___ تارباعاتاي ايماقتىق «ۇلتتار ىنتىماعىنداعى ۇلگىلى ورەن» تاڭ جىنحاۋ تۋرالى
□ءتىلشىمىز جاڭ ياڭ
«ءار ۇلت دوستارىممەن قول ۇستاسا وتىرىپ،انار دانىندەي تىعىز ۇيىسامىن» دەدى شاۋەشەك قالالىق 2-باستاۋىش مەكتەپ 4-جىلدىق 4-كلاسىنىڭ وقۋشىسى تاڭ جىنحاۋ.
تاڭ جىنحاۋ مەكتەپتەگى ۇلتتار ىنتىماعىنىڭ ۇلگىسى ءارى احىلاق، اقىل-وي،دەنە،ەستەتيكا جانە ەڭبەك جاعىنان جان-جاقتىلى جەتىلگەن جاڭا ءداۋىردىڭ ۇلگىلى ورەنى.
4-جىلدىق 4-كلاس حانزۋ، قازاق،ۇيعۇر سياقتى ءار ۇلت وقۋشىلارىنان قۇرالعان كلاس بولىپ،تاڭ جىنحاۋ باستان-اياق كلاس جوراسىندىق مىندەت ارقالاپ كەلەدى،وقىتۋشىلار مەن ساباقتاستارىنىڭ نازارىندا ول اتى زاتىنا ساي ىنتىماق ۇلگىسى.
اعىلشىن ءتىلى تاڭەرتەڭگى پىسىقتاۋىندا «تاڭ جىنحاۋ ‹سەنبى› دەگەن ءسوزدى قالاي وقيدى؟» دەگەن كلاستاعى قۋانىشتىڭ سۇراعىن ەستىگەن تاڭ جىنحاۋ قولىنداعى كىتابىن قويا سالىپ،وعان سابىرلىلىقپەن ءسوزدىڭ دىبىستالۋىن ۇيرەتتى. مۇنداي جاعداي كلاستا ۇنەمى تۋىلىپ تۇرادى.
قۋانىشتىڭ ۇلتى قىرعىز،2- جىلدىققا شىققاندا وسى كلاسقا اۋىسىپ كەلگەن ول بىردەن باسقا ساباقتاستارىمەن ارالاسىپ كەتە المايدى. «تاڭ جىنحاۋدىڭ كومەگى مەن شابىتتاندىرۋىندا جاڭا ورتاعا تەز ۇيىرلەسىپ كەتتىم. ۇيرەنۋ بارىسىندا تۇسىنبەگەن جەرلەرىمدى ول ماعان ىرىقتىلىقپەن ءتۇسىندىرىپ بەرەدى،قازىر ءبىز ەڭ جاقسى دوستارمىز» دەدى قۋانىش.
ءبىر جولى قۋانىش تۇماۋراتىپ ەكى كۇن مەكتەپكە بارا الماي قالادى،تاڭ جىنحاۋ ەستەلىك داپتەرى مەن ەمتيحان قاعازىن الىپ،ونىڭ ۇيىنە بارىپ، قالعان ساباعىن تولىقتاپ بەرەدى. مۇنان تىس،ءار رەتكى ساباقتان كەيىن تاڭ جىنحاۋ وعان تۇسىنبەگەن ماتەماتيكاداعى قيىن تۇيىندەردى پىسىقتاتادى. تۇرمىستا ولار ءوزارا كومەكتەسەدى. ءار رەتكى دۋان-ۋ مەرەكەسى مەن جۇڭچيۋ مەرەكەسىندە تاڭ جىنحاۋ ساباقتاستارىن ۇيىمداستىرىپ،بىرلىكتە مەرەكە وتكىزىپ،ماڭىنداعى ۇلتتار ىنتىماعى حيكاياسىن ساباقتاستارىنا ايتىپ بەرەدى.
تاڭ جىنحاۋ باسقالارعا كومەكتەسۋدى قۋانىش سانايدى،ول ءار ۇلت ساباقتاستارىمەن ءوزارا كومەكتەسۋ بارىسىندا بىرلىكتە ەسەيىپ-ەرجەتتى.
ءبىر جولى تاڭ جىنحاۋ قاشقار ايماعى يىڭسار اۋدانى سيتلا اۋىلى 3-قىستاعىنداعى بالالار باقشاسىنا كومەككە بارعان وقىتۋشى اپەكەسىنەن ونداعى بالالاردىڭ باسىم كوبى از ۇلت بالالارى بولىپ،تۇرمىس شارت-جاعدايلارىنىڭ تومەن ەكەندىگىن ەستىگەننەن كەيىن جىلۋ اتاۋ بەكىمىنە كەلەدى.
تاڭ جىنحاۋ مەيىر جەتكىزۋ ويىن كلاس جەتەكشىسىنە ايتادى. كلاس جەتەكشىسىنىڭ كومەگىندە جالپى وقىتۋشى-وقۋشىلاردى اتتانىسقا كەلتىرىپ،«پارتيانىڭ قامقورلىعىن كوكەيدە ساقتاپ،العىسىمىزدى امالياتتا ايگىلەيىك __ ۇلتتار ىنتىماعىنىڭ بەرەكەلى شاڭىراعى» تاقىرىبىنداعى مەيىر جەتكىزۋ جىلۋ اتاۋ قيمىلىن ورىستەتتى. 4 جىلدان بەرى 400 دەن استام كيىم-كەشەك،100 دانادان استام كىتاپ جىلۋعا اتالسا،تاڭ جىنحاۋ ءوزى 12 قۇراما سۋرەت ساتىپ الىپ ۇسىنعان. 3-قىستاقتاعى بالالار باقشاسىنداعى مەيىر جەتكىزۋ بۇيىمىنا يە بولعان بالالار: «اعايلار مەن اپايلارعا جانە كىشكەنە دوستارعا العىس ايتامىز،شالعايدا بولعانىمىزبەن،ءبىز ەڭ جاقسى دوستارمىز!» دەدى.
تاڭ جىنحاۋ ءوزىنىڭ بولماشى ءىس-ارەكەتى ارقىلى مەيىرىمدىلىك پەن سۇيىسپەنشىلىكتى جەتكىزىپ،ءىس جۇزىندىك ارەكەتى ارقىلى «ۇلتتار ىنتىماعى بەرەكەلى شاڭىراعىنىڭ» ءمانىن ايگىلەپ،قالتقىسىز ۇلەس قوسۋ،باسقالارعا كومەكتەسۋدى قۋانىش ساناۋداي تاڭداۋلى ءداستۇردى ساۋلەلەندىرىپ،وڭ ەنەرگيامەن ۇلتتار ىنتىماعىنىڭ گۇلىن بىرگە قۇلپىرتتى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى