ءتىلشىمىز داي جياۋمەي حابارلايدى. شاۋەشەك قالالىق حالىق شيپاحاناسىنىڭ ابدىرا اۋىلى ورتا ابدىرا سولتۇستىك قىستاعىندا تۇراتىن قىزمەت اترەتىنىڭ مۇشەسى يە گۇيشيان جۋىقتا قىستاق تۇرعىنى شوۋ جينفىڭنىڭ قان قىسىمىن ولشەي وتىرىپ: «تومەنگى قان قىسىم دەگەنىمىز جۇرەك كەڭەيگەن كەزدەگى قان قىسىمى،جۇرەك كەڭەيگەن كەزدەگى قان قىسىمنىڭ وتە جوعارى بولۋى نەداۋىر قاتەرلى،ءسوزسىز،ءدارىنى ۋاعىندا ءىشىپ،ۋاعىندا تەكسەرىلىپ تۇرعان ءجون. كوكونىس پەن جەمىس- جيدەكتى كوبىرەك تۇتىنىپ،لايىقتى ارەكەت جاساعان ابزال...» دەدى كوڭىل بولەتىن ىستەردى ءتۇسىندىرىپ.
شوۋ جينفىڭنىڭ جوعارى قان قىسىم اۋرۋىنا شالدىققانىنا بىرنەشە جىل بولىپ،ءار كۇنى ءدارى ءىشىپ،قان قىسىمىن ۇدايى ولشەتىپ تۇرادى.
«بۇرىن قان قىسىمىمدى اۋىلدىق ەمحاناعا بارىپ ولشەتەتىنمىن،قالالىق حالىق شيپاحاناسىنىڭ قىزمەت اترەتى قىستاقتا تۇرعاننان كەيىن،اۋىلدىق ەمحاناعا قان قىسىمىمدى ولشەتۋگە شاپقىلامايتىن بولدىم. قىزمەت اترەتىنىڭ مۇشەسى ۇنەمى ۇيىمە كەلىپ تۇرادى،ءسال جايسىزدانا قالسام دەرەۋ قىستاق كوميتەتىنە بارىپ سولارعا كورىنەمىن» دەدى شوۋ جينفىڭ.
قىس كىرىسىمەن جوعارى قان قىسىم،قانتتى نەسەپ اۋرۋى سياقتى سوزىلمالى اۋرۋلار كوپ قوزعالادى،قىزمەت اترەتى ءوز ابزالدىلىقتارىن ساۋلەلەندىرىپ،قىستاقتاعى 42 سوزىلمالى ناۋقاسقا وتباسىنا بارىپ قىزمەت وتەۋ قيمىلىن ورىستەتىپ،سالاماتتىققا قىزمەت وتەۋدى وتباسىلارىنا جەتكىزىپ،بۇقارانىڭ جۇرەگىنە مەيىرلەرىن ۇيالاتتى.
وتباسىلارىن ارالاپ جاعداي ۇعىسۋ بارىسىندا قىزمەت اترەتىنىڭ مۇشەلەرى قان قىسىمىن جانە قانداعى قانت قۇرامىن ولشەيتىن اسپاپتارىن الا ءجۇرىپ،قان قىسىمى مەن قانداعى قانت قۇرامىن ولشەتپەكشى بولعان قىستاق تۇرعىندارىنىڭ قان قىسىمى مەن قانداعى قانت قۇرامىن تەگىن ولشەپ،جاعدايىنا قاراي ءدارىنى ۇيلەسىمدى ىستەتۋ جونىندە ۇسىنىس بەردى.
«قىستاقتاعى قارتتار مەن سوزىلمالى اۋرۋى بار ناۋقاستاردى تىزىمگە الىپ،ۋاعىندا تەكسەرىپ تۇرامىز. ولارعا سوزىلمالى اۋرۋ مەن ۇنەمى كەزىگەتىن اۋرۋلاردان ساقتانۋ بىلىمدەرىن،سونداي-اق سوزىلمالى اۋرۋلاردى مالىمدەۋ جانە ەسەپتەن كوتەرۋ بارىسىن تۇسىندىرۋمەن بىرگە،لايىقتى تاماقتانىپ،ارەكەت جاساۋ،قول جۋىپ،ۇنەمى اۋا الماستىرىپ،اقاۋسىز تۇرمىس ادەتىن قالىپتاستىرۋعا جەتەكتەپ وتىرامىز» دەدى يە گۇيشيان.
قىزمەت اترەتىنىڭ باستىعى،قىستاقتىڭ ءبىرىنشى شۋجيى دۇڭ لەي: «قىس مەزگىلىندە كۇن سۋىق،جول تايعاق،ءجۇرىپ-تۇرۋعا قولايسىز بولعاندىقتان، قىزمەت اترەتىمىز الداعى جەردە جانە دە مەرزىمدى ۋاقىتتا وتباسىلارىنا بارىپ قىزمەت وتەپ،ءتىپتى دە كوپ قىستاق تۇرعىندارىنا ەمدەۋ جاعىندا قىزمەت وتەپ جانە سالاماتتىق جاعىنان جەتەكشىلىك ەتىپ،قىستاق تۇرعىندارىنىڭ سالاماتتىعىن قورعايتىن قامقورشىسى بولامىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى