ءتىلشىمىز ۋاڭ چۇنلين حابارلايدى. 9- ايدىڭ 14-كۇنى اكىمشىلىك مەكەمەسى 2020-جىلعى لاستانۋدان ساقتانۋ جانە ونى جونگە سالۋ ارناۋلى تاقىرىپتىق ءماجىلىسىن اشتى. ايماقتىق پارتكومنىڭ ورىنباسار شۋجيى ، اكىمشىلىك مەكەمەسىنىڭ ۋاليى مۇقيات جارمۇحامبەت ءماجىلىستى باسقاردى.
ماجىلىستە «جۇڭحۋا حالىق رەسپۋبليكاسىنىڭ قاتتى كۇيدەگى جاراقسىز زاتتاردىڭ ورتانى لاستاۋىنان ساقتانۋ جانە ونى جونگە سالۋ زاڭىن» ۇيرەندى، قاتىستى تاراۋلار ايماقتىڭ ورتالىقتىڭ قورشاعان ورتانى قورعاۋدى باقىلاۋ-تەكسەرۋدە اڭىس ەتىلگەن پىكىرلەردى رەتتەۋ-تۇزەتۋ قىزمەتىنىڭ ورىندالۋ جاعدايىنان دوكلات بەردى.
ءماجىلىس مىنالاردى تالاپ ەتتى: اۋدان-قالالار، تاراۋلار بىرىنشىدەن،ساياسي دەڭگەيدى جوعارىلاتىپ، ەكولوگيالىق وركەنيەت قۇرىلىسىن كۇشەيتىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزۋدى بۇلجىماس ساياسي جاۋاپكەرشىلىك ەتىپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ جونىندەگى شەشىمدەرىنىڭ، ورنالاستىرۋلارىنىڭ تارباعاتايدا تامىر تارتىپ، ناقتى ونىمدىلىككە قول جەتكىزۋىن بار كۇشپەن ىلگەرىلەتۋ كەرەك.
ەكىنشىدەن،لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل ويداعىداي جۇرگىزۋ. «تۇنىق سۋ،جاسىل تاۋ — باعالى بايلىق، مۇزدى القاپ،قارلى دالا دا باعالى بايلىق» ۇستانىمىن بەرىك ورناتىپ، «ءۇش جوعارى» نىساننىڭ تارباعاتايعا كىرۋىنە قاتاڭ تيىم سالىپ، اشىق اسپان، ءمولدىر سۋ، تازا توپىراق، اۋىل-قىستاقتىڭ قونىس ورتاسىن وڭاۋ سىندى «ءتورت نىشاندىق شايقاستى» ۇزدىكسىز ويداعىداي جۇرگىزىپ، ءتۇرلى ءتۇيىندى مىندەتتەردى تياناقتاندىرۋدى ناقتى، ەگجەي-تەگجەيلى يگەرىپ،اسپانى اشىق، جەرى جاسىل، سۋى تۇنىق كوركەم تارباعاتاي قۇرۋعا قۇلشىنۋ كەرەك.
ۇشىنشىدەن، ماسەلەنى رەتتەۋ-تۇزەتۋدى ويداعىداي يگەرىپ،ورتالىقتىڭ قورشاعان ورتانى قورعاۋدى باقىلاۋ-تەكسەرۋدە اڭىس ەتكەن ماسەلەلەردى دەر كەزىندە تىزىمنەن وشىرۋگە شىنايى كەپىلدىك ەتىپ، ورتالىقتىڭ قورشاعان ورتانى باقىلاۋ-تەكسەرۋ كەزىندە ارىز-ارمان ىستەرىن جولداپ ءبىتىرۋ، ەكولوگيالىق ورتا مينيسترلىگىنىڭ باتىس سولتۇستىك باقىلاۋ-تەكسەرۋ مەكەمەسى اڭىس ەتكەن ماسەلەلەردى رەتتەۋ-تۇزەتۋ جاعدايىن، بىرەۋى ارقىلى وزگەسىن تۇسپالداپ، «قايرىلا قاراۋدى» جان-جاقتى، ەگجەي-تەگجەيلى ورىستەتۋ كەرەك. «تارباعاتاي ايماعىنىڭ ەكولوگيالىق ورتاداعى كورنەكتى ماسەلەلەرىن» بىرەۋى ارقىلى وزگەسىن تۇسپالداپ رەتتەۋ-تۇزەتۋ قىزمەت جوباسىن ويداعىداي تياناقتاندىرىپ، ءتۇرلى رەتتەۋ-تۇزەتۋ مىندەتتەرىنىڭ ناقتاپ تياناقتانۋىنا شىنايى كەپىلدىك ەتۋ كەرەك.
تورتىنشىدەن، قۋزاۋ-تەكسەرۋ جۇرگىزۋدى كۇشەيتىپ،جاعدايدى ۋاعىندا يەلەپ، جاي-جاپسارى، جاعدايى انىق بولۋعا، تولىق قامتۋعا،قالتارىس قالدىرماۋعا شىنايى كەپىلدىك ەتىپ، «استە راقىم ەتپەۋدەي» تەگەۋرىندى سەس كورسەتۋ كۇيىن قالىپتاستىرىپ، ەكولوگيالىق ورتانى قورعاۋ جاۋاپكەرشىلىگىن تياناقتاندىرۋىن جەبەۋ كەرەك. ەكولوگيالىق ورتاعا قاتىستى زاڭ اتقارۋدى كۇشەيتىپ، تارباعاتايدىڭ تاماشا ەكولوگيالىق ورتاسىن قاتاڭ ءتارتىپ جانە شارالار ارقىلى قورعاۋ كەرەك.
ايماق باسشىلارىنان لي يۇڭ،الي، يان فىڭ،بي حاي ماجىلىسكە قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى