ۇسىنىس ەتىلگەن ءتىلشى ياڭ حۋاگۋاڭ،ەرىكتى ءتىلشى پۋ چياۋيىڭ حابارلايدى. «بيىل 50 مۋ جەرگە ەككەن داندىك وجاۋقاباقتان 90 مىڭ يۋان تازا كىرىس كىرگىزدىم،مۇنىڭ بارلىعى قىزمەت اترەتىنىڭ بىزگە داندىك وجاۋقاباق ەكتىرگەندىگىنىڭ ارقاسى» دەدى جۋىقتا شاعانتوعاي اۋدانى قارابۋرا اۋىلى جالعىزاعاش قىستاعىنىڭ تۇرعىنى دۋ يۋگۋاڭ قۋانا.
2017-جىلى شاعانتوعاي اۋداندىق مال شارۋاشىلىعى-مال شيپاگەرلىگى مەكەمەسىنىڭ قىزمەت اترەتى قىستاقتا تۇرعاننان كەيىن قىستاق تۇرعىندارىنىڭ ءداستۇرلى ەگىس داقىلدارىن ەگۋ ارقىلى كىرىستەرىن جالعاستى ارتتىرۋى قيىنعا سوعاتىندىعىن بايقايدى،بۇل قىزمەت اترەتىنىڭ شۇعىل شەشۋگە ءتيىستى ماسەلەسىنە اينالادى.
ءبىر جولى قىزمەت اترەتىنىڭ مۇشەلەرى سانجى قالالىق نۇڭبوشى اۋىل شارۋاشىلىق عىلىم ـ تەحنيكا شەكتى سەرىكتەستىگىنە بارىپ كوزدەن كەشىرۋ بارىسىندا داندىك وجاۋقاباقتىڭ ەگىمشىلىك جۇمسالىمى از،ءونىم مولشەرى جوعارى،كىرىسى مول، ەگىس داقىلى ەكەنىن ۇعىسادى دا نۇڭبوشى اۋىل شارۋاشىلىق عىلىم ـ تەحنيكا شەكتى سەرىكتەستىگىنىڭ تەحنيك قىزمەتكەرىن ۇسىنىس ەتىپ، توپىراق ساپاسىنا تەكسەرۋ جۇرگىزىپ، قىستاقتىڭ سۋ بايلىعى مول، توپىراعى قۇنارلى،داندىك وجاۋقاباق ەگۋگە ابدەن ۇيلەسىمدى ەكەندىگىن بىلەدى.
نەنى ەگۋ كەرەكتىگى تۇراقتاندىرىلعاننان كەيىن قىزمەت اترەتىنىڭ باستىعى،قىستاقتىڭ ءبىرىنشى شۋجيى مۇرات قابدەن قىستاق تۇرعىندارىنا داندىك وجاۋقاباق ەگۋدىڭ پايداسىن ۇگىتتەيدى،الايدا قىستاق تۇرعىندارى داندىك وجاۋقاباق ەگۋگە باتىنا الماي، بىردەن كىرىسە قويمايدى.
قىستاق تۇرعىندارىن كۇماننان ارىلتۋ ءۇشىن،قىزمەت اترەتى «پارتيا ياچەيكاسى + كاسىپورىن + شارۋالار» فورماسى ارقىلى داندىك وجاۋقاباق ەرەكشەلىككە يە ەگىمشىلىك نىسانىن ءوتىنىش ەتىپ،ءار جىلى 500 مىڭ يۋان نىسان قارجىسىنا يە بولادى. سونىمەن بىرگە،قىزمەت اترەتى مەن سانجى قالالىق سانرۇي شەكتى جاۋاپكەرشىلىك سەرىكتەستىگى سەلبەستىك كەلىسىمىنە كەلىپ، سەرىكتەستىك تۇقىممەن،تەحنيكامەن تەگىن قامداپ،بۇكىل قىستاقتىڭ وجاۋقاباق ءدانىن تۇگەلدەي ساتىپ الۋعا جاۋاپتى بولادى.
قارجى جاعىنان قولداۋعا يە بولىپ،ورنىقتى ساتىلىم جولىن تاپقان قىزمەت اترەتى قىستاقتاعى جاس پارتيا مۇشەلەرىن سىرت جەرلەرگە بارىپ ۇيرەنۋگە ۇيىمداستىردى،سونداي - اق ەرەكشەلىككە يە ەگىمشىلىك نىسانى قاراجاتىن مۋ باسىنا شاعىپ،قوسىمشا قاراجات رەتىندە وجاۋقاباق ەككەن شارۋالاردىڭ قولىنا تاراتىپ بەردى. سول جىلى سىرت جەرلەرگە بارىپ ۇيرەنۋگە قاتىناسقان 9 وتباسى 1000 مۋ جەرگە داندىك وجاۋقاباقتى سىناق رەتىندە ەگىپ،بارىنەن بۇرىن باتىلدىقپەن ىسكە كىرىستى.
قىستاقتاعى جاس پارتيا مۇشەسى حى جۇنچياڭ 120 مۋ جەرگە داندىك وجاۋقاباق ەگىپ،سول جىلى 140 مىڭ يۋان تازا كىرىس كىرگىزدى. ول قۋانا: «تەكسەرۋ،ۇيرەنۋدەن كەيىن داندىك وجاۋقاباق ەگۋدىڭ بولاشاعى زور ەكەندىگىن بايقادىم، داندىك وجاۋقاباق ەككەننەن كەيىن قىزمەت اترەتى كومەكتەسىپ،مەملەكەت ساياساتتىق قوسىمشا قاراجات بەرەدى،ساتۋدان دا الاڭدامايتىن بولدىق،مىنە بۇل ناعىز جۇيەلى قىزمەت وتەگەندىك» دەدى.
باستابىندا الاڭداعان قىستاق تۇرعىندارى داندىك وجاۋقاباقتان اقشا تابۋعا بولاتىندىعىن كورىپ قىزىعا باستايدى. بۇل كۇندەرى قىستاقتاعى داندىك وجاۋقاباق ەگەتىن قىستاق تۇرعىندارى باستابىنداعى 9 وتباسىنان 60 نەشە وتباسىنا كوبەيىپ،ەگۋ كولەمى دە 1000 مۋدان 10 نەشە مىڭ مۋعا ارتتى.
قازىر قىستاق تۇرعىندارىنىڭ داندىك وجاۋقاباق ەگۋ تەحنيكالارى دا كۇننەن-كۇنگە جەتىلىپ،داندىك وجاۋقاباق توپ-تولىق ءدان الىپ،ساپاسى جاقسارعاندىقتان،شينجياڭنىڭ ءىشى-سىرتىنداعى ساۋداگەرلەردىڭ قارسى الۋىنا يە بولدى.
«داندىك وجاۋقاباق ەگۋ قىستاق تۇرعىندارىن يگىلىككە كەنەلتىپ، اۋقاتتانۋداعى ‹التىن دانگە› اينالدى. الدا ءبىز تاعى دا داندىك وجاۋقاباق ماركاسىن تىزىمگە الدىرىپ،ساتاتىن سەرىكتەستىك قۇرىپ،ءوندىرۋ-ساتۋ ءبىر تۇلعالانعان كاسىپ سالالاندىرا دامۋ جولىمەن ءجۇرىپ،قىستاق تۇرعىندارىن بىرلىكتە كىرىستى ارتتىرىپ،اۋقاتتانۋىنا باستاماشىلىق ەتۋدى جوسپارعا الىپ وتىرمىز» دەدى مۇنان كەيىنگى دامۋدى تىلگە تيەك ەتكەن مۇرات تولىق سەنىممەن.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى