شۋە بين شاۋەشەك قالاسىندا تەكسەرۋ-زەرتتەۋ جۇرگىزدى
ءتىلشىمىز ۋىن بو حابارلايدى. جاقىندا ايماقتىق پارتكومنىڭ شۋجيى شۋە بين شاۋەشەك قالاسىندا اۋلا شارۋاشىلىعىن،كەشكى بازار ەكونوميكاسىن،نان كاسىبىن دامىتۋ سياقتى قىزمەتتەردىڭ ورىستەتىلۋ جاعدايىنا تەكسەرۋ-زەرتتەۋ جۇرگىزدى. ول مىنالاردى باسا دارىپتەدى: «ءتورت تانىمدى» كۇشەيتىپ، «ءتورت سەنىمدى» بەكەمدەپ،«ەكىنى قورعاۋدى» ورىنداپ،باس شۋجي شي جينپيڭنىڭ ىندەتتەن ساقتانۋ-تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ،ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ،اۆتونوميالى رايوندىق پارتكومنىڭ ورنالاستىرۋى بويىنشا،اۋلا شارۋاشىلىعىن بار كۇشپەن دامىتىپ،كەشكى بازار ەكونوميكاسىنىڭ ومىرشەڭدىك كۇشىن ۇزدىكسىز قاۋلاتىپ، نان كاسىبىنىڭ دامۋىن ىلگەرىلەتىپ، اۋىل-قىستاقتى گۇلدەندىرۋ ستراتەگياسىن ىشكەرىلەي اتقارۋعا،ەكونوميكانىڭ جوعارى ساپالى دامۋىن ىلگەرىلەتۋگە كۇش قوسۋ كەرەك.
شاۋەشەك قالاسى اشىلى داعۇر ۇلتتىق اۋىلى قۇرتوبە قىستاعىنىڭ تۇرعىنى گاۋ ليانشىڭنىڭ ۇيىنە كىرگەندە اۋلاسى تاپ-تازا،رەتتى ورنالاستىرىلىپ،گۇلدەر جايقالا اشىلىپ، ارتقى اۋلاسى تىرشىلىك تىنىسىنا تولىپتى. شۋە بين ارالاي ءجۇرىپ،ونىڭ اۋلا شارۋاشىلىعىن دامىتۋ جاعدايىن ەگجەي-تەگجەيلى ۇعىستى. ول مىنالاردى اتاپ كورسەتتى: شارۋالاردى ەرەكشە اۋلا شارۋاشىلىعىن دامىتۋعا بەلسەنە جەتەكتەپ،شارۋالار كىرىسىن ارتتىرۋ ارناسىن ۇزدىكسىز كەڭەيتىپ،ۇلگى كورسەتۋ،جەتەكشىلىك ەتۋ رولىن كورنەكتىلەندىرىپ،ءۇيدىڭ الدى-ارتىنداعى الاقانداي جەردى دە كىرىس باقشاسىنا اينالدىرىپ،اۋىل-قىستاقتى گۇلدەندىرۋ ستراتەگياسىنىڭ ىشكەرىلەي اتقارىلۋىنا دەم بەرۋ كەرەك.
شاۋەشەك قالاسىنداعى باتىس ءوڭىر ساۋدا ۋنيۆەرسال تۇلعاسى مەن حۋاباۋ حالىقارالىق ساۋدا ورتالىعىندا شۋە بين كەشكى بازار قۇرىلىسىن ناق مايداندا كوزدەن كەشىرىپ، قاتىستى قىزمەت مالىمەتىن تىڭدادى. ول مىنالاردى باسا دارىپتەدى: كەشكى بازار ەكونوميكاسىنىڭ دامۋىن اناعۇرلىم ىلگەرىلەتىپ،عىلمي جوبالاۋعا،ۇيلەسىمدى ورنالاستىرۋعا تاباندى بولىپ،جۇرتتى ۇزدىكسىز باۋراپ،بۇقارانىڭ كوپ نەگىزدى،كوپ قاتتامدى تۇتىنۋ قاجەتىن قاناعاتتاندىرۋ كەرەك. حاۋىپسىز دامۋ ۇستانىمىن بەرىك ورناتىپ، قارقىندى ساپاعا بويسۇندىرۋعا تاباندى بولىپ،حاۋىپسىزدىگى مەن ساپاسىنا شىنايى كەپىلدىك ەتۋ العى شارتىندا قۇرىلىس قارقىنىن جەدەلدەتۋ كەرەك. ەرەكشەلىكتى كورنەكتىلەندىرۋگە كۇش سالىپ،سايكەستى قۇرىلعىلاردى ونان ارى كەمەلدەندىرىپ، كورىنىستىك قۇرىلىستاردى كۇشەيتىپ، كەشكى بازار ەكونوميكاسىن ويداعىداي جوبالاپ،ويداعىداي دامىتىپ،تۇتىنۋدىڭ جاڭا ارتۋ ءتۇيىنىن جەتىلدىرۋ كەرەك.
شاۋەشەك قالاسىنىڭ نان مادەنيەتى كاسىپ باقشاسىندا ءار ۇلت جۇمىسشىلارى قاربالاستىققا ءتۇسىىپ،قۇرىلىس جۇمىستارى قاۋىرت جۇرىلۋدە ەكەن. شۋە بين قۇرىلىس مايدانىنا بارىپ،قۇرىلىستىڭ اياق الىسى مەن دامۋ جوباسى سياقتى جاعدايلاردى ەگجەي- تەگجەيلى ۇعىستى. ول مىنالاردى تالاپ ەتتى: كاسىپ ءتۇرىن اناعۇرلىم مولايتىپ،بازارلاندىرۋ مەحانيزمىنە تاباندى بولىپ،ساۋداگەر شاقىرىپ،قارجى ەنگىزۋ تەبىنىن ارتتىرىپ،تيجارات تاسىلىندە ۇزدىكسىز جاڭالىق اشىپ،ساتۋ ارناسىن كەڭەيتىپ،باياندى بولۋىنا كۇش سالىپ،نان كاسىبىنىڭ اناعۇرلىم جاقسى، اناعۇرلىم تەز دامۋىن كۇش سالا ىلگەرىلەتۋ كەرەك.
ايماق باسشىلارىنان جاڭ ياۋحۋا،يان فىڭ تەكسەرۋ-زەرتتەۋدە بىرگە بولدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى