قىستاق تۇرعىندارىنىڭ «ۇساق ىستەرى» دە مەن ءۇشىن «ءىرى ءىس»

تولى اۋداندىق مال شارۋاشىلىعى،مال شيپاگەرلىگى پۋنكتىنىڭ تولى قالاشىعى تەسباقان قىستاعىندا تۇراتىن «ۇعىسۋ،تيىمدىلىك جاساۋ،توعىستىرۋ» قىزمەت اترەتىنىڭ ورىنباسار باستىعى تىلەك ەلامان جايلى

□ ءتىلشىمىز ۋاڭ تيڭ

ۇستىنە سۇرى مايكە،قارا ءتۇستى سپورت سىم،اياعىنا سپورت شاقايىن كيگەن،جيناقى جاننىڭ ءون بويىنان جاستىق جالىن لاۋلاپ،ەكپىنىنەن  جەل ەسىپ،اياق الىسى  ارتىنان جۇگىرە ءجۇرىپ تىلشىلىك ىستەۋىڭدى قاجەت ەتەدى،مىنە بۇل 30 جاستاعى تىلەك ەلاماننىڭ ماعان قالدىرعان تۇڭعىش اسەرى ەدى. 

2017-جىلدىڭ باسىندا،تولى  اۋداندىق مال شارۋاشىلىعى،مال  شيپاگەرلىگى پۋنكتىنىڭ كادرى تىلەك جاڭاشا اۋىل-قىستاق قۇرىلىسىنا  دەگەن اڭسارى مەن تالپىنىسىنىڭ   جەتەگىندە ءوتىنىش ەتىپ تولى    قالاشىعىنىڭ تەسباقان قىستاعىندا تۇراتىن «ۇعىسۋ،تيىمدىلىك جاساۋ،توعىستىرۋ» قىزمەت اترەتىنىڭ ورىنباسار باستىعى بولدى. 

7-ايدىڭ 14-كۇنى تىلەك:     «قىستاققا العاش كەلگەندە،بارلىعى تاڭسىق بولدى. وتباسىن ارالاپ، جاعداي ۇعىسىپ،ىشكەرىلەي      ارالاسۋ بارىسىندا،ءار ۇيدەن ىشكەن  ءبىر شىنى ىستىق شاي ءوزارا   سۇيىسپەنشىلىگىمىزدى ارتتىردى ءارى وسى بارىستا ادامدار ارا ەڭ قاراپايىم قارىم-قاتىناسىنىڭ سالماعىن سەزىندىم» دەدى. 

  وتباسىن ارالاپ،كەدەيلەردى    سۇيەمەلدەۋ ساياساتىن ۇگىتتەدى، وتباسىنىڭ نەگىزگى جاعدايىن ۇعىستى،وتباسىندىق قايشىلىقتاردى شەشتى... قىزمەت بارىسىندا تىلەك جاپا-ماشاقاتقا شىداپ،كىشپەيىلدىكپەن العا ىلگەرىلەي بەردى،قىستاقتا تۇرعاننان بەرى كۇنگە كۇيىپ قارايسا دا،قىستاق تۇرعىندارىن كەدەيلىكتەن ارىلتىپ،اۋقاتتاندىرۋ جولىندا تىنباي ۇمتىلىپ كەلەدى. 

قىستاق تۇرعىندارى اسىعا كۇتىپ  وتىرعان قانداي ىستەرىن شەشىپ بەرگەندىگىن اۋىزعا العاندا،تىلەك    «قىزمەت ەستەلىگىن» الىپ شىعىپ:   «قىستاق تۇرعىندارىنىڭ كىشكەنە،ۇساق ىستەرىن ءبىر جاقتىلى ەتكەندە عانا،ولار ءوندىرىستى دامىتىپ،اۋقاتتانۋ جولىنا تۇسە الادى. قىستاق تۇرعىندارىن ۇيىمداستىرىپ،اقجار وزەنىنىڭ سۋىن اتىز باسىنا جەتكىزىپ،قىستاق   تۇرعىندارىنىڭ ەگىستىكتەن ورمانعا قايتارعان جەرى مەن جوڭىشقاسىن سۋمەن قامدادىق؛كوپ رەت    سايكەستىرە وتىرىپ،31 قىستاق  تۇرعىنىنا ەگىستىكتى ورمانعا قايتارۋ جىلجىمايتىن مۇلىك كۋالىگىن تەگىن ءبىتىرىپ بەردىك؛قىستاعىمىزداعى ارحيۆ تۇرعىزىلىپ،كارتچكالاندىرىلعان  9 وتباسىنا شاعىن سومالى سەنىمدى  امانات قارىزىن ءوتىنىش ەتىپ،قايتا-قايتا ساراپتاۋ ارقىلى ولاردىڭ     ىشىندەگى 6 وتباسى 260 مىڭ يۋان شاعىن سومالى سەنىمدى قارىز اقشاعا يە بولدى ...» دەدى.

قىزمەت اترەتىنىڭ باستىعى      يۋە شيۋلي: «تىلەك مال شيپاگەرى    بولعاندىقتان،وتباسىن ارالاپ جاعداي ۇعىسۋ بارىسىندا،باعىمشىلىق پەن  ىندەتتەن ساقتانۋ سياقتى جاقتاردان قىستاق تۇرعىندارىنا ۇنەمى تەحنيكالىق جەتەكشىلىك ەتىپ،قىستاق تۇرعىندارىنىڭ اۋلا باعىمشىلىعىن ءتىپتى دە جاقسى دامىتۋىنا مۇمكىندىك جاراتتى. العاشىندا توسىرقاسا قازىر ىرىقتىلىقپەن كىرىسىپ،قىستاق تۇرعىندارىنىڭ  سەنىمى مەن القاۋىنا يە بولدى»   دەدى. 

تىلەك پارتياعا كىرۋدى ارماندايتىن ەدى،2019-جىلى 11-ايدىڭ 12-كۇنى ول اقىرى كەۋدەسىنە پارتيا ىزناگىن تاقتى. ول پارتيا مۇشەسى  ەڭ اۋەلى تۋراشىل بولۋى كەرەك،ونان كەيىن قىستاق تۇرعىندارىنا  جاقسى ناقتى ىستەردى ىستەپ،بار ىنتا-پەيىلىمەن قىستاق تۇرعىندارىنا قىزمەت وتەۋى كەرەك دەپ قارايدى ەكەن.

تىلەك ورمان شارۋاشىلىعى     تاراۋلارىمەن حابارلاسىپ،سايكەستىرە وتىرىپ،قىستاقتاعى ارحيۆ تۇرعىزىلىپ،كارتچكالاندىرىلعان 14 وتباسىنا ءار جىلى 15 مىڭ 120 يۋان ەگىستىكتى ورمانعا قايتارۋ قوسىمشا قاراجاتىن،20 مىڭ يۋان جوڭىشقاعا بەرەتىن قوسىمشا قاراجاتىن تاراتۋعا كەپىلدىك ەتتى. سونىمەن بىرگە،شارتقا ۇيلەسەتىن ارحيۆ تۇرعىزىلىپ،كارتچكالاندىرىلعان 11 كەدەي وتباسىن ەكولوگيالىق  ورماننىڭ قورعاۋشىسى بولۋعا تاڭداپ ۇسىنىس ەتىپ،ولاردىڭ ورنىقتى  جۇمىستانۋىنا كومەكتەستى. 

ارحيۆ تۇرعىزىلىپ،كارتچكالاندىرىلعان كەدەي وتباسى نۇرجانات مۇراتبەك:  «مەندە رەۆماتيزم بار،الىس جەرلەرگە بارا المايمىن،مەنى ورمان قورعاۋشىسى بولۋعا ۇسىنىس ەتۋىنىڭ ءوزى ماعان سەنىم ارتقاندىعى،ونىڭ ۇستىنە اي سايىن ەڭبەكاقى بەرەدى،وزىندىك ۇلەسىمدى قوسۋمەن بىرگە،وتباسىنىڭ ەگىس شارۋاسىن دا اقساتپايتىن بولدىم،شىنىندا وتە جاقسى بولدى» دەدى. 

قىستاق تۇرعىنى اسەمقان: «تىلەك وتە جاقسى بالا،ۇنەمى كەلىپ   جاعدايىمدى ۇعىسىپ،اۋلامدى تازالاپ كەتەدى» دەدى. 

80 جاستان اسقان اسەمقان جالعىز باستى جان. تىلەك قاريامەن اڭگىمەلەسۋ ارقىلى تەرەڭ سۇيىسپەنشىلىك ورناتقان، ۇنەمى جانىنان اقشا شىعارىپ،قارياعا تۇرمىستىق بۇيىمدار الىپ بەرەتىن ەدى. 

تىلەك: «قىستاقتا تۇرعاننان بەرى وسىنداي ۇساق-تۇيەك ىستەردى  ءبىتىرىپ بەرگەندە قىستاق تۇرعىندارىنىڭ قاباعى اشىلىپ،جادىراعان جۇزدەرىن كورىپ،كەۋدەمدى ماقتانىش پەن  باقىت سەزىمى كەرنەيدى» دەدى. 


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى