ءتىلشىمىز ۋاڭ چۇنلين،پراكتيكانت ءتىلشى ۋاڭ زىلين حابارلايدى. 12-ايدىڭ 9-كۇنى ايماقتىق حالىق قۇرىلتايى قىزمەت كوميتەتى 2020-جىلعى 4-رەتكى ءماجىلىسىن اشتى. ايماقتىق حالىق قۇرىلتايى قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى،مەڭگەرۋشىسى سالتانات عينايات ءماجىلىستى باسقاردى.
ماجىلىستە ايماقتىق حالىق قۇرىلتايى قىزمەت كوميتەتى پارتيا باسشىلىق گرۋپپاسىنىڭ شۋجيى،ورىنباسار مەڭگەرۋشىسى حوۋ شيڭحۇي اۆتونوميالى رايوندىق حالىق قۇرىلتايى تۇراقتى كوميتەتى كەڭسە مەڭگەرمەسىنىڭ «ايماقتىق،وبلىستىق،قالالىق،اۋداندىق،قالالىق،رايوندىق حالىق قۇرىلتايى تۇراقتى كوميتەتتەرىنىڭ (قىزمەت كوميتەتى) ‹اۆتونوميالى رايوندىق پارتكومنىڭ جاڭا داۋىردەگى حالىق قۇرىلتايى قىزمەتىن كۇشەيتۋ جونىندەگى پىكىرىن› دايەكتىلەندىرۋ،تياناقتاندىرۋ جونىندەگى جەتەكشى پىكىرىن» باسىپ تاراتۋ جونىندەگى ۇقتىرۋىن جەتكىزدى.
ءماجىلىس ايماعىمىزدىڭ «جۇڭحۋا حالىق رەسپۋبليكاسىنىڭ ورتا،شاعىن كاسىپورىنداردى جەبەۋ زاڭىنىڭ»،سونداي-اق «اۆتونوميالى رايوننىڭ ‹جۇڭحۋا حالىق رەسپۋبليكاسىنىڭ ورتا،شاعىن كاسىپورىنداردى جەبەۋ زاڭىن› اتقارۋ ءادىسىنىڭ»،ايماقتىق ارىز-ارمان قىزمەت وتەۋ ورتالىعى قۇرىلىسى،ايماقتىق قىلمىستىق ىستەر تەكسەرۋى قىزمەتى،ايماقتىق وكپە تۋبەركۋلەزىنىڭ الدىن الۋ قىزمەتى،«ايماقتىڭ 2020-جىلعى قازىنا مەجە ەسەبىنىڭ اتقارىلۋى جانە ونى رەتتەۋ جاعدايى جونىندەگى باياندامانى تىڭدادى جانە قارادى. ايماقتىڭ 2020-جىلعى قازىنا مەجە ەسەبىنىڭ اتقارىلۋ جاعدايى جانە مەجە ەسەپتى رەتتەۋ جونىندەگى قاۋلىسىن (جوبا نۇسقا) داۋىسقا سالىپ ماقۇلدادى.
ءماجىلىس مىنالاردى اتاپ كورسەتتى: ءار دارەجەلى حالىق قۇرىلتايلارى پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ،دايەكتىلەندىرىپ، مىندەت-جاۋاپكەرشىلىكتى جاپپاي زاڭ بويىنشا اتقارىپ،باقىلاۋ سەرپىنىن كۇشەيتىپ،ۋاكىلدىك رولىن ساۋلەلەندىرىپ،ىندەتتەن ساقتانۋ- تىزگىندەۋدى ۇدايىلاندىرۋ مەن ەكونوميكالىق،قوعامدىق دامۋدى ءبىر تۇتاس جوسپارلاپ ىلگەرىلەتىپ،بيىلعى قىزمەتتى تابىستى اياقتاتىپ، كەلەر جىلعى قىزمەتتى ءساتتى باستاۋعا شىنايى كەپىلدىك ەتىپ،جاراسىمدى،ەكولوگياسى كوركەم،قونىستانۋعا جايلى تارباعاتاي قۇرۋعا حالىق قۇرىلتايىنىڭ ۇلەسىن قوسۋ كەرەك.
ءماجىلىس مىنالاردى باسا دارىپتەدى: اۋداندىق،قالالىق حالىق قۇرىلتايى تۇراقتى كوميتەتتەرى شي جينپيڭنىڭ زاڭمەن جونگە سالۋ يدەياسى مەن ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسىنىڭ رۋحىن ماڭىزدى كۇن تارتىپكە ەنگىزىپ،مەملەكەتتى جاپپاي جونگە سالۋدىڭ ساياسي بەتالىسىن، ماڭىزدى ورنىن،قىزمەت ورنالاستىرۋىن، ءتۇيىندى مىندەتتەرىن،كەلەلى قاتىناسىن، ماڭىزدى كەپىلدىگىن مىقتى يگەرىپ،حالىق قۇرىلتايى قىزمەتىن سانالىلىقپەن پارتيا مەن مەملەكەت قىزمەتىنىڭ كەلەلى جاعدايىنا قويىپ وي جۇگىرتۋ،جوسپارلاۋ،ىلگەرىلەتۋ كەرەك.
ءماجىلىس مىنالاردى تالاپ ەتتى: اۋداندىق،قالالىق حالىق قۇرىلتايى تۇراقتى كوميتەتتەرى حالىق قۇرىلتايى ۋاكىلدەرىنىڭ قىزمەتتى تەكسەرۋ قيمىلىن شىنايى ويداعىداي ورنالاستىرىپ، قىزمەتتى تەكسەرۋ مازمۇنىن ۇيلەسىمدى بەلگىلەپ،قىزمەتتى تەكسەرۋ قىزمەتىنىڭ ساپاسى مەن ونىمدىلىگىنە شىنايى كەپىلدىك ەتۋ كەرەك. اۆتونوميالى رايوندىق پارتكومنىڭ حالىق قۇرىلتايى قىزمەتى جونىندەگى ناقتى ورنالاستىرۋلارى مەن تالاپتارىن مۇقيات دايەكتىلەندىرىپ، تياناقتاندىرىپ،جاڭا داۋىردەگى حالىق قۇرىلتايى قىزمەتىندە جاڭا جاعداي اشۋدى ىلگەرىلەتۋ كەرەك.
ايماقتىق حالىق قۇرىلتايى قىزمەت كوميتەتىنىڭ ورىنباسار مەڭگەرۋشىلەرى سەرىك ورازبەك، ماينۇر جاقان قاتارلىلار ماجىلىسكە قاتىناستى،الي،مۇقاش قۇربانعالي قاتارلى اكىمشىلىك مەكەمەسى جانە ايماقتىق ورتا دارەجەلى حالىق سوتى مەكەمەسى مەن بولىمشە پروكۋراتۋرا مەكەمەسىنىڭ باسشىلارى،ايماقتاعى قاتىستى تاراۋلاردىڭ جاۋاپتى جولداستارى،اۋداندىق،قالالىق حالىق قۇرىلتايى تۇراقتى كوميتەتتەرىنەن ءبىر باسشى،اۆتونوميالى رايوندىق حالىق قۇرىلتايىنىڭ ءبىر ءبولىم ۋاكىلدەرى ماجىلىسكە سىرتتاي قاتىناستى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى