مىڭ گۇيليڭ مەن ءۇش تۋىسىنىڭ ەتەنە قاتىناسى

􀴁 ءتىلشىمىز لي يانرۇڭ 
 
 مىڭ گۇيليڭ شيحۋ قالالىق حالىق شيپاحاناسى اس قورىتۋ،بۇيرەك اۋرۋ،ىشكى سەكراتسيا ءبولىمىنىڭ سەسترالار باستىعى. ونىڭ ءۇش تۋىسى بار،نەشە جىلدان بەرى ول ءۇش  تۋىسىمەن ءوزارا كومەكتەسىپ،ءوزارا قارايلاسىپ،ۇلتتار ىنتىماعىنىڭ دوستىعىن جۇرەكتەرىنە تەرەڭ ۇيالاتتى.

روزاحۇننىڭ ءۇيى شيحۋ قالاسى جينتايجياياڭ الەۋمەتتىك اۋماعىندا،2018-جىلى مىڭ گۇيليڭ ونىمەن جۇپ قۇراپ تۋىس بولدى.

روزاحۇننىڭ قولى كەم،ونىڭ ۇستىنە تۇراقتى قىزمەتى دە جوق ەدى.   ءبىراق ول فارفور كەرپىشىن جاتقىزۋ،ەلەكتر سىمىن،سۋ قۇبىرىن جالعاۋ سياقتى تەحنيكالىق جۇمىستاردى ىستەي الاتىن. مىڭ گۇيليڭ: «جۋىق جىلداردان بەرى شيحۋ قالاسى ۇشقان قۇستاي دامىدى،كوپتەگەن تۇرعىندار  عيماراتى ارت-ارتىنان بوي كوتەردى. وسى ساۋدا ورايىن بايقاپ،روزاحۇنعا ءۇي اشەكەيلەيتىن كوپ جۇمىستار  تانىستىرىپ،تۇراقتى كىرىس كىرگىزۋىنە مۇمكىندىك جاراتتىم،نەگىزگى تۇرمىسى قامتاماسىز ەتىلدى» دەدى.

ىستىق ىقىلاستى قىزمەت وتەۋى مەن جەتىك شەبەرلىگىنىڭ ارقاسىندا روزاحۇن مىڭ گۇيليڭنىڭ ءۇمىتىن جەردە قالدىرمادى،ءۇي اشەكەيلەۋ جۇمىستارى ارت-ارتىنان تابىلىپ تۇردى.
سا ۋىنشيۇڭ شيحۋ قالاسى   جىرعىلتى موڭعۇل ۇلتتىق اۋىلى   تەرەكتى قىستاعىنىڭ تۇرعىنى،ول مىڭ گۇيليڭنىڭ «شتات سىرتىنداعى» تۋىسى ەدى.

مىڭ گۇيليڭ: «سا اعايمەن تەرەكتى قىستاعىندا وتباسىلارىن ارالاپ،جاعداي ۇعىسۋ بارىسىندا تانىسقام. ەكى بالاسى مەنى قاشان كەلەدى دەپ جولىما  قاراپ جۇرەدى» دەدى.

بالالارعا ويىنشىق ساتىپ الىپ، كىتاپ وقىپ،ەرتەك ايتىپ بەرەدى... ءار رەت سا ۋىنشيۇڭنىڭ ەكى بالاسىمەن كەزىككەندە مىڭ گۇيليڭ ەكى بالانى انالىق ىستىق مەيىرىنە بولەپ،ونىمەن بىرگە وتكەن ءار ساتتەرى بالالارعا تاماشا ەستەمە قالدىرادى.

 سا ۋىنشيۇڭ: «شياۋ مىڭ وتباسىما كەلسە بولدى اۋلانى،ءۇي ءىشىن  تازالاپ،تالاسا-تارماسا جۇمىس   ىستەيدى» دەدى. دەنساۋلىعىڭىز قانداي؟ قان قىسىمىڭىز تۇراقتى ما؟... ءار رەت سا ۋىنشيۇڭنىڭ وتباسىنا بارعاندا مىڭ گۇيليڭ ءبىر ءۇيلى جاننىڭ دەنساۋلىعىن قالت جىبەرمەي تەكسەرىپ تۇراتىن.

مىڭ گۇيليڭنىڭ حۇيزۋ قىزمەتتەسى ما حايليڭ سۇيەك اۋرۋلار ءبولىمىنىڭ سەستراسى. بۇرىن مىڭ گۇيليڭ ەكەۋى سۇيەك اۋرۋلار بولىمىندە بىرگە  قىزمەت ىستەگەن. ءوزارا كومەكتەسىپ،قارايلاسىپ تۇراتىن اپەكە-سىڭلىلەردەن بولعان. كۇندەلىكتى تۇرمىستا ءبىر-بىرىنە ىستىق ىقىلاستى،جاقسى ارالاسىپ تۇرعاندىقتان،ەكى وتباسىنداعىلار دا ەتەنە بولىپ كەتكەن،   ارالاسا كەلە ۇلتتار ىنتىماعىنىڭ تۇقىمىن بىرگە سەپتى.

مىڭ گۇيليڭ: «ما حايليڭنىڭ   كۇيەۋى لا يۋەچياڭ كىرە اۆتوكولىگىن جۇرگىزەدى،ءبىز ۇنەمى ونىڭ اۆتوكولىگىن ىستەتىپ تۇرامىز،ول دا ەشقاشان اۋرە كورگەن ەمەس» دەدى. 

تۋىستىق ارالاسقان سايىن قويۋلايدى. مىڭ گۇيليڭ: «بۇل ءۇش    تۋىسىممەن تانىسىپ،بۇگىنگى كۇنى ءبىر وتباسىنىڭ ادامدارىنداي ەتەنە بولىپ كەتتىك، بۇل دا بولسا باعىم. مۇنان كەيىندە تۋىستارىممەن بولعان بايلانىسىمدى ءتىپتى دە كۇشەيتىپ، تۋىسىمنىڭ جۇمىستارىن ءوز جۇمىسىمداي كورىپ تىندىرامىن،ولارعا   شىن ىقىلاسپەن قامقورلىق جاساپ  مەيىرگە بولەيمىن» دەدى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى