سيلىقتىڭ سانى تاريحتاعى ەڭ جوعارى ورەنى جاراتتى
ءتىلشىمىز ۋىن بو حابارلايدى. جۋىقتا 30-كەزەكتى (2019-جىلعى) شينجياڭ اقپارات سيلىعىن باعالاۋ ناتيجەسى جاريالاندى،تارباعاتاي گازەتى مەكەمەسىنەن 13 تۋىندى سيلاندى،مۇندا 6 تۋىندى 2-دارەجەلى سيلىققا،7 تۋىندى 3-دارەجەلى سيلىققا يە بولىپ،سيلىقتىڭ سانى تاريحتاعى ەڭ جوعارى ورەنى جاراتتى.
جۋىقتاعى جىلداردان بەرى تارباعاتاي گازەتى مەكەمەسى باس شۋجي شي جينپيڭنىڭ ۇگىت-يدەيا قىزمەتى جونىندەگى مەملەكەتتىك ماجىلىستە سويلەگەن ماڭىزدى ءسوزى رۋحىن ىشكەرىلەي ۇيرەنىپ،دايەكتىلەندىرىپ،«ءتورت قابىلەتتى» بەلسەنە امالياتتا ايگىلەپ،تارباعاتايدىڭ حيكاياسىن جاقسى بايانداۋدى ءوز مىندەتى ەتىپ،سارا تۋىندىلار ينجەنەرياسىن مىقتى يگەرىپ،ءتىلشى،رەداكتورلاردى نەگىزگى ساتىعا ىشكەرىلەي بارۋعا ۇيىمداستىرىپ، جەرلىك جاعدايعا ۇيلەسەتىن،جۇرت جۇرەگىن جىلىتاتىن ءبىر قىدىرۋ تاڭداۋلى شىعارمالاردى جازىپ،وقىرماندار قۋانا قارسى الىپ،قىزىعا وقيتىن جاڭا مەديا ونىمدەرىن دايىنداپ، كۇشتى بورىشتارلىق پەن جاۋاپكەرشىلىگىن ايگىلەپ،پارتيا اقپارات قۇرالدارىنىڭ بەتالىس رولىن،تۋ رولىن،جەتەكتەۋ رولىن تولىق ساۋلەلەندىردى.
2-دارەجەلى 6 تۋىندى شينجياڭ اقپارات سيلىعىنىڭ گازەت،توراپ جانە جاڭا اقپارات قۇرالى بولەگىن قامتىدى.
«كوڭىلىندەگى قاھارماندار ءۇشىن قابىرلارىن 36 جىل كۇزەتتى» اتتى تۋىندى ادەبي حابار تۇرىنەن 2-دارەجەلى سيلىققا يە بولدى،وندا ساۋان اۋدانى دۇڭۋان قالاشىعى كازۋان قىستاعىنداعى قوسىننان شەگىنگەن جاۋىنگەر جاڭ چيۋلياڭنىڭ ارميادان بوساپ اۋىلىنا قايتىپ قىزمەت ىستەۋ ورايىنان باس تارتىپ،كازۋان قىستاعىنا كەلىپ،مۇلدە تانىمايتىن 7 قۇرباننىڭ قابىرىن 36 جىل كۇزەتكەن ءارى ولاردىڭ تۋىس-تۋعاندارىن ىزدەستىرگەن اڭگىمەسى باياندالعان.
«ءامينانىڭ ‹كوش› جولى» اتتى تۋىندى ادەبي حابار تۇرىنەن 2-دارەجەلى سيلىققا يە بولىپ،باس كەيىپكەر ءامينانىڭ پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسىپ،پارتيانىڭ حالىقتى اۋقاتتاندىرۋ ساياساتىنىڭ جەتەكشىلىگىندە اۋقاتتانۋ جولىنا تۇسكەن اڭگىمەسى باياندالعان.
«45 جىل جازىلعان عىلمي زەرتتەۋ بايانداماسى» اتتى تۋىندى وچەرك تۇرىنەن 2-دارەجەلى سيلىققا يە بولىپ،شاۋەشەك قالاسى شاشا قالاشىعى شەتجيەك قىستاعىنداعى لۋ گوچاڭ مەن جۇبايىنىڭ 45 جىل عىلمي زەرتتەۋمەن شۇعىلدانۋعا تاباندى بولىپ،جاقىن بۋدانداستىرىلعان سيىر تابىنىن جەتىلدىرۋ جونىندە زەرتتەۋ جۇرگىزىپ،زەرتتەۋ جەتىستىگىنىڭ مەملەكەت كولەمىندە الدىڭعى قاتاردان ورىن العان اڭگىمەسى باياندالعان.
«تاقىرىپسىز» اتتى تۋىندى اجۋا سۋرەت تۇرىنەن 2-دارەجەلى سيلىققا يە بولىپ، اۆتور شەبەر قالام،جۇيرىك ويمەن بالانىڭ ءاربىر العا باسقان قادامىن اتا-اناسىنىڭ جۇزىنە تۇسكەن اجىممەن تاماشا قيىستىرۋ ارقىلى جۇڭگولىق اتا-انالاردىڭ بالا تاربيەسىندەگى ءىس جۇزىندىك جاعدايىن اڭىس ەتكەن.
«ءمينا جانە ونىڭ ‹شينجياڭعا كومەككە كەلگەن اكەسى›» اتتى تۋىندى اقپاراتتىق فوتو سۋرەت تۇرىنەن 2-دارەجەلى سيلىققا يە بولدى،بۇل سيلىق شينجياڭعا كومەككە كەلگەن كادر-دارىندىلاردىڭ «ۇيرەتۋ،كومەكتەسۋ، جەتەكتەۋ» رولىن تولىق ساۋلەلەندىرۋىنىڭ تابىسى. بۇل تۋىندى سۋرەت فورماسىندا لياۋنيڭ ولكەسىنىڭ انشان قالاسىنان شينجياڭعا كومەككە كەلگەن كادر مەن ساۋان اۋداندىق 2-باستاۋىش مەكتەپتەگى قازاق وقۋشى ءمينا قىزىردىڭ اراسىنداعى مەيىرگە تولى اڭگىمەلەرى باياندالادى.
«ماي بوياۋلى سۋرەتتەي تارباعاتايدىڭ سۋ بوياۋلى سۋرەتى ارقىلى وتانىمىزعا باقىت تىلەيمىز» اتتى تۋىندى توعىسپالى اقپارات تۇرىنەن 2-دارەجەلى سيلىققا يە بولدى،بۇل مەكەمەمىزدىڭ توعىسپالى اقپارات قۇرالدارى سيلىعىن تۇڭعىش ەنشىلەۋى. بۇل تۋىندى ءبىر سۋرەتپەن تولىق بەينەلەۋ،قوزعالىستاعى جانە تىنىش كۇيدەگى سۋرەتتەردى ءوزارا ۇشتاستىرۋ،سۋرەت پەن جازۋدى توعىستىرۋ ادىسىنەن پايدالانىپ،جاڭا اقپارات قۇرالى تەرمينالىندا جاڭا جۇڭگو قۇرىلعان 70 جىلدان بەرگى تارباعاتاي ايماعىنىڭ قارىشتاپ دامىعان كوركەم كورىنىسىن ايگىلەگەن.
مۇنان تىس،تارباعاتاي گازەتى مەكەمەسىنەن تاعى 2 تۋىندى جەكە-جەكە 2019-جىلعى مەملەكەتتىك قوسىمشا (ادەبي) بەتتەر جىلدىق باعالاۋىنىڭ 1-دارەجەلى جانە 2-دارەجەلى سيلىعىن ەنشىلەدى.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى