ءتىلشىمىز جاڭ ياڭ حابارلايدى. جۋىقتا اكىمشىلىك مەكەمەسى 2020-جىلعى كەدەيلىكتەن ارىلتۋدان قامال الۋ ارناۋلى تاقىرىپتىق ءماجىلىسىن اشتى. ايماقتىق پارتكومنىڭ ورىنباسار شۋجيى،اكىمشىلىك مەكەمەسىنىڭ ۋاليى مۇقيات جارمۇحامبەت ءماجىلىستى باسقاردى.
ءماجىلىس اۆتونوميالى رايوننىڭ كەدەيلەردى سۇيەمەلدەۋ،وركەندەتۋ باسشىلىق گرۋپپاسى ءماجىلىسىنىڭ رۋحىن جەتكىزدى،ۇيرەندى،ايماقتىڭ كەدەيلەردى سۇيەمەلدەۋ كاسىپ سالاسىنىڭ دامۋ جاعدايى،ايماقتىڭ تۇتىنۋ ارقىلى كەدەيلەردى سۇيەمەلدەۋ قىزمەت جاعدايى سياقتىلاردان بەرگەن دوكلاتتى تىڭداپ،ايماقتىق كەدەيلەردى سۇيەمەلدەۋ كەڭسەسىنىڭ «تارباعاتاي ايماعىنىڭ كاسىپ سالاسى،تۇتىنۋ ارقىلى كەدەيلەردى سۇيەمەلدەۋ قىزمەتى ارناۋلى القاسىن قۇرۋ جونىندەگى حابارلاندىرۋىن» اقىلداستى.
ءماجىلىس مىنالاردى باسا دارىپتەدى: ءارقايسى اۋدان،قالا،تاراۋلار «ءتورت تانىمدى» بەرىك ورناتىپ،«ءتورت سەنىمدى» بەكەمدەپ،«ەكىنى قورعاۋدى» ورىنداپ،جاۋاپكەرشىلىكتى باتىل ارقالاپ،كەدەيلىكتەن ارىلتۋدان قامال الۋدىڭ ءتۇرلى شارالارىنىڭ تياناقتانىپ،تامىر تارتۋىن مىقتى يگەرىپ، كەدەيلىكتەن ارىلتۋدان قامال الۋ نىساناسىن ۋاعىندا جۇزەگە اسىرۋعا شىنايى كەپىلدىك ەتۋ كەرەك.
كەدەيلىكتەن ارىلتۋدىڭ تابىستارىن بەكەمدەۋ كەرەك. «ەكىدەن تارىقتىرماۋ،ءۇشتى قامتاماسىز ەتۋدى» ارقاۋ ەتە وتىرىپ،«التى دالمە-ءدال بولۋدى» جالعاستى تياناقتاندىرىپ،«جەتى ءبىر توپتى»،«ۇشتە سەرپىندى ارتتىرۋدى» تىڭعىلىقتى ىلگەرىلەتىپ،جۇمىستاندىرۋ ارقىلى كەدەيلەردى سۇيەمەلدەۋدى كورنەكتىلەندىرىپ،كىرىستى ارتتىرۋدىڭ شەشۋشى ءتۇيىنىن مىقتى يگەرىپ،شالاعايلىقتاردى تەكسەرىپ،ولقىلىقتاردى تولىقتاپ،ءالسىز تۇستاردى كۇشەيتىپ،كەدەي حالىقتىڭ دەر كەزىندە كەدەيلىكتەن ارىلۋىنا كەپىلدىك ەتۋ كەرەك.
جۇمىس ورنىن ورنىقتىرىپ جۇمىستاندىرۋدى ويداعىداي ىستەۋ كەرەك. جۇمىستاندىرۋ جاعدايىنا مۇقيات تالداۋ جۇرگىزىپ،ىندەت جاعدايى سياقتى فاكتورلاردىڭ ىقپالىنا ۇشىراعان ەڭبەككۇشتەردىڭ جۇمىستانۋ جاعدايىن قاداعالاپ،كەدەي ەڭبەككۇشتەردى الدىمەن جۇمىستاندىرۋ،كومەكتەسىپ سۇيەمەلدەۋ شارالارىن كۇشەيتىپ،جۇمىستانعان كەدەي ەڭبەككۇشتەردىڭ جۇمىستانعان ورنىندا ورنىعىپ جۇمىستانۋىنا شىنايى كەپىلدىك ەتۋ كەرەك.
كاسىپ سالاسى ارقىلى كەدەيلەردى سۇيەمەلدەۋدى ىلگەرىلەتۋ كەرەك. تارباعاتاي ايماعىنىڭ مول ەگىن،مال شارۋاشىلىق بايلىق قاينارى باسىمدىعىن تولىق ساۋلەلەندىرىپ،اۋلا شارۋاشىلىعىن دامىتۋ،اۋىل شارۋاشىلىعىندا كولەمدەنگەن ەگىمشىلىكتى جالپىلاستىرۋ،جاڭاشا سەلبەستىك ۇيىمدارىن قۇرۋ سياقتى فورمالار ارقىلى كىرىستى ارتتىرۋ ارناسىن كەڭەيتىپ،كەدەي وتباسىنىڭ كىرىسىن جوعارىلاتىپ،كەدەيلىكتەن ارىلتۋدان قامال الۋ مەن اۋىل-قىستاقتى گۇلدەندىرۋدىڭ ءونىمدى ۇشتاسۋىن جەبەۋ كەرەك.
تۇتىنۋ ارقىلى كەدەيلەردى سۇيەمەلدەۋدى ورىستەتۋ كەرەك. ءوندىرۋ مەن ساتۋدى سايكەستىرۋ تەبىنىن كۇشەيتىپ،شينجياڭعا كومەكتەسۋ جاعىنداعى تۇتىنۋ ارقىلى كەدەيلەردى سۇيەمەلدەۋ ورايىن مىقتى يگەرىپ، ءتۇرلى ءىرى ەرەن بازارلارى،تولايىم ساتۋ بازارى سياقتىلاردىڭ كەدەيلەردى سۇيەمەلدەۋ ونىمدەرىن ساتۋ،اينالىمعا ءتۇسىرۋدى ارتتىرۋىن قولداپ، ەلەكتروندى ساۋدا تەكشەسىنە،قوعامدىق قارىم-قاتىناس مەديالارىنا سۇيەنە وتىرىپ جەلىدە ساتۋدى جەدەلدەتۋ كەرەك.
جاۋاپكەرشىلىكتى ناقتىلاندىرۋ، قاتايتۋ كەرەك. ىندەت جاعدايى مەن اپات جاعدايىنىڭ كەدەيلىكتەن ارىلتۋدان قامال الۋعا بولعان ءتيىمسىز ىقپالىنا مۇقيات تالداۋ جاساپ،ساراپتاپ، ساقتالعان ولقىلىقتار مەن ءالسىز تۇستاردى جاپپاي تەكسەرىپ،قىزمەتتى الدىن الا شىنايى تياناقتاندىرىپ،كەدەيلىكتەن ارىلتۋدان قامال الۋ جەڭىسىنە قول جەتكىزۋگە شىنايى كەپىلدىك ەتۋ كەرەك.
ايماق باسشىلارىنان لي يۇڭ،الي، نۇرمامەت نۇردۇن،يان فىڭ، بي حاي،ايماققا توتە قاراستى قاتىستى تاراۋلاردىڭ جاۋاپتى جولداستارى ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى