ەەڭ جاڭا مازمۇندار
2020-جىلى 9-ايدىڭ 30 -كۇنى 183- سان
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك ۇيرەنىپ، دايەكتىلەندىرىپ، تياناقتاندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق،دالمە-ءدال دايەكتىلەندىرەيىك
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي ىشكەرىلەي ۇيرەنىپ،ۇگىتتەپ،دايەكتىلەندىرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ تياناقتانىپ تامىر تارتۋىن ىلگەرىلەتۋ كەرەك
جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز
جەر-جەر،تاراۋلار ءتۇرلى فورمامەن 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن مۇقيات ۇيرەندى
پارتيا ورتالىق كوميتەتىنىڭ شىنايى قامقورلىعىن قىزمەتتىڭ قوزعاۋشى كۇشىنە اينالدىرامىز
جوعارى ساپالى دامۋدىڭ جاۋابىن جازدى
2020-جىلى 9-ايدىڭ 29 -كۇنى 182- سان
شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك
G219 (تارباعاتاي بولىگى) «قاتىناس+ساياحات» نىسانىنىڭ تۇتاس لەنياسى سالىنىپ بولىپ،اۆتوموبيل قاتىنادى
باس شۋجي نۇسقاعان بەتالىستى بويلاپ،جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز
شىنايى يگەرىپ،ناقتى ىستەپ،ۇدەرە العا باسامىز
شىنايى يگەرىپ،ناقتى ىستەپ،ۇدەرە العا باسامىز
2020-جىلى 9-ايدىڭ 28 -كۇنى 181- سان
2020-جىلى 9-ايدىڭ 26-كۇنى 180- سان
مەنىڭ مەكەنىم جۇڭگوداعى ەڭ كورىكتى قىستاق-قالاشىق
ءوندىرىستى بار قارقىنمەن جەدەلدەتتى
ۇلتتى گۇلدەندىرۋدىڭ ۇلى مىندەتىن ارقالايتىن ءداۋىردىڭ جاڭا ادامدارىن باۋلۋعا قۇلشىنايىق
اكىمشىلىك مەكەمەسى ءوندىرىس حاۋىپسىزدىگى جانە اپاتتان ساقتانۋ،اپات زيانىن ازايتۋ، اپاتتان قۇتقارۋ قىزمەتى ارناۋلى تاقىرىپتىق ءماجىلىسىن اشتى
كاسىپ سالاسى ارقىلى كەدەيلەردى سۇيەمەلدەپ، جۇمىستانۋ ۇقىعىن قامتاماسىز ەتۋدىڭ شينجياڭ امالياتى
تۋ تيانشان الابىنا جەتەكشىلىك ەتتى، دامۋدىڭ جاڭا تاراۋى جازىلدى
اسقاق تيانشاندا ايبىندى جوبا
وڭتۇستىك شينجياڭداعى جاڭا تىنىسقا سۇيىنە قاراعاندا
وقۋ - اعارتۋ، مادەنيەت، دەنساۋلىق ساقتاۋ، دەنە تاربيە ىستەرىنىڭ دامۋىن جالپى بەتتىك ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك
ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 10 - توپتا شينجياڭعا كومەكتەسەتىن كادر - دارىندىلارىن قارسى الۋ جينالىسى جانە باۋلۋ كۋرسىنىڭ اشىلۋ سالتى وتكىزىلدى
اۆتونوميالى رايوندىق پارتكوم 1-شارلاۋ گرۋپپاسىنىڭ تارباعاتاي ايماعىنا شارلاۋ جۇرگىزۋ قىزمەتىنە اتتانىسقا كەلتىرۋ ءماجىلىسى اشىلدى
اۆتونوميالى رايوندىق پارتكوم 1-شارلاۋ گرۋپپاسىنىڭ تارباعاتاي ايماعىنا شارلاۋ جۇرگىزۋ حابارلاندىرۋى
شينجياڭنىڭ ءار ۇلت بۇقاراسىنىڭ ابىرويلى ەڭبەك ىستەۋىن جەبەۋى ادامدىق ۇقىققا قۇرمەت ەتكەندىك جانە قامتاماسىز ەتكەندىك
شينجياڭداعى ءار ۇلت حالقىنىڭ تاماشا تۇرمىستى جاراتۋ جولىنداعى قۇلشىنىسىن داتتاۋعا بولمايدى

كالىمعازىنىڭ قۋانىش جاسى

جولدانعان ۋاقىتى : 2020/9/8 11:44:05

چيۋ گۋاڭشين، يان ۋىنحۋا، تۇيمەقان يساقان 

جارسۋات قىستاعى ساۋان اۋدانىنىڭ  بورتىنكو اۋىلىنا ورنالاسقان،تيانشاننىڭ   ەتەگىندەگى باس-اياعى شاعىن، كوركەم، تاۋلى قىستاق،ءبىزدىڭ تىلگە تيەك ەتپەكشىمىز وسى قىستاقتا تۇراتىن ءبىر قازاق وتباسى،وكىنەرلىگى ءبىر ۇيدەگى ءۇش جان تۇگەلدەي مۇگەدەك ەدى.

57 جاستاعى كالىمعازىنىڭ قۇلاعى اۋىر،تەك قاراپايىم ەگىس جۇمىستارىن عانا ىستەي الادى؛جۇبايى باقىتگۇلدىڭ اياعى كەم، بالداققا سۇيەنىپ ارەڭ جۇرەدى؛ۇلى  جۇماعالي تۋما ساڭىراۋ، بويى ءبىر مەتر 80 سانتيمەتر كەلەتىن شومبالداي جىگىت   شەشەسىنىڭ «كولىگى»،شەشەسى قايدا بارسا سوندا ارقالاپ اپارادى.

تالاي جىلداردان بەرى كالىمعازى وتباسى مەملەكەتتىڭ ەڭ تومەنگى تۇرمىستى   قامتاماسىزداندىرۋ جانە كومەكتەسۋ-   سۇيەمەلدەۋ ساياساتىنىڭ يگىلىگىن كورىپ كەلەدى. 2017-جىلى كەدەيلىك قالپاعىن الىپ تاستاعانىمەن، تۇرمىستىڭ تاۋقىمەتى بۇل وتباسىن قۇرساۋلاپ، اۋقاتتانىپ، دوڭگەلەك داۋلەتكە جەتۋ ءبىر وتباسىنداعىلاردىڭ ارمانىنا اينالدى.

كومەكتەسىپ-سۇيەمەلدەيتىن كادرلار مەن قىستاق كادرلارىنىڭ كومەگىندە بيىل كالىمعازى وتباسىنداعىلار دوڭگەلەك داۋلەتكە جەتۋ   ارماندارىنىڭ العاشقى نىق قادامىن باستى.



□ قۇستىڭ سايراعانىن قايتا ەستىپ،جۇرەگى جارىلارمان بولدى.

قۇستىڭ سايراعانىن قايتا ەستىپ،قۋانىشتىڭ جاسىن كولدەتتى
 
كەدەيلىكتەن ارىلىپ قالپاقتى الىپ   تاستاۋ — سوڭعى كومبە ەمەس، قايتا    تىڭ تۇرمىستىڭ،تىڭ كۇرەستىڭ باستاماسى.

___ شي جينپيڭ

قۇلاققا ۇرعان تاناداي تىنىش دۇنيەدە 27 جىل جاساعان كالىمعازى ەندىگارى قۇستىڭ تامىلجىتا سايراعان ءۇنىن ەستۋدى ارماندامايتىن بولعان، ساۋان اۋداندىق ساياسي  كەڭەستىڭ كومەكتەسۋ-سۇيەمەلدەۋ كادرى ياڭ داحايدىڭ كەلۋى بۇل وتباسىنداعىلارعا زور قۋانىش،تىڭ ءۇمىت سيلادى.

بيىل 4-ايدا ياڭ داحاي تۇڭعىش رەت كالىمعازىنىڭ ۇيىنە بارعاندا،كەڭ اۋلاسىن تاپ-تازا ەتىپ سىپىرىپ، ەسكى-قۇسقى دۇنيەلەرگە دەيىن رەتتى جيناپ قويعانىن كورگەندە، بۇلاردى 3 مۇگەدەك جاننىڭ ىستەگەندىگىنە سەنگىسى كەلمەگەن ەدى.

 بىلتىر جاڭادان سالعان ەكىنشى دۇركىندەگى حالىقتى اۋقاتتاندىرۋ بەيقۇت ۇيىنە كىرىپ بارعاندا،بالەندەي ءبىر ءۇي جيھازدارى بولماعانىمەن، قابىرعاداعى كىلەم مەن سۇپىداعى شاي ۇستەل قازاق ۇلتىنىڭ  ۇلتتىق ەرەكشەلىگىن ايقىن بەينەلەپ تۇر ەكەن. بالداعىنا سۇيەنىپ،سۇپىنىڭ شەتىندە وتىرعان باقىتگۇل جۇماعاليعا يشارالاپ   ەدى،ۇلى شەشەسىنىڭ جەتەكشىلىگىندە  پىسىرعان ساڭزى، باۋىرساق سياقتى تاعامدارىن شاي ۇستەلگە اكەلىپ قويدى،   باقىتگۇل شاۋگىمدى ەڭكەيتىپ قۇيا باستاعاندا-اق ءسۇتتى شايدىڭ حوش ءيىسى ءۇي ءىشىن كەرنەپ اكەتتى.

ياڭ داحايعا ءبىرىنشى رەت تەرەڭ اسەر قالدىرعانى بۇل وتباسىنداعىلاردىڭ     ەڭبەكشىلدىگى. 

كالىمعازىنىڭ 30 جاستان كەيىن ەستۋ قابىلەتىنەن ايرىلعانىن بىلگەن كەزدە،   ياڭ داحاي وعان ەڭ اۋەلى ەستۋگە   كومەكتەسۋ اسپابىن الىپ بەرىپ، ونىڭ سىرتقى دۇنيەمەن بارىس-كەلىس جاساۋ تەرەزەسىن اشۋدى ويلادى،بۇل ويى قىستاق پارتيا ياچەيكاسىنىڭ شۋجيى نۇرتايدىڭ ويىمەن ءبىر جەردەن شىعادى.

ياڭ داحاي بايلانىس جاساپ،ەبىن  كەلتىرىپ،كالىمعازىعا قۇنى 2000 يۋاننىڭ ۇستىندەگى ەستۋگە كومەكتەسۋ اسپابىن   اكەلىپ قۇلاعىنا تاعىپ بەرىپ، سىرتقا شىعىپ سىناپ كور دەيدى.

كالىمعازى قورعانا باسىپ اۋلاعا شىققاندا، ەستىمەگەلى نە زامان بولعان قۇستىڭ  سايراعان داۋىسى قۇلاعىنا جەتكەندە،ەس-  اقىلى شىعىپ،سىلەيىپ تۇرىپ قالعان ول ءۇيىنىڭ الدىنداعى كوگالدا ۇشىپ-قونىپ جۇرگەن قۇستارعا تاڭدانا كوز جۇگىرتتى، اڭتارىلىپ از تۇرعان سوڭ،«مەن ەستي  الاتىن بولدىم،راسىندا،ەستي الاتىن بولدىم» دەپ ايعايلايدى. 

بالاشا قۋانعان كالىمعازى سول جەردە تۇرعان بارلىق ادامدى كەزەك-كەزەك  قۇشاقتاپ،اۋلاداعى داۋىس شىعارادى-اۋ دەيتىن نارسەلەردى ىزدەي باستايدى. ۋاقىت پەن قيىنشىلىق اجىممەن ايعىزداعان جۇزىندە نۇر ويناپ،قۋانىشتىڭ كوز جاسى كولدەيدى.
 
باقىت جارشىسى سيلاعان شاتتىقتىڭ جاسى كوڭىل كوكتەمىن قۇلپىرتتى
 
جاپپاي دوڭگەلەك داۋلەتكە جەتۋدە    از ۇلتتاردىڭ بىردە-ءبىرى كەم بولسا  بولمايدى، بىردە-بىرەۋىن قاتاردان    قالدىرۋعا بولمايدى.

___ شي جينپيڭ

كالىمعازى وتباسىنداعىلاردىڭ جاعدايىنان تولىق حاباردار بولعاننان كەيىن، ياڭ داحاي مەن قىستاق كادرلارى قايتا-قايتا اقىلداسىپ، تاۋىق باعىمشىلىعىن مىقتى ۇستاۋ  ۇيعارىمىن جاساپ، كالىمعازى وتباسىنداعىلاردىڭ دوڭگەلەك داۋلەتكە جەتۋىنە   كومەكتەسپەكشى بولادى.

«كالىمعازى اعا، اۋلاڭىز كەڭ،وزدەرىڭىز ەڭبەكشىلسىزدەر، تاۋىق باعىمشىلىعىنىڭ   ونىمدىلىگى تەز، كۇندە كىرىس كىرگىزىپ تۇرادى، تاۋىق باعىپ، اۋقاتتانساڭىز قايتەدى» دەپ ياڭ داحاي مەن نۇرتاي ەكەۋى ءبىر ءۇيلى جانعا يدەيالىق قىزمەت ىستەيدى. 

   «نە دەيدى، تاۋىق باعۋ» دەدى ابىرجىعان كالىمعازىنىڭ اجىمدى ءجۇزى ودان ارى قاتپارلانىپ،باقىتگۇل دە نە دەرىن بىلمەي باسىن شايقاي بەردى،ۇلى جۇماعالي اتا-اناسىنىڭ تۇرىنە قاراپ نە بولعانىن  بىلمەي اڭ-تاڭ.

تاۋىقتى قايدان تابامىز؟جەمدى قايتەمىز؟ەجەلدەن تاۋىق باعىپ كورمەگەمىز،ونىڭ قىر-سىرىن بىلمەيمىز،بىرىنەن سوڭ ءبىرى باس كوتەرگەن بۇل ماسەلەلەر   الدىندا ەرلى-زايىپتىلار سىناپ كورۋگە دە دارمەنسىز ەدى. 

«امالىن ءبىز تابامىز،تاۋىقپەن قامدايمىز،جۇمىستى ءوزىڭىز ىستەيسىز،اسپاننان جاۋار شەلپەك جوق،قارەكەتسىز وتىرىپ دوڭگەلەك داۋلەتكە جەتۋگە بولمايدى،باقىت ەڭبەكتەن كەلەدى! كالىمعازى اعام-اۋ» دەدى اۋزىنا كەلگەنىن ىرىكپەيتىن كوڭىلى ءتۇزۋ نۇرتاي دەگبىرى كەتە. 

ياڭ داحاي كومەكتەسۋ-سۇيەمەلدەۋ جوسپارىن ەرلى-زايىپتىلارعا سابىرلىلىقپەن ءبىر-بىرلەپ ءتۇسىندىردى. كالىمعازىنىڭ جۇزىنە بىرتىندەپ كۇلكى ءۇيىرىلدى،  باقىتگۇل دە باسىن شايقاعانىن قويدى،«جاقسى،جاقسى» دەپ جارىسا ءۇن قاتتى.

ايتقان ءىس دەرەۋ قولعا الىندى،ياڭ داحاي مەن نۇرتاي قىستاقتا تۇراتىن قىزمەت اترەتى مەن قىستاق «ەكى كوميتەتىنىڭ» القا مۇشەلەرىن اتتانىسقا كەلتىرىپ، تاس كەرپىش،اعاش،ەسىك جانە تەمىر تور اكەلىپ،سول كۇنى 40 شارشى مەترلىك تاۋىق قورا سالۋمەن بىرگە،توبەسى اشىق قورانىڭ دا قورشاۋىن تۇرعىزدى.

ءۇش كۇننەن كەيىن 100 تاۋىق «جاڭا تۇراقتارىنا» جەتكىزىلىپ،سول كۇنى 40 تاۋىق جۇمىرتقالاپ،قاتتى قۋانعان كالىمعازى وتباسىنداعىلاردىڭ ەكى ەزۋى جيىلمادى.

وسىدان باستاپ كالىمعازى ءار كۇنى تاڭ اتا سالىسىمەن،قىستاقتىڭ ماڭىنان ءشوپ جۇلىپ اكەلۋگە اتتاناتىن بولعان. تاۋىقتارى قاناتتارىن سابالاي قاققىلاپ،تالاسا-تارماسا جەم جەپ جاتقان كەزدە،شەلەگىن كوتەرىپ،جۇمىرتقا تەرۋ ول ءۇشىن ەڭ   كوڭىلدى ىسكە اينالدى.

تۇڭعىش رەت جۇمىرتقا ساتقاندا كىرىستەرى 260 يۋان بولادى،ءبىر ءۇيلى  جاننىڭ ابىر-سابىرى شىعىپ،ۋىستارىنداعى اقشانى قىسا تۇسەدى،وزدەرىن بەينە ءتۇس كورىپ تۇرعانداي سەزىنەدى،تۇستەرىنەن ويانسا قولدارىنداعى اقشا ءىز-توزسىز  كەتەتىندەي كۇي كەشەدى. 

ۇشەۋى قورالانا قالىپ ىممەن،ءبىر  جاعىنان،جوسپار،ەندى ءبىر جاعىنان،ەسەپ جاساي باستايدى: كۇنىنە 50 دىڭ ۇستىندە  جۇمىرتقالاسا،ءبىر تال جۇمىرتقانى 1.5  يۋاننان ساتساق،ءار كۇنگى كىرىس 80 نەشە يۋان،ءبىر ايدا...

ءبىر ءۇيلى جان ەسەپتەگەن سايىن  جەلپىنىپ،ەسەپتەگەن سايىن تەبىرەنىپ،شاتتىقتىڭ جاسى كوزدەرىن دىمداپ،  جۇرەكتەرىن نۇرعا بولەدى.



سۋرەتتەردى سىزعان: ۋاڭ شين

سۇيىسپەنشىلىك تاسقىنداپ،باقىتتىڭ كوز جاسى دوڭگەلەك داۋلەتتىلىككە توعىستى
 
كەدەيلىك قالپاعىن العانمەن جاۋاپكەرشىلىكتى الماۋ،كەدەيلىك قالپاعىن العانمەن  ساياساتتى الماۋ،كەدەيلىك قالپاعىن العانمەن كومەكتەسۋ-سۇيەمەلدەۋدى تاستاماۋ،كەدەيلىك قالپاعىن العانمەن باقىلاۋ-باسقارۋدى توقتاتپاۋ كەرەك. 

___ شي جينپيڭ

تاۋ گۇلى شەشەك اتقان مەزگىلدە    كالىمعازىنىڭ كوڭىلى دە تاۋ گۇلىندەي  جايناپ كەتتى. اۋىل اراسىندا كەتىپ بارا  جاتقاندا وعان كەزىگە قالعاندار قاشاندا اق تىلەگىن ءبىلدىرىپ جاتادى،كالىمعازى ىشتەي دوڭگەلەك داۋلەتكە جەتكەندەي سەزىمگە بولەندى.

ويلاماعان جەردەن ياڭ داحاي 50 ەتتى تاۋىق بالاپانى مەن 4 قالتا تاۋىق جەمىن اكەلىپ بەرۋمەن بىرگە،تاۋىق باعاتىن   كاسىپتىك قىزمەتكەردى ۇسىنىس ەتىپ،وعان تاۋىق باعۋ تاجىريبەسى مەن جۇمىرتقانىڭ ساپاسىن جوعارىلاتۋ جولىن ۇيرەتەدى. 

 تاۋىق باعاتىن كاسىپتىك قىزمەتكەر  كالىمعازىعا تاپتەشتەي ايتىپ جاتقاندا،ونىڭ ايتقاندارىن قاسىندا تۇرعان ياڭ داحاي ەسىنە بەرىك ساقتاپ،ەكىنشى كۇنى تاۋىققا بەرەتىن كالتسي، پوليۆەرين، جۇڭگوشا ءشوپ ءدارى سياقتىلاردى اكەلىپ،ىستەتۋ جولى مەن مولشەرىن ءبىر-بىرلەپ قاداعالاي تاپسىرادى.

ءار توپتاعى تاۋىقتىڭ جۇمىرتقالاۋدان توقتاۋ مەزگىلىن ويلاستىرعان ياڭ داحاي مەيىربان كاسىپورىندارمەن بايلانىس جاساپ،كالىمعازىعا ولار كومەككە اتاعان 100 تاۋىق اكەلىپ بەرەدى، وسىلايشا ەكى توپتاعى  تاۋىق الما-كەزەك جۇمىرتقالاعاندا،كىرىستىڭ ۇزىلىسسىزدىگىن ساقتاۋعا بولاتىن ەدى.

كالىمعازىنىڭ تاۋىق باققان ءىسى ەلگە تارالعاننان كەيىن كەيبىرەۋلەر جۇمىرتقا  سالاتىن اعاش جاشىك اكەلىپ بەرسە،ەندى كەيبىرەۋلەر ارناۋلى كەلىپ جۇمىرتقا ساتىپ الىپ تۇردى،ال ەندى بىرەۋلەرى تاۋىق باعۋدىڭ ءادىس-امالىن كورسەتىپ،    جەتەكشىلىك ەتتى.

«كالىمعازى اعا،الداعى كۇندەردە جۇمىرتقا ساتۋدان ءبىر،تاۋىق ساتۋدان ەكى كىرىس كىرگىزىپ،دوڭگەلەك داۋلەتكە جەتەتىن بولدىڭىز» دەدى ياڭ داحاي كالىمعازىنىڭ ارقاسىنان قاعىپ.

«جارايدى،جارايدى،تاۋىقتى جاقسى   باعىپ،باعىمشىلىق كولەمىن كەڭەيتەمىن،الايدا داحاي باۋىرىم،وزدەرىڭە قالاي العىس ايتسام ەكەن» دەدى كالىمعازى كوز جاسىن ءسۇرتىپ،جۇزىنەن باقىت كۇلكىسى ەسىپ.
قازىر كالىمعازىنىڭ تۇرمىسى كۇننەن- كۇنگە جاقساردى،الايدا ياڭ داحاي مەن قىستاق كادرلارى ەشقاشان بوساڭسىماي، كالىمعازىنى ءالى دە قولتىعىنان دەمەپ، سۇيەمەلدەۋ كەرەك ەكەنىن ابدەن بىلەدى.

ياڭ داحاي ساۋان تورە تاباق تاۋىق  ەتى تاعامىن تاپقىرلاۋشى لي شىليندى ۇسىنىس ەتتى. ىشكەرىلەي كوزدەن كەشىرگەننەن كەيىن،لي شىلين جارسۋات قىستاعىنىڭ  تاۋدىڭ ەتەگىنە ورنالاسۋداي ەرەكشەلىگىنەن پايدالانىپ،كالىمعازى وتباسىن ءتۇيىن ەتىپ،جاسىل ورگانيكالىق باعىمشىلىق بازاسىن قۇرۋدى ورتاعا قويادى. ولار تاۋىق بالاپانى جانە كەرەك-جاراقپەن قامداپ ءارى تاۋىقتى قايتادان وزدەرى ساتىپ الىپ،كاسىپتى  كولەمدەندىرىپ،ءتىپتى دە كوپ قىستاق تۇرعىندارىنىڭ تاۋىق باعىپ،كىرىستەرىن ارتتىرۋىنا باستاماشىلدىق ەتۋگە كەلىستى.

«وتە جاقسى بولدى،بۇلاي بولعاندا   كالىمعازىنىڭ كىرىس كوزى ۇزىلمەيتىن  بولدى،وزىندە قان جاساۋ قۋاتى بولعاننان كەيىن ورگە قاراي قۇلشىناتىن بولادى،الداعى جەردە ول،ءتىپتى،اۋقاتتانۋعا باستاماشىلدىق ەتۋشىگە اينالادى» دەدى نۇرتاي قاتتى قۋانىپ.

بۇگىنگى كۇنى كالىمعازىنىڭ اۋلاسىنا بارا قالساڭىز،ونىڭ تاۋىق ناۋاسىنا جەم سالىپ قاربالاس بولىپ جۇرگەنىن،ۇلىنىڭ كوڭىلدى بەينەدە تاۋىق قورانى تازالاپ جۇرگەنىن كورەسىز. بالاپانداردىڭ شيق-شيق داۋىسى مەن جۇمىرتقالاعان تاۋىقتىڭ قوقىلى اۋلا ءىشىن باقىت سيمفونياسىمەن كەرنەپ   تۇرعانىن ەستيسىز.

بۇل كۇندە كالىمعازىنىڭ كوزىندە باقىتتىڭ ۇشقىنى مەنمۇندالاپ تۇراتىن بولعان،ويتكەنى ول ءوزىنىڭ دوڭگەلەك داۋلەتتى تۇرمىسقا قاراي قادام باسقانىن ابدەن بىلەدى.




 □ەڭبەكشىلگە قۇت دارىر.

 
رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn