ءتىلشىمىز ۋاڭ تيڭ حابارلايدى. «قىستاق پارتيا ياچەيكاسى ءبىزدى باستاپ سەلبەستىك كووپەراتيۆىن قۇرعاننان بەرى سەلبەستىك كووپەراتيۆىنە مۇشە بولۋدان سىرت،وتباسىمىزدىڭ كىرىسى قامتاماسىزداندىرىلىپ،ءار مۋ جەردەن مىڭ يۋاننان ارتىق كىرىس كىرگىزەتىن بولدىق. سونىمەن ءبىر ۋاقىتتا، سەلبەستىك كووپەراتيۆىنىڭ كەپتىرۋ زاۆودىندا جۇمىس ىستەپ،ايىنا 2000 يۋان اينالاسىندا ەڭبەكاقى الامىن» دەدى جۋىقتا شاۋەشەك قالاسى ارگۇڭ قالاشىعى تۇماقشي قىستاعىنداعى جۇڭجى ۋنيۆەرسال كاسىپتىك سەلبەستىك كووپەراتيۆىنىڭ مۇشەسى لي بيڭيۋان.
جاقىنعى جىلداردان بەرى تۇماقشي قىستاعى پارتيا ياچەيكاسى تانىمدى جاڭالاپ،«پارتيا ياچەيكاسى + سەلبەستىك كووپەراتيۆى» قىزمەتى جاڭا جولىن بەلسەنە قاراستىرىپ،پارتيا مۇشەلەرى باستاماشىلدىقپەن سىناق جاساپ،ۇلگى كورسەتىپ،ساپالى تۇقىم سورتىن زور كۇشپەن جالپىلاستىرىپ،جۇڭجى ۋنيۆەرسال كاسىپتىك سەلبەستىك كووپەراتيۆىن قۇرىپ،پارتيا ياچەيكاسىن سەلبەستىك كووپەراتيۆىنىڭ «جەبەۋشىسىنە» اينالدىرىپ،80 نەن ارتىق شارۋانى جۇگەرى،پاميدور ەگۋگە باستاپ،قىستاقتىڭ كوللەكتيۆ كىرىسىن 100 مىڭ يۋاننان اسىردى.
پارتيا ياچەيكاسى مەن پارتيا مۇشەلەرىنىڭ باستاماشىلدىعىندا جۇڭجى كاسىپتىك سەلبەستىك كووپەراتيۆى ءبىر تۇتاس تاپسىرىس بويىنشا ەگەتىن،اۋىل شارۋاشىلىق قۇرال-جابدىقتارىمەن ءبىر تۇتاس قامدايتىن،تەحنيكالىق جاقتان ءبىر تۇتاس جەتەكشىلىك ەتەتىن، ءونىمدى ءبىر تۇتاس باسقاراتىن،ءبىر تۇتاس تاسىمالداپ ساتاتىن تيجارات فورماسىن قالىپتاستىردى.
سەلبەستىك كووپەراتيۆى كاسىپتىك تەحنيكتەردى ۇسىنىس ەتىپ،قىستاقتىڭ جەرىنىڭ شارت-جاعدايىنا قاراي، جۇگەرى تۇقىمى مەن پاميدور مايساسىن تاڭداۋ،ۇيلەسىمدى تىڭايتقىش بەرۋ،عىلمي باعىپ-باسقارۋ سياقتىلاردى ەگجەي-تەگجەيلى ءتۇسىندىرىپ،عىلمي،جوعارى ءونىمدى ەگىمشىلىكتى جۇزەگە اسىرىپ،جۇگەرىنىڭ مۋ باسىندىق ءونىم مولشەرىن 1300 كيلوگرامعا،پاميدوردىڭ مۋ باسىندىق ءونىم مولشەرىن 8 تونناعا جەتكىزدى.
قىستاق تۇرعىندارى ەگىن ەگۋ بارىسىندا جاقىن ماڭدا جۇمىس ىستەپ كىرىس كىرگىزسە؛جىل سوڭىندا تابىس بولىسۋدەن كىرىس كىرگىزەدى.
«4000 مۋدان استام جەرگە جۇگەرى،3000 مۋدان استام جەرگە پاميدور ەگىپ،15 ميلليون يۋاننان ارتىق كىرىس كىرگىزىپ،قىستاق تۇرعىندارىنىڭ كىرىستى ورنىقتى ارتتىرۋىنا پارمەندى باستاماشىلدىق ەتتىك» دەدى جۇڭجى ۋنيۆەرسال كاسىپتىك سەلبەستىك كووپەراتيۆىنىڭ جاۋاپتىسى ۋي شينگو.
جۇڭجى ۋنيۆەرسال كاسىپتىك سەلبەستىك كووپەراتيۆى جەردى اينالىمعا سالۋ قىزمەتى بارىسىندا پارتيا قۇرىلىسى سەلبەستىك كووپەراتيۆىنىڭ دامۋىن جەبەپ قالماستان،دامۋ بايلىعىنا اينالعاندىعىن اڭعاردى. سونىمەن، سەلبەستىك كووپەراتيۆى پارتيا ياچەيكاسى پارتيا مۇشەلەرىن ۇيىمداستىرىپ،پارتيا مۇشەلەرى قىزمەت وتەۋ اترەتىنەن ۇشەۋىن قۇرىپ،ايىرىم-ايىرىم وندىرىسكە دەم بەرۋگە،بازارمەن بايلانىس جاساۋعا جانە حالىق تۇرمىسىنا قىزمەت وتەۋگە جاۋاپتاندىرىپ،كووپەراتيۆتىڭ دامۋىن ءونىمدى جەبەدى.
«سەلبەستىك كووپەراتيۆى ارقىلى سىرتتان جۇمىس تاۋىپ ىستەگەندە ايىنا 6000 يۋانعا دەيىن،جىلىنا ەڭ از دەگەندە 50 مىڭ يۋان كىرىس كىرگىزۋگە بولادى،بۇرىنعىمەن سالىستىرعاندا جەر مەن كوكتەي پارىق بار» دەدى تۇماقشي قىستاعىنىڭ تۇرعىنى ما ۋىن-ي.
قازىر «پارتيا قۇرىلىسى + سەلبەستىك كووپەراتيۆى» دامۋ ۇلگىسى تۇقامشي قىستاعىندا تەرەڭ تامىر تارتتى.
كەلەسى قادامدا تۇماقشي قىستاعى پارتيا ياچەيكاسى اۋىل-قىستاقتى گۇلدەندىرۋدى وراي ەتىپ،جەردى اينالىمعا سالۋدى جەدەلدەتىپ، ءتۇيىندى نىسانداردى بەلسەنە جوسپارلاپ،قىستاقتىڭ كوللەكتيۆ ەكونوميكاسىن اناعۇرلىم دامىتىپ، قىستاق تۇرعىندارىنىڭ قالتاسىن ءتىپتى دە قامپايتا تۇسپەكشى ەكەن.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى