ءتىلشىمىز داي جياۋمەي حابارلايدى. جۋىقتا پارتيا ورتالىق كوميتەتىنىڭ بەكىتۋىمەن،مەملەكەتتىك كەڭەستىڭ بۇرىشتاما جازۋىمەن 2021-جىلدان باستاپ ءار جىلعى 1-ايدىڭ 10-كۇنى «جۇڭگو حالىق ساقشىلارى مەرەكەسى» بولىپ بەلگىلەندى.
«ءبىزدىڭ دە مەرەكەمىز بار بولدى!» حاباردى ەستىگەننەن كەيىن،ايماعىمىزداعى ءارقايسى اۋدان،قالاداعى قوعام حاۋىپسىزدىگى ساقشىلارى بارىنشا شابىت الدى. كوپشىلىك جابال مىنالاردى ءبىلدىردى: بۇل شابىتتاندىرۋ مەن جىگەرلەندىرۋدى سارقىلماس قوزعاۋشى كۇشكە اينالدىرىپ،«قوس 100 جىلدىق» كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا حاۋىپسىز،ورنىقتى ساياسي، قوعامدىق ورتا جاراتۋعا ۇلەس قوسامىز. «جۇڭگو حالىق ساقشىلارى مەرەكەسىنىڭ بەلگىلەنۋى ءاربىر حالىق ساقشىسىنا دەگەن ەڭ ۇلكەن تۇراقتاندىرۋ. ساقشى كيىمىن كيگەننەن كەيىن ءومىر بويى ساقشىلىق بورىشىمدى وتەيمىن،الداعى جەردە مۇنان زور شابىت الىپ،ساقشى بولۋداعى اۋەلگى ماقسات پەن بورىشتى ەستە بەرىك ساقتاپ،باتىلدىقپەن جاۋاپكەرشىلىك ارقالاپ،ىسكەرلىك كورسەتىپ،شارتسىز ادال،شارتسىز كىرشىكسىز،شارتسىز سەنىمدى بولاتىن ساياسي قاسيەتتى ماڭگى ساقتايمىن» دەدى ساۋان اۋداندىق قوعام حاۋىپسىزدىگى مەكەمەسى ساياسي قىزمەتتى باقىلاۋ كەڭسەسىنىڭ ورىنباسار مەڭگەرۋشىسى سۋ گاڭۋي.
1-ايدىڭ 8-كۇنى تۇڭعىش رەتكى جۇڭگو حالىق ساقشىلارى مەرەكەسى قارساڭىندا،شاۋەشەك قالالىق قوعام حاۋىپسىزدىگى مەكەمەسى ەسىرتكىگە تيىم سالۋ ۇلكەن اترەتىنىڭ حالىق ساقشىلارى شاشا قالاشىعىنا بارىپ،ءتۇرلى فورماداعى باي مازمۇندى،ءونىمدى ۇگىت قيمىلدارىن ورىستەتىپ،مەرەكەلەرىن قۇتتىقتادى.
شاۋەشەك قالالىق قوعام حاۋىپسىزدىگى مەكەمەسى ەسىرتكىگە تيىم سالۋ ۇلكەن اترەتىنىڭ باستىعى لي جۇڭچياڭ: «شاۋەشەك قالاسىنداعى قوعام حاۋىپسىزدىگى سالاسىنىڭ ءبىر مۇشەسى رەتىندە، توتەنشە ماقتانىش سەزىنەمىن،جۇڭگو حالىق ساقشىلارى مەرەكەسىنىڭ بەلگىلەنۋى كاسىپتىك ماقتانىش سەزىمىمىز بەن تاۋەلدىلىك سەزىمىمىزدى كۇشەيتىپ،كۇرەس جىگەرىمىزدى تاسقىنداتىپ،جاۋىنگەرلىك قۋاتىمىزدى كۇشەيتتى. الداعى جەردە مۇنى قوزعاۋشى كۇش ەتىپ،‹فىڭچياۋ تاجىريبەسىن› ىشكەرىلەي ۇيرەنىپ جانە ساۋلەلەندىرىپ، بۇقارالىق قىزمەتتى قانىما ءسىڭىرىپ، كوكەيگە ۇيالاتامىن» دەدى.
1-ايدىڭ 9-كۇنى شاۋەشەك قالالىق قوعام حاۋىپسىزدىگى مەكەمەسىنىڭ ساقشىلار دەنە تاربيە سارايى شاتتىققا شومىپ،قىزىل ءتۇستى كەرمە تۋعا جازىلعان «تۇڭعىش رەتكى جۇڭگو حالىق ساقشىلارى مەرەكەسىن قۇتتىقتايمىز» دەگەن جازۋ ەرەكشە كوز تارتتى. بۇلىكتەن قورعانۋ جاتتىعۋى،بارلاۋشى يتتەردىڭ ونەر كورسەتۋى،ادەبيەت-كوركەمونەر كونسەرتى سياقتى قيمىلدار بىرىنەن-ءبىرى تارتىمدى بولىپ،دابىرالى ورىستەتىلىپ،جۇرت جۇرەگىن جەلپىندىردى. ءبىرىنشى رەتكى وزدەرىنە تاۋەلدى مەرەكەنى قۇتتىقتاۋ ءۇشىن،قوعام حاۋىپسىزدىگى مەكەمەسى زەينەتكە شىققان حالىق ساقشىلارى مەن حالىق ساقشىلارىنىڭ وتباسىنداعىلاردى قۇتتىقتاۋ قيمىلىنا قاتىناسۋعا ۇسىنىس ەتتى.
زەينەتكە شىققان حالىق ساقشىسى ازات قىزىر: «بىلتىر باس شۋجي شي جينپيڭ تۇڭعىش رەت حالىق ساقشىلارىنا تۋ تاپسىرعان ەدى،بيىل 1-ايدىڭ 10-كۇنىن جۇڭگو حالىق ساقشىلارى مەرەكەسى ەتىپ بەلگىلەدى،بۇل پارتيا مەن مەملەكەتتىڭ حالىق ساقشىلارى قوسىنىنىڭ مىندەتتى ادالدىقپەن وتەپ،ەرلىكپەن كۇرەس جۇرگىزىپ،قۇربان بەرۋ، ۇلەس قوسۋ رۋحىن تولىق تۇراقتاندىرعاندىعىن ايگىلەدى» دەدى.
ازات قىزىر: «ساقشىلاردىڭ باستى ماقساتى — حالىق ءۇشىن قىزمەت وتەۋ،ءارقاشان حالىقتىڭ مۇددەسىن كوكەيگە ساقتاۋ كەرەك،جاڭا داۋىردەگى ساقشىلاردىڭ اعا بۋىنداردىڭ جاپا-ماشاقاتقا مويىمايتىن رۋحىنان ۇيرەنىپ عانا قالماستان،جاڭالىق اشۋ رۋحىن ساۋلەلەندىرىپ،تارباعاتايدىڭ تىنىشتىعى،قوعامنىڭ ورنىقتىلىعى جانە حالىقتىڭ تىنىش ءومىر،شات-شادىمان تىرشىلىك كەشۋىنە كۇش-قۋاتىن ارناۋىن ءۇمىت ەتەمىن» دەدى.
شاۋەشەك قالالىق قوعام حاۋىپسىزدىگى مەكەمەسى پارتكومىنىڭ مۇشەسى،ورىنباسار مەكەمە باستىعى چىن جىنحۋا: «حالىق ساقشىلارى مەرەكەسى حالىق ساقشىلار قوسىنى جونىنەن زور داڭق ءارى جاۋاپكەرشىلىك؛شابىتتاندىرۋ ءارى قاتاڭ تالاپ بولىپ تابىلادى. الداعى جەردە ءبىز ءتىپتى دە قۇلشىنا قىزمەت ىستەپ،ساياسي ارقىلى ساقشى قوسىنىن قۇرۋ باعىتىندا تاباندى بولىپ،حالىقتى وزەك ەتىپ،بار ىنتا-پەيىلىمىزبەن حالىق ءۇشىن قىزمەت وتەيمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى