ءتىلشىمىز سۇڭ جيانلياڭ حابارلايدى. 6-ايدىڭ 19-كۇنى تارباعاتاي ەگىن-مال شارۋاشىلىق عىلىم-تەحنيكا شەكتى سەرىكتەستىگى مەن چىڭدۋ يمين توبىنا قاراستى جۇڭجي قارجى قوسۋ توبى بەينە ەكران ارقىلى قاشىقتان «بۇلتتا كەلىسىم جاساۋ» تاسىلىمەن سويىس سيىر باعىمشىلىق بازاسىن سالۋ نىسانىنا قارجى قوسۋ كەلىسىمىنە قول قويىستى. نىسان قۇرىلىسى اياقتاعاننان كەيىن تارباعاتايدىڭ ساپالى سيىر ەتى چىڭدۋداعى قالا تۇرعىندارىنىڭ اس ۇستەلىنەن ورىن الاتىن بولادى.
بۇل نىسانعا 100 ميلليون يۋان قارجى قوسىلادى،قۇرىلىس ورنى شاعانتوعاي اۋدانىنىڭ جيەك قالاشىعىندا بولىپ،1000 باس ساۋىن سيىر ءوسىرۋ جانە 5000 باس سويىس سيىر بورداقىلانۋ جوسپارلانىپ وتىر. نىسان قۇرىلىسى اياقتاعاننان كەيىن،2025-جىلعا بارعاندا،مەجەمەن جىلىنا 10 مىڭ باس سيىر بورداقىلانىپ بازارعا سالىنادى ەكەن.
تارباعاتاي ەگىن-مال شارۋاشىلىق عىلىم-تەحنيكا شەكتى سەرىكتەستىگى ءناسىلدى شينجياڭ قوڭىر سيىرى اتالىعىن جەتىلدىرۋ،ءوسىرۋ جانە ساتۋدى ءبىر تۇلعالاندىرعان كاسىپورىن بولىپ،قاراستىلىعىندا 260 مىڭ مۋ مەملەكەت مەنشىگىندەگى تابيعي جايىلىم بار،شينجياڭ قوڭىر سيىرى باعىمشىلىعىن جەتەكشى كاسىپ ەتكەن شينجياڭداعى اسىل تۇقىمدى قوڭىر سيىرىن وسىرەتىن،جەتىلدىرەتىن ەڭ ءىرى كاسىپورىن سانالادى.
تارباعاتاي ەگىن-مال شارۋاشىلىق عىلىم-تەحنيكا شەكتى سەرىكتەستىگىنىڭ باس ديرەكتورى ما يان بىلاي دەدى:«بۇل نىسان تارباعاتاي ايماعىنىڭ مال شارۋاشىلىعىن جەدەل دامىتۋ قىزمەت تالابىنا ۇشتاستىرىپ،تارباعاتاي ايماعىنىڭ سويىس سيىر باعىمشىلىعى مەن مال ءناسىلىن اسىلداندىرۋدى جەبەۋدەگى ءبىر جاڭا شارا سانالدى. نىسان قۇرىلىسى سالىنىپ بولعاننان كەيىن تارباعاتايداعى مال شارۋاشىلىق كووپەراتيۆتەرىن،سونداي-اق ەگىنشى-مالشىلاردى كولەمدەنگەن،ولشەمدەنگەن باعىمشىلىقتى جۇزەگە اسىرۋعا باستاپ،اۋىل-قىستاقتارداعى ارتىق ەڭبەككۇشتەردىڭ جۇمىستانۋ ارناسىن كەڭەيتىپ،كەدەي ەگىنشى-مالشىلاردىڭ كىرىسىن ورنىقتى ارتتىرادى».
نىسان سالىنىپ بولعاننان كەيىن، عىلىم-تەحنيكالىق جاقتان ۇلگى كورسەتۋ جەتەكتەۋ رولىن تولىق ساۋلەلەندىرىپ، «سەرىكتەستىك + سەلبەستىك كووپەراتيۆى» ۇلگىسىن قولدانىپ، تەحنيكالىق باسىمدىقتى وزەك،ۇلگى كورسەتۋ،جەتەكتەۋدى باستاماشى، تۇتىنۋ قاجەتىن باعدار ەتىپ، وزەكتى باعىمشىلىقتان ۇلگى كورسەتۋ فەرماسىن قۇرىپ،تارباعاتايدىڭ ساپالى سيىر ەتىن تانىستىرۋمەن بىرگە، چىڭدۋدى ەت ونىمدەرىمەن قامداۋ كاسىپ تىزبەگىن ۇزارتادى ەكەن.
«نىساننىڭ ىرگە تەبۋى تارباعاتايدىڭ ەگىن-مال شارۋاشىلىق بايلىق قاينارىنان تولىق پايدالانىپ،ارناسى ورنىقتى، ساپاسى مەڭگەرىلمەلى چىڭدۋ قالاسىن سىرت جەردىڭ سيىر ەتىمەن قامداۋ بازاسىن بىرتىندەپ قۇرىپ، ەتپەن جانە ەت ونىمدەرمەن قامداۋ قۋاتىن كۇش سالا جوعارىلاتىپ،چىڭدۋ قالا تۇرعىندارىن ەتپەن جانە ەت ونىمدەرمەن قامداپ،چىڭدۋ قالاسىنداعى ەت ونىمدەرىن اناعۇرلىم مولايتىپ، چىڭدۋ قالا تۇرعىندارىنىڭ جوعارى ساپالى تۇرمىس قاجەتىن قاناعاتتاندىراتىن بولادى» دەدى چىڭدۋ جۇڭجي قارجى قوسۋ توبىنىڭ باس ديرەكتورى ياڭ چۇن.
ۇعىسۋعا قاراعاندا،ەكى جاق تاعى تارباعاتاي مال شارۋاشىلىق كاسىبىنىڭ ابزالدىلىعىن جانە شەكارا ساۋدا بايلىق ابزالدىلىعىن ساۋلەلەندىرىپ،لياۋنيڭنىڭ شينجياڭعا باعىتتامالى كومەكتەسىپ باعىمشىلىق،مال ءناسىلىن جەتىلدىرۋدەگى قارجى،تەحنيكالىق جاقتارداعى قولداۋلارىمەن ۇشتاستىرىپ،تاپسىرىستىق اۋىل شارۋاشىلىعى جانە جالپىلىق اۋىل شارۋاشىلىق ونىمدەرىنىڭ ەل ءىشى-سىرتىنداعى ساۋدا سەلبەستىگىن سەلبەسىپ ورىستەتىپ،ەگىمشىلىك-باعىمشىلىق بازاسى، سۋىق تىزبەك ورتالىعى جانە ساۋدا ورتالىعى سىندى ءۇش ءىرى جۇيەنى بىرتىندەپ قۇرىپ، قاراستى قامداۋ تىزبەگىنىڭ ءوندىرۋ، مانەرلەۋ جۇيەسىن كەمەلدەندىرىپ، كولەمدەنگەن،شوعىرلى كاسىپ سالاسىن دامىتپاقشى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى