__ 2020-جىلعى مەملەكەتتىك ەڭبەك ەرلەرى مەن وزات قىزمەتكەرلەردىڭ ۇندەۋ حاتى
بۇكىل ەلدەگى ءار سالا،ءار كاسىپتەگى جولداستار:
بۇگىن پارتيا ورتالىق كوميتەتى،مەملەكەتتىك كەڭەس سالتاناتپەن جينالىس اشىپ،مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاپ-سيلادى،بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇمىسشى تابىنا جانە قالىڭ ەڭبەكشى بۇقاراعا وسكەلەڭ ءمان بەرەتىندىگىن،مەملەكەتتىك ەڭبەك ەرلەرىنە جانە وزات قىزمەتكەرلەرگە ىستىق ىقىلاسپەن قامقورلىق جاسايتىندىعىن تولىق ايگىلەدى. ءبىز تەرەڭ شابىت الىپ،توتەنشە جىگەرلەندىك. بيىل جاپپاي دوڭگەلەك داۋلەتتى قوعام ورناتۋدىڭ جانە «13-بەسجىلدىق» جوبانىڭ اياقتالار جىلى،سونداي-اق كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل. 2021-جىلدان باستاپ ەلىمىز «14-بەسجىلدىق» مەزگىلىنە ءوتىپ،جاڭا دامۋ كەزەڭىنە قادام تاستايدى. «قوس 100 جىلدىق» كۇرەس نىساناسىنىڭ تاريحي توعىسۋ تۇيىنىندە تۇرىپ،«14-بەسجىلدىق» جوبانى جانە 2035-جىلعا دەيىنگى بولاشاقتىق نىسانانى جۇزەگە اسىرۋدا جۇمىسشى تابى مەن قالىڭ ەڭبەكشى بۇقارانىڭ جاۋاپكەرشىلىگى اۋىر، بورىشى داڭقتى. وسىعان بايلانىستى ءبىز تومەندەگى ۇسىنىستى العا قويامىز:
ءبىرىنشى،ساياسي تۇرعىنى بەكەمدەپ، پارتيانىڭ سوزىنە قۇلاق اساتىن،پارتياعا ىلەسەتىن كوش باسشىلاردان بولۋعا تالپىنۋ. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ،دايەكتىلەندىرىپ،پارتيانىڭ نازارياسىن جانە لۋشيان،باعىت-ساياساتتارىن مۇقيات دايەكتىلەندىرىپ،اتقارىپ،«ءتورت تانىمدى» كۇشەيتىپ،«ءتورت سەنىمدى» بەكەمدەپ،«ەكىنى قورعاۋدى» ورىنداپ،يدەيادا،ساياسيدا،ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باستان-اياق ساقتاپ،پارتيانىڭ بيلىك جۇرگىزۋدەگى مىعىم سۇيەنىش كۇشى،قۋاتتى قولداۋشى كۇشى،تەرەڭ قوعامدىق نەگىزى بولۋ كەرەك.
ەكىنشى،تاريحي بورىشتى باتىلدىقپەن ارقالاپ،جاڭا ۇلەس قوسىپ،ۇلى ءىس تىندىرۋدىڭ نەگىزگى كۇشى بولۋعا تالپىنۋ. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جاساۋ سىندى ءداۋىر تاقىرىبىن مىقتاپ يگەرىپ،قوجايىندىق بەينەمەن ەكونوميكانىڭ جوعارى ساپالى دامۋىن بەلسەنە ىلگەرىلەتىپ،جاڭا دامۋ ارناسىن قالىپتاستىرىپ، سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەپ،ەڭبەك ەرى رۋحىن،ەڭبەك رۋحىن،ۇستا رۋحىن بارىنشا ساۋلەلەندىرىپ،ەڭبەك ەڭ داڭقتى،ەڭبەك ەڭ ارداقتى،ەڭبەك ەڭ ۇلى،ەڭبەك ەڭ قاستەرلى دەيتىن نەگىزگى اۋەندى اسقاقتاتىپ،ارىندى ساقتاپ،قيىندىقتاردان قامال الىپ،زەيىن-زەردەنى،كۇش-قۋاتتى ۇيىستىرا وتىرىپ «14-بەسجىلدىق» كەزىندە ەڭبەك كورسەتىپ،ەل بىرلىگىنەن بەرىك قامال تۇرعىزىپ،تىڭ جورىقتى باستاۋ كەرەك.
ءۇشىنشى،ۇيرەنۋگە،جاڭالىق اشۋعا قۇلىقتى بولىپ،ونەرى ۇستەم،قابىلەتى كۇشتى كۇرەسكەرلەردەن بولۋعا تالپىنۋ. عىلىم-تەحنيكا العا باسقان جاڭا اۋقىمعا جانە جاڭالىق اشۋ ارقىلى دامۋعا دەم بەرۋ ستراتەگياسىن،جاساۋ كاسىبىندەگى قۋاتتى ەل قۇرۋ ستراتەگياسىن اتقارۋدىڭ جاڭا تالابىنا ىرىقتىلىقپەن ۇيلەسىپ،ءومىر بويى ۇيرەنۋ ۇستانىمىن ورناتىپ،تەحنيكالىق شەبەرلىككە باۋلۋعا بەلسەنە قاتىناسىپ،جاڭا عىلىم،مادەنيەت بىلىمدەرىن جانە كاسىپتىك-تەحنيكالىق بىلىمدەردى دەر كەزىندە يگەرىپ،ىستەگەن كاسىپتى ءسۇيىپ،كاسىپكە مامان،شەبەر بولىپ،قاجىرلىلىقپەن ۇيرەنۋ ارقىلى ءبىلىمدى ءوسىرىپ،جالىقپاي جاتتىعۋ ارقىلى تەحنيكاعا جاتىلىپ،جاڭالىق اشۋ ارقىلى ناتيجە جاراتۋعا ۇمتىلىپ،ءبىلىمدى،ونەرلى،جاسامپاز ەڭبەكشىلەردەن بولۋعا قۇلشىنۋ كەرەك.
ءتورتىنشى،داڭقتى ءداستۇردى ساۋلەلەندىرىپ،ىنتىماقتى دارىپتەۋدىڭ،جاراسىمدىلىقتى جەبەۋدىڭ باستاماشىسى بولۋعا تالپىنۋ. ىندەتتى جەڭىپ شىعۋ سياقتى ءتۇرلى قيىندىقتار جونىندەگى سەنىمدى،بەكىمدى نىعايتىپ،العا باسۋ جولىنداعى حاۋىپ-قاتەرلەرگە،سىن-سايىستارعا بەلسەنە توتەپ بەرىپ،جالپى تۇلعانى تانىپ،كەلەلى جاعدايمەن ساناسىپ،جۇڭگو كوممۋنيستىك پارتياسىنىڭ باسشىلىعىن جانە ەلىمىزدىڭ سوتسياليستىك ءتۇزىمىن باتىل قورعاپ، جۇمىسشى تابى مەن قالىڭ ەڭبەكشى بۇقاراسىنىڭ ىنتىماعىن،بىرلىگىن باتىل بەكەمدەپ،ۇلتتاردىڭ ىنتىماعىن،قوعامنىڭ ورنىقتىلىعىن جانە مەملەكەتتىڭ حاۋىپسىزدىگىن باتىل قورعاۋ كەرەك.
تەك ناقتى ىستەگەندە عانا،ارماندى ورىنداۋعا بولادى،تەك ەكپىندەي العا باسقاندا عانا،بولاشاققا قول جەتكىزۋگە بولادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ،پارتيا 19-قۇرىلتايىنىڭ جانە 19-كەزەكتى ورتالىق كوميتەتى ەكىنشى، ءۇشىنشى،ءتورتىنشى،بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، اۋەلگى ماقساتتى ۇمىتپاي،بورىشتى ەستە بەرىك ساقتاپ،اۋىر مىندەتتەردى باتىلدىقپەن ارقالاپ،ەرلىكپەن شايقاسىپ،ۇلەس قوسىپ،جاپپاي سوتسياليستىك وسىزاماندانعان مەملەكەت قۇرۋ تىڭ جورىعىندا ۇزدىكسىز تىڭ داستان جازىپ،تىڭ ناتيجەلەر جاراتۋعا قۇلشىنايىق!
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى