ءتىلشىمىز داي جياۋمەي،ەرىكتى ءتىلشى سۋلاگرىل ساڭگى حابارلايدى. «الەۋمەتتىك اۋماقتىڭ ەلەكترسيكلدى زاريادتاۋ قيىنشىلىعىمىزدى شەشىم ەتىپ بەرگەنىنە راقىمەت ايتامىز» دەدى جۋىقتا قوبىقسارى موڭعۇل اۆتونوميالى اۋدانى قوستولاعاي قالاشىعى ياڭگۋاڭ الەۋمەتتىك اۋماعىنىڭ تۇرعىنى گىميڭ.
«ءۇيىمىز 5-قاباتتا تۇرادى، ەلەكترسيكل مەنىڭ ءمىنىس كولىگىم، الايدا ءار رەت ەلەكترسيكلدى زاريادتاۋ ءۇشىن قينالاتىن ەدىم» دەدى گىميڭ.
ياڭگۋاڭ الەۋمەتتىك اۋماعىنىڭ قىزمەتكەرلەرى وتباسىلارىن ارالاپ جاعداي ۇعىسۋ بارىسىندا تۇرعىنداردىڭ وسى جاعىنداعى تالابىن بىلگەننەن كەيىن،10-ايدىڭ اياق شەنىندە قالاشىق پارتكومىنىڭ باستاماشىلدىق ەتۋىندە ورنىن تاڭداپ،جابدىقتى ورناتىپ،ياڭگۋاڭ الەۋمەتتىك اۋماعىندا ەلەكترسيكلدى زەردەلى زاريادتاۋ پۋنكتىنەن 6 سىن ورناتتى.
«زەردەلى زاريادتاۋ پۋنكتىن ورناتۋ،ءبىر جاعىنان،تۇرعىنداردىڭ زاريادتاۋىنا قولايلى بولسا،ەندى ءبىر جاعىنان،تۇرعىنداردىڭ ەلەكترسيكلدى بەتالدى زاريادتاۋىنان تۋىلاتىن حاۋىپ-قاتەردى ازايتىپ،تەرەزەدەن توك سىمىن شىعارىپ زاريادتاۋدىڭ كومەسكى قاتەرىن جويىپ،بۇقارانىڭ حاۋىپسىزدىك تانىمىن جوعارىلاتادى» دەدى ياڭگۋاڭ الەۋمەتتىك اۋماعى پارتيا باس ياچەيكاسىنىڭ شۋجيى لي ليڭ.
ۇعىسۋعا قاراعاندا،زەردەلى زاريادتاۋ پۋنكتىندە زاريادتاعاندا ءۇنحات نەمەسە جىفۋباۋ ەكىلىك ءنومىرىن جايمالاپ ەلەكترسيكلدى زاريادتاۋ قىزمەت وتەۋىنەن يگىلىكتەنۋگە بولادى ەكەن،ءاربىر ەلەكترسيكلدى زاريادتاۋعا 6 ساعات ۋاقىت جۇمسالىپ،اقىسى 2 يۋانعا دا جەتپەيدى،قولايلى ءارى حاۋىپسىز ەكەن.
«زەردەلى زاريادتاۋ پۋنكتى بولعاننان كەيىن،عيماراتتان توك سىمىن ءتۇسىرىپ اۋرە بولمايتىن بولدىق،قول تەلەفونمەن ەكىلىك ءنومىردى جايمالاپ،ەلەكترسيكلدى زاريادتاۋىمىزعا بولادى،الەۋمەتتىك اۋماق كادرلارىنا راقىمەت ايتامىز،ولار تۇرعىنداردىڭ ءىس جۇزىندىك قيىنشىلىعىن شەشىم ەتتى، ولارعا العىس ايتامىن» دەدى گىميڭ.
جۋىق جىلداردان بەرى ياڭگۋاڭ الەۋمەتتىك اۋماعىنىڭ پارتيا باس ياچەيكاسى زەيىن-زەردەنى،كۇش-قۋاتتى شوعىرلاندىرا وتىرىپ،حالىق تۇرمىسى ينجەنەرياسىن مىقتى ۇستاپ، بۇقارانى الاڭداتقان،مازالاعان،قيىن ماسەلەلەردى شەشۋگە كۇش سالىپ،بۇقاراعا قىزمەت وتەۋدىڭ ەڭ سوڭعى ءبىر كيلومەترىن تۇتاستىرىپ، بۇقارانىڭ تابىس سەزىمىن،باقىت سەزىمىن جانە حاۋىپسىزدىك سەزىمىن شىنايى جوعارىلاتتى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى