□ ءتىلشىمىز ۋاڭ گاۋشىڭ، پراكتيكانت ءتىلشى ۋاڭ زىلين
2020-جىلى شاۋەشەك قالاسى ەمىل اۋىلىنىڭ سىگۇڭ قىستاعى ايماقتىق پارتكوم توراپ ينفورماتسيا كەڭسەسى مەن ساياسات زەرتتەۋ كەڭسەسى بىرلەسكەن قىزمەت اترەتىنىڭ كومەگىندە نىسان قارجىسىن تىرەك ەتە وتىرىپ،ءوندىرىس،تۇرمىس قۇرىلعىلارىن ۇزدىكسىز جاقسارتىپ،ارحيۆ تۇرعىزىلىپ،كارتچكالاندىرىلعان كەدەي وتباسىلارىنىڭ ىشكى قوزعاۋشى كۇشىن قاۋلاتىپ،كورىكتى اۋىل-قىستاق قۇرۋدىڭ ناقتى ونىمدىلىككە قول جەتكىزۋىنە كۇش ۇستەدى.
سىگۇڭ قىستاعى اۋىل شارۋاشىلىعىن نەگىز ەتەتىن،نەگىزىنەن جۇگەرى ەگىمشىلىگىمەن شۇعىلداناتىن قىستاق،كىسى باسىنا ورتا ەسەپپەن 13 مۋدان ەگىستىك جەرى بار بولىپ،جالپى تۇلعالىق جاقتان ەكونوميكالىق شارت-جاعدايى ءبىرشاما جاقسى. ءوندىرىس،تۇرمىس نەگىزدىك قۇرىلعىلارى سالىستىرمالى تۇردە مەشەۋ بولعاندىقتان،قىستاق تۇرعىندارىنىڭ تۇرمىس ساپاسىنىڭ جوعارىلاۋىنا ىقپال كورسەتىپ كەلگەن.
2020-جىلى قىستاق ءبىر ميلليون 200 مىڭ يۋان نىسان قارجىسىنان پايدالانىپ،قىستاقتىڭ 3 كيلومەتر تاس جولىن جاڭالادى. قىزمەت اترەتى كەدەيلەردى سۇيەمەلدەۋ نىسان قارجىسىنان 3 ميلليون يۋاندى قولعا كەلتىرىپ،120 مىڭ يۋانىن ارحيۆ تۇرعىزىلىپ،كارتچكالاندىرىلعان كەدەي وتباسىلارىنىڭ اۋلا قۇرىلىسىنا پايدالانىپ،قالعان قارجىنى 12 كيلومەترگە جۋىق جاياۋلار جولىنا ءتۇستى كەرپىش جاتقىزۋعا پايدالاندى.
قىستاق پارتيا ياچەيكاسىنىڭ شۋجيى جاڭ فاحۋ: «قىزمەت اترەتى قىستاققا كوپتەگەن ناقتى،جاقسى ىستەر ىستەپ بەردى. قىستاق جولدارى تۇگەلدەي جاڭادان جاتقىزىلعان اسفالت جولدار، ءارقايسى ءۇيدىڭ ەسىك الدىنا دەيىن تۇتاسقان جولدىڭ ەكى شەتىنە ءتۇستى كەرپىش جاتقىزىلدى،ءجۇرىس- تۇرىسقا قولايلى بولىپ قانا قالماستان،ءوندىرىس،تۇرمىس ماتەريالدارىن تاسىمالداۋعا دا قولايلى بولدى،ولارعا ەرەكشە العىس ايتامىز» دەدى.
قىستاق تۇرعىنى جۋ ۋاندى ارحيۆ تۇرعىزىلىپ،كارتچكالاندىرىلعان كەدەي وتباسى ەدى،2020-جىلى ول اۋلا قۇرىلىسىنا بەرىلگەن 20 مىڭ يۋاننان پايدالانىپ،اۋلاسىنا جاڭادان قاقپا جانە 45 مەتر ۇزىندىقتاعى قورعان سالىپ الدى. جارىم مۋدان ارتىق كوكونىس اتىزىنا ماۋسىمدىق كوكونىس ەگىپ،2000 يۋاننان ارتىق تۇرمىستىق شىعىندى ۇنەمدەدى.
قىستاقتاعى ارحيۆ تۇرعىزىلىپ، كارتچكالاندىرىلعان باسقا 5 كەدەي وتباسى دا جۋ ۋاندى سياقتى اۋلا شارۋاشىلىعىن دامىتۋ ارقىلى سول جىلى ءار وتباسى كىرىسىن 500 يۋاننان ارتىق ارتتىرىپ،كەدەيلىكتەن ارىلىپ،كىرىستى ارتتىرۋدىڭ نەگىزىن اناعۇرلىم بەكەمدەدى.
سىگۇڭ قىستاعىنىڭ ادامى از،جەرى كوپ،تۇرعىنداردىڭ تۇراقتى كىرىسى بولعاندىقتان،ىشەر اس،جاتىن ورىننان تارىقپايدى،الايدا «ورتاسى لاس، بىلىققان،ناشار» قىستاق بەت-بەينەسى تۇرمىس دەڭگەيىنە ساي كەلمەيتىن ەدى.
2020-جىلى قىزمەت اترەتى مەن قىستاق «ەكى كوميتەتى» تىعىز سايكەسىپ،اۋىل-قىستاق قونىس ورتاسىن رەتتەۋ جونگە سالۋدى وراي ەتە وتىرىپ 20 مىڭ يۋاننان ارتىق قارجى قوسىپ،كۇرەۋ،تاسىمالداۋ ماشينالارىن مايعا الىپ،20 حاۋىپتى ءۇي،1220 مەتر حاۋىپتى قورعاندى قۇلاتىپ جانە تازالاپ،93 وتباسىنىڭ دارەتحاناسىن جاڭالادى.
قىزمەت اترەتى مەن قىستاق «ەكى كوميتەتى» اۋلا شارۋاشىلىعى قۇرىلىسى مەن قىستاق ورتا تازالىعىن رەتتەۋ-جونگە سالۋ قىزمەتىن بىردەي مىقتى يگەرىپ،قىزمەت اترەتىنىڭ مۇشەسى مەن قىستاق كادرلارى باستاماشى بولىپ،قىستاق تۇرعىندارىن بەلگىلى ۋاقىتتا ءوندىرىس،تۇرمىس قوقسىقتارىن تازالاپ تۇرۋعا ۇيىمداستىردى.
كوتەرمەگە الىپ،بايلانىس ورناتقان كادرلار كوتەرمەگە الىپ،بايلانىس ورناتقان وتباسىنىڭ اۋلاسىن جاسىلداندىرۋ جاعدايىن باقىلاۋعا جاۋاپتى بولىپ،قىستاقتاعى 126 تۇراقتى وتباسى اۋلاسىن تۇگەلدەي جاسىلداندىرىپ، ءتۇرلى كوكونىس ەگىپ،«ورتاسى لاس،بىلىققان،ناشار بولۋ» جاعدايى كورنەكتى وزگەردى.
قىزمەت اترەتىنىڭ باستىعى ريزابەك قۇرمانعازى: «الداعى جەردە ءبىز كەدەيلىكتەن ارىلتۋدان قامال الۋ جەتىستىكتەرىن بەكەمدەۋ مەن اۋىل-قىستاقتى گۇلدەندىرۋدى ءوزارا ۇشتاستىرىپ،كورىكتى اۋىل-قىستاق قۇرۋمەن بىرگە،قىستاق تۇرعىندارىن بىرلىكتە اۋقاتتانۋ جولىنا تۇسۋگە باستايمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى