قارىز اقشا سايكەستىرىپ،ورتانى وڭاپ،قالامشا تاراتتى...
ءتىلشىمىز لي دان،ەرىكتى ءتىلشى جۋاڭ تاۋ حابارلايدى. تاياۋدا ءدوربىلجىن اۋدانى جەلاعاش قالاشىعى نارىنشاعانكول قىستاعىنىڭ تۇرعىنى ۋاڭ حايپيڭ: «ەكى جىلدان بەرى قىستاعىمىز كورىكتەنىپ، شارۋالاردىڭ كىرىسى ارتتى. قىستاق ‹ەكى كوميتەتى› مەن قىزمەت اترەتىنىڭ قاجىرلى ەڭبەگىنە العىس ايتامىن» دەدى.
2020 -جىلدان بەرى ءدوربىلجىن اۋداندىق ءتارتىپ تەكسەرۋ،باقىلاۋ-تەكسەرۋ كوميتەتىنىڭ نارىنشاعانكول قىستاعىندا تۇراتىن قىزمەت اترەتى مەن قىستاق «ەكى كوميتەتى» تۇتاس قىستاقتاعى 193 وتباسىنداعى 598 ادامنىڭ جاعدايىن تولىق انىقتاپ،يكەمدى جۇمىستانعاندارعا ديناميكالى قاداعالاۋ جۇرگىزىپ ءارى قاداعالاۋ ەسەباتىن ورناتىپ،ءبىر ادامدا ءبىر قىزمەت ورنى بولۋعا شىنايى كەپىلدىك ەتتى.
2020-جىلدىڭ باسىندا قىزمەت اترەتى مەن قىستاق «ەكى كوميتەتى» جەلاعاش قالاشىعى اۋىل-قىستاق سەنىمدى قارىز كووپەراتيۆىمەن بەلسەنە بايلانىس جاساپ،شارۋالارعا 7 ميلليون 470 مىڭ يۋاننان استام قارىز اقشا سايكەستىرىپ بەردى.
قىستاق تۇرعىنى سايلامبەك سىلامبەك قارىز اقشا الىپ،ەگىمشىلىك كاسىبىن دامىتۋ ارقىلى كەدەيلىكتەن ءساتتى ارىلدى. قازىر ول 700 مۋ جەردى كوتەرمەگە الىپ،كىسى باسىندىق جىلدىق كىرىسى 40 مىڭ يۋانعا جەتكەن.
قىستاقتىڭ نەگىزدىك قۇرىلعىلارى مەشەۋ،ورتا تازالىعى ناشار بولۋ ماسەلەسىنە قاراتا،2019-جىلى قىستاق كوللەكتيۆى 100 مىڭ يۋانعا جۋىق قارجى قوسىپ،50 بوس ءۇي مەن قورانى،2 كيلومەتر قۇلاعان داۋال،قيراعان تامداردى تازالاعان. 2020 - جىلى جانە 80 مىڭ يۋان قارجى قوسىپ،تۇتاس قىستاقتاعى اۋلالاردىڭ جەرىن تەگىستەپ بەرسە؛ءبىر ميلليون 690 مىڭ يۋان نىسان قارجىسىنان پايدالانىپ،تۇتاس قىستاقتاعى جاياۋلار جولىنا ورنەكتى كەرپىش جاتقىزدى.
قىستاق پارتيا ياچەيكاسىنىڭ شۋجيى لي فۋجياڭ: «قىستاقتىڭ ورتاسىن كوركەيتۋ ءۇشىن،قىستاق كوللەكتيۆى 52 مىڭ يۋان قارجى شىعارىپ،قىستاق جول اۋىزدارىنداعى 15 مۋ جەرگە كورىنىس اعاشىن ەكتى» دەدى.
كورىنىس اعاشىنىڭ جاقسى ءوسۋى ءۇشىن،قىزمەت اترەتى جىبەرگەن ورىننان 24 مىڭ يۋان قارجى سايكەستىرىپ،2 كيلومەتر ۇزىندىقتاعى راچەتكا ورناتتى.
ۇعىسۋعا قاراعاندا،قىزمەت اترەتى جىبەرگەن ورىننان 15 مىڭ يۋان قارجى سايكەستىرىپ،تۇتاس قىستاقتاعى 85 تۇراقتى وتباسىنا الما اعاشى قالامشاسىن تاراتقان ءارى مىڭ شوجە، بالاپان قاز ساتىپ الىپ بەرگەن.
«قىزمەت اترەتىنىڭ زور كۇشپەن قولداۋىندا قىستاق ۇلتتىق سالت- سانا مادەنيەتى،حالىقتىق تۇسەلحانا،تاعامجاي،تابا نان ءبىر تۇلعالانعان كەدەيلەردى سۇيەمەلدەۋ شەبىن قۇرىپ،مادەنيەت كاسىبى ماركاسىن كۇش سالا جاراتىپ،قالىڭ شارۋالاردىڭ كىرىسىن ارتتىرۋ ارناسىن كەڭەيتتى» دەدى لي فۋجياڭ.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى