ءتىلشىمىز ۋاڭ چۇنلين حابارلايدى. 7-ايدىڭ 3-كۇنى ايماق ءوندىرىس حاۋىپسىزدىگى جانە اپاتتان ساقتانۋ، اپات زيانىن ازايتۋ،اپاتتان قۇتقارۋ قىزمەتى جونىندە 7-رەتكى بەينە ەكران ورنالاستىرۋ ءماجىلىسىن اشتى. ايماقتىق پارتكومنىڭ ورىنباسار شۋجيى،اكىمشىلىك مەكەمەسىنىڭ ۋاليى مۇقيات جارمۇحامبەت ءماجىلىستى باسقاردى.
ماجىلىستە ءارقايسى اۋدان،قالا جانە ايماققا توتە قاراستى قاتىستى ورىندار ءوندىرىس حاۋىپسىزدىگى جانە اپاتتان ساقتانۋ،اپات زيانىن ازايتۋ،اپاتتان قۇتقارۋ قىزمەتى جاعدايىنان مالىمەت بەردى.
ءماجىلىس مىنالاردى اتاپ كورسەتتى: يدەيالىق تانىمدى جوعارىلاتىپ، جاۋاپكەرشىلىك سەزىم مەن كوكەي تەستىلىك سەزىمدى كۇشەيتۋ كەرەك. اۋدان-قالالار،تاراۋلار باس شۋجي شي جينپيڭنىڭ ءوندىرىس حاۋىپسىزدىگى جانە اپاتتان ساقتانۋ،اپات زيانىن ازايتۋ،اپاتتان قۇتقارۋ جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ،تياناقتاندىرىپ، اۆتونوميالى رايوندىق پارتكومنىڭ،حالىق ۇكىمەتىنىڭ ورنالاستىرۋى جانە ايماقتىق پارتكومنىڭ قىزمەت تالابى بويىنشا،باسشىلىقتى كۇشەيتىپ، جاۋاپكەرشىلىكتى تياناقتاندىرىپ، شارالاردى كۇشەيتىپ،حاۋىپتى فاكتورلاردى مۇمكىندىكتىڭ بارىنشا ازايتىپ،ەكونوميكالىق،قوعامدىق دامۋ نىسانالارىن جۇزەگە اسىرۋعا، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە،ايماعىمىزدىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كەپىلدىك ەتۋگە پارمەندى حاۋىپسىزدىك كەپىلدىك ازىرلەۋ كەرەك.
ءماجىلىس مىنالاردى باسا دارىپتەدى: اپات،شىرعالاڭداردان تەرەڭ اشتى ساباق الىپ،شىرعالاڭنىڭ تۋىلۋىنان باتىل ساقتانۋ جانە ونى تەجەۋ كەرەك. اۋدان-قالالار،تاراۋلار الدىڭعى جارىم جىلدا جول قاتىناس شىرعالاڭى كوپ تۋىلۋ،ءۇرتىس تۋىلۋ سياقتىلاردان تەرەڭ اشتى ساباق الىپ،جىل باسىنان بەرگى ايماعىمىزدىڭ حاۋىپسىز ءوندىرىس شىرعالاڭ كومەسكى قاتەرلەرىنە مۇقيات تالداۋ جاساپ،شىرعالاڭ اپاتى قايتا-قايتا تۋىلۋىنىڭ تۇپكىلىكتى سەبەبىن ءدال تاۋىپ،دالمە-ءدال وڭاۋ شارالارىن بەلگىلەپ،شىرعالاڭنان ساقتانۋ جانە ونى تىزگىندەۋ جاۋاپكەرشىلىگىن ناقتىلاندىرىپ، حاۋىپسىزدىك حاۋىپ-قاتەرىن ءونىمدى تىزگىندەۋ كەرەك.
ءماجىلىس مىنالاردى تالاپ ەتتى: حاۋىپسىزدىكتى باقىلاۋ-باسقارۋدى جاپپاي كۇشەيتىپ،ءوندىرىس حاۋىپسىزدىگى جاعدايىنىڭ ورنىقتىلىعىنا شىنايى كەپىلدىك ەتۋ كەرەك. اۋدان-قالالار،تاراۋلار قازىرگى ءوندىرىس حاۋىپسىزدىگى جاعدايىنا ىشكەرىلەي تالداۋ جاساپ،حاۋىپسىزدىك تەكسەرۋىن مۇقيات ورىستەتىپ، حاۋىپسىزدىكتى باقىلاۋ-باسقارۋدى شىن مانىندە كۇشەيتىپ،ءتۇرلى حاۋىپسىزدىك شىرعالاڭىنىڭ تۋىلۋىنان باتىل ساقتانىپ جانە ونى تەجەپ،كەزەكتەگى جانە كەلەسى قادامداعى ءوندىرىس حاۋىپسىزدىگى جاعدايىنىڭ بۇكىلدەي ورنىقتى بولۋىنا بار كۇشپەن كەپىلدىك ەتۋ كەرەك.
ايماق باسشىلارىنان لي يۇڭ، ايدىن تولەۋقان،شۋە گۇيچياڭ،الي، يان فىڭ ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى