ءتىلشىمىز ليۋ ۋي،ەرىكتى ءتىلشى جاڭ حۋا حابارلايدى. تاياۋدا ساۋان اۋدانى داچۋان اۋىلى ياڭجياجۋاڭ قىستاعىنىڭ قىستاق «ەكى كوميتەتى» پارتيا مۇشەلەرىن،كادرلاردى جانە بۇقارانى ۇيىمداستىرىپ،قىزمەت اترەتىنىڭ مۇشەلەرىمەن بىرلىكتە ورتا تازالىعىن رەتتەۋ-وڭاۋ،كورىكتى اۋىل-قىستاق قۇرۋ قيمىلىن ورىستەتىپ،قىستاقتى ونان ارى كوركەيتە ءتۇستى.
«كوپشىلىكتىڭ ورتاق قۇلشىنۋىنىڭ ارقاسىندا قىستاقتىڭ ورتا تازالىعى جاقساردى. الداعى جەردە وسى تاماشا جاعدايدى بىرلىكتە ساقتاپ،تۇرمىس ورتامىزدى جالعاستى تازا ۇستايمىز» دەدى قىستاق تۇرعىنى جاڭ شۋان.
بيىل جىل باسىنان بەرى داچۋان اۋىلى ياڭجياجۋاڭ قىستاعى كورىكتى اۋىل-قىستاق قۇرۋ،كورىكتى شارۋاشىلىقتى دامىتۋ،اۋىل-قىستاقتى گۇلدەندىرۋدى جەبەۋ وي جەلىسى بويىنشا،بايلىقتى بىرىكتىرىپ،شوعىرلى قامال الىپ،قونىس ورتاسىنداعى ولقىلىقتاردى كۇش سالا تولىقتاپ، اۋىل-قىستاقتىڭ ءوندىرىس،تۇرمىس شارت-جاعدايىن جاقسارتىپ،كورىكتى اۋىل-قىستاق قۇرىلىسىن جەدەل ىلگەرىلەتىپ،اۋىل-قىستاق قونىس ورتاسىن كورنەكتى جاقسارتتى.
«ورتا تازالىعىن رەتتەۋ-وڭاۋ ارقىلى قىستاعىمىزدىڭ تازالىعى بارىنشا جاقسارىپ،بۇقارانىڭ تابىس سەزىمى مەن باقىت سەزىمى ارتتى. سونىمەن بىرگە،ءبىز جايشىلىقتا تۇرعىنداردىڭ ءۇيىنىڭ تازالىعىن تەكسەرىپ،ۇزدىك وتباسىلارىن باعالاپ،تازالىعى ناشار شارۋا وتباسىلارىن حابارلاندىرىپ قىستاق تۇرعىندارىنىڭ بەلسەندىلىگىن قوزعادىق. الداعى جەردە قىستاق كوميتەتى ورتا تازالىعىن رەتتەۋ- وڭاۋدى ءتۇيىندى قىزمەت رەتىندە ۇستاپ،قىستاق تۇرعىندارىنىڭ ورتانى قورعاۋ،ايالاۋ تانىمىن ۇزدىكسىز جوعارىلاتپاقشى» دەدى قىستاق كوميتەتىنىڭ مەڭگەرۋشىسى جاڭ سۇڭ-ي.
رەداكتورى :الماگۇل اقاتبەك قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى