ءتىلشىمىز ليۋ ۋي،ەرىكتى ءتىلشى جياۋ زۋچيڭ حابارلايدى. ساۋان اۋدانىنداعى لۇڭيۋان باعىمشىلىق كاسىپتىك سەلبەستىك كووپەراتيۆىنە بارعانىمىزدا سەلبەستىك كووپەراتيۆىنىڭ جاۋاپتىسى حۋ جيندۇڭنىڭ تاۋىققا جەم بەرىپ جاتقانىن كوردىك. جۋىقتان بەرى سەلبەستىك كووپەراتيۆى باققان 3000 نان استام تاۋىق بازارعا شىعارىلىپ،ىلگەرىندى-كەيىندى ساتىلا باستاعان.
«بۇل توپتاعىلارى 5-ايدا اكەلىنگەن شوجەلەر،بىرنەشە كۇننەن بەرى ارت-ارتىنان ساتىلا باستادى،ءبىر اپتا ىشىندە تۇگەلدەي ساتىلىپ بولادى» دەدى حۋ جيندۇڭ.
ساۋان اۋدانىنداعى لۇڭيۋان باعىمشىلىق كاسىپتىك سەلبەستىك كووپەراتيۆى اۋدانداعى باعىمشىلىق كولەمى ەڭ ۇلكەن،اۆتوماتتى جابدىقتارى ءبىرشاما وزىق باعىمشىلىق سەلبەستىك كووپەراتيۆتەرىنىڭ ءبىرى بولىپ،ءار جىلى 3 تە 4 توپ تاۋىق باعىپ،جىلىنا 120 مىڭ اينالاسىندا تاۋىق ساتادى ەكەن.
«بازارعا سالىنعاننان كەيىن نەگىزىنەن شىحىزى،كۇيتۇن،التاي سياقتى جەرلەرگە ساتىلىپ،جىلدىق كىرىسىمىز 300 مىڭ يۋان اينالاسىندا بولادى» دەدى حۋ جيندۇڭ.
جۋىق جىلداردان بەرى ساۋان اۋدانى قامداۋ جاعىنداعى قۇرىلىمدىق رەفورمانى نەگىزگى جەلى ەتىپ،مال شارۋاشىلىعى قۇرىلىمىن اناعۇرلىم ساپالىلاندىرىپ،ءوندىرىستى ولشەمدەندىرۋدى،تيجارات جۇرگىزۋ كولەمىن كەڭەيتۋدى جانە كاسىپ سالالاندىرۋدى ىلگەرىلەتىپ،ەگىنشى-مالشىلار كىرىسىن ارتتىرىپ،اۋىل-قىستاقتىڭ گۇلدەنۋىن جەبەپ، وسىزاماندانعان مال شارۋاشىلىعىنىڭ جاسىل دامۋىن ىلگەرىلەتتى.
جۋىقتان بەرى ساۋان اۋدانى داچۋان اۋىلىنداعى قىستاق دارەجەلى حايۋاناتتار ىندەتىنەن ساقتانۋ قىزمەتكەرى ىقىلاس مۇقاش قاربالاستىققا ءتۇستى، كۇز ماۋسىمىنداعى مالدى يممۋنيتەتتەۋ قىزمەتى ورىستەتىلگەننەن بەرى ول جاۋاپتى بولعان رايونداعى باعىمشىلىق الاڭى مەن باعىمشىلىق وتباسىلارىنا بارىپ،ۆاكسينا ەگۋ قىزمەتىن ورىستەتتى.
«كۇز ماۋسىمىنداعى ىندەتتەن ساقتانۋدا نەگىزىنەن اۋسىل،پرۋتسەللەز ۆاكسيناسى قويىلادى،ءبىر ادام 3 قىستاققا جاۋاپتى. كەزەكتە كۇز ماۋسىمىنداعى ىندەتتەن ساقتانۋ قىزمەتى اياقتادى» دەدى ىقىلاس مۇقاش.
بىلتىر ساۋان اۋدانى حايۋاناتتار ىندەتىنەن ساقتانۋ قىزمەتىن اناعۇرلىم ىلگەرىلەتىپ،مال شارۋاشىلىعىنىڭ جاسىل دامۋىن جەبەۋ ءۇشىن،«ۇكىمەت سۇيەمەلدەگەن،تاراۋلار باقىلاۋ جۇرگىزەتىن،قوعامداندىرىپ اينالىمعا سالىناتىن،بازارلاندىرىپ قىزمەت وتەيتىن» مال شارۋاشىلىعىنا تەحنيكالىق جاقتان قىزمەت وتەۋ جۇيەسىن قۇرىپ،باعىمشىلىق وتباسىلارىنىڭ حايۋاناتتار ىندەتىنەن ساقتانۋ-تىزگىندەۋ قابىلەتىن ءونىمدى جوعارىلاتىپ،باعىمشىلىق كاسىبىنىڭ اقاۋسىز دامۋىنا دەم بەردى.
«ءار رەت سيىر ساتىپ اكەلگەندە ىندەتتەن ساقتانۋ قىزمەتكەرلەرى دەر كەزىندە كەلىپ سيىرعا ىندەتتەن ساقتانۋ ۆاكسيناسىن قويادى،جايشىلىقتا سيىر اۋىرا قالسا دا ىندەتتەن ساقتانۋ قىزمەتكەرى دەر كەزىندە كەلىپ ەمدەيدى» دەدى ساۋان اۋدانى شيۇڭفىڭ باعىمشىلىق كاسىپتىك سەلبەستىك كووپەراتيۆىنىڭ جاۋاپتىسى دۋان بينچياڭ.
كەزەكتە ساۋان اۋدانىنداعى شيۇڭفىڭ باعىمشىلىق كاسىپتىك سەلبەستىك كووپەراتيۆىندە 200 باس انالىق سيىر،100 باستان ارتىق بورداقىلاعان سيىر،230 باس تايىنشا باعىپ وتىر،ۇكىمەت ساتىپ العان حايۋاناتتار ىندەتىنەن ساقتانۋعا قوعامدانعان قىزمەت وتەۋدىڭ ارقاسىندا سەلبەستىك كووپەراتيۆىنىڭ دامۋ اياق الىسى تەزدەپ،كولەمدەندىرىپ دامىتۋعا دەگەن سەنىمى اناعۇرلىم ارتا ءتۇستى.
دۋان بينچياڭ: «جىل سوڭىندا 100 باس بورداقىلاعان سيىردى قورادان شىعارۋدى جوسپارلادىق. كەلەر جىلى 150 باس سيمەنتال سيىر ءوسىرىپ،ءار جىلى ساۋان اۋدانىن 300 باس بورداقىلاعان سيىرمەن قامداۋعا كۇش سالامىز» دەدى.
ۇعىسۋعا قاراعاندا،قازىرگە دەيىن ساۋان اۋدانىنداعى ءار تۇلىك مالدىڭ سانى ءبىر ميلليون 406 مىڭ 400 باس بولىپ،مۇنىڭ ىشىندە 91 مىڭ باس سيىر،282 مىڭ 900 تۇياق قوي،56 مىڭ 700 شوشقا بار ەكەن. ءۇي قۇستارى 976 مىڭ 700 گە جەتەدى ەكەن،كۇز مەزگىلىندەگى مال مەن ءۇي قۇستارىن يممۋنيتەتتەۋ قىزمەتىنىڭ ورىندالۋ سالىستىرماسى %95 تەن اسقان.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى