ءتىلشىمىز ۋاڭ تيڭ،ەرىكتى ءتىلشى شۇي يۋە حابارلايدى. باسباي قويى ەتى،ماقسارى مايى،تاۋ گۇلى بالى... شاعانتوعاي اۋدانىنداعى ەلەكتروندىق ساۋداعا ۋنيۆەرسال قىزمەت وتەۋ ورتالىعىنا بارساڭىز،كوزدىڭ جاۋىن الاتىن ەرەكشەلىككە يە اۋىل شارۋاشىلىق ونىمدەرى نازارىڭىزدى بىردەن وزىنە باۋرايدى.
ۇعىسۋعا قاراعاندا،شاعانتوعاي اۋدانىنىڭ ەلەكتروندىق ساۋداعا ۋنيۆەرسال قىزمەت وتەۋ ورتالىعى 1080 شارشى مەتر جەردى يەلەپ، جيىنى 5 ميلليون 300 مىڭ يۋان قارجى قوسىلعان. بۇل ورتالىق جەرگىلىكتى ەرەكشەلىككە يە اۋىل شارۋاشىلىق ونىمدەرى،ەرەكشەلىككە يە ونىمدەر جانە توراپ ساۋداسى بايلىق قاينارىن بىرىكتىرىپ،ءۇشىنشى جاق ەلەكتروندىق ساۋدا تۇعىرىنىڭ رولىن تولىق ساۋلەلەندىرىپ،تانىمالى ەلەكتروندىق ساۋدا تۇعىرىمەن بولعان ستراتەگيالىق سەلبەستىكتى كۇشەيتىپ،ءتۇرلى فورماداعى ساتىلىمدى جەبەۋ، تانىستىرۋ قيمىلدارىن ۇيىمداستىرىپ، اۋىل شارۋاشىلىق ونىمدەرىنىڭ ساتىلۋ ارناسىن كەڭەيتىپ،شارۋالاردىڭ كىرىسىن ارتتىرۋىنا كومەكتەسكەن.
بيىل شاعانتوعاي اۋدانى ارناۋلى تانىستىرۋ جينالىسىن وراي ەتە وتىرىپ،«حۋاجياۋ»،«دوۋين» سياقتى جاڭاشا اقپارات دانەكەرلەرىنەن پايدالانىپ، ساۋداگەرلەردىڭ ءتۇسىندىرۋى،كاسىپورىنداردىڭ تانىستىرۋى،باسشىلاردىڭ ورتاق ات سالىسىپ،تىكە تاراتىلىمدا زات تانىستىرۋى سياقتى فورمالاردان پايدالانىپ،تۇتىنۋشىلارعا جەرگىلىكتى ورىننىڭ ەرەكشەلىككە يە اۋىل شارۋاشىلىق ونىمدەرىن تانىستىردى.
«شينجياڭ ءدامىن ىزدەۋ . الەۋمەتتىك يگىلىك جاعىنان كەدەيلەردى سۇيەمەلدەۋ»، «شينجياڭ ءدامىن تاتۋ . ءتۇپ قاينارىن ىزدەۋ . تاۋ گۇلىنە ورانعان شاعانتوعاي» سياقتى تىكە تاراتۋ قيمىلدارىنان پايدالانىپ،باسشى كادرلار باستاماشىلدىقپەن كاسىپورىندارعا بارىپ،ەرەكشەلىككە يە اۋىل شارۋاشىلىق ونىمدەرىن تىكە تاراتىلىمدا تانىستىرۋ جانە «جارشىسى بولۋ» قيمىلىنا قاتىناسىپ،اۋىل شارۋاشىلىق ونىمدەرىنىڭ ساتىلۋ ارناسىن ىركىلىسسىزدەندىردى.
«ەڭ سوڭعى ءبىر شاقىرىمدى» قالاي تۇتاستىرىپ،ەرەكشەلىككە يە اۋىل شارۋاشىلىق ونىمدەرىن بازارعا سالۋعا بولادى؟شاعانتوعاي اۋدانى ءىس جۇزىندىكتى تياناق ەتىپ،«اۋىل شارۋاشىلىق قوسىمشا ونىمدەرى + ساياحات + كەدەيلەردى سۇيەمەلدەۋ» ۇلگىسىندەگى تانىستىرۋ تىكە تاراتىلىمىن اشىپ،«تاۋ گۇلى مەرەكەسىن» وراي ەتە وتىرىپ،ءوندىرۋشى،تۇتىنۋشى جانە تۇعىر تيجاراتىن جۇرگىزۋشىلەردىڭ تۇتىنۋ ارقىلى كەدەيلەردى سۇيەمەلدەۋگە ات سالىسۋ بەلسەندىلىگىن ارتتىردى. سونىمەن بىرگە،قىزىقتى شاعىن بەينەجازبالاردى،«زات تانىستىرۋشى» جارناماسىن جاساپ،توراپ تۇعىرلارىنان پايدالانىپ قايتالاي «زات تانىستىرىپ، ساتىلۋدى جەبەۋدى» جۇزەگە اسىردى.
شاعانتوعاي اۋداندىق پارتكومنىڭ ورىنباسار شۋجيى،اۋدان اكىمى ەربولات: «الداعى جەردە تۇتىنۋ ارقىلى كەدەيلەردى سۇيەمەلدەۋ تىڭ ارنالارىن اشىپ،جاڭا تەحنيكالاردان پايدالانىپ،جەلىدە ءتىپتى دە باي مازمۇندى ءونىم تانىستىرۋ قيمىلىن ورىستەتىپ،تۇتىنۋ ارقىلى كەدەيلەردى سۇيەمەلدەۋ ونىمدەرىنىڭ باسەكەلىك قۋاتىن ارتتىرىپ،كەدەيلىكتەن ارىلتۋدان قامال الۋ تابىسىن بەكەمدەيمىز» دەدى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.