ۇسىنىس ەتىلگەن ءتىلشى ليۋ پىڭ حابارلايدى. بىرنەشە كۇننەن بەرى جۇڭگو پوچتا توبى شەكتى سەرىكتەستىگىنىڭ ءدوربىلجىن اۋدانىنداعى بولىمشە سەرىكتەستىگى ەلەكتروندىق ساۋدا تەكشەسىنىڭ باسىمدىعىن تولىق ساۋلەلەندىرىپ،ساتۋشىلارمەن، الارماندارمەن ىرىقتىلىقپەن حابارلاسىپ، شارۋالار مەن ساۋداگەرلەرگە بەلسەنە قىزمەت وتەپ،سەلەن قۇرامى مول ۋسارىمساق،بال قاۋىن،الما سياقتى اۋىل شارۋاشىلىق ونىمدەرىن پوچتا ارقىلى جان-جاققا جەتكىزىپ، شارۋالاردىڭ كىرىسىن ارتتىردى.
پوچتادان تىس،قىستاقتىڭ ءبىرىنشى شۋجيلارى،اۋىل-قىستاق توراپ جۇلدىزدارى،جاڭا اقپارات قۇرالدارى دا شارۋالارعا كومەكتەسۋگە بەلسەنە ات سالىسىپ،اۋىل شارۋاشىلىق قوسىمشا ونىمدەرىنىڭ بازارعا سالىنۋىنا كۇش بىرىكتىرە كومەكتەسىپ،ساتىلماي قالۋ ماسەلەسىن شەشىمدەدى.
قالاماڭى اۋىلى چيليباۋ قىستاعىنىڭ ءبىرىنشى شۋجيى،ايماقتىق ءتارتىپ تەكسەرۋ كوميتەتى،باقىلاۋ-تەكسەرۋ كوميتەتىنىڭ قىستاقتا تۇراتىن قىزمەت اترەتىنىڭ باستىعى ۋاڭ حۋا كامەرا الدىنا شىعىپ،181 قىستاق تۇرعىنىنىڭ جەرلىك تاۋىعى مەن 80 نەشە وتباسىنىڭ اۋلاسىنا ەككەن كوكونىستەرىنە جارشى بولىپ،توراپكەرلەردىڭ تاپسىرىس بەرۋىنە دانەكەر بولعاندىقتان، شارۋالاردىڭ 50 جاشىكتەن ارتىق تاۋىق جۇمىرتقاسى مەن 300 كيلوگرامنان ارتىق كوكونىسى بۇقارانىڭ اس ۇستەلىنە جەتكىزىلدى.
قىستاق كوميتەتىنىڭ مەڭگەرۋشىسى جاڭ لي-نيان: «قىستاق تۇرعىنى يۋە چۇنمەي باققان 500 دەن ارتىق جەرلىك تاۋىعىنان 8-ايدىڭ 20-كۇنىنەن قازىرگە دەيىن 3000 نان ارتىق جۇمىرتقا ساتىلىپ،6000 يۋاننان ارتىق كىرىس كىرگىزسە؛ قىستاق تۇرعىنى ياڭ باۋشاننىڭ ەكى مۋ جەردەگى كوكونىسىن اۋدان قالاشىعىنداعى ءبىر اسحانا 5000 يۋانمەن ءبىر تۇتاس ساتىپ الدى» دەدى.
ەمىل فەرماسى ەمىل قىستاعىنىڭ تۇرعىنى تاڭداگۇل جارقىن ينتەرنەتتە تىكە تاراتۋ ارقىلى وزدەرى اشقان «مالشىلار شاتتىعى ساياجايىنىڭ» سۇرلەنگەن ەت،قازى-قارتا،قۇرت سياقتى ەرەكشە تاعامدارىن تانىستىرىپ، كوپتەگەن قاريداردى وزىنە باۋرادى. جىل باسىنان باستاپ تاراتقاننان بەرى
جانكۇيەرلەرى العاشىنداعى نەشە ون ادامنان 120 مىڭ ادامعا جەتىپ،150 مىڭ يۋان كىرىس كىرگىزىپ،جەرگىلىكتى ورىنداعى ەڭ تانىمالى «ينتەرنەتتە زات تانىستىرۋشىعا» اينالدى.
ىقپال كۇشكە يە بولعاننان كەيىن، تاڭداگۇل تىكە تاراتۋ بولمەسىن باعىمشىلىق الاڭى،سەلبەستىك كووپەراتيۆى، باۋ-باقشا،اتىز باسىنا دەيىن جەتكىزىپ، ءدوربىلجىن اۋدانىنداعى شينمۋ مال، ءۇي قۇستارى باعىمشىلىعى كاسىپتىك سەلبەستىك كووپەراتيۆىنىڭ «قىستاۋلىق» ماركالى سۇرلەنگەن ەت سياقتى جەلىلەس اۋىل شارۋاشىلىق ونىمدەرىن گۋاڭجوۋ،جياڭسۋ،لياۋنيڭ سياقتى جەرلەرگە دەيىن ساتتى.
بۇل كۇندەرى ءدوربىلجىن اۋدانىنداعى كوپتەگەن بۇقارا ينتەرنەتتەگى تىكە تاراتۋدىڭ قولايلى جاعدايىنان پايدالانىپ، جاڭاشا بولشەك ساتۋدىڭ «جوعارى قارقىندى تاس جولىمەن» كەدەيلىكتەن ارىلىپ،دوڭگەلەك داۋلەتتىلىككە ۇمتىلۋدا.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى