2019 — 2020-جىلعى ۇنەمشىل الەۋمەتتىك قۇرىلىم قۇرۋدان ۇلگى
كورسەتەتىن ورىندار مەن ونىمدىلىك جاعىنداعى اتويشىلداردىڭ تىزىمدىگى جاريالاندى
ءتىلشىمىز لي ۋىنحۇڭ،ەرىكتى ءتىلشى جايساڭ سۇلتانيا حابارلايدى. تاياۋدا 2019 — 2020-جىلعى ۇنەمشىل الەۋمەتتىك قۇرىلىم قۇرۋدان ۇلگى كورسەتەتىن ورىندار مەن ونىمدىلىك جاعىنداعى اتويشىلداردىڭ تىزىمدىگى جاريالانىپ،ساۋان اۋداندىق حالىق شيپاحاناسى ۇنەمشىل الەۋمەتتىك قۇرىلىم قۇرۋدان مەملەكەت دارەجەلى ۇلگى كورسەتەتىن ورىندار قاتارىنان ورىن الدى.
اۋداندىق حالىق شيپاحاناسى «امبۋلاتوريادا امبەباپ كارتچكا» ارقىلى قىزمەت وتەۋدى جالپى بەتتىك ىسكە قوسىپ،«ين-يتۇڭ» اۆتوماتتى قىزمەت وتەۋ جۇيەسىن،ءۇنحاتتا قىزمەت وتەۋ ءنومىرىن اشتى. امبۋلاتوريا عيماراتىنىڭ ۇلكەن زالىنان ناۋقاستار اۆتوماتتى قىزمەت وتەۋ جۇيەسى ارقىلى ءنومىر الۋ،قاراجاتتىڭ ىستەتىلۋ جاعدايىن تەكسەرۋ،اقى تاپسىرۋ،كارتچكاعا الدىن الا اقشا سالۋ،تەكسەرىلۋ ناتيجەسىن باسىپ شىعارۋ،سونداي-اق بانكە كارتچكاسىمەن اقى تولەۋ سياقتى قولايلى قىزمەت وتەۋ تۇرلەرىنەن يگىلىكتەنە الادى. بارلىق ينفورماتسيا قاعاز جۇزىندە جەتكىزىلەتىن ءداستۇرلى ۇلگىگە قوش ايتىپ،ينتەرنەتتە ەلەكتروندى جۇمىس ءبىتىرۋدى جۇزەگە اسىرۋ اۋداندىق حالىق شيپاحاناسىنىڭ ۇنەمشىل الەۋمەتتىك قۇرىلىم قۇرۋداعى جارقىن تۇيىنىنە اينالدى.
«قازىر اۋداندىق شيپاحاناعا بارىپ ەمدەلۋ توتەنشە قولايلى،اۆتوماتتى قىزمەت وتەۋ ماشيناسى ارقىلى ءنومىر الىپ،اقشا تاپسىرۋعا بولادى،ۇزاق ۋاقىت قاتارعا تۇرىپ كەزەك كۇتۋدىڭ قاجەتى جوق» دەدى ساۋان اۋدانىنىڭ تۇرعىنى شيە يۇيليان.
اۋداندىق حالىق شيپاحاناسى ساپا باسقارۋ ءبولىمىنىڭ مەڭگەرۋشىسى، سۇيەك ءبولىمىنىڭ ورىنباسار مەڭگەرۋشىسى حۋ جىلين: «بۇرىن شيپاگەرلەر رەتسەپ جازعاندا بۇكىلدەي قولمەن جازاتىن،قازىر اقى الۋ تارتىبىنە وزگەرىس ەنگىزگەننەن كەيىن، ناۋقاستاردىڭ ەمدەلۋىنە قولايلى بولۋمەن بىرگە،قاعازدىڭ ىسىراپ بولۋىن دا زور مولشەردە تومەندەتتى» دەدى.
ينفورماتسيالاندىرۋ قۇرىلىسىن جاپپاي ىلگەرىلەتۋمەن بىرگە،اۋداندىق حالىق شيپاحاناسى ۇنەمشىل الەۋمەتتىك قۇرىلىم قۇرۋدىڭ ولشەمى مەن تالاپتارىنا قاتاڭ نەگىزدەلىپ،ءتۇزىم قۇرىلىسى،ۇگىت-تاربيە،فۋنكتسيالىق رولىن ءبولۋ،ەنەرگيا ۇنەمدەۋ بويىنشا وزگەرىس ەنگىزۋ سياقتى جاقتاردان كۇش سالىپ،ەگجەي-تەگجەيلى باسقارۋ شارالارىن جاپپاي اتقارىپ،ەمدەۋ قىزمەت وتەۋىنىڭ جوعارى ءونىمدى جۇرگىزىلۋىن ىلگەرىلەتتى.
«شيپاحانامىز باياندى دامۋ مەن ەنەرگيا ۇنەمدەۋدى شيپاحانا باسقارۋ قىزمەتىنىڭ تۇتاس بارىسىمەن ساباقتاستىرىپ،جىڭىشكە بۋىنداردان باستاپ كىرىسىپ،جاڭا ەنەرگيا،جاڭا تەحنيكا،جاڭا ونىمدەردى پايدالانۋدى ىشكەرىلەي جالپىلاستىرماقشى» دەدى اۋداندىق حالىق شيپاحاناسى قوجالىق ءبولىمىنىڭ باستىعى كان حۇڭ.
2018-جىلى اۋداندىق حالىق شيپاحاناسى اۆتونوميالى رايون دارەجەلى ۇنەمشىل الەۋمەتتىك قۇرىلىم اتاعىن ەنشىلەپ،2019-جىلى 12-ايدا اۆتونوميالى رايون دارەجەلى ەكىنشى توپتاعى ۇنەمشىل الەۋمەتتىك قۇرىلىم قۇرۋدان ۇلگى كورسەتەتىن ورىن بولىپ باعالاندى. ءبىرقىدىرۋ شارالاردىڭ جەتەكشىلىك ەتۋى جانە اتقارىلۋى شيپاحانانىڭ ەنەرگيا ۇنەمدەپ،ىعىستىرۋدى ازايتۋدىڭ تەجەمدىك سيپاتتى كورسەتكىشىن جۇزەگە اسىرۋىنا كەپىلدىك ەتىپ، شيپاحانانىڭ ءارى جاقسى،ءارى تەز دامۋىن ىلگەرىلەتتى.
تاياۋ جىلداردان بەرى اۋداندىق حالىق شيپاحاناسى رەتتەۋ،تارتىپكە سالۋ،تازالاۋ،تازا ۇستاۋ،ءتالىم- تاربيە،حاۋىپسىزدىك سياقتى 6 تۇردە بىرەگەي باسقارۋ،قۇرىلعى جابدىقتاردى جاڭالاۋ سياقتى ءبىرسىپىرا شارالار ارقىلى جەتەكشىلىك ەتكەندىكتەن جانە وسى تۇزىمدەردى اتقارعاندىقتان، شيپاحانانىڭ اينالىم قارجىسى زور مولشەردە تومەندەپ،ەنەرگيا ۇنەمدەۋدىڭ ۇزاق ونىمدىلىككە يە مەحانيزمىن ورناتۋدى ءونىمدى ىلگەرىلەتتى.
«بۇدان بىلاي قالىڭ ەمدەۋ قىزمەتكەرلەرىنىڭ ەنەرگيا ۇندەمدەۋ،ىعىستىرۋدى ازايتۋ تانىمىن اناعۇرلىم جوعارىلاتىپ،ەنەرگيا ۇنەمدەپ، ىعىستىرۋدى ازايتۋ قىزمەتىنىڭ اقاۋسىز،جۇيەلى ورىستەتىلۋىن جەبەپ،ۇنەمشىل،جاسىل،ورتانى قورعايتىن شيپاحانا قۇرىلىسىن ىلگەرىلەتىپ،سالامات ساۋان قۇرۋعا ۇلەس قوسامىز» دەدى اۋداندىق حالىق شيپاحاناسى پارتكوم كەڭسەسى،شيپاحانا كەڭسەسىنىڭ مەڭگەرۋشىسى لۋ دۇڭحۋا.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى