■ مەملەكەتتىك كەڭەستىڭ شينجياڭ تارباعاتاي ءتۇيىندى دامىتۋ،ەسىك اشۋ سىناق رايونىن قۇرۋدى ماقۇلداۋى شيحۋ قالاسىندا قىزۋ اڭىس قوزعادى
ءتىلشىمىز ياۋ ميڭ،ەرىكتى ءتىلشى ليۋ جيانپيڭ حابارلايدى. جاقىندا مەملەكەتتىك كەڭەستىڭ شينجياڭ تارباعاتاي ءتۇيىندى دامىتۋ،ەسىك اشۋ سىناق رايونىن قۇرۋدى ماقۇلداۋى جونىندەگى قۋانىشتى حابار شيحۋ قالاسىنداعى ءار ۇلت كادرلارى مەن بۇقارانى جىگەرلەندىردى. كوپشىلىك جابال مىنانى ءبىلدىردى: «14 – بەسجىلدىقتىڭ» باستالاتىن جىلىندا تارباعاتاي ءتۇيىندى دامىتۋ،ەسىك اشۋ سىناق رايونى سىندى وسى ورايدى مىقتى يگەرىپ،دامۋدى جەدەلدەتىپ،شيحۋ ەكونوميكاسىنىڭ جەدەل دامۋ ارناسىنا تۇسۋىنە كۇش ۇستەيمىز.
شيحۋ قالالىق ساۋدا جانە ونەركاسىپتى ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ۋاڭ شىڭ: «مەملەكەتتىك كەڭەستىڭ شينجياڭ تارباعاتاي ءتۇيىندى دامىتۋ،ەسىك اشۋ سىناق رايونىن قۇرۋدى ماقۇلداۋى تارباعاتايدى اناعۇرلىم ويداعىداي اشۋ قۇرىلىسىنا مىعىم قوزعاۋشى كۇش ۇستەدى. شيحۋ قالاسى وسى ساياساتتىق باسىمدىقتى تىعىز توڭىرەكتەي وتىرىپ،‹14-بەسجىلدىقتىڭ› باستالاتىن جىلىمەن ۇشتاستىرىپ،دامۋ جوباسىن قۇلشىنا جاقسى جاساپ،ونەركاسىپ كاسىپورىندارىنىڭ تيبىن جاڭالاپ، دەڭگەيىن جوعارىلاتۋدى جەدەل ىلگەرىلەتىپ،اناعۇرلىم ءونىمدى، زەردەلى،قولايلى ساۋدانى دامىتۋ ارناسىن قالىپتاستىرىپ،شيحۋ قالاسىنىڭ ءتۇرلى قىزمەتتەرىنىڭ جاڭا ونىمدىلىك جاراتۋىن ىلگەرىلەتەدى» دەدى.
شينجياڭ شيحۋ اۋىل-قىستاق ساۋدا بانكەسى جارنالىق شەكتى سەرىكتەستىگى پارتكومىنىڭ مۇشەسى، ورىنباسار بانكە باستىعى فۋ ماۋفىن: «ءبىز وسى دامۋ ورايىنان تولىق پايدالانىپ،اۋىل شارۋاشىلىعى،اۋىل- قىستاق ەكونوميكاسىنىڭ دامۋىن بار كۇشپەن قولدايمىز. بيىل شارۋالاردىڭ كوكتەمگى ەگىس وندىرىسىنە 2 ميلليارد 200 ميلليون يۋان قارىز اقشا تاراتىپ،قالىڭ ەگىنشى قاۋىمنىڭ كوكتەمگى ەگىس ءوندىرىسى سۇرانىسىن قاناعاتتاندىرۋدى جوسپارلاپ وتىرمىز؛7 ميلليارد يۋان قارىز بوساتىپ شيحۋ قالاسىنداعى حالىق باسقارۋىنداعى شاعىن،ۇساق كاسىپورىنداردىڭ دامۋىنا قولداۋ كورسەتىپ،شاعىن،ۇساق كاسىپورىندارعا ۇزدىكسىز قىزمەت وتەپ،حالىقتىق ناقتى ەكونوميكانى قولداپ،جالپىعا ءتيىمدى فينانستى زورايتىپ، كۇشەيتىپ،شاعىن،ۇساق كاسىپورىنداردىڭ قارجى قۇراۋ ماسەلەسىن شەشۋگە كومەكتەسىپ،شيحۋ ەكونوميكاسىنىڭ دامۋىنا ۇلەس قوسامىز» دەدى.
2020-جىلى 10-ايدا شيحۋ قالالىق حۋاتاي مۇناي حيميا ونەركاسىپ شەكتى سەرىكتەستىگى جۇمىستى،ءوندىرىستى قالپىنا كەلتىردى. سەرىكتەستىك پارتيا ياچەيكاسىنىڭ شۋجيى،سەرىكتەستىكتىڭ ورىنباسار ديرەكتورى،جۇمىسشىلار ۇيىمىنىڭ ءتوراعاسى جاڭ جيشۋە: «مەملەكەتتىك كەڭەس شينجياڭ تارباعاتاي ءتۇيىندى دامىتۋ،ەسىك اشۋ سىناق رايونىن قۇرۋدى ماقۇلدادى،جاڭا جىلدا كوپتەگەن ءتيىمدى ساياسات ايماعىمىزعا تياناقتانىپ،بۇدان شيحۋ قالاسىنداعى كاسىپورىندار دا يگىلىكتەنەتىن بولادى. كەلەسى قادامدا جۇمىسشىلار ۇيىمىنىڭ رولىن ساۋلەلەندىرىپ،ساياساتتىق باۋلۋ ارقىلى جۇمىسشى-قىزمەتكەرلەردىڭ يگىلىك مامىلەسىن جاقسارتىپ، كىرىسىن ارتتىرىپ،سەرىكتەستىكتىڭ اقاۋسىز دامۋىنا ۇلەس قوسامىز» دەدى.
مەملەكەتتىك كەڭەستىڭ شينجياڭ تارباعاتاي ءتۇيىندى دامىتۋ،ەسىك اشۋ سىناق رايونىن قۇرۋدى ماقۇلداۋى شيحۋ قالاسىنىڭ ءارقايسى اۋىل- قالاشىقتارىنداعى كادرلار مەن بۇقاراعا زور شابىت بەرىپ،مۇنان بىلايعى دامۋ جونىندەگى سەنىمىن ارتتىرا ءتۇستى. شيحۋ قالاسى گانحىزى قالاشىعىنىڭ ورىنباسار باستىعى گو نا: «ءبىز وسى ءبىر دامۋ ورايىن مىقتى يگەرىپ،اۋىل-قىستاقتى گۇلدەندىرۋ كەلەلى ءىسىن ويداعىداي ورىنداپ،اۋىل-قىستاق قۇرىلىسى ارەكەتىن اتقارىپ،اۋىل شارۋاشىلىعى، اۋىل-قىستاق رەفورماسىن تەرەڭدەتىپ،اۋىل شارۋاشىلىعى، اۋىل-قىستاق،شارۋالار قىزمەتىن دامىتۋدىڭ ءبىرقىدىرۋ شارالارى ارقىلى قىستاق تۇرعىندارىنىڭ مۇنان كەيىنگى تۇرمىسىن ءتىپتى دە جاقسارتا تۇسەمىز» دەدى.
شيحۋ قالالىق قامداۋ-ساتۋ كووپەراتيۆى نۇڭشيڭ نۇڭلى اۋىل شارۋاشىلىعىن دامىتۋ شەكتى جاۋاپكەرلىك سەرىكتەستىگىنىڭ ورىنباسار باس ديرەكتورى حان جياۋي: «اناعۇرلىم كوپ ابزال ساياساتتاردىڭ اتقارىلىپ،وسى زامانعى اۋىل شارۋاشىلىعىنىڭ دامۋىن قولداپ، اۋىل شارۋاشىلىعىنىڭ ساپاسىن ۇزدىكسىز جوعارىلاتىپ،ونىمدىلىكتى ارتتىرۋىن جەبەۋىن ءۇمىت ەتەمىن» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى