جوعارى مەكتەپ ەمتيحانىنىڭ ءتۇرلى قىزمەتىن قاتاڭ، ەگجەي-تەگجەيلى،تىڭعىلىقتى،ويداعىداي ىستەپ،سەنىمدى بەكەمدەپ،ءادىل،حاۋىپسىز،ورنىقتى،ءتارتىپتى بولۋىنا شىنايى كەپىلدىك ەتۋ كەرەك

شۋە بين جوعارى مەكتەپ ەمتيحانىنىڭ دايىندىق قىزمەتىنە تەكسەرۋ-زەرتتەۋ جۇرگىزدى
 

   ءتىلشىمىز ۋىن بو حابارلايدى.    2020-جىلعى مەملەكەتتىك ادەتتەگى جوعارى مەكتەپتەرگە وقۋشى قابىلداۋ ءبىر تۇتاس ەمتيحانى قارساڭىندا،7-ايدىڭ 5-كۇنى ايماقتىق پارتكومنىڭ شۋجيى شۋە بين شاۋەشەك قالاسىندا جوعارى مەكتەپ ەمتيحانىنىڭ دايىندىق قىزمەتى جاعدايىنا تەكسەرۋ-زەرتتەۋ جۇرگىزىپ، تۇتاس ايماعىمىزداعى ەمتيحان قىزمەتكەرلەرىنەن شىنايى حال سۇرادى. ول مىنالاردى باسا دارىپتەدى: «ءتورت تانىمدى» كۇشەيتىپ، «ءتورت سەنىمدى» بەكەمدەپ،   «ەكىنى قورعاۋدى» ورىنداپ، تىڭعىلىقتى، مۇقيات جاۋاپتى بولا وتىرىپ ءتۇرلى قىزمەتتىڭ تەرەڭدەۋىن، ناقتىلانۋىن، ەگجەي-تەگجەيلى بولۋىن ىلگەرىلەتىپ، ىندەتتەن ساقتانۋ-تىزگىندەۋدى ۇدايىلاندىرۋ جاعدايىندا جوعارى مەكتەپ ەمتيحانى قىزمەتىن كۇش سالا ويداعىداي ىستەپ، ءادىل، حاۋىپسىز ، ورنىقتى،  ءتارتىپتى بولۋىنا شىنايى كەپىلدىك ەتۋ كەرەك. 

  شۋە بين 2020-جىلعى مەملەكەتتىك ادەتتەگى جوعارى مەكتەپتەرگە وقۋشى قابىلداۋ ەمتيحانىنىڭ ايماقتىق جوعارى دارەجەلى    1-ورتا مەكتەپ ەمتيحان ءتۇيىنى مەن   شاۋەشەك قالالىق 3-ورتا مەكتەپ ەمتيحان تۇيىنىنە بارىپ، ىندەتتەن ساقتانۋ-تىزگىندەۋ، ەمتيحان مايدانىن باسقارۋ، ەمتيحان تاپسىرعان وقۋشىلارعا قىزمەت وتەۋ سياقتى جاعدايلاردى ەگجەي-تەگجەيلى ۇعىستى. ول مىنالاردى اتاپ كورسەتتى: ىندەتتەن ساقتانۋ-تىزگىندەۋ سىندى ارقاۋدى ءارقاشان شيراتىپ ۇستاپ، سالاماتتىقتى باقىلاۋ-ولشەۋ،دەنە تەمپەراتۋراسىن ولشەۋ، ەمتيحان مايدانىن زالالسىزداندىرۋ سياقتى  قىزمەتتەرىن تىڭعىلىقتى ورىستەتۋ كەرەك.  قامتاماسىزداندىرۋ قۋاتىن كۇشەيتىپ، ەمتيحان ىستەرىنە قىزمەت وتەۋ قىزمەتتەرىن ويداعىداي ىستەپ، ەمتيحان تاپسىرعان وقۋشىلارعا     اناعۇرلىم تاماشا ورتا جاراتۋ كەرەك. 

  ايماقتىڭ مەملەكەتتىك وقۋ-اعارتۋ ەمتيحانى ىستەرىنە قولباسشىلىق ەتۋ ورتالىعىندا شۋە بين اۋدان ـ قالالاردىڭ جوعارى مەكتەپ ەمتيحانىنىڭ دايىندىق قىزمەتى جاعدايىنان بەرگەن  مالىمەتىن تىڭدادى. ول مىنالاردى باسا دارىپتەدى: دەڭگەيدى جوعارىلاتىپ ، سەنىمدى  بەكەمدەپ ، ۇيىمدىق باسشىلىقتى اناعۇرلىم كۇشەيتىپ، جاۋاپكەرشىلىكتى قاتايتىپ، ناقتىلاندىرىپ،ءبىر دارەجە ءبىر دارەجەگە جەتەكشىلىك ەتىپ ىستەۋگە تاباندى بولىپ، وسكەلەڭ   جاۋاپتى بولۋ پوزيتسياسىمەن ءتۇرلى قىزمەتتى شىن مانىندە ناقتى، ەگجەي-تەگجەيلى تياناقتاندىرۋ كەرەك. ءار دارەجەلى جاۋاپتى   جولداستار، اسىرەسە، وقۋ-اعارتۋ تاراۋىنداعى  جاۋاپتى جولداستار ساياسي جاۋاپكەرشىلىكتى شىنايى ارقالاپ، جاڭا جاعدايعا ۇزدىكسىز  ۇيلەسىپ، جاڭا تالاپتاردى تياناقتاندىرىپ، جوعارى مەكتەپ ەمتيحانىنىڭ ءتۇرلى قىزمەتتەرىن ىشكەرىلەي، ەگجەي-تەگجەيلى ويداعىداي ىستەۋ كەرەك. 

  تەكسەرۋ-زەرتتەۋ بارىسىندا،شۋە بين مىنالاردى تالاپ ەتتى: حالىقتى وزەك ەتكەن دامۋ يدەياسىنا باستان-اياق تاباندى بولىپ، جوعارى مەكتەپ ەمتيحانىنىڭ ءتۇرلى قىزمەتىن ويداعىداي ىستەۋدەگى جاۋاپكەرشىلىك سەزىم مەن كوكەي تەستىلىك سەزىمدى شىنايى   كۇشەيتىپ،ىندەتتەن ساقتانۋ-تىزگىندەۋ، ەمتيحان حاۋىپسىزدىگى،ەمتيحان بەرەتىن وقۋشىلارعا قىزمەت وتەۋ سياقتى قىزمەتتەردى بارىنشا بايسالدىلىقپەن، اناعۇرلىم ەگجەي-تەگجەيلى ويداعىداي ىستەۋ كەرەك. ەڭ جوعارى ولشەممەن، ەڭ قاتاڭ شارالارمەن جوعارى مەكتەپ ەمتيحانى كەزىندەگى ىندەتتەن ساقتانۋ قىزمەتىن ويداعىداي ىستەپ،بارلىق ىندەتتەن ساقتانۋ شارالارىن قاتاڭ تياناقتاندىرىپ،     جوعارى مەكتەپ ەمتيحانىنىڭ ساۋ-سالامات، حاۋىپسىز وتۋىنە شىنايى كەپىلدىك ەتۋ كەرەك. دايىندىق جوباسىن بارىنشا كەمەلدەندىرىپ، مەحانيزمدەردى اقاۋسىزداندىرىپ، جاۋاپكەرشىلىكتى تياناقتاندىرىپ،ناقتى شايقاس جاتتىعۋىن كۇشەيتىپ، توسىن تۋىلعان وقيعالارعا تۇبەگەيلى توتەپ بەرۋ قۋاتىن جوعارىلاتۋ    كەرەك. حاۋىپسىزدىك، قۇپيالىقتى ساقتاۋ  قىزمەتتەرىن مىقتى ۇستاپ،ەمتيحان ستيلىن، ەمتيحان ءتارتىبىن قاتايتىپ،ەمتيحاننىڭ ادىلدىگىن كۇش سالا قورعاۋ كەرەك. قاتىناس، ىشەر اس پەن جاتىن ورىن،دەنساۋلىق ساقتاۋ،ىستىقتان قورعانۋ سياقتى قامتاماسىزداندىرۋ قىزمەتتەرىن ويداعىداي ىستەپ، ماڭايداعى  ورتانى رەتكە سالۋ-وڭاۋدى كۇشەيتىپ، ەمتيحان تاپسىراتىن وقۋشىلارعا پسيحيكالىق جاقتان جەتەكشىلىك ەتۋ قىزمەتىن ويداعىداي ىستەپ، قولايلى دا ساپالى قىزمەت وتەۋ جانە قامتاماسىز ەتۋ كەرەك. پارتيانىڭ وقۋ-اعارتۋ باعىتىن جاپپاي دايەكتىلەندىرىپ، حالىق رازى بولاتىن وقۋ- اعارتۋدى ويداعىداي جۇرگىزىپ،   ءمورال، اقىل-وي، دەنە،ەستەتيكا،ەڭبەك جاقتارىنان جان-جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن كۇش سالا باۋلۋ كەرەك. 

  ايماق باسشىلارىنان جاڭ ياۋحۋا،      نيڭ شۋەسۇڭ تەكسەرۋ-زەرتتەۋدە بىرگە بولدى. 



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى