تىلشىلەرىمىز ياۋ ميڭ،داي جياۋمەي، ەرىكتى ءتىلشى دۋ جىفىڭ، رىن داجى،جوۋ جيە حابارلايدى. بىرنەشە كۇننەن بەرى،شيحۋ قالاسى، قوبىقسارى موڭعۇل اۆتونوميالى اۋدانىنداعى ءارقايسى تاراۋ،ورىن 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ءتۇرلى فورمالارمەن ۇيرەندى، دايەكتىلەندىردى ءارى ءوز قىزمەتتەرىمەن ۇشتاستىرا وتىرىپ،ۇيرەنۋدىڭ ءتىپتى دە تەرەڭدەي ءتۇسۋىن، كوكەيگە ۇيالاۋىن،ناقتىلانۋىن ىلگەرىلەتتى.
شيحۋ قالالىق ەمدەۋدى قامتاماسىزداندىرۋ مەكەمەسىنىڭ حۇڭچياۋ ءمالى باسقارماسى بەيبىتشىلىك جولى الەۋمەتتىك اۋماعىندا تۇراتىن قىزمەت اترەتى «جۇڭگوشا اسپاز» اتىندا تەگىن ونەرگە باۋلۋ كۋرسىن اشىپ،جۇڭگوشا تاعامداردىڭ نەگىزگى بىلىمدەرى، اسپازدىق شيكزات ماتەريالدارى،جۇڭگوشا اسپازداردىڭ كوكونىس تۋراۋ ونەرى سياقتى جاقتاردان تاربيەلەپ، قاراستى رايونداعى جۇمىسسىز قالعانداردىڭ جۇمىستانۋ تەحنيكالىق ورەسى مەن شارۋاشىلىق قۇرۋ،جۇمىستانۋ قابىلەتىن جوعارىلاتۋىنا كومەكتەستى جانە جەتەكشىلىك ەتتى.
الەۋمەتتىك اۋماقتىڭ ءبىرىنشى شۋجيى،شيحۋ قالالىق ەمدەۋدى قامتاماسىزداندىرۋ مەكەمەسىنىڭ الەۋمەتتىك اۋماقتا تۇراتىن قىزمەت اترەتىنىڭ باستىعى شۇي ليپيڭ: «وسى رەتكى باۋلۋدا نازاريا مەن امالياتتى ورگانيكالى ۇشتاستىرا وتىرىپ، جۇمىسسىز قالعاندارعا ءبىر ونەردى شىنايى ۇيرەتىپ،ەڭ سوڭىندا ۇيدە وتىرىپ جۇمىستانۋ جانە دەربەس شارۋاشىلىق قۇرۋ نىساناسىن جۇزەگە اسىرۋدى ماقسات ەتتىك» دەدى.
«الداعى قىزمەت بارىسىندا بازاردى باقىلاۋ-باسقارۋدى كۇشەيتىپ،ءادىل باسەكەنى قورعاپ،ءادىل باسەكەلەسەتىن بازار ورتاسى مەن حاۋىپسىز، الاڭسىز تۇتىنۋ ورتاسىن جاراتىپ، بۇقارانىڭ اڭىسى كۇشتى بولعان كورنەكتى ماسەلەلەردى تابۋعا جانە شەشۋگە كۇش سالىپ،ءماجىلىس رۋحىنىڭ جەتىستىكتەرىن تۇتىنۋ ورتاسىن جاقسارتۋدىڭ جاندى امالياتىنا اينالدىرامىز» دەدى شيحۋ قالالىق بازار باقىلاۋ-باسقارۋ مەكەمەسى كەڭسەسىنىڭ مەڭگەرۋشىسى فىڭ شياۋمەي.
شيحۋ قالاسىنىڭ ءارقايسى اۋىل-قالاشىق،مالىلەرىندەگى ۇگىت شەبىندەگى كادرلار ۇگىت،يدەيا، مادەنيەت شەبىندە «4 ءتۇرلى قۋاتتى» ارتتىرۋ تاربيەسىن امالياتتا ايگىلەۋ ونەر باسەكەسى قيمىلىنا قاتىناستى. جيۋجياندىر اۋىلدىق پارتكومنىڭ مۇشەسى ۇگىت كادرى جيا رۇڭشيا: «ءماجىلىستىڭ رۋحىمەن ۇشتاستىرا وتىرىپ،جيۋجياندىر اۋىلىنىڭ ۇگىت،مادەنيەت قىزمەتىن ءتىپتى دە جاقسى ىستەپ،شينجياڭدى مادەنيەتپەن نارلەندىرۋدى شىن مانىندە جۇزەگە اسىرىپ،بۇكىل اۋىلداعى بۇقارانى كىرىسىن ارتتىرىپ، اۋقاتتانىپ،دوڭگەلەك داۋلەتتىلىككە ۇمتىلۋعا باستايمىز» دەدى.
قوبىقسارى موڭعۇل اۆتونوميالى اۋدانى قوستولاعاي قالاشىعى دەلۇن الەۋمەتتىك اۋماعىنىڭ جاڭا داۋىردەگى وركەنيەتتى امالياتتا ايگىلەپ،شارۋاشىلىق قۇرۋ ۇلكەن اۋلاسىندا تۇرعىندار ءبىر جەرگە جينالىپ،شاپالاق ءۇنى تولاستامادى. جاقىنداپ كەلىپ قاراساق،قوستولاعاي قالاشىعى جاڭا ءداۋىر «انگىر» ادەبيەت-كوركەمونەر ۇگىت-لەكسيا ۇيىرمەسى،«قىزىل انار» ۇگىت-لەكسيا ۇيىرمەسى تۇرعىندارعا 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇگىتتەپ جاتىر ەكەن.
«ۇگىت-لەكسيا اترەتى جاڭا يدەيانى،جاڭا جورىقتى ۇگىتتەۋى كەرەك،ءبىزدىڭ بۇقارا ۇناتاتىن ءان-ءبي،تاقپاق سياقتى ادەبيەت-كوركەمونەر نومىرلەرىن دايىنداۋداعى ماقساتىمىز كوپشىلىكتىڭ تۇسىنە الۋىنا،ۇناتىپ تىڭداۋىنا،ەستەن شىعارماۋىنا مۇمكىندىك جاراتۋ» دەدى «انگىر» ادەبيەت-كوركەمونەر ۇيىرمەسىنىڭ باستىعى التىن.
الەۋمەتتىك اۋماق پارتيا ياچەيكاسىنىڭ شۋجيى وۋ. ۋرىنتۋيا: «الەۋمەتتىك اۋماق پەن ادەبيەت-كوركەمونەر ۇيىرمەسى ۇگىت-لەكسيا جاسايتىن ورىن،مازمۇنى جانە تىڭدارمانداردىڭ ءىس جۇزىندىك جاعدايىنا نەگىزدەلە وتىرىپ،شوعىرلى تاربيەلەۋ،اۋلادا قورالانا وتىرۋ،اڭگىمەلەسۋ سياقتى تاسىلدەر ارقىلى ءماجىلىستىڭ رۋحىن ەگجەي-تەگجەيلى،ناقتى ويداعىداي ءتۇسىندىرىپ،ۇگىت-لەكسيانىڭ جەرگىلىكتى ورىننىڭ جاعدايىنا ۇيلەسىپ،بۇقارانىڭ تولىق ۇعىنىپ،تۇسىنە الۋىنا،تياناقتاندىرا الۋىنا شىنايى كەپىلدىك ەتەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى