ءتىلشىمىز جاڭ گوحۇي،ەرىكتى ءتىلشى گو شياۋيۇن حابارلايدى. «قىس كىرىسىمەن جىلۋ اقىسىن قالاي تاپسىرامىن دەپ باسىم قاتىپ وتىرعاندا بۇگىن قىزمەت اترەتى 800 يۋان اقشا اكەلىپ بەردى،وتباسىمىزدىڭ جىلىنۋ ماسەلەسى شەشىم ەتىلەتىن بولدى،قاتتى قۋانىشتامىن!» دەدى 12-ايدىڭ 2-كۇنى شيحۋ قالاسى نانيۋان ءمالى باسقارماسى جىنشيڭ جولى الەۋمەتتىك اۋماعىنىڭ تۇرعىنى ما لي.
ما لي جىنشيڭ جولى الەۋمەتتىك اۋماعىنداعى ەڭ تومەنگى تۇرمىسى قامتاماسىزداندىرىلاتىن وتباسى،مۇرىن-كومەكەي راگى جانە قالقانشا بەز راگىنا شالدىققان،ۇزاق ۋاقىت دارىمەن ەمدەلۋدى قاجەت ەتەدى،وتباسىنداعى تۇرمىستىق قيىنشىلىعى ءبىرشاما اۋىر. مەرەكە-مەيرامداردا شيحۋ قالالىق حالىق قۇرىلتايى تۇراقتى كوميتەتىنىڭ نانيۋان ءمالى باسقارماسى جىنشيڭ جولى الەۋمەتتىك اۋماعىندا تۇراتىن قىزمەت اترەتى ما ليعا كۇرىش،ۇن، ازىقتىق ماي جەتكىزىپ بەرۋمەن بىرگە،ما ليدىڭ دەنساۋلىق جاعدايىنا كوڭىل ءبولىپ تۇرادى.
جۋىقتا قىزمەت اترەتىنىڭ مۇشەلەرى وتباسىلارىن ارالاۋ بارىسىندا اۋا رايى كۇننەن-كۇنگە سۋىپ بارا جاتقاندىقتان، جەر ۇيلەر رايونىندا وتىرعان تۇرمىسىندا قيىنشىلىعى بار ءبىر ءبولىم تۇرعىنداردىڭ ۇيدەگى كومىرىنىڭ قىستان وتۋگە جەتپەيتىندىگىن،ال عيماراتتا وتىراتىن تۇرمىسىندا قيىنشىلىعى بار تۇرعىنداردىڭ جىلۋمەن قامداۋ قاراجاتىن تاپسىرا الماي وتىرعاندىعىن ۇعىسادى.
قىزمەت اترەتى قاراستى اۋماقتاعى قيىنشىلىعى بار تۇرعىنداردى ساناققا الىپ،الەۋمەتتىك اۋماقپەن كەڭەسكەننەن كەيىن،«ۇعىسۋ، تيىمدىلىك جاساۋ،توعىستىرۋ» حالىققا قىزمەت وتەۋ ارناۋلى قاراجاتىنان اقشا شىعارىپ،وتباسىندا قيىنشىلىعى بار تۇرعىندارعا جىلۋمەن قامداۋ قوسىمشا قاراجاتىن جانە كومىر تاراتۋ ۇيعارىمىن جاساپ،ولاردىڭ قىستان جايلى شىعۋىنا شىنايى كەپىلدىك ەتتى.
12-ايدىڭ 2-كۇنى تاڭەرتەڭ ەرتە قىزمەت اترەتى قاراستىلىعىنداعى ەڭ تومەنگى تۇرمىسى قامتاماسىزداندىرىلاتىن قيىنشىلىعى بار 10 وتباسىنىڭ اربىرىنە 800 يۋاننان جىلىنۋ قوسىمشا قاراجاتىن تاراتتى ءارى الدىن الا بايلانىس جاساپ قويعان 26 توننا ساپالى كومىردىڭ بەلەتىن قيىنشىلىعى بار 13 وتباسىنا تاراتىپ بەردى.
قاراستى اۋماقتىڭ تۇرعىنى دولقىن مولداش 2 توننا كومىر الاتىن بەلەت قولىنا تيگەندە قۋانا بىلاي دەدى: «قىزمەت اترەتىنىڭ مۇشەلەرى مەن الەۋمەتتىك اۋماق كادرلارىنىڭ كومەگىنە راقىمەت، ماعان كومىر بەلەتىن جەتكىزىپ بەردى،بيىلعى قىستا ءۇيىمىزدىڭ قىستان جىلى شىعۋىن قامتاماسىز ەتتى».
قىزمەت اترەتىنىڭ باستىعى، الەۋمەتتىك اۋماقتىڭ ءبىرىنشى شۋجيى جين شيڭ: «قيىنشىلىعى بار بۇقارانىڭ قىستان قىسىلماي شىعۋىنا كومەكتەسۋ __ پارتيانىڭ حالىققا تيىمدىلىك جاساۋ ساياساتىنىڭ ماڭىزدى مازمۇنى،سونداي-اق قىزمەت اترەتىنىڭ كوكەيىندە ساقتاپ كەلگەن جۇمىسى. بۇگىن ءبىز جىلىنۋ قوسىمشا قاراجاتى مەن كومىردى تۇگەلدەي تاراتىپ بولىپ،قىس قىرىنان قىسىلماي شىعۋ ماسەلەسىن شەشىم ەتتىك. الداعى جەردە قىزمەت اترەتى حالىق ءۇشىن قىزمەت ىستەۋ ماقساتىن ۇزدىكسىز امالياتتا ايگىلەپ،پارتيا مەن ۇكىمەتتىڭ كوڭىل ءبولۋى مەن قامقورلىعىن تۇرعىنداردىڭ جۇرەك تۇكپىرىنە شىنايى جەتكىزەدى» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى