ءتىلشىمىز جاڭ گوحۇي،ەرىكتى ءتىلشى فىڭ حۋالي حابارلايدى. 7-ايدىڭ 8-كۇنى شيحۋ قالاسى باسىحۋ اۋىلى باقاي قىستاعىنىڭ تۇرعىنى ۋاڭ ايمين. «ءبىر ءتاۋىرى قىزمەت اترەتى تاسپا بۇرشاقتى ۇزۋگە،ساتۋعا كومەكتەسىپ،ەڭبەككۇش جەتىسپەۋ قيىنشىلىعىمدى شەشىپ بەردى» دەدى .
سول كۇنى باقاي قىستاعىنىڭ كوكونىس تولايىم ساتۋ بازارىندا شيحۋ قالالىق جاراتىلىستىق بايلىق مەكەمەسىنىڭ باقاي قىستاعىندا تۇراتىن «ۇعىسۋ، تيىمدىلىك جاساۋ،توعىستىرۋ» قىزمەت اترەتى مەن قىستاق «ەكى كوميتەتى» ۋاڭ ايميننىڭ جاڭادان ۇزگەن تاسپا بۇرشاعىن دوربالاپ،اۆتوكولىككە تيەپ بەردى.
اسىلىندە نەشە كۇننىڭ الدىندا قىزمەت اترەتى وتباسىلارىن ارالاپ جاعداي ۇعىسا بارعاندا، ۋاڭ ايميننىڭ تاسپا بۇرشاعى تولىق پىسىپ كەتكەنىن،جيىپ الۋعا جۇمىسشى تابا الماي،ابىرجىپ وتىرعانىن بىلەدى.
وسى جاعدايدان حاباردار بولعان قىزمەت اترەتى اترەت مۇشەلەرى مەن قىستاق كادرلارىن ۇيىمداستىرىپ،ۋاڭ ايميننىڭ تاسپا بۇرشاعىن جيىپ الۋىنا كومەكتەستى. كوپشىلىك جۇمىستى ايقىن ءبولىسىپ،ءۇزىپ،باۋلاپ،تاسىپ، اۆتوكولىككە تيەپ،ەڭبەك مايدانىن دۋمانعا بولەدى.
ەكى كۇندە ۋاڭ ايميننىڭ تاسپا بۇرشاعى جينالىپ بولدى ءارى قىزمەت اترەتى قارامايلى كوكونىس تولايىم ساتۋ بازارىمەن،بەييۋانچۇن تولايىم ساتۋ بازارىمەن،شيحۋ قالا رايونىنداعى كوكونىس ساتۋ دۇكەندەرىمەن بەلسەنە بايلانىس جاساپ،ۋاڭ ايمينعا تاپسىرىس اكەلىپ بەردى. ۋاڭ ايميننىڭ 4 توننا تاسپا بۇرشاعى ءۇش كۇنگە جەتپەي ساتىلىپ بولدى.
ءوندىرىستىڭ قاربالاس كەزىندە قىزمەت اترەتى مەن قىستاق «ەكى كوميتەتى» القاسىنىڭ مۇشەلەرى حالىققا قولايلى قىزمەت وتەۋ شاعىن اترەتىن قۇرىپ،كوكونىس اتىزدارىنا بارىپ،قىستاق تۇرعىندارىنىڭ ءوندىرىس جۇمىسىنا كومەكتەستى. ولاردىڭ كەيبىرەۋلەرى تىڭايتقىش بەرىپ،ءدارى شاشسا،كەيبىرەۋلەرى ءشوپ وتاپ،كوكونىس جيناسىپ، قىستاق تۇرعىندارىنىڭ قيىنشىلىعىن شەشىپ، ءوندىرىس-تۇرمىستارىنىڭ قالىپتى جۇرىلۋىنە شىنايى كەپىلدىك ەتتى.
قىستاقتىڭ ءبىرىنشى شۋجيى، قىزمەت اترەتىنىڭ باستىعى ۋاڭ جيانجۇن بىلاي دەدى: «ءوندىرىستىڭ قاربالاس كەزىندە حالىققا قولايلى قىزمەت وتەۋ شاعىن اترەتى كومەككە مۇقتاج شارۋالارعا گرۋپپالارعا ءبولىنىپ كومەكتەسىپ،ەڭبەككۇشتىڭ جەتىسپەۋ ماسەلەسىن شەشىپ،ءوندىرىس ۋاقىتىن وتكىزىپ الماۋعا كەپىلدىك ەتتى. قىزمەت اترەتى جاڭادان ءۇنحات توبىن قۇرىپ،اۋىل شارۋاشىلىق تەحنيكتەرىن ۇسىنىس ەتىپ،ءۇنحات توبىندا قىستاق تۇرعىندارىنا عىلمي جولمەن ەگۋ بىلىمدەرىن ۇيرەتىپ،قىستاق تۇرعىندارىنىڭ كوكونىس ەگۋ بارىسىندا جولىققان قيىن ماسەلەلەرىن دەر كەزىندە شەشىپ وتىردى».
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى