مۇراگەرلىك جانە تاباندىلىق

___ مەملەكەتتىك ايگىلى جۇڭگوشا ەمشىلىك مامانى احات سادەن زەينەتكە شىقسا دا تىنىم الماي ناۋقاس كورىپ،شاكىرت تاربيەلەدى



□ احات پەن قىزمەتتەستەرى قازاق ەمشىلىگىنىڭ وزگەشە ەمدەۋ ادىسىمەن ناۋقاسقا ءدارى جاعۋعا دايىندالۋدا.



□ وسى زامانعى تەحنيكا مەن ءداستۇرلى ەمدەۋ ءادىسىن توعىستىرعان احات ۇنەمى CT قاعازى سياقتى وسىزاماندانعان دياگنوز ناتيجەسىمەن اۋرۋعا تالداۋ جاساپ،قازاق ەمشىلىگىمەن ەمدەيدى.



□ احات پەن شاكىرتتەرى ەمدەۋ جوباسى جونىندە پىكىر الماستىرۋدا.



□ ءار رەت احات ناۋقاس كورەتىن كۇندەرى جۇرت ناۋقاس كورۋ     بولمەسىنىڭ سىرتىندا ۇزىننان-ۇزاق قاتارعا تىزىلەدى.



   □ سيىر تەمىرەتكىنى ەمدەتكەن ناۋقاس ەمدەلۋدەن  بۇرىنعى الاقان سۋرەتى مەن قازىرگى الاقانىن سالىستىرىپ كورسەتۋدە.



   □ جاسى جەتپىسكە تاياعان احات ۇنەمى شاكىرتتەرىن باستاپ تاۋعا شىعىپ،ءدارى ءشوپ تەرىپ،دارىلىك ماتەريال وسەتىن ەكولوگيالىق ورتانى يەلەپ قايتادى.
 

جالاڭاياق شيپاگەردەن مەملەكەتتىك ايگىلى جۇڭگوشا ەمشىلىك مامانى بولعانعا دەيىن،بيىل 67 جاسقا شىققان احات سادەن قازاق ەمشىلىگىن 50 جىل بويى  بەرىلە زەرتتەپ،سىنىق،جىلىك مايى قابىنۋى،سۇيەك تۋبەركۋلەزى،بۋىنقاپ   قالىڭداۋى،بەل ومىرتقا ارالىق تاباقشاسى ءوسۋ سياقتى ناۋقاستاردى ءداستۇرلى قازاق ەمشىلىگىمەن ەمدەپ كەلەدى. كوپ جىلدار بويى الدىنا كەلىپ ناۋقاس كورسەتۋشىلەردىڭ اياعى سيرەمەيتىن ول مىڭداعان كۇردەلى ناۋقاستاردى ەمدەپ ساۋىقتىرعان.

احات تولى اۋدانىنىڭ ءتول تۋماسى. 1970-جىلدان باستاپ تولى اۋدانى كۇپ اۋىلىندا جالاڭاياق شيپاگەر بولعان. 1984-جىلى 6-ايدا ول تولى اۋدانى كۇپ اۋىلىنىڭ ەمحاناسىنا الماسىپ بارىپ،سولتۇستىك شينجياڭعا تانىمالى قازاق     ەمشىلىگىنىڭ مامانى قالي بىتكەدەن ءتالىم الا باستايدى. احات ىلگەرىندى-   كەيىندى «دارىگەرىلىك ءبىلىم» سياقتى گازەت-جۋرنالداردا «قازاق ەمشىلىگى  بويىنشا بۋىن شىعۋىن ەمدەۋ»،«ساسىر ءشوپتىڭ دارىلىك رولى»،«سيىر      تەمىرەتكىنى قازاق ەمشىلىگىمەن ەمدەۋ» اتتى ماقالالارىن جاريالاعان. 2015-جىلى مەملەكەتتىك جۇڭگوشا ەمشىلىك باسقارۋ مەكەمەسى مەملەكەت بويىنشا نەگىزگى ساتى ايگىلى جۇڭگوشا ەمشىلىك ماماندارىن باعالاعاندا،احات شينجياڭداعى نەگىزگى ساتىداعى 8 ايگىلى ەمشىلىك ماماننىڭ ءبىرى بولادى ءارى مۇراگەرلىك قىزمەت وتەۋ ورنىن اشادى. تاياۋ جىلداردان بەرى احات تولى اۋداندىق قازاق ەمشىلىك شيپاحاناسىندا جىلىك مايى قابىنۋى،سۇيەك تۋبەركۋلەزى،رەۆماتيۆتىك بۋىن قابىنۋ اۋرۋى،بەل ومىرتقا قالىڭداۋ،بەل ومىرتقا ارالىق تاباقشاسى ءوسۋ سياقتى   ناۋقاستاردى جاڭاشا جولدارمەن ەمدەۋگە جاۋاپتى بولىپ كەلەدى.

2019-جىلى احات زەينەتكە شىققاننان كەيىن تولى اۋداندىق قازاق ەمشىلىك  شيپاحاناسىنا ۇسىنىسپەن قايتا قىزمەتكە شىعىپ،ءبىر جاعىنان،ناۋقاس كورىپ،ءبىر جاعىنان،شاكىرت تاربيەلەدى. كوپ جىلدىق ىزدەنىس بارىسىندا احات قازاق  ەمشىلىگىنەن مىعىم نازاريالىق نەگىز قالاپ،مول كلينيكالىق تاجىريبە توپتادى،الايدا ول بۇل بىلىمدەردى ءوزى يگەرگەنىنە عانا قاناعاتتانىپ قالماي،قايتا نازاريانى  امالياتپەن ۇشتاستىرىپ،قالتقىسىزدىقپەن باسقالارعا ۇيرەتتى،ەمدەۋ اترەتىن باستاپ مال شارۋاشىلىق رايوندارىنا بارىپ،مالشى قاۋىمىنىڭ ناۋقاسىن كورىپ،     شاكىرتتەرىن ەرتىپ تاۋعا شىعىپ ءدارى ءشوپ تەردى. «ۇستازىم ءوزىنىڭ نەشە ونداعان جىلدار بويى جيعان-تەرگەن ءبىلىمىن ەش بۇكپەسىز ماعان ۇيرەتكەن، مەن دە شاكىرت ىلەستىرىپ،ۇجىم تاربيەلەپ،وسى كاسىپتى ويداعىداي      جالعاستىرامىن» دەدى احات.
قازاق ەمشىلىگى ەلىمىزدىڭ ءداستۇرلى ەمشىلىك قامباسىنداعى جارقىراعان   جاقۇتتىڭ ءبىرى،وزگەشە ەمدەۋ ءادىسى مەن ەمدەۋ ونىمدىلىگىنە يە،2014-جىلى قازاق ەمشىلىگى مەملەكەتتىك بەيزاتتىق مادەنيەت مۇرالارىن قورعاۋ     تىزىمدىگىنە ەنگىزىلگەن.

سۋرەتىن تارتىپ،حابارلاعان ءتىلشىمىز ۋاڭ تيڭ




رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى