ۋىن بو
6-ايدىڭ 30-كۇنى قوبىقسارى موڭعۇل اۆتونوميالى اۋدانىندا قالا،اۋىل ورتاسىنا الەۋمەتتىك كوشە اۆتوبۋز قاتىناپ،3 قاتىناس لەنياسى بۇكىل اۋدانداعى 40 مىڭنان استام ءار ۇلت تۇرعىنى بار 11 اۋىل،قالاشىق،فەرمانى ءوزارا تۇتاستىردى. بەلەت باعاسى ءبىر يۋان عانا بولعاندىقتان،اۋىل-قىستاقتارعا قاتىناعان وسى الەۋمەتتىك كوشە اۆتوبۋزدار «ءبىر يۋاندىق اۆتوبۋز» دەپ اتالدى.
قوبىقسارى اۋداندىق پارتكوم مەن ۇكىمەت ىرىقتىلىقپەن جوبالاپ،تۇتاس لەنيا بويىنداعى ءار ۇلت بۇقاراسىنىڭ جولاۋشىلاۋى قيىن بولۋ،جول اقىسى قىمبات بولۋ ماسەلەسىن شەشتى. «ءبىر يۋاندىق اۆتوبۋز» دەگەن اتقا يە بولۋى كوڭىلدەن شىعاتىن وسى شارانىڭ بۇقارانىڭ اقشاسىن ۇنەمدەپ قالۋىنا مۇمكىندىك جاساپ قالماي،كوڭىل تورىنەن ورىن العاندىعىن شىنايى اڭعارتادى.
قازىر جەر-جەر ۇنەمشىلدىكپەن تۇرمىس وتكىزۋ يدەياسىن بەرىك ورناتىپ،اقشانى ءدال ىستەتەتىن جەرىنە جۇمساۋعا تاباندى بولۋدا. بۇقارا شۇعىل قاجەت ەتىپ وتىرعان جولاۋشىلاۋ قاجەتى الدىندا،قوبىقسارى اۋداندىق پارتكوم مەن ۇكىمەتتىڭ تايساقتاماي، جاسىرىپ-جاپپاي،3 ميلليون 260 مىڭ يۋان اقشا شىعارىپ جولاۋشى تاسىمال اۆتوبۋزىن ساتىپ الىپ،قازىنادان قارجى بوساتىپ الەۋمەتتىك كوشە اۆتوبۋز لەنياسىنىڭ اينالىمىن قامتاماسىزداندىرعاندىعىنان ولاردىڭ زور بەكىم جاساپ،ناقتى شارا قولدانعاندىعىن كورىپ الۋعا بولادى.
قالا مەن اۋىل ورتاسىنا «ءبىر يۋاندىق اۆتوبۋز» قاتىناۋىنىڭ رەالدىققا اينالۋى،تۇپتەپ كەلگەندە،قوبىقسارى اۋدانىنىڭ حالىقتى وزەك ەتكەن دامۋ يدەياسىنا تاباندى بولىپ،دۇرىس ساياسي ناتيجە كوزقاراسىن ۇستانىپ،زەيىندى حالىق بۇقاراسى ەڭ كوڭىل ءبولىپ وتىرعان،ەڭ تىكە،ەڭ رەال مۇددە ماسەلەسىن شەشۋگە،قازىنالىق شىعىستى ناقتى ىستەرگە،يگى ىستەرگە،حالىق تۇرمىسىن قامتاماسىزداندىرۋعا جانە جاقسارتۋعا جۇمساپ،ءار ۇلت بۇقاراسىنا پارتيا مەن ۇكىمەتتىڭ مەيىرىن شىنايى سەزىندىرۋىنىڭ ناتيجەسى.
ۇزاق بولاشاقتان قاراعاندا،قالا مەن اۋىل ورتاسىنا «ءبىر يۋاندىق اۆتوبۋز» قاتىناۋىنىڭ ماڭىزى جولاۋشىلاۋعا عانا قولايلى بولۋىندا ەمەس، قالا مەن اۋىل ورتاسىنا ۇزاق ۋاقىت ورنىقتى الەۋمەتتىك قاتىناس تاسىمال جۇيەسىنىڭ قالىپتاسۋى قالا مەن اۋىل اراسىنداعى الەۋمەتتىك قاتىناس توسالعىلارىن بۇزىپ،تۇرلىشە ماڭىزدى فاكتورلاردىڭ اۋىل-قىستاققا ەركىن اعىلۋىن ونان ارى جەبەپ،اۋىل-قىستاقتى گۇلدەندىرۋگە دامۋدىڭ جاڭا قوزعاۋشى كۇشىن ۇستەپ،قالا مەن اۋىلدىڭ توعىسا دامۋىن جۇزەگە اسىرۋعا دەم بەرمەك.
قالا مەن اۋىل ورتاسىنا قاتىناعان «ءبىر يۋاندىق اۆتوبۋز» قالا مەن اۋىلدى تۇتاستىرادى،ەندىگى جەردە ەڭ ماڭىزدىسى اينالىمىن ساقتاۋدا. قوبىقسارى اۋدانىنىڭ تاباندىلىقپەن اتقارۋىندا قالا مەن اۋىل ورتاسىنا قاتىناعان «ءبىر يۋاندىق اۆتوبۋزدىڭ» دامۋدى جەدەلدەتەتىن «باقىت اۆتوبۋزىنا» جانە جۇرت تىلەگىن توعىستىراتىن «جۇرەكتەرگە جىلۋلىق سيلايتىن اۆتوبۋزعا» اينالاتىنىنا كامىل سەنەمىز.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى