ۇسىنىس ەتىلگەن ءتىلشى لي ميڭشىڭ، ەرىكتى ءتىلشى جوۋ پەيلۋ حابارلايدى. ۇگىت-لەكسيا اترەتىنىڭ مۇشەسى، شاعانتوعاي اۋداندىق مال شارۋاشىلىعى-مال شيپاگەرلىگى مەكەمەسى پارتيا باسشىلىق گرۋپپاسىنىڭ شۋجيى دۇڭ تيانجۇن مالشىلارعا جاساعان ۇگىت-لەكسياسىندا: «پارتيا 19- كەزەكتى ورتالىق كوميتەتى بەسىنشى جالپى ءماجىلىسى بىزگە ‹14- بەسجىلدىق› ايبىندى جوباسىن كارتينالاپ قالماستان،بولاشاقتاعى مەملەكەت دامۋىنىڭ كوركەم سۋرەتىن ءتىپتى دە بەينەلەپ بەردى. پارتيانىڭ باسشىلىعىندا ءار ۇلت جۇرتشىلىعىنىڭ كۇن كورىسى كۇننەن-كۇنگە، ءسوزسىز،جاقسارا تۇسەتىندىگىنە سەنىمىمىز كامىل» دەدى.
جۋىقتا شاعانتوعاي اۋداندىق مال شارۋاشىلىعى-مال شيپاگەرلىگى مەكەمەسىنىڭ ۇگىت-لەكسيا شاعىن اترەتى بارلىق تاۋى قىستاۋلىقتارىنا بارىپ،«جالپىعا ۇگىت جۇرگىزۋگە ات سالىسايىق» نەگىزگى تاقىرىبىندا تاۋلى رايونداعى مالشىلارعا پارتيا 19- كەزەكتى ورتالىق كوميتەتى بەسىنشى جالپى ءماجىلىسى رۋحىنان ۇگىت-لەكسيا جاسادى ءارى مادەنيەت جەتكىزۋ،عىلىم جالپىلاستىرۋ،زاڭ جالپىلاستىرۋ،دەنساۋلىق ساقتاۋ جاقتاردان ەرىكتى قىزمەت وتەۋ قيمىلىن ورىستەتتى.
شاعانتوعاي اۋداندىق مال شارۋاشىلىعى-مال شيپاگەرلىگى مەكەمەسى ساياسي مايدانى بەرىك،نازاريالىق قابىلەتى نەداۋىر جوعارى جانە سويلەۋ قابىلەتى كۇشتى پارتيا مۇشەلەرى مەن كادرلاردى تاڭداپ،ۇگىت-لەكسيا شاعىن اترەتىن قۇرىپ،ەگىن،مال شارۋاشىلىق رايوندارىنا بارىپ،جالپى ءماجىلىس رۋحىن ۇگىتتەدى.
ۇگىت-لەكسيا جاساۋ قيمىلىندا ءىس جۇزىندىككە،تۇرمىسقا،جۇرتشىلىققا شىنايى جاناسۋعا كەپىلدىك ەتۋ ءۇشىن،اۋداندىق مال شارۋاشىلىعى-مال شيپاگەرلىگى مەكەمەسى ۇگىت-لەكسيا جاساۋ تاسىلىندە جاڭالىق جاراتىپ،قاۋىمدارعا ءبولىپ ۇگىت-لەكسيا جاساۋ،وبيەكتىگە ءبولىپ ۇگىت-لەكسيا جاساۋ،ءوزارا پىكىر اۋىستىرىپ ۇگىت-لەكسيا جاساۋ ءتاسىلى ارقىلى «كىمگە ۇگىت-لەكسيا جاساۋ»،«نەدەن ۇگىت-لەكسيا جاساۋ»،«قالاي ۇگىت-لەكسيا جاساۋدى» ءونىمدى بىرلىككە كەلتىرە وتىرىپ،ءتۇيىندى جۇرتشىلىق اراسىنا ۇلاستىرىپ،كولەمىن كەڭەيتىپ،مالشىلاردىڭ وتباسىنا دەيىن بارىپ،پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ساناعا ءسىڭىرىپ،كوڭىلگە ۇيالاتتى.
ۇگىت-لەكسيانى تىڭداعاننان كەيىن مالشى باقىت: «ءبىز جاڭا داۋىرگە تۋرا كەلدىك،مەملەكەت كۇننەن- كۇنگە قۇدىرەتتەنىپ،حالىق تۇرمىسى بارعان سايىن باقىتقا كەنەلدى،ءتىپتى دە جاقسى ىستەپ،ءتىپتى دە جاقسى تۇرمىس كەشىرۋىمىز كەرەك» دەدى اسەرلەنە.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.