ءتىلشىمىز سۇڭ جيانلياڭ حابارلايدى. «بۇل ساۋاننىڭ تورە تاباق تاۋىق ەتى،الاتىن دوستار تاپسىرىس بەرۋلەرىڭىزگە بولادى،بۇگىن تيىمدىلىك جاساۋ قيمىلى بار... » جۋىقتان بەرى ساۋان اۋدانىنداعى ەلەكتروندى ساۋدا قىزمەت وتەۋ ورتالىعى ينتەرنەتتە تىكە تاراتۋ ارقىلى زات تانىستىرۋ قيمىلىن نەشە مارتە ۇيىمداستىرىپ،«تىكە تاراتۋ + ەلەكتروندى ساۋدا» ساتۋ ۇلگىسىنەن پايدالانىپ،تىكە تاراتۋ تەكشەسىمەن سەلبەسىپ،ينتەرنەت جەلىسىندە، جەلىدەن تىس ساتۋ ەكى ارناسى ارقىلى اۋىل شارۋاشىلىق ەرەكشە ونىمدەرىنىڭ ساۋاننان شىعارىلۋىن ىلگەرىلەتتى.
جۋىق جىلداردان بەرى ساۋان اۋدانى جەرگىلىكتى ورىن ەگىن،مال شارۋاشىلىعىنىڭ دامۋ ەرەكشەلىگىن تياناق ەتىپ،ءىس جۇزىندىك جاعدايمەن ۇشتاستىرىپ،ەگىنشى- مالشىلاردى ەرەكشە ەگىمشىلىك پەن باعىمشىلىقتى دامىتۋعا،سونىمەن بىرگە قىزىل بۇرىش،سارىمساق،سەلەندى ءتاتتى كارتوپ،كۇرىش،كۇلشە شاپتول،سارى قاربىز،جۇگەرى جانە اۋاسىز قوراپتاعان تورە تاباق تاۋىق ەتى،ءبيداي كوجە،سىركە سۋى،تۇزدالعان كوكونىس،كۇنجىت قويمالجىڭى قوسىلعان جۇمىرتقا،بال سياقتى اۋىل شارۋاشىلىق قوسىمشا ونىمدەرىن دامىتۋعا شابىتتاندىردى.
ساۋان اۋداندىق ەلەكتروندى ساۋدا قىزمەت وتەۋ ورتالىعىنىڭ جاۋاپتىسى جوۋ ساييىڭ بىلاي دەدى: «جەلىدە ساتۋ كەزەكتەگى ساۋدا ىستەرىنىڭ دامۋىنداعى بەتالىس،ەلەكتروندى ساۋدا قىزمەت وتەۋ ورتالىعىمىز فۋنكتسيالىق رولىن تولىق ساۋلەلەندىرىپ،ساۋاننىڭ ەرەكشە ونىمدەرىن بەلسەنە تانىستىرىپ،قىزمەت وتەۋدى ويداعىداي ىستەيدى. سونىمەن بىرگە،شينجياڭنىڭ ءىشى–سىرتىنداعى كاسىپورىندار مەن سايكەسىپ،كاسىپورىندار مەن بۇقارانىڭ ساتۋ جاعىندا جولىققان قيىن ماسەلەلەرىن شەشىم ەتەدى».
ساۋان اۋدانىنداعى «ۋيشۋەتاڭ» تاربيەلەۋ ورتالىعىنىڭ اتقارۋشى مەكتەپ مەڭگەرۋشىسى،ينتەرنەت جۇلدىزى دۇڭ يانان: «ساۋان اۋدانىندا جاقسى نارسە كوپ،جالپىلاستىرۋعا ابدەن تاتيدى،ساۋان اۋدانىنىڭ اۋىل شارۋاشىلىق قوسىمشا ونىمدەرىنىڭ ۋاكىلەتشىسى بولعانىمدى ماقتانىش سەزىنەمىن. ءبىزدىڭ ‹ۋيشۋەتاڭ› ينتەرنەت تىكە تاراتىلىمى جاعىنان تاربيەلەۋ ارقىلى اتا مەكەن ونىمدەرىنىڭ ۋاكىلەتشى ينتەرنەت جۇلدىزى، جۇرگىزۋشىسى كوبەيە ءتۇسۋىن ءۇمىت ەتەدى ءارى ساۋان اۋداندىق ەلەكتروندى ساۋدا قىزمەت وتەۋ ورتالىعى سىندى تەكشەدەن پايدالانىپ،ساۋاننىڭ ءتىپتى دە كوپ ەرەكشە ونىمدەرىن ەلىمىزدىڭ جەر-جەرىنە تانىستىرادى» دەدى.
ساۋان اۋداندىق ەلەكتروندى ساۋدا قىزمەت وتەۋ ورتالىعى تۇتاس اۋدانداعى ءارقايسى اۋىل-قىستاقتاردا اۋىل شارۋاشىلىق قوسىمشا ونىمدەرىن ساتۋ تۇيىندەرىن اشىپ،اليبابا تارباعاتاي كاسىپ بەلدەۋىنە ارقا سۇيەپ،تارباعاتاي ايماعىنىڭ ءارقايسى اۋدان-قالالارىنداعى ساپالى اۋىل شارۋاشىلىق قوسىمشا ونىمدەرىن ساۋان اۋدانىندا ساتۋدى جالپىلاستىردى.
ساۋان اۋدانى سانداۋحىزى قالاشىعىنىڭ تۇرعىنى چين شۋەجىنىڭ ەكى بالاسىنىڭ ءبىرى شاڭحايدا،ەندى ءبىرى ءۇرىمجى قالاسىندا قىزمەت ىستەيدى،بالالارى ءار جولى تۋىسشىلاي كەلىپ،قايتارىندا چين شۋەجى ولارعا ساۋان اۋدانىنىڭ جەرلىك ونىمدەرىن سالىپ بەرەدى.
چين شۋەجى: «ولاردىڭ كوڭىلدەنە وتىرىپ ءدامدى تاعامداردى جەپ،دوستىق شەڭبەرلەرىنە شىعارعانىن كورگەنىمدە قۋانىپ قالامىن. بالالارعا اتا مەكەندەرىنىڭ جەرلىك ونىمىنەن ءدام تاتقىزۋمەن بىرگە،ولار ارقىلى ساۋاننىڭ جەرلىك ونىمدەرىن كوپتەگەن ادامدارعا تانىستىرسام دەيمىن» دەدى.
جوۋ ساييىڭ: «جەلىدەن تىس ساتۋ تۇعىرىن قۇرۋ ارقىلى جەرگىلىكتى ورىندا ساتۋ ارناسىن قۇرىپ،ساتۋدىڭ وزىندىك قۇنىن تومەندەتۋ مەن بىرگە، جەرلىك ورىنداعى تۇرعىنداردىڭ اۋىل شارۋاشىلىق قوسىمشا ونىمدەرىنە دەگەن اڭىسى مەن ۇگىتى ارقىلى اۋىل شارۋاشىلىق قوسىمشا ونىمدەرىنىڭ ساپاسىن جوعارىلاتىپ،ءتۇرىن مولايتىپ،تاڭداۋلى ونىمدەرىمىزدى سىرتقا شىعارا الامىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى