تۇرعىن ءۇي تۇسەلحاناعا،تۇرعىندار داياشىعا اينالدى

ءتىلشىمىز ۋاڭ تيڭ حابارلايدى. جاپ-جاسىل اعاشتار اينالانى    قورشاپ،گۇلدەر قۇلپىرا شەشەك   اتىپ،جەمىس-جيدەكتىڭ حوش ءيىسى مۇرىن جارادى... 9-ايدىڭ 3- كۇنى،شاۋەشەك قالاسى قارا ءدوڭ الەۋمەتتىك اۋماعى ءتورتىنشى    كوشەسىنىڭ تۇرعىنى ابىليميت اشقان حالىقتىق تۇسەلحانانىڭ الدىنا كەلىپ سۋرەتكە ءتۇسىپ جاتقانداردىڭ قاراسى مولايدى.

شاۋەشەك قالاسىندا 25 ۇلت  شوعىرلى قونىستانعان،ءار ۇلت حالقى ءوزارا توعىسىپ،شات-شادىمان  تۇرمىس كەشىرۋدە. شاۋەشەك قالاسى جاڭا جامبىل ءمالى باسقارماسى    قارا ءدوڭ الەۋمەتتىك اۋماعى ۇلتتار   ىنتىماعى العاباسارلىعىنداعى ۇلگىلى   الەۋمەتتىك اۋماق رەتىندە،ۇلتتىق  ەرەكشەلىك جاعىنان ۇزدىكسىز    ىزدەنىس جاساپ،بەيزاتتىق مادەنيەت مۇرالارعا مۇراگەرلىك،تۇرعىنداردىڭ 3-كاسىپ سالاسىن دامىتۋىنا    جەتەكشىلىك ەتىپ،كىرىستى ارتتىرىپ اۋقاتتانۋىن جۇزەگە اسىردى.

ءىس جۇزىندە،وسى ءتورتىنشى كوشەدە ەسەيىپ-ەرجەتكەن ابىليميت جونىنەن العاندا،ەجەلدەن بەرى ءار ۇلت حالقى ءبىر ءۇيلى جان سياقتى ەتەنە بولىپ كەتكەن. «مەيلى قايسى ۇلت بولسىن بارلىعى مەنىڭ اعا-  ءىنى،اپەكە-قارىنداسىم،قولىمىز بوساي قالعاندا بارلىعىمىز اۋلادا قورالانا وتىرا قالىپ،جەمىس-جيدەك جەپ،شاي ءىشىپ،شۇيىركەلەسە جونەلەمىز،  مەنىڭشە وتە كوڭىلدى» دەدى     ابىليميت.

2018-جىلى ابىليميت ءۇيىن   حالىقتىق تۇسەلحاناعا وزگەرتۋ ويىنا كەلىپ،وتباسىنداعىلارعا ايتقاندا،  ويلاماعان جەردەن ولار دا بىردەن قۇپتاي جونەلەدى. تۋىس-تۋعان، دوس-جاراندارىنىڭ قولداۋىندا     ابىليميتتىڭ جىگەرى تاسقىنداپ،  تەكسەرىپ-زەرتتەۋ،اشەكەيلەۋ،   تيجارات جۇرگىزۋ جۇمىستارىن دا  ءبىتىرىپ ۇلگەرەدى. وزىندىك قۇنىن ۇنەمدەتۋ ءۇشىن ول 10 نەشە كۇن بويى اشەكەيلەۋ سەرىكتەستىكتەرىن  ارالاپ،باعاسىن سالىستىرسا،اشەكەيلەتۋ بارىسىندا ءىس ساپاسى مەن شيكىزات ماتەريالدارىنىڭ ىستەتىلۋىن قاتتى  قاداعالايدى.

«حالىقتىق تۇسەلحانا اشقاندا   مەملەكەتتىڭ ءتيىمدى ساياساتىنان  يگىلىكتەندىم،ءاربىر توسەك ورىنعا 500 يۋاننان قوسىمشا قاراجات بەردى. حالىقتىق تۇسەلحانا اشۋداعى ماقساتىم سىرت جەرلەردەن كەلگەن قوناقتارعا شاۋەشەك قالاسىنىڭ مادەنيەتىن    تانىستىرىپ،شاۋەشەكتىڭ ءدامدى  تاعامدارىنان ءدام تاتقىزۋ،كوپشىلىكتىڭ شاۋەشەككە كەلىپ قوناق بولىپ   قايتۋىن قارسى الامىن» دەدى ابىليميت.

جۋىق جىلداردان بەرى ساياحات شارۋاشىلىعىنىڭ جەتەكشىلىگىندە،   ۇكىمەتتىڭ ۇگىتتەۋى،ءار ۇلت   حالقىنىڭ ورتاق قۇلشىنىسى مەن  سايكەسۋىنىڭ ارقاسىندا قارا ءدوڭ  الەۋمەتتىك اۋماعى حالىقتىق تۇسەلحانا كوشەسىن قۇردى،مۇندا 6 تۇرعىن ءۇي حالىقتىق تۇسەلحانا سىناق    ءتۇيىنى ەتىپ جاساقتالىپ،مۋزيكا، كوڭىل اشۋ،حالىقتىق تۇسەلحانا،  مادەنيەت فاكتورلارى ءبىر      تۇلعالاندىرىلعان شاۋەشەك قالاسىنداعى ساياحاتتا،ءسوزسىز،باراتىن جەرگە  اينالدى.

«تاڭ سارىدە اۋلادا قۇستار    تامىلجىتا سايراسا،ءتۇس الەتىندە جىم-جىرتتىققا شومعان شاعىن اۋلادا كۇنگە قىزدىرىنىپ،تابالدىرىق اتتاپ شىقپاي-اق قويۋ ۇلتتىق سالت-سانانى سەزىنۋگە بولادى...» دەگەن جاڭا جامبىل ءمالى باسقارماسى قارا ءدوڭ الەۋمەتتىك اۋماعىنىڭ كادرى حۋ چيڭلۋ ءتىپتى دە كوپتەگەن ساياحاتشىلارعا شاۋەشەك قالاسىنداعى كوپ ۇلتتىڭ ارالاسقان،ىشتەسكەن،توعىسقان   ورتاسىن سەزىندىرۋمەن بىرگە،  تۇرعىنداردىڭ ەكونوميكالىق كىرىسىن ارتتىرۋدى ءۇمىت ەتەتىندەرىن ايتتى.

بۇگىنگى كۇندە ءتىپتى دە كوپ ساياحاتشى ۇلتتىق ەرەكشەلىككە يە حالىقتىق تۇسەلحانالارعا بارىپ قونۋدى تاڭدايتىن بولدى. تارباعاتاي ايماعى قىزمەت وتەۋ قۇرىلعىلارى مەن   ولشەمدى جوعارىلاتۋمەن بىرگە،  مادەنيەت پەن سالت-سانا سىندى  ەكى «ەرەكشە ماركادان» پايدالانىپ،جۇڭحۋا ۇلتىنىڭ تاڭداۋلى مادەنيەتىنە باستان-اقىر مۇراگەرلىك ەتىپ،دارا جەرلىك ەرەكشەلىك قالىپتاستىرىپ،    «حالىقتىق تۇسەلحاناعا قونۋدى،  حالىقتىق سالت-سانادان سۋسىنداۋدى،اۋىل-قىستاققا ساياحاتتى» ساياحاتتىڭ جاڭا ۇلگىسىنە،جاڭا كاسىپ     فورماتسياسىنا اينالدىردى.



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى