ەەڭ جاڭا مازمۇندار
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ،دايەكتىلەندىرىپ،شىنايى يگەرىپ،ناقتى ىستەپ،پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتايىق
شينجياڭ تارباعاتاي ءتۇيىندى دامىتۋ،ەسىك اشۋ سىناق رايونى قۇرىلىسى قىزمەتىن بار كۇشپەن ىلگەرىلەتىپ،ءتىپتى دە زور بەكىم،ءتىپتى دە كۇشتى تەبىن،ءتىپتى دە ناقتى شارالارمەن تاماشا باستاما اشۋعا شىنايى كەپىلدىك ەتۋ كەرەك
بيىل رايونىمىزدىڭ قاتىناس-تاسىمال تۇراقتى مۇلكىنە قوسىلاتىن قارجى 60 ميلليارد يۋانعا تايايدى
ۇگىت-لەكسيانى نەگىزگى ساتىعا جەتكىزدى
نازاردى كاسىپ سالالاندىرۋعا شوعىرلاندىرىپ،وسىزامانداندىرۋدى جەبەپ،جوعارى ساپالى دامۋدى ىلگەرىلەتتى
ءماجىلىس رۋحىن جاقسى ۇگىتتەپ،كورىكتى شينجياڭ قۇرايىق
2021-جىلى 1-ايدىڭ 15-كۇنى 12-سان
شاعانتوعاي اۋدانىنىڭ اۋىل شارۋاشىلىق قوسىمشا ونىمدەرى بۇكىل ەلگە تانىلدى
اۋىل شارۋاشىلىق ماشينالارىن ساتىپ الىپ،كوكتەمگى ەگىس جۇمىسىنا دايىندالدى
ىندەتتەن ساقتانۋ ۇگىتىن قىستاقتاعى وتباسىلارىنا جەتكىزدى
قىستاق بەت-بەينەسى وزگەرىپ، قىستاق تۇرعىندارىنىڭ قۋانىشى قوينىنا سيمادى
تاماشا تۇرمىس ەڭبەكتەن كەلەدى
ادەبيەت-كوركەمونەر ويىن نومىرلەرىن قويدى
قاتىناس حاۋىپسىزدىگى ۇگىتى مەكتەپكە جەتكىزىلدى
پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، باتىل دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋعا شىنايى كەپىلدىك ەتۋ كەرەك
ءوندىرىس حاۋىپسىزدىگى قىزمەتتەرىن بار كۇشپەن ناقتى، ويداعىداي يگەرىپ، ءار ۇلت بۇقاراسىنىڭ ءومىرى مەن مال-مۇلكىنىڭ حاۋىپسىزدىگىن شىنايى قورعاۋ كەرەك
ۇزدىكسىز كۇرەس جۇرگىزىپ، ەرلىكپەن العا ىلگەرىلەيمىز
نىسان جەتەكشىلىگى الدىڭعىلاردى باسىپ وزۋعا كۇش ۇستەدى
قىسقى ارەدىكتە جەمىس اعاشىن بۇتاۋدى ۇيرەندى
ستەرەولدى جوعارى ءونىمدى اۋىل شارۋاشىلىق بازاسى قاربالاستىققا ءتۇستى
جاڭا ونەر ۇيرەنىپ، اۋقاتتانۋ ارناسىن كەڭەيتتى
شەبەرلىككە باۋلۋ كۋرسى ونەرلەرىن ءوسىردى
2021-جىلى 1-ايدىڭ 14-كۇنى 11-سان
ازاماتتىق زاڭناما ۇگىتى بۇقارانىڭ زاڭدىق كوز اياسىن ءتىپتى دە كەڭەيتتى
12 نومىرگە جەتپەسە،«زاڭ-تۇزىمدەردى ۇيرەنىپ، تارتىلاتىن ءنومىردى ازايتۋعا» بولاتىن بولدى
ازاماتتىق زاڭنامانى ۇگىتتەپ،جاڭاشا تۇرمىستى ءتىپتى دە نارلەندىردى
قار-مۇز سالتاناتى قىسقى ساياحاتتى جانداندىرا ءتۇستى
جابايى ۇيرەك پەن اققۋ قىزىلتوعاي قىستاعىن مەكەندەدى
رەفورمانىڭ قىزمەت كەلەلى جاعدايىنا اناعۇرلىم جاقسى قىزمەت ەتۋىن ىلگەرىلەتىپ،«14-بەسجىلدىقتىڭ» باستاماسىن جاقسى باستاۋعا،قادامىن جاقسى باسۋعا شىنايى كەپىلدىك ەتۋ كەرەك
ىلە وبلىستىق 14-كەزەكتى حالىق قۇرىلتايىنىڭ 5-ءماجىلىسى جابىلدى

اۋىلداستارىنا سۇيىسپەنشىلىگىن ارناپ،جەلەكتىلەردىڭ ارىنىن ايگىلەدى

جولدانعان ۋاقىتى : 2021/1/7 11:16:14

___ 2020-جىلعى اۆتونوميالى رايوندىق ەڭبەك ەرى الماگۇل قالەل تۋرالى
 □ءتىلشىمىز جاڭ ياڭ

ءدوربىلجىن اۋدانى جەلاعاش   قالاشىعىنىڭ جوعارعى جەلاعاش    قىستاعىنداعى الماگۇل قالەل قىستاق پارتيا ياچەيكاسىنىڭ شۋجيى،ول وسى مىندەتتى ۇستىنە العاننان كەيىن،   قيىنشىلىق پەن جەڭىلىسكە مويىمايتىن جىگەرمەن قىستاق تۇرعىندارىن    اۋقاتتانۋ جولىنا باستاپ،الىس-جاقىنعا اتى ايگىلى اۋقاتتانۋدىڭ كوشباسشىسىنا اينالدى. 2020-جىلى ول اۆتونوميالى رايون جاعىنان ەڭبەك ەرى داڭقتى  اتاعىنا يە بولدى.
بەرىلە ۇيرەنىپ،ۇڭىلە زەرتتەپ،

قيىن ىستەردى باتىلدىقپەن شەشتى

«قىستاق پارتيا ياچەيكاسى   شۋجيىنىڭ ءىس تىندىرا العان-    الماعاندىعىن حالىق باعالايدى».   جوعارعى جەلاعاش قىستاعى قازاق ۇلتىن نەگىز ەتەدى،202 وتباسى 619 جان سانىنىڭ ىشىندە ارحيۆ     تۇرعىزىلىپ،كارتچكالاندىرىلعان 25 كەدەي وتباسى بار. 2016-جىلى 12-ايدا الماگۇل جەلاعاش قىستاعى پارتيا ياچەيكاسىنىڭ شۋجيلىعىنا   سايلانادى.

مىندەتكە تاعايىندالىسىمەن ول  ءوزىن قىستاق تۇرعىندارىنىڭ ءبىر مۇشەسى رەتىندە قاراپ،ءار كۇنى وتباسىلارىن ارالاپ قىستاق تۇرعىندارىنىڭ جاعدايىن ۇعىسىپ،جارعاق قۇلاعى جاستىققا تيمەدى. كەدەي وتباسىلارىن دالمە-ءدال تۇراقتاندىرۋ ءۇشىن،ول ءبىر ساتتە تىنىم المادى. 6-ايدىڭ ىستىعىندا ول كۇنگە توتىعىپ قارايىپ كەتتى،موتوتسيكل ءمىنىپ،ءۇرتىس ءبىر اپتا قىستاقتاعى وتباسىلارىن    ارالاپ ارحيۆ تۇرعىزىلىپ،كارتچكالاندىرىلعان كەدەي وتباسىلارىن     تىزىمدەپ،پارتيانىڭ ابزال ساياساتىن ۇگىتتەدى. سول شاقتا ول قىستاق كوميتەتىنەن قىستاق تۇرعىندارىنىڭ وتباسىلارىنا كەم دەگەندە كۇنىنە 6 رەت شاپقىلايتىن،كەيدە ءتىپتى تاماق ىشۋگە دە مۇرساسى تيمەيتىن. ول ىسكە قۇنتتىلىقپەن كىرىسىپ،    وتباسىلاردىڭ جاعدايىن ءبىر-بىرلەپ ۇعىسىپ،ءبىر وتباسىنا ءبىر ەسەپ داپتەرىن تۇرعىزىپ،كىسى باسىنا قاراي شارا بەلگىلەپ،دالمە-ءدال كەدەيلىكتەن ارىلتۋ شاراسىن ءبىر-بىرلەپ يگەرىپ،ويداعىداي تياناقتاندىردى.

الماگۇل تۇتاس قىستاقتاعى پارتيا مۇشەلەرى مەن قىستاق تۇرعىندارىنىڭ ۇيرەنۋىن مىقتى ۇستاۋعا تاباندى  بولىپ،الىس ارالىقتى وقىتۋ تەكشەسى،كاسىپتەنۋ،شارۋاشىلىق قۇرۋ كۋرسى سياقتىلاردان پايدالانىپ،پارتيا    مۇشەلەرى مەن قىستاق تۇرعىندارىن اۋىل-قىستاققا قاتىستى ءتۇرلى حالىققا تيىمدىلىك جەتكىزۋ ساياساتى مەن كەدەيلىكتەن ارىلتۋدان قامال الۋ  ساياساتىن ۇيرەنۋگە ۇيىمداستىردى. قىستاق تۇرعىندارىمەن ءوزارا    سىرلاسىپ،قىستاق «ەكى كوميتەتىمەن» ءماجىلىس اشىپ،«كەدەيلىكتىڭ تامىرىنا بالتا شابۋ» شاراسىن اقىلداستى. اۋىل شارۋاشىلىعىنا پايدالاناتىن سۋ تاپشى بولۋ،باعىمشىلىق كولەمى شاعىن،  ونىمدىلىگى تومەن بولۋ سياقتى   ماسەلەلەرگە قاراتا،ول قىستاق «ەكى كوميتەتى» القاسىنداعىلاردى باستاپ،ەگجەي-تەگجەيلى جوسپار جاساپ،باعىمشىلىق كاسىبىن دامىتۋدا «ەكى جىلدا قارىز قايتارىپ بولۋ،ءۇش جىلدا كىرىسى بولۋ،بەس جىلدا وزات  قىستاقتاردى باسىپ وزۋ» سىندى دامۋ نىساناسىن ورتاعا قويدى.

ساقا پارتيا مۇشەسى كادىرقان:    «الماگۇل شۋجي تۇسىنبەگەن جەرىن سۇراپ ۇعىسىپ،ۇيرەنىپ العاننان كەيىن بىزگە قولما-قول ۇيرەتەدى، توتەنشە قايسار. ونىڭ باستاماشىلدىعىندا قىستاقتاعى جالقاۋلار بويكۇيەزدىكتەن ارىلدى،قازىر قىستاقتاعى ماجىلىسكە قاتىناساتىن ادامدار بۇرىنعىدان ءبىر ەسە ارتتى» دەدى.

باستاماشىلدىقپەن ۇلگى بولىپ،

اۋقاتتانۋدىڭ تىڭ جولىن اشتى

جوعارعى جەلاعاش قىستاعىنىڭ  كەدەيلەسۋ سەبەبىن تاپقاننان كەيىن الماگۇل ءار كۇنى اتىز باسىنا بارىپ،مالشىلاردىڭ قورا-قالتقىسىن ارالاپ جاعداي ۇعىستى. «الماگۇل شۋجي، راسىندا،كەرەمەت ەكەن،جۇمىس  ىستەگەندە ەر ازاماتتاردان كەم   تۇسپەيدى،كەي كەزدەرى ونىڭ  قالجىراعان بەينەسىن كورگەندە جانىمىز اشيدى» دەدى قىستاق تۇرعىنى    ياڭ شيۋبيڭ.

جوعارعى جەلاعاش قىستاعى ەگىن،مال شارۋاشىلىعىمەن قاتار شۇعىلداناتىن قىستاق بولىپ،ءبيداي،جۇگەرى ەگۋدى جانە سيىر باعىمشىلىعىن نەگىز ەتەدى،قىستاقتا 10 مىڭ مۋدان استام ەگىستىك جەر بار بولعانىمەن،ماشينالى قۇدىقتار كونەرىپ،توعاندارعا لاي-باتپاق تۇنعاندىقتان،سۋ دەڭگەيى  تومەندەپ،اۋىل شارۋاشىلىعىنا پايدالاناتىن سۋمەن قامداي الماي قالعان. وسى ماسەلەنى شەشۋ ءۇشىن،2017-جىلى الماگۇل قىستاق «ەكى كوميتەتىندەگىلەرمەن» اقىلداسا كەلىپ،شارۋا وتباسىلارى قارجى شىعارىپ،كوللەكتيۆ قوسىمشا قاراجات بەرۋ امالى ارقىلى شەشىم ەتۋ بەكىمىنە كەلدى. ول  وتباسىلارىن ءبىر-بىردەن ارالاپ   جۇمىس ىستەپ،قىستاق تۇرعىندارىن ناقتى ءىس-ارەكەتىمەن يلاندىرعاندىقتان،كوپشىلىك قىستاق پارتيا   ياچەيكاسىنىڭ قىزمەتىنە ىرىقتىلىقپەن سايكەسىپ،سول جىلدىڭ وزىندە 2 ماشينالى قۇدىقتى جوندەپ قالپىنا كەلتىرىپ،اۋىل شارۋاشىلىق ءوندىرىس شارت-جاعدايىن جاقسارتتى.

جوعارعى جەلاعاش قىستاعىنداعىلار بۇرىننان سيىر باعىمشىلىعىمەن    شۇعىلداناتىن،ءداستۇرلى باعىمشىلىقتىڭ شەكتەمەسىنە ۇشىراعاندىقتان،سيىردىڭ ءوسىمتالدىعى تومەن،كىرىسى    ماردىمسىز بولىپ كەلگەن. كىرىستى ارتتىرۋعا ورالعى بولىپ وتىرعان وسى ماسەلەنى شەشۋ ءۇشىن،2018-جىلى الماگۇل قىستاق «ەكى كوميتەتىندەگىلەرمەن»،مال دارىگەرلەرىمەن بىرگە زەرتتەۋ جۇرگىزۋ ارقىلى ءوسىمتالدىعى جوعارى،تەز تويىناتىن شينجياڭ قوڭىر سيىرىن ەنگىزۋ بەكىمىنە كەلىپ،ارحيۆ تۇرعىزىلىپ،كارتچكالاندىرىلعان 5 كەدەي وتباسىنا 100 مىڭ يۋان شاعىن سومالى ءوسىمسىز قارىز اقشا الىپ بەرىپ،13 ءناسىلدى بۇقا ەنگىزدى ءارى «ۇسىنىس ەتۋ،سىرتقا شىعارۋ» ادىسىنەن پايدالانىپ،مەرزىم بويىنشا باعىمشىلىق تەحنيكالىق كۋرسىن    اشىپ،قىستاق كادرلارىن،باعىمشىلىق ءىرى وتباسىلارىن ەكسكۋرسيالاۋعا،ۇيرەنۋگە ۇيىمداستىرادى. كەزەكتە بۇكىل قىستاق بويىنشا قوراداعى   سيىردىڭ سانى 630 باسقا جەتىپ،كىسى باسىندىق جىلدىق ورتاشا   كىرىس 5 مىڭ يۋان جوعارىلادى، سونداي-اق 4380 مۋ كوللەكتيۆ جەرىن ءار مۋىن 300 دە 500    يۋاننان جەرگىلىكتى ورىنداعى     باعىمشىلىق ءىرى وتباسىلارىنا    كوتەرمەگە بەرگەن سوڭ،قىستاق كوللەكتيۆىنىڭ كىرىسى 2016-جىلعى 60 مىڭ يۋاننان قازىرگى ءبىر ميلليون 390 مىڭ يۋانعا جەتتى.

ارحيۆ تۇرعىزىلىپ،كارتچكالاندىرىلعان كەدەي تۇرعىن ءجۇرسىن  كەنجەقان: «الماگۇل شۋجي ماعان جول كورسەتۋمەن بىرگە،ۇنەمى ماعان كومەكتەسىپ قورامدى تازالاسادى، ونىڭ كومەگىندە سيىرىمنىڭ سانى 2 دەن 23 كە كوبەيىپ،جىلدىق    كىرىسىم 19 مىڭ يۋانعا جەتتى»  دەدى.

بۇقارامەن ەتەنە بولىپ،

ەڭبەك ەرىنىڭ اسەرى ارتا تۇسۋدە

«بۇقارا جونىنەن العاندا،جۇمىستىڭ بارلىعى ماڭىزدى،قىستاق تۇرعىندارى ۋايىمداپ وتىرعان ماسەلەلەردى   شەشىمدەۋىم كەرەك». الماگۇل وسىلاي ايتقان ەدى،وسىلاي ىستەي دە الدى.

«بۇرىن ەسىك الدى تۇگەلدەي توپىراق جول بولىپ،جاۋىن-شاشىن كۇندەرى لاي-باتپاقتان اياق الىپ جۇرە الماۋشى ەدىك،باعىمىزعا جاراي الماگۇل شۋجيدىڭ سايكەستىرۋىمەن اسفالت جول جاتقىزىلدى،جول  جوندەۋ بارىسىندا ونىڭ الاقاندارى دا ويىلىپ قالدى» دەدى قىستاق تۇرعىنى ەركىنگۇل.

قىستاق تۇرعىندارىنىڭ ءجۇرىس-تۇرىسى قيىن بولۋ ماسەلەسىن    شەشىمدەۋ ءۇشىن،2017-جىلى   الماگۇل مەن قىستاق «ەكى كوميتەتى» ءدوربىلجىن اۋداندىق دەنساۋلىق ساقتاۋ،سالاماتتىق كوميتەتىنىڭ   جوعارعى جەلاعاش قىستاعىندا تۇراتىن قىزمەت اترەتىمەن بايلانىس جاساپ،500 مىڭ يۋان حالىق تۇرمىسىنا   تيىمدىلىك جاساۋ نىسانى قارجىسىن ءوتىنىش ەتتى. سول جىلى 4.8   كيلومەترلىك اسفالت جول سالىپ،ءبىر ميلليون 800 مىڭ يۋان سايكەستىرىلگەن قارجى جانە كوللەكتيۆ توپتاعان قارجىعا 90 جول شىراعىن ورناتىپ،2.9  كيلومەترلىك سۋ سىڭبەيتىن توعان سالدى،قىسقا عانا بىرنەشە ايدا ول ابدەن قالجىراپ،قۇر سۇلدەرى قالعان ەدى.

قىستاقتىڭ ءىرى ىستەرىنە باس قاتىرىپ قالماستان،ول قىستاق  تۇرعىندارىنىڭ مۇڭ-مۇقتاجىن قاشاندا جادىندا ساقتادى.

قىستاق تۇرعىنى لي سۋحۋا بيىل 63 جاستا،بالالارى قاسىندا     بولماعاندىقتان،ءوزى جالعىز تۇراتىن. 2018-جىلعى كۇزگى جيىن-تەرىن مەزگىلىندە الماگۇل قىستاق «ەكى كوميتەتىندەگىلەر» مەن 4 پارتيا   مۇشەسىن باستاپ،ءار كۇنى تاڭعى 8 دە جۇگەرى جيناۋعا باراتىن. باستابىندا جۇگەرى جيناۋدىڭ بابىن بىلمەگەن ونىڭ قولىنىڭ بىرنەشە جەرىن جۇگەرىنىڭ جاپىراعى ءتىلىپ كەتەدى. ءار كۇنى 6 ساعات دامىلسىز جۇگەرى جيناۋ ابدەن بولدىرتقانىمەن ەشكىمدە تايساقتاماي،6 كۇن دەگەندە      لي سۋحۋانىڭ جۇگەرىسىن جيناپ  بولادى. لي سۋحۋا: «بۇل قىزىم   ۇنەمى ماعان امانداسا كەلىپ،ءۇي شارۋاسىن ىستەپ،بار پەيىلىمەن   قارايلاسادى» دەدى.

الماگۇل جۇرتشىلىقتىڭ تالاپ-  تىلەگى جوعارىلاعان سايىن ءوزىنىڭ دە جاۋاپكەرشىلىگىنىڭ اۋىرلاي تۇسەتىنىن ابدەن بىلەدى. ول: «نەگىزگى ساتى كادرىندىك رولىمدى جالعاستى ساۋلەلەندىرىپ،بەرىلە ىستەپ،قۇلشىنا  كۇرەس جۇرگىزىپ،العا ۇمتىلىپ، قىستاق تۇرعىندارىن باقىتتى تۇرمىس كەشىرۋگە باستايمىن» دەدى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى
powered by IlgharCMS 3.2 www.ilghar.cn