ۇسىنىس ەتىلگەن ءتىلشى لي ميڭشىڭ،ەرىكتى ءتىلشى حۋ يۋەشيا حابارلايدى. «باس جۇمىسشىلار ۇيىمىنىڭ كومەگىنە ايرىقشا العىس ايتامىن،پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسىپ،اسقاق كوڭىل كۇيمەن تۇرمىسقا دەگەن سەنىمىمدى بەكەمدەپ،ەڭبەكشىل قوس قولىممەن تاماشا تۇرمىس جاراتامىن» دەدى جۋىقتا شاعانتوعاي اۋدانىنداعى قيىنشىلىعى بار جۇمىسشى تاڭ شۋشياڭنىڭ جۇزىنەن باقىتتىڭ لەبى ەسىپ.
ۇزاق جىلدار بويى سىرقات مەڭدەتكەن تاڭ شۋشياڭنىڭ تۇرمىس شارت-جاعدايى ءبىرشاما تومەن ەدى،وسى رەت ول 10 مىڭ يۋاننان ارتىق تۇرمىستىق قوسىمشا قاراجات پەن سالماقتى ناۋقاستاردى قۇتقارۋ-كومەكتەسۋ قاراجاتىنا يە بولىپ، تۇرمىستىق قىسىمنان ارىلدى.
قىس كىرگەننەن كەيىن شاعانتوعاي اۋداندىق باس جۇمىسشىلار ۇيىمى ەرتە ورنالاستىرۋ جاساپ،قيىنشىلىعى بار جۇمىسشى-قىزمەتكەرلەردىڭ سانىن مۇقيات انىقتاپ،قيىنشىلىعى بار جۇمىسشى-قىزمەتكەرلەردى يكەمدى باسقارۋ ارحيۆىن كەمەلدەندىرىپ،پارتيا مەن ۇكىمەتتىڭ قامقورلىعىن قيىنشىلىعى بار جۇمىسشى-قىزمەتكەرلەرگە دەر كەزىندە جەتكىزدى.
جاقىندا شاعانتوعاي اۋداندىق باس جۇمىسشىلار ۇيىمى 2020-جىلعى قيىنشىلىعى بار جۇمىسشى-قىزمەتكەرلەرگە ىندەت كەزىندەگى تۇرمىستىق قوسىمشا قاراجات پەن سالماقتى ناۋقاستاردى قۇتقارۋ-كومەكتەسۋ قاراجاتىن تاراتتى. جالپى 12 قيىنشىلىعى بار جۇمىسشى-قىزمەتكەرگە 80 مىڭ يۋان تۇرمىستىق قوسىمشا قاراجات پەن سالماقتى ناۋقاستاردى قۇتقارۋ-كومەكتەسۋ قاراجاتىن ۇسىندى.
«الداعى جەردە ءبىز بار كۇشىمىزدى سالا وتىرىپ،قيىنشىلىعى بار جۇمىسشى-قىزمەتكەرلەر مەن ولاردىڭ وتباسىنداعىلاردى قيىنشىلىقتان ارىلتىپ،قيىن وتكەلدەن وتۋىنە كومەكتەسەمىز» دەدى شاعانتوعاي اۋداندىق باس جۇمىسشىلار ۇيىمىنىڭ ورىنباسار ءتوراعاسى باقىتگۇل.
جۋىق جىلداردان بەرى شاعانتوعاي اۋداندىق باس جۇمىسشىلار ۇيىمى قيىنشىلىعى بار جۇمىسشى- قىزمەتكەرلەردىڭ ناۋقاس جاعدايى،پەرزەنتتەرىنىڭ وقۋ جاعدايى جانە وتباسى كىرىسى سياقتى جاعدايلاردى ەگجەي-تەگجەيلى ەستەلىككە الىپ،ولارعا ەمدەۋ،تۇرمىس جانە بالالارىنىڭ وقۋىنا كومەكتەسۋ سياقتى جاقتاردان كومەك كورسەتىپ سۇيەمەلدەدى.
2020-جىلى اۋداندىق باس جۇمىسشىلار ۇيىمى قيىنشىلىعى بار جۇمىسشى-قىزمەتكەرلەردەن حال سۇراۋعا 250 مىڭ يۋان قاراجات شىعارىپ،حال سۇراعان ادام سانى 130 ادام (رەتكە) جەتىپ،ءاربىر قيىنشىلىعى بار جۇمىسشى-قىزمەتكەرگە قامقورلىق جاساپ،كوڭىل بولۋگە كەپىلدىك ەتىپ،ولاردىڭ قيىنشىلىقتان ارىلىپ،بەدەلىن تىكتەپ،دەربەس،ءوز الدىنا شارۋاشىلىق قۇرۋ سەنىمىن ورناتۋىنا كومەكتەستى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.