمداپ،كوڭىلى بايىز تاپپايدى.

ول كەزدە ءۇي سالۋعا ىستەتەتىن سەمەنت دەگەنىڭىز تاپشى ماتەريال سانالاتىن،تويبەك سەمەنتتىڭ جاڭبىردا قالىپ،ىستەن شىعۋىنان قاتتى الاڭدايدى. تويبەك شيپاحاناعا جاتىپ قالعاننان كەيىن جاڭ يشيۋ مەن جۇبايى جاۋ سايفۋ ونىڭ ۇيىنە بارىپ،  سۋلياۋمەن سەمەنتتى قىمتاپ جاۋىپ قويعان بولاتىن.

جاڭ يشيۋ مەن جاۋ سايفۋ    جەمىس-جيدەكتەرىن،قۋاتتىق جەمەكتىكتەرىن الىپ شيپاحاناعا تويبەكتىڭ كوڭىلىن سۇراي كەلىپ،وعان الاڭسىز ەمدەلۋدى ايتادى. «ءۇي سالاتىن  كەرەك-جاراقتارىڭدى تۇگەل جيىستىرىپ قويدىق،سەمەنتتى دە جاۋىپ قويعامىز،الاڭسىز جاتىپ،جاقسى   ەمدەلىپ ال» دەيدى ولار.

وسىلايشا،ەكى وتباسى 20 جىلعا جۋىق ىرگەلەس وتىرىپ،1996-جىلى تويبەك جيۋجياندىر اۋىلىنىڭ اۋىل باستىعى قىزمەتىنەن زەينەتكە شىققان سوڭ عانا ەكى جەرگە ءبولىنىپ كەتتى.

«تالاي جىل بولدى،مەرەكە-مەيرامداردا ءبىر-بىرىمىزدىكىنە قىدىرىپ،ءبىر داستارقاننان ءدام تاتىپ، ارقا-جارقا اڭگىمەلەسىپ جىرعاپ  قالامىز،ءبىر وتباسىنىڭ ادامىنداي  بولىپ كەتتىك» دەدى جاڭ يشيۋ.

  جاناشىر جاقىنىنا اينالدى

2015-جىلى جانە 2017-جىلى جاۋ سايفۋ مەن تويبەك ارت-ارتىنان دۇنيەدەن ءوتتى. بۇل كەزدە     جاڭ يشيۋدىڭ ەكى بالاسى دا ىشكى ولكەدە قىزمەت ىستەسە،جۇرات جيۋجياندىر جاراتىلىستىق بايلىق   بولىمشەسىنە قىزمەتكە شىققان بولاتىن.

قىزمەتكە شىققاننان كەيىن دە  جۇرات جاڭ يشيۋگە ۇنەمى امانداسىپ كەلىپ تۇراتىن. جۇرات بارا-بارا  جاڭ يشيۋدىڭ ءوزى دە ەسكەرمەي قالاتىن «باكىن-شۇكىن جۇمىستاردى» ەسىنە ساقتاپ الدى. ماسەلەن،قان قىسىمدى تومەندەتەتىن دارىدەن قانشا قالدى،كومىر گازى نەشە كۇنگە  جەتەدى،تۋىلعان كۇنى قاشان،  مۇزداتقىشتا ەندى قانشالىق كوكونىس بار دەگەندەردى جۇرات بەس   ساۋساعىنداي ءبىلىپ تۇراتىن.

2015-جىلى جازعىتۇرىمعى ءبىر اپتانىڭ بەسى كۇنى جيۋجياندىر    اۋىلىندا قالىڭ نوسەر جاۋىپ تۇرعان.  جاڭ يشيۋدىڭ قىزى جاۋ يىڭ نەشە رەت تەلەفون سوقسا دا شەشەسىنىڭ تەلەفونى جالعانبايدى،ۇيدە جالعىز تۇراتىن شەشەسىنەن الاڭداعان     جاۋ يىڭ قايتەرىن بىلمەي جۇراتقا حابارلاسىپ،ودان جاردەم سۇرايدى.

الدەقاشان شيحۋ قالا رايونىنا  جەتىپ العان جۇرات اۆتوكولىگىمەن كەرى قايتىپ،جاڭ يشيۋدىڭ ۇيىنە كەلگەندە،جاڭ يشيۋدىڭ قول تەلەفونىنىڭ جاڭبىردا قالىپ كەرەكتەن شىققانىن،ءوزى ءوڭى قۋارىپ،توسەكتە جاتقانىن كورەدى. جۇرات    جاڭ يشيۋدى دەرەۋ شيحۋ قالالىق حالىق شيپاحاناسىنا جەتكىزىپ،قان قىسىمىن ولشەتسە،قان قىسىمى ورلەپ 220 عا شىققان ەكەن. شۇعىل قۇتقارۋ ارقىلى جاڭ يشيۋ  قاتەرلى كەزەڭنەن ايتەۋىر وتەدى.

جۇرات جاڭ يشيۋدى شيپاحانادان الىپ ۇيىنە جەتكىزىپ قويعاندا،   الدەقاشان ءتۇن ورتاسى بولىپ  كەتكەن ەدى.

شەشەسىنىڭ ناۋقاستانىپ قالعانى جاۋ يىڭدى قاتتى الاڭداتادى،«جۇرات شەشەمدى شىنىندا ءوزىنىڭ جاقىنىنداي كورەدى،ول دەر كەزىندە قۇتقارىپ قالماعاندا،سوڭى نەگە اپارىپ سوعارىن ويلاۋعا دا باتىلىم بارمايدى» دەدى جاۋ يىڭ. وسىدان سوڭ جاۋ يىڭ ىشكى ولكەدەگى قىزمەتىنەن     شەگىنىپ،شينجياڭعا قايتىپ كەلىپ    شارۋاشىلىق قۇرادى.

وسىناۋ جىلداردان بەرى باسىنان وتكەن ىستەردى ەسكە العان     جاڭ يشيۋ: «جۇرات كىشكەنتايىنان مەن جاساعان تاماقتى ۇناتىپ جەيدى،ول جانىمدا بولسا الاڭسىز بولام» دەدى.

ءسوز كەزەگىندە جۇرات:    «اپاي مەنىڭ جاناشىر جاقىنىمداي بولىپ كەتكەن،بۇل كىسىنىڭ ءۇيىنىڭ شارۋاسىن ءوز شارۋام دەپ بىلەم،قارتايعان شاعىندا وعان ءومىردىڭ    زەينەتىن كورسەتۋگە ءتيىسپىن.  تۋىلعان كۇنىن تولىقتاپ وتكىزىپ بەرەم دەگەن ۋادەمدى  وسى ايدا ءسوزسىز ورىندايمىن» دەدى.





رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn