ءتىلشىمىز يان ۋىنحۋا،ەرىكتى ءتىلشى ۋ شياۋحۇڭ حابارلايدى. بىرنەشە كۇننەن بەرى ساۋان اۋدانى سىداۋحىزى قالاشىعى نۇڭشىڭ قىستاعىنىڭ تۇرعىنى يۇي چيننىڭ 10 مۋ شاپتول باعىنداعى جالپاق شاپتول، مايلى شاپتول،ءتاتتى شاپتولدارى پىسىپ،جەمىستىڭ حوش ءيىسى اڭقىپ،شاپتول ءۇزۋ مەزگىلى كەلىپ جەتتى.
يۇي چيننىڭ شاپتول باقشاسى بيىل تۇڭعىش رەت جەمىس بەردى،الىستان قاراساڭىز جاپ-جاسىل جاپىراقتار اراسىنداعى ابدەن پىسقان جالپاق شاپتولدار بىردەن كوز تارتادى. شاپتول جيناپ قاربالاس بولىپ جۇرگەن يۇي چين مەن جۇمىسشىلاردىڭ جۇزىنەن مول ءونىمنىڭ قۋانىش لەبى ەسەدى.
يۇي چين ەرلى-زايىپتى ەكەۋىنىڭ جاسى الپىستان اسىپ،ماقتا سياقتى ەگىس داقىلدارىن ەگۋگە كۇيلەرى كەلمەي قالعان ەدى. 3 جىلدىڭ الدىندا ساۋان اۋداندىق اۋىل شارۋاشىلىعى،اۋىل-قىستاق مەكەمەسىنىڭ قىستاقتا تۇراتىن قىزمەت اترەتى توڭىرەكتەگى بازارلارعا تەكسەرۋ-زەرتتەۋ جۇرگىزىپ،ولاردىڭ اۋلاسىنىڭ ارتىنداعى بوس جەردى جەمىس باقشاسىنا اينالدىرۋىنا كومەكتەسىپ،جالپاق شاپتول،مايلى شاپتول،ءتاتتى شاپتولدىڭ ەڭ جاڭا سورتتارىن اكەلىپ وتىرعىزادى.
جەمىس اعاشىن وتىرعىزۋ بارىسىندا،قىزمەت اترەتى يۇي چيننىڭ اۋلا تىڭايتقىشىنان پايدالانۋىنا جەتەكشىلىك ەتتى ءارى شاپتول باقشاسىنا جۇزگە جۋىق تاۋىق باقتىرىپ،تاۋىق قيىن شاپتول باقشاسىنا تىڭعايتقىش ەتتىرىپ،زالالسىز جاسىل ءتۇستى شاپتول باقشاسىن قۇرۋىنا جول نۇسقادى.
قىزمەت اترەتىنىڭ مۇشەلەرى تەحنيكالىق باسىمدىلىقتارىن تولىق ساۋلەلەندىرىپ،يۇي چينگە شاپتول اعاشىن كومىپ قىستان شىعارۋ،بۇتاقتاۋ،توزاڭداندىرۋ،سۋارۋ جانە توپىراق قوپسىتۋ سياقتى باپتاپ-باسقارۋ تەحنيكاسىن ءبىر-بىرلەپ ۇيرەتتى.
جالپاق شاپتول پىسقاندا ساتىلۋ ارناسىن كەڭەيتۋ ءۇشىن،قىزمەت اترەتىنىڭ مۇشەلەرى ءۇنحات شوعىرى مەن دوستىق شەڭبەرىنەن پايدالانىپ، شاپتولدى بازارعا سالىپ تانىستىرىپ، ءار كيلوگرامىن 10 يۋاننان ساتىپ، توڭىرەگىندەگى بۇقارانى ساتىپ الۋعا باۋرادى.
ۋاڭ لياڭ بيڭتۋان 8-شى 121-تۋانىنىڭ جۇمىسشىسى ول جالپاق شاپتولدىڭ پىسىپ،جيناۋ مەزگىلىنە جەتكەندىگى جونىندەگى حاباردى كورگەننەن كەيىن،بالالارىن ەرتىپ، يۇي چيننىڭ شاپتول باقشاسىنا شاپتول ۇزۋگە كەلدى.
ۋاڭ لياڭ: «بۇل اراعا كەلسەڭىز، الىستان شاپتولدىڭ حوش ءيىسى اڭقيدى،شاپتولى ۇلكەن ءارى ءدامدى،باعاسى دا ارزان ەكەن. جايشىلىقتا وتباسىنداعىلارمەن بىرگە كەلىپ شاپتول ءۇزىپ،بالالاردى باۋ-باقشانىڭ قىزىعىنا شومدىرۋ دا ءبىر عانيبەت» دەدى.
يۇي چين: «شاپتول باقشامىزعا تۇگەلدەي اۋلا تىڭايتقىشىن پايدالاندىق،ەگىس دارىلەرىن ىستەتپەدىك،جەمىسىنىڭ ءتۇسى قانىق،ءدامى ءتاتتى بولىپ،شاپتولدى وزدەرى ءۇزىپ الۋعا كۇنىنە 10 شاقتى ادام كەلىپ تۇرادى. بيىل شاپتولدىڭ تۇڭعىش رەت جەمىس بەرۋى،شامامەن 2 توننادان ارتىق ءونىم الىپ،30 مىڭ يۋان اينالاسىندا كىرىس كىرەتىنى مەجەلەنىپ وتىر، مۇنان تىس تاۋىق باعىمشىلىعىنان دا 4 تە 5 مىڭ يۋان كىرىس كىرگىزبەكشىمىز» دەدى قۋانا.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى