ەەڭ جاڭا مازمۇندار
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ،دايەكتىلەندىرىپ،شىنايى يگەرىپ،ناقتى ىستەپ،پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتايىق
شينجياڭ تارباعاتاي ءتۇيىندى دامىتۋ،ەسىك اشۋ سىناق رايونى قۇرىلىسى قىزمەتىن بار كۇشپەن ىلگەرىلەتىپ،ءتىپتى دە زور بەكىم،ءتىپتى دە كۇشتى تەبىن،ءتىپتى دە ناقتى شارالارمەن تاماشا باستاما اشۋعا شىنايى كەپىلدىك ەتۋ كەرەك
بيىل رايونىمىزدىڭ قاتىناس-تاسىمال تۇراقتى مۇلكىنە قوسىلاتىن قارجى 60 ميلليارد يۋانعا تايايدى
ۇگىت-لەكسيانى نەگىزگى ساتىعا جەتكىزدى
نازاردى كاسىپ سالالاندىرۋعا شوعىرلاندىرىپ،وسىزامانداندىرۋدى جەبەپ،جوعارى ساپالى دامۋدى ىلگەرىلەتتى
ءماجىلىس رۋحىن جاقسى ۇگىتتەپ،كورىكتى شينجياڭ قۇرايىق
2021-جىلى 1-ايدىڭ 15-كۇنى 12-سان
شاعانتوعاي اۋدانىنىڭ اۋىل شارۋاشىلىق قوسىمشا ونىمدەرى بۇكىل ەلگە تانىلدى
اۋىل شارۋاشىلىق ماشينالارىن ساتىپ الىپ،كوكتەمگى ەگىس جۇمىسىنا دايىندالدى
ىندەتتەن ساقتانۋ ۇگىتىن قىستاقتاعى وتباسىلارىنا جەتكىزدى
قىستاق بەت-بەينەسى وزگەرىپ، قىستاق تۇرعىندارىنىڭ قۋانىشى قوينىنا سيمادى
تاماشا تۇرمىس ەڭبەكتەن كەلەدى
ادەبيەت-كوركەمونەر ويىن نومىرلەرىن قويدى
قاتىناس حاۋىپسىزدىگى ۇگىتى مەكتەپكە جەتكىزىلدى
پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، باتىل دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋعا شىنايى كەپىلدىك ەتۋ كەرەك
ءوندىرىس حاۋىپسىزدىگى قىزمەتتەرىن بار كۇشپەن ناقتى، ويداعىداي يگەرىپ، ءار ۇلت بۇقاراسىنىڭ ءومىرى مەن مال-مۇلكىنىڭ حاۋىپسىزدىگىن شىنايى قورعاۋ كەرەك
ۇزدىكسىز كۇرەس جۇرگىزىپ، ەرلىكپەن العا ىلگەرىلەيمىز
نىسان جەتەكشىلىگى الدىڭعىلاردى باسىپ وزۋعا كۇش ۇستەدى
قىسقى ارەدىكتە جەمىس اعاشىن بۇتاۋدى ۇيرەندى
ستەرەولدى جوعارى ءونىمدى اۋىل شارۋاشىلىق بازاسى قاربالاستىققا ءتۇستى
جاڭا ونەر ۇيرەنىپ، اۋقاتتانۋ ارناسىن كەڭەيتتى
شەبەرلىككە باۋلۋ كۋرسى ونەرلەرىن ءوسىردى
2021-جىلى 1-ايدىڭ 14-كۇنى 11-سان
ازاماتتىق زاڭناما ۇگىتى بۇقارانىڭ زاڭدىق كوز اياسىن ءتىپتى دە كەڭەيتتى
12 نومىرگە جەتپەسە،«زاڭ-تۇزىمدەردى ۇيرەنىپ، تارتىلاتىن ءنومىردى ازايتۋعا» بولاتىن بولدى
ازاماتتىق زاڭنامانى ۇگىتتەپ،جاڭاشا تۇرمىستى ءتىپتى دە نارلەندىردى
قار-مۇز سالتاناتى قىسقى ساياحاتتى جانداندىرا ءتۇستى
جابايى ۇيرەك پەن اققۋ قىزىلتوعاي قىستاعىن مەكەندەدى
رەفورمانىڭ قىزمەت كەلەلى جاعدايىنا اناعۇرلىم جاقسى قىزمەت ەتۋىن ىلگەرىلەتىپ،«14-بەسجىلدىقتىڭ» باستاماسىن جاقسى باستاۋعا،قادامىن جاقسى باسۋعا شىنايى كەپىلدىك ەتۋ كەرەك
ىلە وبلىستىق 14-كەزەكتى حالىق قۇرىلتايىنىڭ 5-ءماجىلىسى جابىلدى

پار جىلىنباي،تۇرعىندار كەيىستىك ءبىلدىردى

جولدانعان ۋاقىتى : 2020/12/28 18:39:25

 □ءتىلشىمىز     داي جياۋمەي
پراكتيكانت ءتىلشى ماقپال مىرزاقان

تاياۋدا شاۋەشەك قالاسىنىڭ تۇرعىنى شۇي حانىم گازەتىمىزدىڭ اقپارات ىستىق لەنياسىنا حابارلاسىپ،بيىل قىستا ءوزى تۇرعان ۇكىمەت    قىزمەتكەرلەرى شاعىن اۋماعىنىڭ 8-بينا 3-كورپۋسىنىڭ پارى جىلىماي تۇرعانىن،قاتىستى تاراۋلاردىڭ شەشىم ەتۋىن ءۇمىت ەتەتىنىن ءبىلدىردى.

شۇي حانىم بىزگە بيىل 11-ايدىڭ ورتا شەنىندە ءۇيىنىڭ پارى جىلى بولماعاندىقتان،قوجالىق باسقارۋ  سەرىكتەستىگىنە اڭىس ەتكەنىن،  قوجالىق باسقارۋ سەرىكتەستىگى  تەكسەرىپ رەمونتتاعان سوڭ،ءۇيى ءبىراز ۋاقىت جىلىعانىن،جاقىننان بەرى تاعى دا سۋىپ كەتكەنىن ايتتى.

شاعىن اۋماقتىڭ تۇرعىنى يۇي مىرزا: «جاقىننان بەرى اۋا تەمپەراتۋراسى تومەندەپ،كۇن سۋىتتى،پار دا جىلىنباي،قارتتار مەن بالالار توزە الار ەمەس،الدا كۇن ءتىپتى دە سۋىتسا قايتەمىز؟» دەدى.

جاقىندا تارباعاتاي ايماقتىق چىڭتۋ قوجالىق باسقارۋ سەرىكتەستىگىنىڭ باس ديرەكتورى جۋ شياۋجيڭ مەن شاۋەشەك قالالىق ي-تۇڭ جىلۋمەن قامداۋ شەكتى سەرىكتەستىگى شىعىس رايون جىلۋ قاينارى پۋنكتىنىڭ    باستىعى جاڭ چياڭعا حابارلاسىپ،بىرلىكتە ۇكىمەت قىزمەتكەرلەرى شاعىن اۋماعىنىڭ پارىن تەكسەرۋگە باردىق.

5-بينا 2-كورپۋستا تۇراتىن لي مىرزانىڭ ءۇيىنىڭ تەمپەراتۋراسىن  ولشەسەك ℃19 ەكەن. ول جىلۋمەن قامداعان كەزدە ارناۋلى رەمونتشى شاقىرىپ پار جولىن تازالاتقان بولسا دا ءۇيىنىڭ جىلىنباعانىن ايتتى. جاڭ چياڭ لي مىرزانىڭ ءۇيىنىڭ پارىن تەكسەرىپ كورگەن سوڭ كاريدورداعى پار   قۇبىرىنىڭ ىستىق ەكەنىن،الايدا   ءۇيدىڭ ىشىندەگى قۇبىرعا جىلۋ  كەلمەي تۇرعانىن بايقاپ،كلاپان  كونەرگەن نەمەسە ۇيدەگى سۋ بولگىش اسپاپ بىتەلىپ قالعان دەپ      تۇجىرىمداپ،رەمونتشى شاقىرىپ تەكسەرتۋ كەرەكتىگىن ايتتى.

 7-بينا 1-كورپۋستىڭ 3-  قاباتىنداعى ياڭ مىرزا مەن فىڭ  مىرزانىڭ ءۇيىنىڭ الدىنداعى كاريدوردا رەمونتشى ەكى ۇيگە ورتاق قۇبىر كلاپانىن جوندەپ جاتىر ەكەن. ۋاقىت  ۇزارعاندىقتان،كلاپاندى تات باسىپ، اشىلماي قالعاندىقتان،پار جولى   توسىلىپ قالعان ەكەن. رەمونتشى ۇستاز كورپۋستىڭ باس كلاپانىن  نەمەسە وسى بينانىڭ كلاپانىن جاۋىپ تاستاعاندا عانا جالعاستى رەمونت  جۇرگىزۋگە بولاتىنىن ايتتى.

ۇعىسۋعا قاراعاندا،كورپۋستىڭ باس كلاپانىن قوجالىق باسقارۋ سەرىكتەستىگى باسقارادى دا،بينانىڭ كلاپانىن جىلۋمەن قامداۋ سەرىكتەستىگى   باسقارادى ەكەن. ىلە-شالا قوجالىق باسقارۋ سەرىكتەستىگى مەن جىلۋمەن قامداۋ سەرىكتەستىگىنىڭ رەمونت جۇمىسشىلارى كەلىپ كورىپ،ەكى  كلاپاننىڭ دا تات باسىپ اشىلماي قالعانىن بايقادى. تۇرعىندار قوجالىق باسقارۋ سەرىكتەستىگى مەن جىلۋمەن قامداۋ سەرىكتەستىگى جىلۋمەن   قامداۋدىڭ الدىندا تۇبەگەيلى    تەكسەرىپ،رەمونت جاساماعاندىقتان وسىنداي جاعدايدىڭ تۋىلىپ      وتىرعاندىعىن اڭىس ەتتى.

سونىمەن 3-بينا،9-بينا،4-بيناداعى پىكىر بەرگەن ءىشىنارا  تۇرعىندارعا تىلشىلىك جاسادىق. تەكسەرىپ كورسەك،ءۇي ءىشىنىڭ تەمپەراتۋراسى نەگىزىنەن ℃18 دا ℃24 ارالىعىندا ەكەن.

جۋ شياۋجيڭ: «الدىڭعى مەزگىلدە قوجالىق باسقارۋ سەرىكتەستىگى  تەكسەرۋ جۇرگىزگەندە شالاعايلىق بولعان كورىنەدى. جىلۋمەن قامداۋ سەرىكتەستىگىنىڭ رەمونتشىلارىمەن بىرلىكتە تەز ارادا جوندەپ بولامىز» دەدى.

قازىرگە دەيىن 7-بينانىڭ 1-كورپۋسىنداعى بۇلىنگەن كلاپاندار  تۇگەلدەي جوندەلىپ بولىپ،قالىپتى جىلۋمەن قامداي باستادى.

«سەرىكتەستىك ءار جىلى جىلۋمەن قامداۋدىڭ الدىندا جىلۋمەن قامداۋ قۇرىلعىلارىنا تەكسەرۋ جۇرگىزىپ، رەمونتتايدى،كەي ورىندارعا ويداعىداي تەكسەرۋ-رەمونتتاۋ جۇرگىزىلمەگەن بولۋى مۇمكىن. الداعى جەردە    سەرىكتەستىگىمىزدىڭ قىزمەتكەرلەرى جىلۋمەن قامداۋ قۇرىلعىلارىن مۇقيات تەكسەرىپ جوندەيتىن بولادى،  تۇرعىنداردىڭ دا جىلۋمەن قامداۋ  الدىندا ءوز ۇيلەرىنىڭ جىلۋمەن قامداۋ قۇرىلعىلارىن تەكسەرىپ كورۋىن، ماسەلە بولسا جىلۋمەن قامداۋ    سەرىكتەستىگىن نەمەسە ارناۋلى   رەمونتشىلاردى ىزدەپ جوندەتۋىن ءۇمىت ەتەمىز» دەدى جاڭ چياڭ.

جاڭ چياڭنىڭ تانىستىرۋىنشا،پاردىڭ جىلىنباۋىنىڭ سەبەبى كوپ بولىپ، كوبىندە كلاپاننىڭ كونەرۋىنەن، جىلۋمەن قامداۋ قۇرىلعىلارىنىڭ    بىتەلۋىنەن،پار ترۋباسىنىڭ ىشىندەگى اۋا سىرتقا شىقپاي قالۋىنان بولادى ەكەن. تەرەزەنىڭ نىعىز جابىلماۋى دا ءۇي ءىشىنىڭ تەمپەراتۋراسىنا اسەر ەتەدى.  بيىل سەرىكتەستىك    مەملەكەتتىڭ ەنەرگيا ۇنەمدەپ،   ىعىستىرۋدى ازايتۋ تالابى بويىنشا ءۇي ءىشىنىڭ تەمپەراتۋراسىن ℃18 دا ℃24 ارالىعىندا تەڭشەگەندىكتەن پار وتكەن جىلدارداعىداي ىسىماي تۇرعان بولۋى مۇمكىن. الداعى جەردە سەرىكتەستىك تەمپەراتۋرانىڭ وزگەرىسىنە قاراي جىلۋمەن قامداۋ كورسەتكىشىن   تەڭشەيدى ەكەن.



رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn