ەەڭ جاڭا مازمۇندار
قىستاق تۇرعىندارى پايدا بولىسىنە تيگەن قويلارىن تاپسىرىپ الدى
پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولايىق
اكىمشىلىك مەكەمەسى 2020-جىلعى 26-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى ۇكىمەت،بانكە،كاسىپورىننىڭ قارجى قۇراۋدى ۇشتاستىرۋ،كەلىسىمگە قول قويۋ اڭگىمە ءماجىلىسىن اشتى
چاڭجىڭ الەۋمەتتىك اۋماعىنىڭ «شەبەرلىكپەن جونگە سالۋ» جولى
مادەنيەت وركەندەپ،ساياحات شالقىپ،بۇقارا شاتتىققا شومدى
تۇتىنۋ ارقىلى كەدەيلەردى سۇيەمەلدەۋگە دەم بەردى
جاڭا دامۋ ۇستانىمىن بۇلجىتپاي دايەكتىلەندىرەيىك
شينجياڭ حيكاياسىن ارىندى تەبىنمەن ويداعىداي باياندايىق
ءتىپتى دە كوپ ”كوكتەم حيكاياسىن“ جالعاستى جازايىق
ستەرەولدى قاتىناس تورابى تارباعاتايدىڭ «جىلدامدىقتى تەزدەتۋىنە» كۇش ۇستەدى
بۇلتاي: تاعامجاي اشىپ،ءتورت ماۋسىمدا دا كىرىس كىرگىزدى
داندىك وجاۋقاباقتان مول ءونىم الدى
جاقسى باستاپ، جاقسى اياقتاتىپ، تىڭعىلىقتى ىستەپ، تياناقتى ناتيجەگە قول جەتكىزىپ، تولىق جەڭىسكە جەتپەيىنشە استە شەپتەن قايتپاۋ كەرەك
مول ءونىم العان مەزگىلدە جۇگەرى كەپتىرۋدىڭ قاربالاستىعىنا ءتۇستى
3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ،ۇگىتتەپ، دايەكتىلەندىرىپ،جاڭا داۋىردەگى جۇڭگوشا سوتسياليستىك شينجياڭ قۇرۋعا تارباعاتايدىڭ ۇلەسىن قوسايىق
رەفورما جاساۋ، ەسىك اشۋدى اناعۇرلىم كۇشتى ارىنمەن، اناعۇرلىم جوعارى باستامادا ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا بۇكىل ەلدىڭ الدىڭعى لەگىندە ءجۇرىپ، جاڭا ناتيجەلەر جاراتۋ كەرەك
زاڭمەن جونگە سالۋ لەكسياسى مەكتەپتەرگە جەتكىزىلدى
شيحۋ: «1-قازان» التىن اپتالىعىندا 218 مىڭ ادام (رەت) ساياحاتشى باۋرادى
ايماعىمىزداعى 5 ساياحات كورىنىس رايونىنا مەملەكەتتىك 3A دارەجەلى ساياحات كورىنىس رايونى اتاعى بەرىلدى
2020-جىلى 10-ايدىڭ 21-كۇنى 198 - سان
پارتيا ورتالىق كوميتەتىنىڭ كەلەلى باعىت-ساياساتتارى مەن اۆتونوميالى رايوندىق پارتكومنىڭ ورنالاستىرۋلارىن باتىل دايەكتىلەندىرىپ، جاڭا داۋىردەگى شينجياڭ قىزمەتىنىڭ جاڭا جاعدايىن قۇلشىنا اشۋعا بەلسەنە كۇش-قۋاتتى ارناۋ كەرەك
توراپتا بازارلى قىستاق قوس مەرەكەدە ساياحاتشىلار،ءسوزسىز،باراتىن جەرگە اينالدى
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتى ونىنشى جالپى ءماجىلىسىنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ، جاڭا داۋىردەگى شينجياڭ قىزمەتى
اۆتونوميالى رايوندىق 9 - كەزەكتى پارتكومنىڭ ونىنشى جالپى ءماجىلىسى اشىلدى
كورىكتى اۋىل-قىستاق ساياحاتشىلاردى باۋرادى
رۋحىن ۇيرەنىپ،شىنايى يگەرىپ،ناقتى ىستەپ،دامۋدى جەبەيىك
ويعا توقىپ،كوڭىلگە ۇيالاتىپ،تەرەڭدەي ۇيرەنىپ،جەتە ءتۇسىندى
ۇلانۇس قالاشىعى كۇزدىك ءبيداي تۇقىمىن ءسىڭىرۋ قىزمەتىن باستادى
كەدەيلىكتەن ارىلۋعا نەگىز قالانىپ،اۋقاتتانۋعا جول اشىلىپ،دوڭگەلەك داۋلەتتىلىككە جەتەلەدى

ءبۇپاتامنىڭ ءۇش «اناسى»

جولدانعان ۋاقىتى : 2020/7/24 16:37:00

شاعىن شولۋ

 
ءبىر-بىرىنە جالعاسقان قايىرىمدىلىق ۇلى سۇيىسپەنشىلىككە ۇلاستى

□ ۋاڭ جىبيڭ
 
 
ءبۇپاتام ءارى سورماڭداي،ءارى باقىتتى جان. ويتكەنى،ءۇش «انا» بىرلەسىپ 20 جىلدان استام ۋاقىتقا سوزىلعان مەيىرباندىلىقتىڭ جۇلگەسىن سومدادى. بۇل ءبىر شىنايى دا   قاراپايىم ءارى جان تەبىرەنتەرلىك سۇيىسپەنشىلىك ەسەپتەلەدى.

  وسى ءۇش «انا» ءبۇپاتامعا    قارايلاسۋدى قاراپايىم ءىس سانادى، بارلىعى كورشى بولعاندىقتان،وعان ءبىر مەيىرلى باسپانا سيلاۋدى عانا ويلاعان. مىنە بۇگىن وسى ءبىر   قاراپايىم ىستەن شىنايى ۇلى    سۇيىسپەنشىلىكتى اڭعارىپ وتىرمىز.   

ەشقانداي قانداستىق قاتىناسى جوق وسى ءۇش «انا» ءبۇپاتامعا دەن قويا قارايلاسىپ،«جورگەكتەگى نارەستەنى» «اقىلدى قىز» ەتىپ تاربيەلەپ جەتكىزدى. ولاردىڭ بۇل بارىستاعى بەرگەن بوداۋى مەن شەككەن جاپاسى ايتپاسا دا    تۇسىنىكتى. ءۇش «انا» ۇلى   سۇيىسپەنشىلىكتەرى ارقىلى جۇڭحۋا ۇلتىنىڭ تاڭداۋلى ءمورالى بولعان قايىرىمدىلىقتىڭ شۋاعىمەن تارباعاتاي دالاسىن نۇرلاندىردى. بۇل بارلىق ادامنىڭ ۇيرەنۋىنە تاتيدى.

  كەيبىرەۋلەر: «ۇزاق اۋىرعان ادامنىڭ قادىرى جوق» دەيدى ەكەن. الايدا،ەشقانداي قانداستىق قاتىناسى جوق وسى ءۇش «انا» ءبۇپاتامعا 20 جىل قارايلاسقانىن قاراپايىم عانا ىسكە   بالاپ،ادامگەرشىلىكتەرىمەن بارلىعىمىزدى ءتانتى ەتىپ،جۇڭحۋا ۇلتىنىڭ تاڭداۋلى ءمورالى بولعان قايىرىمدىلىقتى ءوز بويلارىنان تولىق ايگىلەپ وتىر.

  وسى ءۇش «انا» ايتقانداي،     «ءبۇپاتام باستان-اياق سوتسياليستىك ۇلى شاڭىراقتىڭ مەيىرلى قۇشاعىندا جاساپ كەلەدى». ولاردىڭ سۇيىسپەنشىلىكتەرىن جالعاستىرۋىنا پارتيانىڭ قامقورلىعى تىرەك بولعانى انىق. فەرما پارتكومى مەن باسقارۋ   كوميتەتى جانە قىستاق «ەكى   كوميتەتى» ءبۇپاتامعا ەرەكشە كوڭىل ءبولىپ،وعان كومەك قاراجات   بەردى. 2007-جىلى وعان ەڭ تومەنگى تۇرمىستى قامتاماسىزداندىرۋ قاراجاتىن ءوتىنىش ەتىپ بەردى. 2016-جىلى ءبۇپاتام مۇگەدەكتەرگە بەرىلەتىن قوسىمشا قاراجاتتان    يگىلىكتەندى. قىستاقتاعى 19 ءار ۇلت جەلەكتىسى «مەيىربان انالار» ۇيىمىن  قۇرىپ،ءوز جاندارىنان اقشا شىعارىپ،ءبۇپاتامعا جالعاستى قارايلاسۋعا   ازىرلەنۋدە.

  ءبىر-بىرىنە جالعاسقان قايىرىمدىلىق ۇلى سۇيىسپەنشىلىككە ۇلاستى. وسى ۇلى سۇيىسپەنشىلىك جۇرت جۇرەگىن تەبىرەنتىپ،الىپ تولقىنعا اينالۋدا.



□ ءتىلشىمىز ۋاڭ جىبيڭ،ۇسىنىس   ەتىلگەن ءتىلشى ليۋ پىڭ،ءتىلشىمىز جازيرا قاجىكەن



  ريزۋان لاتيپ پەن ءبۇپاتام مامۇتتىڭ تىلدەسۋ ءتاسىلى وزگەشە ەكەن.

  ريزۋان ادەتتە باسەڭ سويلەگەنىمەن  بۇپاتاممەن سويلەسكەندە مۇلدە باسقا ادامعا وزگەرىپ،قولىن،قاسىن،   ميميكاسىن تۇگەل ىسكە قوسادى   ەكەن،سىرىن بىلمەيتىندەردىڭ ەكەۋى «ءۇنسىز تەاتر» ويناپ وتىر ما دەپ قالارى مىندا تۇر.

  بۇل ەكەۋىنىڭ عانا ءتىل جۇيەسى ەكەن.

  7-ايدىڭ 8-كۇنى ولارعا جولىققانىمىزدا ريزۋان ۇساق گۇلدى كويلەك كيگەن ءبۇپاتامعا قاراپ قولىن « C » فورماسىنا كەلتىرگەن ەدى،ءبۇپاتام باس بارماعىن شىعارىپ،ونان سوڭ قاسىن سيپاپ،يەگىن قاعىپ سىقىلىقتاي   جونەلدى.

  ءبىز اڭتارىلىپ قالىپ ەدىك،ريزۋان يشاراتتارىن تۇسىندىرە: «مەن وعان قوناق كەلدى دەدىم! ول قۋانعانىن ءبىلدىرىپ،باس بارماعىن شىعاردى،ونىڭ قاسىن سيپاعانى ايەل ەكەن دەگەنى،ايەلدەر قاسىن سىزسا ادەمى كورىنەدى ەمەس پە،يەگىن قاققانى ەر ادام دەگەنى». بۇل قىزىقتى تۇسىندىرمە ءبىزدى بۇپاتاممەن  ىشكەرىلەي تانىسۋعا اسىقتىرا بەردى. 

  ءبۇپاتامنىڭ ءۇيى ءدوربىلجىن اۋدانى ەمىل فەرماسى توپتال قىستاعىندا، وسى اقىل-ەسى كەم جان بيىل 51 جاستا ەكەن.

  ريزۋان بۇپاتاممەن جاستى. ونىڭ ءۇشىنشى «اناسى». بۇرىن ءبۇپاتامنىڭ تاعى باھار ۇسەناحۇن،ارداق نۇرعازى دەگەن «انالارى» بولعان ەكەن. وسى  ءۇش «انا» ءبۇپاتامعا كەزەكپەن    قارايلاسقانىنا 20 جىل بولىپتى.

  قازىر ريزۋان مەن ءبۇپاتامنىڭ بىرگە تۇرمىس كەشىرگەنىنە 12 جىل بولىپتى،ءبۇپاتام اۋىزعا الىنسا بولعانى ريزۋاننىڭ كوڭىلى جادىراي تۇسەدى، ويتكەنى ول —
      
     اقىلدى «قۇلىنشاق»

  ريزۋاننىڭ ۇيىنە كىرىسىمىزبەن   ءبۇپاتام ءبىزدى سۇپىعا شىعۋعا زورلادى. ءبارىمىز جايعاسىپ بولعان سوڭ،ءوزى ريزۋاننىڭ قاسىنا كەلىپ وتىردى.

  ءبۇپاتامنىڭ ءجۇزىمدى جاقسى كورەتىنىن ەستىپ،وعان ءجۇزىم   بەرگەنىمىزدە ءبۇپاتام ريزۋانعا    قارادى،«اناسى» باسىن يزەگەن ەدى؛ كۇلىمسىرەپ ءجۇزىمدى قولىنا الدى. ءبىر شەتتە وتىرعان فەرما پارتكومىنىڭ مۇشەسى بايان رامازان: «ءبۇپاتام  ەجەلدەن بوتەن ادام بەرگەن نارسەنى المايدى» دەدى.

  ءبۇپاتام ءبىر جاعىنان اۋزىن سۇرتە وتىرىپ «اناسىنا» قاراپ قول يشاراتىن جاسادى،ەكەۋى ءبىر-بىرىنە كوزدەرىن قىسىپ،جىميىپ كۇلىستى. ريزۋان:    «كوز قىسقانىمىز — قۇپيالىعىمىزدى بىلدىرەدى،ءبۇپاتام شاشىمدى ەندى عانا قيدىردىم،وسكەننەن كەيىن سۋرەتكە ءتۇسىپ،قابىرعاعا ءىلىپ قويامىن دەيدى» دەدى،ءبارىمىزدىڭ نازارىمىز ءبۇپاتامعا اۋعاندا،ول ىڭعايسىزدانا تومەن قاراپ «اناسىنىڭ» قولىنان ۇستاي الدى.

  بايان: «بۇل ەكەۋى بىردە ‹انا-بالا›، بىردە ‹دوس› سياقتى،ءبۇپاتام ءارى سورماڭداي،ءارى باقىتتى جان بولدى» دەدى.

  سورماڭداي بولاتىنى،ەندى عانا دۇنيە ەسىگىن اشا سالا ءبۇپاتامدى تۋعان اكە-شەشەسى تاستاپ كەتەدى. 1998-جىلى اسىراپ العان اكەسى قايتىس بولادى،وسىدان ەكى جىلدان كەيىن اسىراپ العان شەشەسى دە كوز جۇمادى.

  باعى بار بولاتىنى،قىستاقتاعى ءۇش «انا» وعان ءوز بالاسىنداي قارايلاسادى. ءبۇپاتام 5 جاسقا كەلگەندە شيپاگەر وعان 3 جاستاعى بالانىڭ عانا اقىل-ەسى بار دەگەن دياگنوز قويادى،الايدا قازىر تاڭعالارلىعى ول سول كەزدەگىسىنەن الدەقايدا اقىلدى ەكەن.

  2009-جىلى 9-ايدا 40 جاستاعى ءبۇپاتام ريزۋاننىڭ ۇيىنە كەلەدى. سول كەزدە ول ۇنەمى بۇتىنا جىبەرىپ  قوياتىن ەدى. ريزۋان ءبۇپاتامنىڭ سوڭىنا ءتۇسىپ،ۇزبەي ەسكەرتىپ وتىرادى.  ءسويتىپ،ۋاقىت ۇزارا كەلە ۇلكەن-كىشى دارەتكە وتىرۋدى ادەتىنە اينالدىرادى.

  ءبۇپاتام دىر-دۋماندى ۇناتاتىندىقتان، قىستاقتى ارالاۋعا اۋەس ەكەن،ريزۋان وعان بەيتانىس ادامنىڭ نارسەسىن الۋعا بولمايتىندىعىن،باسقالارعا بەتالدى   ىلەسپەۋىن ەسكەرتىپ وتىرادى. ءبۇپاتام «اقىلدى» بولىپ،ءار جولى الىس كەتپەي،ءۇيىنىڭ ماڭىندا جۇرەدى. كەيدە ول كورشىسىنىڭ ۇيىنەن ءسۇت ساتىپ اكەلىپ،«اناسىنا» قولعابىسىن دا تيگىزەدى ەكەن.

  وتكەن جىلى 10-ايدىڭ 5-كۇنى ءبۇپاتامنىڭ 50 جاسقا كەلگەن تۋىلعان كۇنىندە ريزۋان اۋدان قالاشىعىنان  ءبىر ۇلكەن بالكۇلشە ساتىپ اكەلىپ، قىستاقتاعى 9 اپەكە-سىڭلىلەرىن   شاقىرىپ،ونىڭ تۋىلعان كۇنىن تويلاپ بەرەدى. سول كۇنى ءبۇپاتام    ءدامدى بالكۇلشەنى جەپ،ءماز-مايرام بولادى.

  «اقىلدى ءبۇپاتامنىڭ تەنتەكتىك ىستەيتىن كەزى دە بار» دەدى قىستاق ايەلدەر بىرلەستىگىنىڭ ءتورايىمى   رايحان ۇسەناحۇن. بىلتىر 11-ايدىڭ  17-كۇنى ريزۋان مەن قىستاقتاعى  5 اپەكە-ءسىڭلى ءبۇپاتامدى اۋدان قالاشىعىنا ساماۋىر سورپاسىن جەۋگە ەرتىپ بارعاندا،ول جەي وتىرىپ، باس بارماعىن شىعارىپ تاماقتىڭ   ءدامىن ماقتايدى. كەنەت ءبىر ءتۇرلى كۇلىمسى ءيىس شىعادى. سويتسە   ءبۇپاتام ۇلكەن دارەتىنە يە بولا الماي قالعان ەكەن. سول ساتتە ول باسىن سالبىراتىپ،ريزۋانعا قاراۋعا باتىنا  المايدى. «ول دا قاتەلىگىن بىلەدى» دەيدى ريزۋان.

  ريزۋاننىڭ ءىنىسى ماحمۇتجان لاتيپ: «اپەكەم ءبۇپاتامعا ءوز بالاسىنداي دەن قويا قارايلاسادى» دەدى. 2018-جىلى ريزۋان ءبۇپاتامعا 45 شارشى مەترلىك كەدەيلەردى سۇيەمەلدەۋ ءۇيىن ءوتىنىش ەتىپ،ءۇيدى جارقىراتىپ بەزەندىرەدى. بيىل پار قازان ورناتىپ بەرمەكشى... ءىنىسىنىڭ ءسوزىن ەستىگەننەن كەيىن ريزۋان ءبۇپاتامعا مەيىرلەنە  قاراپ،2000-جىلعى 8-ايدى ەسكە الدى،ءبۇپاتامنىڭ اسىراپ العان شەشەسى قايتىس بولىپ،ول جالعىز قالعاندا ريزۋاننىڭ جاقسى دوسى باھار ونى ۇيىنە الىپ كەتەدى،ءبىراق ول كەزدە ول «جورگەكتەگى ءسابي» ەدى.

   «جورگەكتەگى ءسابي»

  ءبۇپاتامنىڭ قاراۋسىز قالعاندىعىنان حابار العاننان كەيىن «ءبىز قىسىلا تۇرايىق،ءبىر بولمەنى ءبۇپاتامعا   بوساتىپ،وعان وتباسىنىڭ مەيىرىن سەزىندىرەيىك» دەيدى باھار     ۇيىندەگىلەرگە.   

  سول كەزدە باھاردىڭ ەكى ۇلى وقۋدا ەدى،ەنەسى اۋرۋشاڭ بولىپ،ءبىر ءۇيلى جان 40 نەشە شارشى مەترلىك ۇيدە تۇراتىن.

  سول جىلى ءبۇپاتام 31 جاستا بولعانىمەن،اقىل-ەسى جورگەكتەگى سابيدىكىندەي عانا بولىپ،تاماققا تويعانىن بىلمەيدى ەكەن. باھار ونىڭ تاماعىن مولشەرلەپ بەرەدى،تۇندە ۇنەمى استىنا جىبەرىپ قوياتىندىقتان، تۇنىمەن كورپەسىن ءالسىن-ءالى   الماستىرىپ شىعادى ەكەن.

  ءبىر جولى باھار ۇيگە كىرىپ  كەلگەندە قولقانى قاباتىن ساسىق ءيىس شىعادى. ول سىپىدا ۇلكەن دارەتىن مىجعىلاپ ويناپ وتىرعان ءبۇپاتامدى كورەدى. سول كەزدە باھار اشۋدان جارىلارداي بولسا دا ءبۇپاتامنىڭ كىناسىز جانارىنا قاراپ كوڭىلى لەزدە بوساپ،دەرەۋ ونى جۋىپ تازالايدى. «نە شارا،ول ءسابي بالاداي،ول ايالاۋعا مۇقتاج» دەدى ول. 

  «سول كەزدە ءار كۇنى ورنىمنان تۇرا سالا كورپەسىن كۇنگە جايامىن،كۇن اشىق بولسا جاقسى،جاڭبىر جاۋعان كۇندەرى كورپەنى وشاققا قارسىلاپ كەپتىرەمىن» دەدى باھار. باھار بۋىنى قابىنىپ كەتكەن بارماعىن كورسەتە: «كىر جۋۋ ماشيناسى    بولماعاندىقتان،ۇنەمى ونىڭ كورپە-جاستىق،كيىم-كەشەكتەرىن قولمەن جۋامىن،كىردى كوپ جۋا-جۋا   رەۆماتيزم بولدىم،قازىر قولىمدى سۋىق سۋعا مالسام بولعانى سىرقىراپ قاقساپ اۋىرادى» دەدى.

  ءبۇپاتام وزىمەن جاستى بولعانىمەن،ونىڭ كوڭىلدى تۇرمىس كەشىرۋى ءۇشىن باھار وعان ءوز قىزىنداي  قارايدى.

  2011-جىلى باھار تۇڭعىش رەت ءبۇپاتامعا تۋعان كۇنىن وتكىزىپ  بەرەدى. ۇيىندە ەت جوق بولعاندىقتان، كۇيەۋى اۋدان قالاشىعىنان ەت ساتىپ اكەلىپ،ءبىر تاباق پالاۋ باسادى.   ءبۇپاتام جەمىس-جيدەكتى جاقسى كورەتىندىكتەن،باھار ۇنەمى وعان جەمىس-جيدەك اكەلىپ بەرەدى...

  قازىر ءبۇپاتامنىڭ امان-ەسەن، كوڭىلدى جۇرگەندىگىن كورىپ    باھاردىڭ دا كوڭىلى جاي تاپقان. 14 جىلدىڭ الدىنداعى ءىس ونىڭ كوز الدىنا كولبەڭدەي بەردى،ەنەسى  كەنەت سالدانىپ توسەك تارتىپ جاتىپ قالادى دا ءبۇپاتام مەن ەنەسىنە تەڭ قارايلاسىپ قاتتى قالجىرايدى. ونىڭ جاقىن اپەكە-ءسىڭلىسى ارداق جاعدايعا قاراپ: «ءبۇپاتامعا مەن قارايىن» دەيدى. ءبىراق سول كەزدەگى ءبۇپاتام باستى قاتتى قاتىراتىن ەدى،بەينە —

  قىرسىقتى «جامان قىز» ەدى

  2006-جىلى 8-ايدا ارداق ءبۇپاتامدى ۇيىنە ەرتىپ بارادى.

  ارداقتىڭ ۇيىنە العاش بارعاندا   ءبۇپاتامنىڭ كوڭىل كۇيىندە نەداۋىر تولقۋ بولادى. قيت ەتسە اشۋ شاقىرادى،جۋىنبايدى،تاماق جەمەيدى...

  العاش رەت ءبۇپاتامدى جۋىندىرعاندا ونىڭ اشۋعا باسىپ،جۇدىرىعىمەن سۋلياۋ تەگەنەنى ۇرىپ شاعىپ تاستاعانى ارداقتىڭ ەسىنەن ءالى كۇنگە دەيىن كەتپەگەن. سول كەزدە ارداق ەتتى-جەندى ءبۇپاتامنىڭ الدىندا قايتەرىن بىلمەي قالعان ەكەن. 

  ءبۇپاتام ۇيقىشىل بولعاندىقتان،ارداق ەركىنە جىبەرىپ،ويانعاننان كەيىن تاماعىن جىلىتىپ بەرەدى. ءبىراق ءبۇپاتام تەرىس قاراپ وتىرىپ الاتىندى،ىدىستاعى  تاماقتى توگە سالاتىندى شىعارادى.

  ءبۇپاتامنىڭ بۇنىسىنا قاراپ ارداقتىڭ دا كەڭىردەگىنەن اس وتپەيدى. بىرنەشە كۇن زەر سالا باقىلاعاننان كەيىن،ارداق ءبۇپاتامنىڭ كەم اقىل بولعانىمەن،وتە سەزىمتال ەكەندىگىن بايقايدى. ءاسىلى ول ءار جولى اسقان تاماق جەيمىن دەپ ويلايدى ەكەن. 

  ءبۇپاتامنىڭ سىرىن بىلگەننەن كەيىن،ارداق ءار كۇنى ءبۇپاتامدى ورنىنان ەرتە تۇرعىزىپ،تۇسكە   دەيىن ۇيىقتايتىن ادەتىن وزگەرتىپ، كوپشىلىكپەن بىرگە تاماقتاناتىن   ەتەدى. ايرىقشا جاعدايدا ارداق ونى توسىپ وتىراتىن بولدى.

  ءبۇپاتامنىڭ تاماقتانۋى قالپىنا تۇسكەننەن كەيىن ارداقتىڭ كوڭىلى ورنىعادى. كەيىنتىنگى ءبىر كىشكەنتاي وقيعا ارداقتى ەرەكشە اسەرلەندىرەدى. ءبىر رەت ارداق ءبىر كويلەك    تىگەدى،ءبۇپاتام بۇل كويلەكتى الا قاشىپ دەنەسىنە دالدەپ كورەدى.   ءاسىلى ول دا ادەمى كويلەك كيۋدى ۇناتادى ەكەن. ونى ەندى جۋىندىرا الاتىن بولدىم دەپ ويلايدى ارداق. ارداق كويلەكتى الىپ جۋىنعان يشارات جاسايدى،ءبۇپاتام ءسال اڭتارىلىپ تۇرعاننان كەيىن زورعا دەگەندە   باسىن يزەيدى.

  ول كەزدە ءبۇپاتام كەز كەلگەن جەرگە دارەتكە وتىرىپ،ارداقتىڭ ابدەن مازاسىن الادى ەكەن. ءبۇپاتام دىر- دۋماندى جاقسى كورەدى،ۇيگە قوناق كەلگەندە ول قايتەرىن بىلمەي    قۋانادى ەكەن. ارداق قولىمەن اۋزى-مۇرنىن جاۋىپ،ونى سۇيرەپ دارەت قىلعان جەرىنە اكەلىپ،قوناقتاردىڭ بارلىعى كەتىپ قالاتىندىعىن يشاراتپەن كورسەتەدى. 

  بۇل ءادىس ايتقانداي-اق ءونىم بەرەدى. مىنە بۇل باستاۋىش مەكتەپ ماعلۇماتى عانا بار ارداقتىڭ بالا   تاربيەلەۋدەگى پاراساتتىلىعىن اڭعارتادى.

  ءبىر جىل كوندىگۋ ارقىلى «انا مەن قىزدىڭ» بايلانىسى بارعان سايىن قويۋلاپ،ءبۇپاتامنىڭ مىنەزى بىرتىندەپ جاقسارادى. وكىنەرلىگى جىعىلعان   ۇستىنە جۇدىرىق بولعانداي،2009-جىلى 9-ايدا ارداق ومىراۋ راگىنا  شالدىعىپ،ءبۇپاتامعا قارايلاسۋعا امالسىز قالادى.

  ءبۇپاتام راسىندا باقىتتى جان،وسى كەزدە ريزۋان ءبۇپاتامدى الىپ قايتىپ جالعاستى قارايدى. وسىلايشا ماقالانىڭ باسىنداعى حيكاياعا كۋا بولا الدىق.

  توپتال قىستاعىندا تۋىلعان فەرمانىڭ ۇگىت قىزمەتكەرى شيە جىنحۋا  ءبۇپاتامنىڭ اسىراپ العان شەشەسىنىڭ دەنساۋلىعى ەجەلدەن جاقسى ەمەس ەكەندىگىن،سول كەزدە ءبۇپاتامنىڭ دەنەسىندەگى بوگدە ءيىستىڭ وتە   اۋىر،مىنەزى عاجايىپ ەكەندىگىن، ءبۇپاتامنىڭ بۇگىنگى تۇرمىسى ءۇش   «اناسىنىڭ» قامقورلىعىنىڭ ارقاسى   ەكەندىگىن بۇكپەسىز ايتتى.



رەداكتورى : الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

 
powered by IlgharCMS 3.2 www.ilghar.cn