ءتىلشىمىز ۋاڭ تيڭ حابارلايدى. «بۇگىن ‹ۇيرەنۋدە قۋاتتى ەل› تۇعىرىنان ۇيرەندىڭ بە؟». شاعانتوعاي اۋدانىندا «ۇيرەنۋدە قۋاتتى ەل» تۇعىرىنان ۇيرەنۋ جاڭا سالتقا اينالدى. جاقىننان بەرى شاعانتوعاي اۋدانىنداعى ورىندار،اۋىل-قالاشىق،فەرمالار ىركەس-تىركەس «ۇيرەنۋدە قۋاتتى ەل» بىلىمدەرىنەن زەيىن سىناۋ جارىسى قيمىلىن ورىستەتتى.
شاعانتوعاي اۋدانى جانكىسى اۋىلىنىڭ «ۇيرەنۋدە قۋاتتى ەل» بىلىمدەرىنەن زەيىن سىناۋ جارىسى «ۇيرەنۋدە قۋاتتى ەل جونىندەگى اڭگىمەلەرىم» تاقىرىبىنداعى دەكلاماتسيا جارىسى،جەلىدە تالاسا جاۋاپ قايتارۋ جارىسى جانە ناق مايدان زەيىن سىناۋ جارىسى سىندى ءۇش تۇرگە بولىنگەن.
دەكلاماتسيا جارىسىندا ءارقايسى قىستاقتان كەلگەن شەبەرلەر نەگىزگى تاقىرىپتى تىعىز ارقاۋ ەتىپ،جاڭا داۋىردەگى جاستاردىڭ اسقاق ارمانعا تالپىنىپ،قاراپايىم قىزمەت ورىندارىندا جاسامپازدىقپەن ۇيرەنىپ،داۋىرمەن بىرگە العا باسىپ،وتانمەن بىرگە قۇلشىنا العا ىلگەرىلەۋدەگى بەرىك سەنىمدەرىن جىگەرلى دە اسەرلى تىلمەن بەينەلەدى.
«نەگىزگى ساتىداعى قىزمەتكەرلەر ‹ۇيرەنۋدە قۇدىرەتتى ەل› تۇعىرى ارقىلى مەملەكەتتىڭ جاڭا جاعدايىن،جاڭا اۋقىمىن بىلۋمەن بىرگە،ساياسي،ەكونوميكا،مادەنيەت سالاسىنا قاتىستى بىلىمدەردى دە ۇيرەندى. مۇنان سىرت، ۇيرەنۋدەن العان اسەرلەرىن ورتاقتاسا الاتىن بولدى» دەدى جانكىسى اۋىلى جىلاندى قىستاعى ايەلدەر بىرلەستىگىنىڭ مەڭگەرۋشىسى لو يۇيفاڭ.
جەلىدە جاۋاپ قايتارۋ جارىسىندا،رۋحى كوتەرىڭكى،جىگەرى اسقاق شەبەرلەر جۇرگىزۋشىنىڭ قويعان سۇراقتارىنا بايىپپەن جاۋاپ قايتارىپ،كەلبەتتەرىن ايگىلەۋمەن بىرگە، ۇجىمنىڭ سەلبەسۋ رۋحىن ايگىلەدى،قيمىل مايدانى قاتاڭ،مۇقيات،ءتارتىپتى بولدى.
جانكىسى اۋىلى جۇنجۇرەك قىستاعى كوميتەتىنىڭ مۇشەسى ما لي:« تامشى تاما كول بولار دەگەندەي،كۇندە تاباندىلىقپەن ۇيرەنگەندە عانا مول ءبىلىم قابىلداپ،دەڭگەيىمىزدى جوعارىلاتىپ،ۇزدىكسىز العا باسا الامىز» دەدى.
7-ايدىڭ 2-كۇنى قارابۋرا قالاشىعى «ۇيرەنۋدە قۋاتتى ەل» تۇعىرىن جالپىلاستىرۋ قيمىلىن ورىستەتىپ،ورگان مەن قاراستىلىعىنداعى بەس الەۋمەتتىك اۋماق پارتيا ياچەيكاسىنداعى پارتيا مۇشەلەرىنىڭ ۋاكىلدەرى،بۇقارا ۋاكىلدەرى،سونداي-اق ساقا پارتيا مۇشەلەرىنىڭ ۋاكىلدەرى بولىپ،60 تان استام ادام قاتىناستى.
«وسى رەتكى جارىس ارقىلى قالىڭ پارتيا مۇشەلەرى مەن بۇقارانىڭ نازاريالىق دەڭگەيىن جوعارىلاتىپ قانا قالماستان،پارتيا مۇشەلەرىنىڭ ۇيرەنۋ بەلسەندىلىگىن تولىق قوزعادىق» دەدى قارابۋرا قالاشىعىنىڭ ورگان كادرى تيان يۇيجىن. ول تاعى دا:« ‹ۇيرەنۋدە قۋاتتى ەل› تۇعىرىنىڭ مازمۇنى باي،بۇكىل پارتيانى تياناق ەتىپ،بۇكىل قوعامعا باعىتتالعان عىلمي نازاريا ۇيرەنۋ شەبى سانالادى، اۋىس-كۇيىس ىقپالداستىعى مەن ات سالىسۋ سيپاتى كۇشتى بولىپ،قالىڭ پارتيا مۇشەلەرى مەن كادرلاردى جانە بۇقارانى ات سالىسۋعا باۋراۋدا» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى