«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالادى
2021-جىلى 1-ايدىڭ 1-كۇنى باسپادان شىققان «ىزدەنۋ» جۋرنالىنىڭ بيىلعى 1-سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى،مەملەكەت ءتوراعاسى،ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 2017-جىلى 1-ايدىڭ 18-كۇنى بىرلەسكەن مەملەكەتتەر ۇيىمىنىڭ جەنەۆاداعى باس شتابىنداعى لەكسياسى «ادامزاتتىڭ تاعدىرلاس ورتاق تۇلعاسىن بىرگە قۇرايىقتى» جاريالادى.
ماقالادا مىنالار باسا دارىپتەلدى: ادامزات زور دامۋ،زور وزگەرىس،زور رەتتەلۋ كەزەڭىندە تۇر ءارى سىن-سايىس تولاستاماعان، حاۋىپ-قاتەر كۇن ساناپ كوبەيگەن داۋىردە تۇر. دۇنيە جۇزىنە نە بولدى، ءبىز قايتۋىمىز كەرەك؟بۇل تۇتاس دۇنيە ءجۇزى وي جۇگىرتىپ وتىرعان ماسەلە ءارى ءوزىم توقتاۋسىز وي جۇگىرتىپ كەلە جاتقان ماسەلە. بەيبىتشىلىكتىڭ ۇشقىنىن ۇرپاقتان- ۇرپاققا اماناتتاپ،دامۋعا سارقىلماس كۇش-قۋات ۇستەپ،وركەنيەت ساۋلەسىن ارايلاتا بەرۋ — ءار ەل حالقىنىڭ تىلەگى ءارى ءبىز وسى بۋىن ساياساتشىلار ارقالاۋعا ءتيىستى جاۋاپكەرشىلىك. جۇڭگونىڭ ۇسىنىسى: ادامزاتتىڭ تاعدىرلاس ورتاق تۇلعاسىن قۇرىپ،تەڭ پايداعا كەنەلۋدى،تەڭ يگىلىكتەنۋدى جۇزەگە اسىرۋ.
ماقالادا مىنالار اتاپ كورسەتىلدى: ادامزاتتىڭ تاعدىرلاس ورتاق تۇلعاسىن قۇرۋدىڭ تەتىگى — ارەكەتتە. حالىقارالىق قوعام سەرىكتەستىك قارىم-قاتىناس،حاۋىپسىزدىك جاعدايى،ەكونوميكالىق دامۋ،وركەنيەتتەر اۋىس-كۇيىسى،ەكولوگيالىق قۇرىلىس سياقتى جاقتاردان قۇلشىنىس جاساۋعا ءتيىس. كەڭەسىپ اقىلداسۋعا تاباندى بولىپ،باياندى بەيبىت دۇنيە ءجۇزىن قۇرۋ كەرەك. بىرگە قۇرىپ،بىرگە كەنەلۋگە تاباندى بولىپ، جاپپاي حاۋىپسىز دۇنيە ءجۇزىن قۇرۋ كەرەك. سەلبەسىپ تەڭ پايداعا كەنەلۋگە تاباندى بولىپ،بىرگە گۇلدەنگەن دۇنيە ءجۇزىن قۇرۋ كەرەك. اۋىس-كۇيىس جاساپ،ءوزارا ۇلگى الۋعا تاباندى بولىپ،اشىق، باۋىرمال دۇنيە ءجۇزىن قۇرۋ كەرەك. جاسىل،تومەن كومىرتەكتى بولۋعا تاباندى بولىپ،تازا،كوركەم دۇنيە ءجۇزىن قۇرۋ كەرەك.
ماقالادا مىنالار اتاپ كورسەتىلدى: دۇنيە ءجۇزى جاقسى بولعاندا عانا،جۇڭگو جاقسى بولادى؛جۇڭگو جاقسى بولعاندا عانا،دۇنيە ءجۇزى اناعۇرلىم جاقسى بولادى. بولاشاققا بەت الساق،بىرىنشىدەن،جۇڭگونىڭ دۇنيە ءجۇزىنىڭ بەيبىتشىلىگىن قورعاۋ بەكىمى وزگەرمەيدى،ەكىنشىدەن، جۇڭگونىڭ بىرگە دامۋدى ىلگەرىلەتۋ بەكىمى وزگەرمەيدى،ۇشىنشىدەن،جۇڭگونىڭ سەرىكتەستىك قارىم-قاتىناس قالىپتاستىرۋ بەكىمى وزگەرمەيدى،تورتىنشىدەن، جۇڭگونىڭ كوپ جاقتىلىقتى قولداۋ بەكىمى وزگەرمەيدى.
ماقالادا مىنالار اتاپ كورسەتىلدى: ادامزاتتىڭ تاعدىرلاس ورتاق تۇلعاسىن قۇرۋ — تاماشا نىسانا ءارى ۇرپاقتار بويى ۇتىلاي العا باسقاندا عانا ورىندالاتىن نىسانا. جۇڭگو بىرلەسكەن مەملەكەتتەر ۇيىمىنا مۇشە مەملەكەتتەرمەن، حالىقارالىق ۇيىمدارمەن جانە قۇرىلىمدارمەن بىرگە ادامزاتتىڭ تاعدىرلاس ورتاق تۇلعاسىن قۇرۋ ۇلى ۇدەرىسىن بىرگە ىلگەرىلەتۋدى قالايدى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى