___ «13-بەسجىلدىق» جوبا مەزگىلىندەگى ايماعىمىزدىڭ ساۋداگەر باۋراپ،قارجى ەنگىزۋ قىزمەتىنە جالپى شولۋ
□ تىلشىلەرىمىز ۋاڭ گاۋشىڭ، ليۋ ۋي
جۋ كىرگەن ايازدى كۇن،اتىراپ تىنىشتىققا شومعانىمەن شاۋەشەك قالاسى شاشا قالاشىعى ورتا اشۋتاس قىستاعىنىڭ كورىنىسى مۇلدە باسقاشا بولىپ،قىستاقتاعى شينجياڭ حۋاليڭ ساننۇڭ جايلىم مال شارۋاشىلىعى شەكتى سەرىكتەستىگىنىڭ باعىمشىلىق الاڭى مەن ءوندىرىس سەحنداعى جۇمىسشىلار قاربالاس جۇمىس ىستەۋدە.
شينجياڭ حۋاليڭ ساننۇڭ جايلىم مال شارۋاشىلىعى شەكتى سەرىكتەستىگى شاۋەشەك قالاسىنىڭ 2018-جىلى ساۋداگەر باۋراپ،قارجى ەنگىزگەن نىسانى،جالپى ءبىر ميلليارد 550 ميلليون يۋان قارجى قوسىپ،ەكى مەرزىمگە ءبولىپ جۇرگىزۋدى جوسپارعا العان. ەتتى سيىر اسىل تۇقىمىن جەتىلدىرۋ،كولەمدەندىرىپ ءوسىرۋ،بورداقىلاۋ،جەم-ءشوپ جانە ورگانيكالى تىڭايتقىش وڭدەۋ، جەتكىزۋ،سونداي-اق تەحنيكالىق قىزمەت وتەۋدى نەگىز ەتكەن شاۋەشەك ەتتى سيىر عىلىم-تەحنيكا كاسىپ باقشاسىنىڭ سەنترلى باقشا رايونى.
بۇل نىسان 2018-جىلى قۇرىلىس باستاپ شاڭىراق كوتەرىپ،ءبىرىنشى مەرزىمدە 500 ميلليون يۋان قارجى تياناقتانىپ،30 مىڭ باس سيىر بورداقىلاۋ الاڭىن،200 باس اسىل تۇقىمدى اتالىق سيىر پۋنكتىن،1000 باس انگۋس ەتتى سيىرىن بورداقىلاۋ الاڭىن،1000 باس سورتتى ەنەلىك سيىرىن تاڭداپ ۇرىقتاندىرۋ،جەتىلدىرۋ الاڭى مەن 100 توننا جەم- ءشوپ مانەرلەۋ،جەتكىزۋ قۋاتى بار مانەرلەۋ،جەتكىزۋ ورتالىعىن قۇردى.
2020-جىلى بۇل نىسان مەجەمەن توڭىرەگىندەگى اۋىل-قالاشىق، قىستاق-دۇيلەردى 100 باستان استام اسىل تۇقىمدى اتالىق سيىرمەن قامداپ،20 مىڭ باس سيىردى بورداقىلاپ بازارعا شىعارىپ،300 ميلليون يۋان تيجارات كىرىسىن جۇزەگە اسىرىپ،ءبىر جىلدا ورنىقتى جاعدايداعى قولدا بار مال مولشەرى 30 مىڭ باسقا جەتتى. باقشا رايونىنىڭ دامۋىنا تۇرتكى بولعان اسىل تۇقىمدى سيىر جەتىلدىرۋمەن شۇعىلداناتىن ەگىنشى-مالشىلار مەن 150 سەلبەستىك كووپەراتيۆى 30 مىڭ باس اسىل تۇقىمدى ەنەلىك سيىردى اسىلداندىرىپ جەتىلدىرىپ،جەرگىلىكتى ورىنداعى ەگىنشى-مالشىلاردىڭ كىرىستەرىن ارتتىرۋىنا دەمەۋشى بولدى.
شاۋەشەك قالالىق ساۋدا ىستەرىنە قىزمەت وتەۋ ورتالىعىنىڭ ورىنباسار مەڭگەرۋشىسى شاۋ يىڭنىڭ تانىستىرۋىنشا،بۇل نىساننىڭ ەكىنشى مەرزىمىنە 656 ميلليون يۋان قارجى قوسۋ جوسپارلانىپ، قولدا 100 مىڭ باس ەتتى سيىر باعىپ،ساتىلىم سوماسىن مەجەمەن 4 ميلليارد يۋانعا جەتكىزىپ،8 ميلليون يۋان پايدا تابىسىن ىسكە اسىرىپ،500 دەن استام ادامدى جۇمىستاندىرۋمەن بىرگە،اۋماعىنداعى اۋىل شارۋاشىلىق،قاتىناس،اسحانا،قىزمەت وتەۋ سياقتى سالالاردىڭ دامۋىنا باستاماشىلىق ەتتى.
«13-بەسجىلدىق» جوبادان بەرى ايماق ساۋداگەر باۋراپ،قارجى ەنگىزۋ قىزمەتى مەحانيزمىن اناعۇرلىم كەمەلدەندىرۋ جانە قارجى قوسۋ ورتاسىن ساپالىلاندىرۋ،ساۋداگەر باۋراپ،قارجى ەنگىزۋ نىسانىنىڭ ناقتىلى ونىمدىلىگى مەن باعىتتامالىلىعىنا باسا ءمان بەرۋ،جەرگىلىكتى ورىننىڭ ابزال بايلىق قاينارى كاسىبىن دامىتۋعا ءتۇيىندى باۋلۋ ارقىلى كورنەكتى ونىمدىلىككە قول جەتكىزدى. قارجى ەنگىزۋ نىسانى 1-،2-،3-كاسىپتى قامتىپ، سەلبەسكەن كاسىپورىندار مەملەكەت مەنشىگىندەگى،حالىقتىق جانە جارنالىق تۇزىمدەگى كاسىپورىنداردى ءوز ىشىنە قامتىدى.
ساۋان اۋدانى ماقتا ەگۋدى نەگىز ەتكەن اۋدان بولىپ،ءار جىلعى ماقتا ەگۋ كولەمى ورنىقتى ءبىر ميلليون 800 مىڭ مۋ اينالاسىندا بولادى.
2020-جىلى ساۋان اۋدانى ساۋداگەر باۋراپ،قارجى ەنگىزۋ ارقىلى ساۋان اۋدانىنىڭ حۇڭجي اۋىل شارۋاشىلىعىن دامىتۋ شەكتى سەرىكتىگىن جاڭادان قۇرىپ،جالپى 38 ميلليون يۋان قارجى جۇمساپ،10–ايدا رەسمي وندىرىسكە قوسىلىپ تيجارات باستادى. نىساننىڭ قۇرىلۋى ماقتا ءوندىرۋ،مانەرلەۋ، توقىماشىلىق،كيىم تىگۋ كاسىبى تىزبەگىنىڭ ۇلاسا دامۋىن ءونىمدى ىلگەرىلەتىپ،بازار بايلىق قاينارىن ءتىپتى دە ءونىمدى ورنالاستىردى.
ساۋان اۋدانى حۇڭجي اۋىل شارۋاشىلىعىن دامىتۋ شەكتى سەرىكتىگىنىڭ زاڭدىق ۋاكىلى حان بو: «نىساننىڭ قۇرىلۋى ماقتا كاسىبىنىڭ دامۋعا شەشۋشى قادام تاستاعاندىعىنان دەرەك بەرەدى. سورتىن تاڭداۋ،ەگۋ،اتىزدى باپتاپ-باسقارۋ،ماقتا جيناۋ، مانەرلەۋدەن مەرزىمدى تاۋار + دايىن تاۋار سىندى ساتۋ ۇلگىسىن جۇزەگە اسىرامىز» دەدى.
ۇعىسۋعا قاراعاندا،2016-جىلدان بەرى ايماق 623 نىسانعا ساۋداگەر باۋراپ،152 ميلليارد 36 ميلليون يۋان قارجى ەنگىزىپ،55 ميلليارد 669 ميلليون يۋان قارجى تياناقتانىپ،526 كاسىپورىن ىرگە تەپكەن. تياناقتانعان قارجى ايماقتىڭ تۇراقتى مۇلىككە قوسىلاتىن قارجىنىڭ سالىستىرماسىنان 50 نەشە پايىز ارتىپ، ساۋداگەر باۋراپ،قارجى ەنگىزۋ ايماقتىڭ ەكونوميكالىق دامۋىن ىلگەرىلەتۋدەگى ماڭىزدى قوزعاۋشى كۇشكە اينالعان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى