اۆتونوميالى رايوندىق ۇگىت-لەكسيا ۇيىرمەسىنىڭ مۇشەلەرى ايماعىمىزدىڭ نەگىزگى ساتىلارىنا بارىپ ۇگىت-لەكسيا جاسادى جانە اڭگىمە ءماجىلىسىن وتكىزدى
ءتىلشىمىز ۋاڭ چۇنلين،پراكتيكانت ءتىلشى حاستانا حابارلايدى. 11-ايدىڭ 26-كۇنى اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى،اۆتونوميالى رايوندىق حالىق قۇرىلتايى تۇراقتى كوميتەتى قازىنا-ەكونوميكا كوميتەتىنىڭ ورىنباسار مەڭگەرۋشىسى گاۋ جيانلۇڭ شاۋەشەك قالاسى ارگۇڭ قالاشىعى قاراءدوڭ قىستاعىنا بارىپ،پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە ۇگىت-لەكسيا جاسادى ءارى نەگىزگى ساتىداعى كادر-بۇقارمەن بەتپە-بەت اڭگىمەلەستى.
ۇگىت-لەكسيا جاساعاندا،گاۋ جيانلۇڭ پارتيانىڭ جالپى بەتتىك باسشىلىعىنا تاباندى بولۋ،حالىقتى وزەك ەتۋگە تاباندى بولۋ،جاڭا دامۋ ۇستانىمىنا تاباندى بولۋ،رەفورما جاساۋدى،ەسىك اشۋدى تەرەڭدەتۋگە تاباندى بولۋ،جۇيە كوزقاراسىنا تاباندى بولۋ سياقتى جاقتاردان ءىس جۇزىندىكپەن بىرلەستىرە وتىرىپ،پارتيا 19- كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە جان-جاقتى،انىق تۇسىنىك جاساپ،نەگىزگى ساتىداعى كادرلار مەن بۇقارانى ايرىقشا جىگەرلەندىردى.
قاراءدوڭ قىستاعىنداعى پارتيا مۇشەلەرى مەن كادرلار وسى رەتكى ۇيرەنۋ ورايىن ايرىقشا قاستەرلەپ، ارت-ارتىنان گاۋ جيانلۇڭنان كەڭەس الدى.
قارا ءدوڭ قىستاعى پارتيا ياچەيكاسىنىڭ شۋجيى لي شينگۋاڭ: «قايتكەندە پارتيا ياچەيكاسىنىڭ جاۋىنگەر قورعاندىق رولىن ساۋلەلەندىرۋگە بولادى؟» دەپ سۇرادى.
گاۋ جيانلۇڭ: «ءبىز حالىقتى وزەك ەتكەن دامۋ يدەياسىنا تاباندى بولىپ،بۇقارانىڭ ويلاعانىن،كۇتكەنىن،كوكسەگەنىن دەر كەزىندە شەشىمدەۋىمىز؛پارتيا ۇيىمىنىڭ وزىندىك قۇرىلىسىن كۇشەيتىپ،پارتيا مۇشەلەرىنىڭ ساپاسىن جاپپاي جوعارىلاتىپ،ءار ۇلت بۇقاراسىن كىرىستى ارتتىرىپ، اۋقاتتانۋعا جەتەكتەۋىمىز؛پارتيا مۇشەلەرىنىڭ ۇلگىلىك،باستاماشىلدىق رولىن ساۋلەلەندىرىپ،بۇكىل ىنتا-پەيىلىمىزبەن بۇقاراعا ناقتى،يگى ىستەر ىستەپ بەرىپ،ءار ۇلت بۇقاراسىن پارتيا ياچەيكاسىنىڭ توڭىرەگىنە ىنتىماقتاستىرىپ،ءار ۇلت بۇقاراسىنىڭ تابىس سەزىمىن،باقىت سەزىمىن،حاۋىپسىزدىك سەزىمىن ۇزدىكسىز كۇشەيتۋىمىز كەرەك» دەدى.
شاۋەشەك قالالىق حالىق پروكۋراتۋراسىنىڭ قاراءدوڭ قىستاعىندا تۇراتىن قىزمەت اترەتىنىڭ باستىعى ماحمۇت ابدىراحمان: «ءار ۇلت بۇقاراسىن پارتياعا العىس ايتۋعا قالاي تاربيەلەۋگە،جەتەكتەۋگە بولادى؟» دەپ سۇرادى.
گاۋ جيانلۇڭ: «بۇقارامەن ەڭ كوپ قارىم-قاتىناس جاسايتىندار نەگىزگى ساتىداعى پارتيا مۇشەلەرى مەن كادرلار. نەگىزگى ساتىداعى پارتيا مۇشەلەرى مەن كادرلار ۇيرەنۋدى كۇشەيتىپ،پارتيا ىشىندەگى زاڭ- ەرەجەلەرگە قاتاڭ بويسۇنىپ،ءار ۇلت بۇقاراسىنىڭ قيىنشىلىعىن شەشىمدەپ، ناقتى ىستەر ىستەپ،تاماشا ۇيرەنۋ ۇلگىسىن تىكتەۋ؛اتا مەكەننىڭ زور وزگەرىستەرىن ۇگىتتەۋ تەبىنىن ارتتىرىپ،ءار ۇلت بۇقاراسىن ءتىپتى دە پارتياعا العىس ايتۋعا،پارتيانىڭ سوزىنە قۇلاق اسۋعا،پارتياعا ىلەسۋگە تاربيەلەۋ،جەتەكتەۋ كەرەك» دەپ جاۋاپ قايتاردى.
قىستاق تۇرعىندار كوميتەتىنىڭ مەڭگەرۋشىسى جاڭ ميڭجين: «قايتكەندە قىستاق تۇرعىندارىن باقىتتى تۇرمىسقا كەنەلتە الامىز؟» دەپ سۇرادى.
گاۋ جيانلۇڭ بىلاي دەدى: »قارا ءدوڭ قىستاعى — قالا ماڭىنداعى قىستاق،بەلگىلى دامۋ ابزالدىلىعىنا يە. الداعى دامۋ بارىسىندا قالا تۇرعىندارىنىڭ قاجەتىن توڭىرەكتەي وتىرىپ ىستەپ،ەگىمشىلىك،باعىمشىلىق قۇرىلىمىن رەتتەۋمەن بىرگە،2-،3-كاسىپتىڭ دامۋىن ىلگەرىلەتىپ،قىستاق تۇرعىندارىن كىرىستى ارتتىرىپ،اۋقاتتانۋعا ۇزدىكسىز باستاۋ كەرەك».
گاۋ جيانلۇڭ پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دۇرىس،جاندى ءتۇسىندىرىپ،كادرلار مەن بۇقارا كوڭىل ءبولىپ وتىرعان ماسەلەلەرگە سابىرلىلىقپەن ەگجەي-تەگجەيلى جاۋاپ بەرىپ،كوپشىلىكتى تەرەڭ تاربيەگە يە ەتتى.
قاراءدوڭ قىستاعىنىڭ قىستاق كادرى جياڭ يۇيحۇي: «ۇگىت-لەكسيانى تىڭداۋ ارقىلى پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندەگى تۇسىنىگىم تەرەڭدەي ءتۇستى. نەگىزگى ساتى كادرى رەتىندە،بۇدان بىلاي،جالپى ءماجىلىس رۋحىن جاقسى ۇيرەنىپ،ويداعىداي ۇگىتتەپ،ويداعىداي دايەكتىلەندىرىپ،بۇقارا ءۇشىن كوبىرەك ناقتى،يگى ىستەر ىستەپ بەرىپ،حالىققا ءتيىمدى ساياساتتاردى ناقتى،ەگجەي-تەگجەيلى تياناقتاندىرىپ،جالپى ءماجىلىس رۋحىنىڭ قاراءدوڭ قىستاعىندا تياناقتانىپ،تامىر تارتۋىنا شىنايى كەپىلدىك ەتەمىن» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى