باس شۋجي شي جينپيڭنىڭ 3-رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزى ايماعىمىزدا كۇشتى اڭىس قوزعادى —
□ ءتىلشىمىز ۋاڭ گاۋشىڭ
بىرنەشە كۇننەن بەرى ايماعىمىزداعى قالىڭ كادر،بۇقارا 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن،اسىرەسە،باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەندى. كوپشىلىك ءبىر اۋىزدان مىنالاردى بىلدىردى: تانىم مەن ارەكەتتى بىرلىككە كەلتىرە وتىرىپ،يدەيا مەن ارەكەتتى پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىمەن،ورنالاستىرۋلارىمەن بىرلىككە كەلتىرىپ،كەدەيلىكتەن ارىلتۋدان قامال الۋ مەن جۇمىستانۋدى ورنىقتىرۋدى، كىرىستى ارتتىرۋدى تاباندىلىقپەن ويداعىداي ىستەپ،ءار ۇلت بۇقاراسىنىڭ ىشكى قوزعاۋشى كۇشىن قاۋلاتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ،جاپپاي دوڭگەلەك داۋلەتتى قوعام قۇرۋعا نەگىز قالايمىز،تاعاندى بەكەمدەيمىز.
تابىستاردى بەكەمدەپ، جوعارىلاتىپ،ىشكى قوزعاۋشى كۇشتى قاۋلاتامىز
ايماقتىق كەدەيلەردى سۇيەمەلدەۋ كەڭسەسىنىڭ ورىنباسار مەڭگەرۋشىسى لياڭ ۋيدۇڭ بىلاي دەدى: «3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋىمىزگە باعىت-باعداردى اناعۇرلىم ايقىندادى. نازاردى شينجياڭ قىزمەتى باس نىساناسىنا شوعىرلاندىرىپ،كۇش- قۋاتتى كەدەيلىكتەن ارىلتۋدان قامال الۋدىڭ نىسانا-مىندەتتەرىنە شوعىرلاندىرىپ،ۋاقىت كۇتىپ تۇرمايدى دەگەن رۋحاني كۇيدى ساقتاپ،بوساڭسىماي،كىدىرمەي،بار قايراتتى سارقا جۇمساپ كەدەيلىكتەن ارىلتۋدان قامال الۋدىڭ جەتىستىكتەرىن كۇش سالا بەكەمدەپ،كەدەي بۇقارانىڭ ىشكى قوزعاۋشى كۇشىن قاۋلاتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە،جوعارى ساپامەن قول جەتكىزىپ،جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋىمىز كەرەك».
9-ايدىڭ 28-كۇنى جۇڭگو اۋىل شارۋاشىلىق بانكەسى تارباعاتاي بولىمشە بانكەسىنىڭ شاۋەشەك قالاسى ابدىرا اۋىلى سوربۇلاق قىستاعىندا تۇراتىن قىزمەت اترەتىنىڭ باستىعى ان حۇيبين قىستاق كادرلارىمەن بىرگە «مەملەكەتتىك-حالىقارالىق حابارلاردى» كوردى. ول تەبىرەنە: «جۋىق جىلداردان بەرى،مەملەكەتتىڭ كەدەي قىستاقتاردىڭ نەگىزدىك قۇرىلعى قۇرىلىسىنا جۇمسالىمى زور بولىپ،شاعىن تاۋلى قىستاقتا وراسان زور وزگەرىستەر تۋىلدى،قىستاق تۇرعىندارىنىڭ تابىس سەزىمى،باقىت سەزىمى، حاۋىپسىزدىك سەزىمى كورنەكتى كۇشەيدى. بۇدان بىلاي مەن ىرىقتىلىقپەن جاۋاپكەرشىلىك ارقالاپ،ىسكەرلىك كورسەتىپ،كەدەي بۇقارانىڭ كەدەيلىكتەن ارىلعاننان كەيىن دامۋىنا،كىرىستى ۇزدىكسىز ارتتىرۋىنا ارىندى كۇش توپتايمىن» دەدى.
ايماقتىق قازىنا مەكەمەسىنىڭ كادرى گان ۋىنحۇي بىلاي دەدى: «باس شۋجي شي جينپيڭنىڭ ماڭىزدى ءسوزى ءتيىمدى جاعدايدى جوسپارلاعان، ءمانى تەرەڭ،مۇقيات ۇيرەنىپ، دايەكتى تياناقتاندىرامىز،مۇنان بىلاي كورىكتى اۋىل-قىستاق قۇرۋدى كەدەيلىكتەن ارىلتۋدان قامال الۋدىڭ ناتيجەسىن بەكەمدەۋ،دەڭگەيىن جوعارىلاتۋ،اۋىل-قىستاق ساياحاتىن دامىتۋ سياقتىلار مەن ۇشتاستىرىپ،بۇقاراعا كورىكتى اۋىل-قىستاق قۇرۋدان كەلگەن ناقتى پايدانى شىنايى سەزىندىرىپ،ءار ۇلت بۇقاراسىنىڭ كەدەيلىكتەن ەرتە ارىلىپ،دوڭگەلەك داۋلەتتىلىككە جەتۋىنە ۇلەس قوسامىز.
جۇمىستاندىرۋدى،شارۋاشىلىق قۇرۋدى ورنىقتىرىپ،جاپپاي كىرىستى ارتتىرۋدى جەبەيمىز
ورنىقتى جۇمىستاندىرۋ — كىرىستى باياندى ارتتىرۋدىڭ كەپىلى. 10-ايدىڭ 4-كۇنى تولى اۋدانى ۇتى قالاشىعى پارتكومىنىڭ شۋجيى لي لياڭ بىلاي دەدى: «ءبىز باس شۋجيدىڭ تالابى بويىنشا،كوپ ءتۇرلى شارانى قاتار قولدانىپ،كەدەيلەردى جۇمىستاندىرۋ قىزمەتىن ويداعىداي ىستەپ، جۇمىستانعاندارعا ۇلكەن شاڭىراقتىڭ مەيىرىن سەزىندىرىپ،قونىس جاڭالاپ سۇيەمەلدەنگەن كەدەيلەردىڭ كوشىپ شىعۋىنا،ورنىعۋىنا،اۋقاتتانۋىنا شىنايى كەپىلدىك ەتەمىز».
«پارتيانىڭ ءتيىمدى ساياساتى بولماسا،وتباسىمىزدىڭ بۇگىنگى كۇنى بولماس ەدى. قازىر قونىس جاڭالاپ سۇيەمەلدەنەتىندەرگە سالىنعان عيمارات ۇيدە تۇرامىز،جۇبايىم ەكەۋىمىز ءبىر كاسىپورىندا جۇمىس ىستەيمىز،ايىنا 10 مىڭ يۋانعا جۋىق كىرىس تابامىز،تۇرمىسىمىز بارعان سايىن جاقسارىپ كەلەدى» دەدى تولى اۋدانى ۇتى قالاشىعى اققاينار قىستاعىنىڭ ارحيۆ تۇرعىزىلىپ،كارتچكالاندىرىلعان كەدەي وتباسى راقات اۋەلبەك شاتتانا.
«باس شۋجيدىڭ سويلەگەن ماڭىزدى ءسوزى ادامدى جىگەرلەندىرىپ، قايراتتانا العا ۇمتىلۋعا جەبەيدى». قوبىقسارى موڭعۇل اۆتونوميالى اۋدانى بايىنوبا اۋىلدىق پارتكومنىڭ مۇشەسى گو جياندى بىلاي دەدى: «نەگىزگى ساتى كادرى رەتىندە،ءبىز ءىس جۇزىندىكتى تياناق ەتىپ،جۇمىستاندىرۋدى ورنىقتىرۋ،كىرىستى ارتتىرۋ قىزمەتىن بەلسەنە جاقسى ىستەپ،كەدەي حالىقتىڭ ىشىندە ەڭبەك قابىلەتى بار ادامداردىڭ جۇمىستانۋىن مۇمكىندىكتىڭ بارىنشا ويداعىداي ىستەپ،جاپپاي دوڭگەلەك داۋلەتتىلىككە بىرلىكتە قادام تاستاۋعا قۇلشىنامىن».
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى