بۇرىككىشپەن ءدارى شاشۋدان ۇشقىشسىز ۇشاقپەن شاشۋعا دەيىن

□ ۇشقىشسىز ۇشاق ماقتا اتىزىندا ءدارى شاشۋدا.
                       سۋرەتىن تارتقان ەرىكتى ءتىلشى شىنار



□ يۇي جيان قولمەن باساتىن بۇرىككىشتى ارقالاپ كوكونىس باقشاسىنا ءدارى شاشۋدا.
           سۋرەتىن تارتقان ەرىكتى ءتىلشى حى شياۋيىڭ



□ يۇي جيان مەن ونىڭ بۇرىككىش تاياقشالى ءدارى شاشۋ ماشيناسى.
             سۋرەتىن تارتقان ەرىكتى ءتىلشى حى شياۋيىڭ
 

البوم يەسى: ساۋان اۋدانى ۇلانۇس قالاشىعى حۋاڭجيالياڭ جاڭا قىستاعىنىڭ تۇرعىنى يۇي جيان.

اتىم يۇي جيان،بيىل 26 جاستامىن،حۋاڭجيالياڭ جاڭا قىستاعىندا دۇنيەگە كەلگەم،قازىر ەكى بالانىڭ اكەسىمىن.

اكەمنەن ەستۋىمشە،ول 1985-جىلى 30 يۋان اقشا جۇمساپ،قولمەن باساتىن ءبىر باستى بۇرىككىش ساتىپ الىپتى، وعان 20 كيلوگرام سۋ سيادى ەكەن،   ءدارى شاشقاندا ءبىر ادام ارقالاپ   ءجۇرىپ ءدارى شاشسا؛ەندى ءبىر ادام سۋ تاسىپ،جارتى ساعاتتا ءبىر مۋ جەرگە عانا ءدارى شاشاتىن كورىنەدى،ونىڭ ۇستىنە،ءار جىلى 7-ايدا ءدارى  شاشقاندا ۋلانىپ قالاتىن جاعداي    تۋىلاتىندىقتان،حاۋىپسىزدىك كومەسكى حاۋىپ-قاتەرى بار ەكەن.

2010-جىلى 1500 يۋان اقشا جۇمساپ،اسپالى ءدارى بۇركۋ ماشيناسىن ساتىپ الدىق،وعان 800 كيلوگرام سۋ سيادى،30 تەگىس بۇرىككىشى،16 اسپا   بۇرىككىشى بار بولىپ،ءبىر ساعاتتا 18 مۋ جەرگە ءدارى شاشۋعا بولاتىن ەدى. بۇل ءدارى بۇركۋ ماشيناسىن ءوزىمىز پايدالانۋمەن بىرگە،باسقا قىستاق تۇرعىندارىنىڭ جەرىنە ءدارى شاشىپ بەرىپ،جىل سوڭىندا 3000 يۋان اقشا تاپتىق. ونىڭ قىزمەت ونىمدىلىگى جوعارى بولۋمەن بىرگە،ءدارى شاشقان ادامنىڭ اۋىل شارۋاشىلىق دارىلەرىنەن ۋلانۋىنان ساقتانۋعا بولادى ەكەن.

2016-جىلى 7-ايدا قىستاق كادرلارى مەن قىزمەت اترەتىنىڭ كومەگىندە،ءجۇز مىڭ 500 يۋان اقشا جۇمساپ،شىعىس قىزاردى 850 تۇرپاتتى تراكتور مەن بۇرىككىش تاياقشالى ءدارى شاشۋ ماشيناسىن ساتىپ الدىم،مەملەكەت جاعىنان 23 مىڭ 800 يۋان قوسىمشا قاراجات بەرىلدى. وندا 54 تەگىس بۇرىككىشى،28 اسپا بۇرىككىشى بار بولىپ،4 توننا سۋ سيادى،ءبىر باك ءدارىلى سۋدى 74 مۋ جەرگە شاشۋعا بولادى. بيىل قىستاق تۇرعىندارىنىڭ جەرىنە ءدارى شاشىپ،40 مىڭ يۋان كىرىس   كىرگىزدىم،كوتەرمەگە العان 100 نەشە مۋ ماقتا اتىزىن باپتاپ-باسقارۋىما دا  كەسىرىن تيگىزبەدى.

ارقالاپ جۇرەتىن قولمەن باسىلاتىن بۇرىككىشتەن اسپالى ءدارى بۇركۋ ماشيناسى مەن اۆتوماتتى سۇيىقتىق  قىسىمىمەن تارتۋ باگىنە دەيىن،ونان ۇشقىشسىز ۇشاققا دەيىنگى دامۋ اياق الىسى شارۋالاردىڭ ءدارى شاشۋى قيىن بولۋ ماسەلەسىن شەشىم ەتىپ،جوعارى  ءونىمدى،حاۋىپسىز،وسىزاماندانۋداي دامۋ بارىسىن جۇزەگە اسىردى. مەنىڭشە،شارۋالار باقىت سەزىمىن ۇزدىكسىز جوعارىلاتۋمەن بىرگە،تىنباي ۇيرەنىپ،العا باسىپ،يدەيانى ازات ەتىپ،وزىق تەحنيكا ۇيرەنبەسە،جوعارى تەحنيكالى اۋىل شارۋاشىلىق ماشينالارىن مەڭگەرە المايدى.

بۇرىككىشتى ارقالاپ ءجۇرىپ ءدارى شاشۋدان ۇشقىشسىز ۇشاقپەن شاشۋعا ويىسۋ،ەڭبەككۇش ۇنەمدەپ،حاۋىپسىز،جوعارى ءونىمدى بولۋدى جۇزەگە   اسىردى،پارتيانىڭ پارمەندى باسشىلىعىندا شارۋالاردىڭ تۇرمىسى بارعان سايىن جاقساراتىندىعىنا كامىل سەنەمىن. 

ەرىكتى ءتىلشى حى شياۋيىڭ،ءتىلشىمىز زىڭ جاۋمەي رەتتەگەن.  



رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى